CHAPITRE CXVI

Comment une partie du peuple gautois attendoieut le réception du duc Charles, lesquels macinèrent secrétement une commocion.

En Bruges doncques estoit la consultation tele comme vous avez oye, et estoit le duc en bonne volenté envers son peuple de Gand.

Mès en Gand y avoit une toutte aultre consultacion secrette aussi, et par avis précogitée , et laquelle cestes gens qui estoient à Bruges devers le duc isnoroient. Car, comme le peuple savoit bien et créoit de certain que infailliblement le duc venroit prochainement en Gand faire son entrée et prendre possession du pays, pourgettoit aussi en son entendement et en malice , que maintenant il seroit heure toutte propre pour faire et pour donner confusion à ses gouverneurs et à ceux qui desroboient et 'levoient , ce disoient, les impitoyables cueilloites qui sur le peuple couroient, encontre Dieu et raison, et en contraire de tout droit; car le prince avoit esté piéça payé, ce disoit le peuple, et toutie ia ville relevée à deux fois double du dommage qu'eHe en avoit receu. Etcombien que je nomme le peuple en général, toutte la généralité du peuple touttes-fois n'estoit point d'une secte ne d’ung propos en malice, ne en secrète emprise, fors tant seulement en une commune doléance très bien des cueilloites qui couroient égualement sur ung et sur aultre , et par quoy de commune playechascun pooit faire commune plainte. Mès fault entendre que, comme en ung tel monde de gens qu'il y a en Gand il y en a de divers corages et de divers propos , les ungs bons et les aultres maulvais , certes aulcuns particuliers, et en grand compétent nombre, malvais, vileins et fiers rebelles meutins, avoient conspiré ensamble secrètement pour: faire une levée bien estrange à l'entrée de ce duc, tendans à venir à leurs fins, principalement pour mettre jus ceste cueilloite par maistrise, et pour mettre à confusion les cueilleurs d'icelle ; pensans et arguans entre eux que leur nouveau prince le duc s’y consentiroit par force , et n'y sçaroit mettre

11467] remède quand il les verroit esmeus. Si disoit l'on, en sievant ce, et comme depuis il fut trouvé, que secrettement et en couvert ils

. avoient fait faire nouvelles banières, et les

tenaient mucées jusques au jour de. leur aïaire; car les banières généralement leur avoient été tollues par la paix de Gavre; et ne pooient nulles avoir désormès , sur peine de mort et de paix enfrainte. Si s'en estoient-ils maintenant avanciés toutes-fois , et présumés oultrageusement d'en faire faire des nouvelles, et pour prendre leur ralliement dessoubs elles, quand ils auroient mis avant et monstré leur oultraige.