CHAPITRE XC

Comment l’aucteur rècite la mort subite de ce due Philippe et la variété du jugement de Dieu.

Ce duc Philippe icy , de subite mort en ses vieux jours, comme j'ay dit, fut estaint par nuit, cCoucié en ses fleumes, mal secouru et mal gardé. Si avoit-il teutes-fois les mèdecins couchans toutes les nuits au pius près de sa chambre. Alès son aventare estoit tele , et tele a souffert Dieu à venir; et à if seul j'en laisse le jugement pourquoi, ne se à ses amis ce doit estre d'espoir ou de peur.

Mès sans moy bouter follement en divin secret, 1l en peult, ce me samble, de bien mocir et finer soudainement, surpris, et de mal

[1467] CHRONIQUE DES DUCS DE BOURGOGNE.—III PART

terminer non moins en fin avisée , et en parolle à délivre.

Dont , et se de vertu et de bonne haulte renommée en singuliers titres, on peut espérer en l’omme salutaire mort, de meismes à sa vie. Je me ose fier donc en la miséricorde de Dieu, au moins à y fonder mon espoir de son saulvement ; car avoit vertus et matère en ly sur quoy et pour quoi. Et n'y a qu'une seule chose qui m'en donne peur , ne qui en combatte mon espérance : c'est la très extreme et très abondante mondaine félicité qu'il a eue et obtenue tout son vivant, en toute acquiescence de fortune et de souhait de cuer , plus qu'oncques homme. Cestui seul point et article me fait varier souvent , pensant et demandant à moi-meismes se Dieu jamès lui pourroit avoir donné son paradis en ce monde, comme icy ou ailleurs Dieu paie l'omme seloncq ce qu'il le congnoist , etseloncq ce qu'en sa saincte providence il est préveu de sa fin. Mès laissant icellui paiement , ne où que Dieu l'ait tourné à ce duc défunt, ou en ce monde ou ailleurs, mès oncq homme , ce crois-je, ne fust plus grand en terrien voyage que cestui, ne plus béat en toutes condicions et circonstances. Mès si avoit-il de vertus aveucques ce et de ÿraces venans de là hault, pour lesquelles on le réputoit digne de bénédictions surabondantes. Et recongnoissoit bien Dieu ; et estoit humain et piteux, et véritable, et débonnaire , et léal comme fin or ; et avoit toute condicion de noble homme, et telle qu'à hault prince duit et siet. Donc, se les vices ont esté de plus grand pois que ses vertus , cela je ignore ; le samblant au moins ne l'a point porté. Mès le dehors de l'homme jusqu'à sa fin a donné espoir à tout le monde de sa miséricorde , p'us tost que du contraire ; et dont en Dieu je me remets de ce qui lui en plai::.