CHAPITRE LXXII

Quelle noblesse le comte de Charolois avoit ensa com paignie, et de la feste que son père lui st à Lisle.

Le comte de Charolois avoit en sa compaipnie alors sept ou huit cents chevaliers et escuyers ; avoit tous les enfans du comte de Sainct-Pol aveucques ly, le comte de Marle, le comte de Brienne, le seigneur de Roussy , le seigneur de Fiennes, messire Jehan de Lucembourg, son frère, le fils du prince d'Orenge, seigneur de Chasteau-Guyon, multitude de grans barons de Hainaut et de Flandres , qui tous l'accompaignoient et voloient porter dur et mol aveucques [y; et donnoient bien à congnoistre aux gens, qu'en ly avoit vertu et corage, et magnificence de bault prince; mès la mélancolie qu'il prist en Croy, et en ce que par ly lui vint et estoit procuré, ce lui sambloit, devers le roy et ailleurs , lui rabbattit la chière tel fois fust ; tel fois aussy qu'il n’en fit samblant ne fois, car ce ne lui estoit gaires. Le duc lui fit bonne chière toujours tant qu'il estoit à Lisie; de jour à aultre soupoit en bancquet aveucques ly et aveucques la ducesse de Bourbon son ante. Là avoit aussi le duc de Bourbon et le duc de Guerles, dont la suite estoit tant plus grande ; et deux ou trois fois le comte disna aveucques son père, seul à seul assis; et en quoi tout homme prenoit grand plesir , pour:

cause que longuement avoient esté en discord ensemble, souverainement pour la cause &u

matère du comte de Nevers et de ceux de Croy, qui ennemis lui estoient autour de son père. Si s’en estoit perceu maintenant plus clèrement que jamès par avant, quoiqu'il en dissimuloit. Et pourtant fit chière à son fils de bon cuer, et s'esjoyssoit en sa veue, et desiroit bien qu'il se tenist aveucques ly tout quoy ; mès craingnoit qu'en longue résidence il ne voulsist tout mettre à sa disposition et appréhender à ly le gouvernement des pays et de son estat ; car ainsy l’avoient informé les Croyois, qui gouvernoient , que ainsy en avenroit; et pourtant le douta le duc, qui le congnoissoit fier et de hault corage; et n'eust jamès volu vivre en tutelle de son fils, pour souffrir mort. Mès touttes-fois, tant y avoit de sens au fils et grand vertu, et tant porta honneur à son père et à sa haute glorieuse renommée, qu'il n’eust faict , ne volu faire, ne machiner, ne riens volu emprendre touchant gouvernement sur le père, non plus que sur sa mort; mès seulement désireit et tendoit à ce que son père congneust la bonté et l'innocence de ly encontre ses ennemis accuseurs, et qu'il congneust la malice et la perversité de ceulx aussi qui entour de ly estoient et qui le gouvernoient, et pendoient sa maison et sa personne en branle de perdicion et de mille dangiers irréparables. Cecy estoit le gouvernement seul qu'il quéroit en court. Et pour ce que jamès n'avoit esté receu en ceci , mais toujours débouté et démenti, ce avoit esté la cause de son eslonge. Temprement toutefois, après ce que les ambassadeurs du roy estoient partis de Lille, le duc le fit venir en son oratoire, là où, après la messe, devisèrent ensemble par l'espasse près de deux heures, entre eulx deux tant seulement en conclave.

Et là donna le comte à entendre à son père plusieurs grans secrets, lui desliant tout le -8ac de son amertume ; et toutes les causes de ses doléances et plaintes mist devant les yeulx, par vérité approuvée ; mena le père à compassion et à fréeur en l'esperit des choses oyes. Ly-meismes , en pité de son propre cas, fit sa relacion en larmes, et fit tourner le cuer du père aussi en larmes. La responce du père fut en mitigeant toujours la douleur du fils; et le contendement du fils n'’estoit que d'imprimer vivement au cuer du père

GEORGE CHASTELLAIN

la cause de sa mélancolie. Le père en conceut beaucoup et logea tout en cuer ; mès s'esmerveilloit durement et s’espoentoit quasi en sou admiration ; varioit en croire aulcune fois ou en non croire; là où créance mettoit, lui dressoient les cheveux ; et là où varioit , ne sçavoit taire ne dire; envis créoit, dont oncques n'avoit eu expérience; et à dur aussi mescréoit son fils, dont l'angoisse du cuer portoit son témoignage. Enfin et sur le tout lui dist : « Charles, vous seul m'estes fils et moi vostre père ; si ai le coeur envers vous comme doit avoir père envers son fils. Quiconques aultres me servent et sont à l'entuur de moy, ils ne me sont pas comme vous; ils me sont serviteurs ; ils me sent estranges; et vous ma chair et ma substance. Si ne me peut le cuer mentir envers vous ne qu’envers moimesmes. Si tels ou tels vous grièvent et contrarient, s'ils vous héent ou s'ils vous craignent, et qu'en cely regard ils machinent en aultrui vostre grief, et se mésusent, ce poise moi, et me touce au cuer comme mon propre, et ne l'oublierai point. Mès considérant la variation des divers temps qui rendent diverses estrangelés, considérant aussi l'in clination des h:mmes à diverses fins, aveucques la muableté de fortune qui perturbe les princes ou les royauimes soubs escarceté de vertu, bon fait, me samble, en tous haulx cas et difficiles aller à pois et à petit pas, sans soi esmovoir en légèreté. Pacience en grand homme le maine à désirée fin, et dissimulation portée cautement lui procure glorieuse vengeance. Je suis aujourd'hui sur mes vieux jours; j'ai pris ung ploy en moy que je s garde dès oncques ; j'ai volontiers norri paix en ma maison, enchassié division où j'ai peu, rompu bendes et compleu à deux lez. Se meschief y avoit occult aucun touchant konneur, sauf qu'il ne tournast en mon corps, je l'ai voluntiers estaint ; je n’ai souffert esclandrir nulluy ne debouter de son service, ne presté légière oreille sur gens de bien ; et sr j'y ai congneu ou perceu mal, si m'en suis-je dissimulé pour mieulx faire. Se voudroie, Charles, qu'ensi en feissiez pour l'amour de moy et pour le bien que je regarde qui vous en avenra. De mon pooir et de mon devoir aussi je vous porterai; vos ennemis sont les miens ;

et ne se pora riens faire contre vous que ie re m'en deule. Mès en la présente matère en quoi le roy s'est bouté, et que aultre l'y a attrait, il y faut aller à sens et à longue traite ; et enfin sans que je face grand esclandre de riens, tout venra à congnoissance. Les malvais toujours s'abattent de leur cop , et les bons se font congnoistre par leur prudence. Je vous ai oy à pité, mès je vous croy à regret, parce que amer m'est percevoir et maintenir faulte là où oncques ne la pensoie. Et ne feust l'intégrité qui doit estre de vous à moy et de moy à vous, à peine y poroie-je adjouster foi. Toutefois vous estes mon fils, et emprès vous tout le monde ne m'est riens. Se vous me volez estre et demorer bon fils, je vous serai bon père , et du surplus je ferai bien. »