CHAPITRE XX

Exhortation de messire Jehan de Luxembourg à contrevenger la prise de Roye.

‘: Durement fut troublé l'ost de ceste nouvelle, et souverainement messire Jehan dessusdict. Non de riens plustriste de ce, mais enfelly de couraige, sur piés commande à sonner trompettes, traire chevaulx et armer gens, gringnant les dens et jurant : « Par l'ame monseigneur mon père! aujourd'huy nous verrons de bien près Ces Armignacs ; mais se la terre ne les sauve par dessoubs, en Roye n'a porte ne mur, et fust de fer , qui les garantist de nos mains, ou nos archicrs nous fauidront et nous alenteront nos bras ardans à l'estour contre nostre espoir. » Si reconfortoit son ost çà et là et l'encoragoit par meismes son fier semblant, qui ne faisoit ‘extime d'eulx ne que s'ils ne fussent; mais disoit : « Seigneurs, or nous est bien belle aventure ceste prinse de Roye que nos ennemis au front de notre ost nous sont veaus buillier pour nous enaigrir; Car voyent peut estre que nous dormons longuement en nostre receue injure; et pensans que nous ayons tout oublyé, nous viennent resveiller par nouvelle haultaine, aflin de nous avoir comme ils désirent devant leurs glaives trenchans. Mais à dure heure pour eulx sera ceste esmeute; et m'en donne espoir ung bon jugement; dont ne puis hors. Car eulx meismes en continuant leurs mesfais se defferont, et nous cuidans faire nouvelle offence sur autre, de eulx meismes nous apportent la pugnicion et victoire entre nos mains, et plus et plus nous justiflient en nos querelles , et eulx plus et plus se condemhent, et provocquent fortune contre eulx:

Çà messeigneurs! çà à cheval! montous au nom de Dieu, tirons aux champs, disposons nos batailles, et nous enfiérissons en nos. harnois, et aujourd'huy en ceste nouvelle querelle, de pité qui oncques ne fu combatue, hélas! monstrons nouvelle vertu et nouvelle haultesse de coraige.C'est nostre wemier ost, c'est le commencement d'ar-

mée d'ung nouveau duc qui mainte autre plus fière en fera par vos mains. A ceste cause vengeons sa honte aujourd’ huy à nos povoirs et entamons Ceste guerre par entrée de bel exploit. Ce nous sera grant eur de Je faire et los perpétuel d'y avoir esté. »