CHAPITRE CII

Comment le duc Charles fut en grand péril d’aucuns Gantais et comment le seigneur de Gruthuse parlementa à eulx.

Alors ledict de Gruthuse respondit doulcement, et leur dit : « Mes enfans, appaisezvous et vous maintenez doulcement, par la saincte passion de Dieu! et je m'en yrai devers le duc lui faire le bon recort de vous, et comment vous avez bien et noblement parlé touchant ly et tous les siens, et comment vous n'en volez qu’à aulcuns de la ville et desquels vous faites ces plaintes : si vous certifie, mes

enfans, que monseigneur de eulx de et toutes aultres choses vous fera bonne raison, et vous assistera. Mès, pour l'onneur de Dieu, maintenez-vous doulcement et quoyement, sans faire rien de novel tant que je reviegne; et moi, à toutes hurtes, je demorrai meismes emprès de vous. »

A tant se partist le bon chevalier et s’en revint devers le duc, à qui il raconta tout ce qui estoit dit et fait, qui en frongna le front, et en estoit bien en sa male paix ; et eust bien volu avoir esté ailleurs, pour le dangier qu'il véoit et perchevoit bien, que maugré ly et contre cuer il se convenroit ploier envers ces villains, et leur accorder tout ce qu'ils vouldroient, ou attendre plus grand grief, ce que à grand dur portoit, quelque samblant qu'il en feist. Car vous dis bien que, quelque nouvel seigneur qu'il estoit, si portoit-il en couvert corrage une haulte extreme volonté de non se souffrir fouler par nulles voies, ains de porter l'espée si roide et si ague, que le monde trembleroit devant ly s’il pooit vivre ; et bien le monstra depuis , cela est tout cler, en de bien haulx et grans affaires, et dont il dompta et confondit Gantois depuis, seulement en la crainte et en la terreur de son nom.

Or estoit tout ce peuple gantoissur le grand marchié du vendredi à hacques et à macques, tont cousu en fer, et à haultes bannières levées, touttes novellement faites ; et à tous lez affuioient gens armés devers le grand flot, à diverses cohortes ; et tant croissoient et multiplioient, que c'estoit ung horreur. Et en passant parmi les rues, ainsi qu'ils s assembloient par troupeaux, et qu'ils trouvoient gens de court d'aventure, doucement disoient toutesfois : « Messeigneurs, n'ayez nulle peur ; nous ne quérons riens qu'amour envers vous et tout service. Allez là où il vous plaist : vous n'estes en nul dangier ; nous sommes tous pour vous et pour vous servir. » Et ainsy passoient oultre; combien qu'en teles paroles et en teie mufacion n'y avoit cely qui ne tremblast de peur, et eust volu estre à cent lieues loing ar. rière, car oncques si horrible frayeur n'avoient veuc.

Or estoit le due à cheval atout ses nobles et archiers; et s'en vint radde envers le mar chié là où estoient ces mutins, et le seigneur

de Gruthuse emprès 1y, pour cause du pays et du language. Siarriva au marchié ; et alors, ainsi qu'il approchoït et que l'on se perchevoit de sa venue, tout ce grand monde de peuple-se commença à serrer et à soi frémir sur son baston, chacun soy traiant dessoubs sa bannière, et criant : Sfa/ sta! car ne savoïent à quelle intention il venoit devers eulx, ou pour bien ou pour mal ; car véoient ses archiers venir en leurs brigandines, sallade en teste et les arcs bandés, et estre en grand nombre et en grand monstre, belles fortes gens et raddes, et dont la manière de venir sur eulx portoit, ce leur sambloit, menace. Si s’esmeurent en les voyant venir, et doutèrent la fureur du prince ; et firent entre eulx une haulte estourmison de voix cpmme pour grand péril en eschevir.

En cely point, le duc s’apparut sur le marchié , en sa robe noire, atout ung petit baston en sa main; et d'entrée, comme il vint à l’assamblement où cestes gens estoient, tendant à passer parmi eulx et pour aller descendre en une maison là où les princes de tout temps descendent en tel temps, demanda à eulx en passant : « Que vous fault-il? et qui vous esmeut , malvaises gens ? » Et usa de chaleur et d'aisres paroles ; et en passint en férit ung de son baston, dont il se trouva prestement en dangier de sa vie, car disoit l'on que Île battu le porta à dur, et qu'il jura le sang et les plaies; et de fait ,'avecques menace, rua après ly en boutant d'une pique pour le tuer,

et parla à 1y fellement et fièrement sans ré-

vérence. Et de quoi le dangier estoit si #rand et si près, que tout le monde ne l'eust pu réparer, se Dieu non seul qui contretint le meschief, et [à où il n y avoit ne archier ne noble homme ,'ne homme, tant feust asseur, qui pe tramblast de peur et qui n'eust volu estre en Inde pour sauveté de sa vie , et souverainement pour le jeusne prince qu'ils réputoient estre venu [à dolorosement en sa mort.

Alors le seigneur de Gruthuse , qui estoit emprès ly, et vit ce meschief et le grand oultrage de son maistre, lui dist fellement et rabouamment : « Que maugré en ait cely et eely! que vole--vous faire ? Nous volez-vous faire tuer nous trestous et morir ici honteusement sans défense par vostre chaleur ? Jù

GEORGE CHASTELLAIN

cuidiez-vous estre? Ne véez vous que vostre vie et la nostre pend à moins que à un fil de soie ? et venez ici rabouer ung tel monde par menaces et par dures paroles, qui ne vous poisent ne ne vous prisent, par ainsi faire, ne que le moindre de nous ; car sont en fureur, là où il n’y a raison ne lumière ? Par la mort que Dieu porta ! se vousestes content de morir, ce ne suis-je pas, que ce ne soit maugré moi :

car vous poez bien faire aultrement, et les rappaïisier par doulx, etsauver vostre honneur. Qui est ce qui le doit ne qui le peult faire, fors vous seul? Déa! que Dieulx en puist rire!

vostre corrage n’est point de lieu ici, sinon que vous l’amolliez et le tournez envers ces povres brebis, ung povre desvoié peuple que vous remettrez en sa quoieté par unÿ mot. Çà, çà , descendez , au nom de Dieu et montez là hault, et vous monstrez, et vous faites valoir et prisier par vostre bon setis, eltout prendra bonne fin et joyeuse. »