CHAPITRE CIIL

Comment les navieurs et bouchiers de Gand se vindrent joindre avecques le duc, lequel monta en hault au grand marchié pour parler à eulx.

Comme doncques le meschief estoit de ce ribaut qui se sentoit battu, et grognoit mordant les dens fellement sur son prince , et là

‘où il y en pooit avoir des aultres de semblable

volenté à l'aventure pour faire ung doloreux meschief, aulcunes bannières toutefois qüi là près estoient, et véoient et ooient ceste rumeur autour du duc leur prince, prestement et à tout effort se vindrent joindre de y pour Îe défendre, et luy vindrent dire : « Monseigneur, assurez-vous, et n'ayez nulle peur ; nous viverons et morrons emprès vous ; et n'y aura si hardi qui vous ose mesfaire ; et s’il y a des malvais garchons 1icy sans révérence et sans cremeur, souffrez, pour Dieu! ung bien pétit, et vous en serez bien vengié ci-après ; mès maintenant il n'est point heure , pour peur de plus grand mal. »

Si fut bien joieux le duc de ceste assistance, et s’en rasseura tant mieux; et furent les navieurs , bouchiers, et poissonniers et aulcuns aultres qui là se vindrent joindre aveucques

11467] ly atout leurs bannières, là où il y avoit grand monde. Or, estoit monté le duc en la haulte maison sur le marchié, et se montra aux fenestres. Et comme il estoit tout escollé du seigneur de Grathuse, qui près ly estoit, et de son chancelier, et d’aultres beaucoup, que doucement et bénignement devoit parler à eulx, commencha à parler et dist en flameng : « Mes enfans, Dieu vous garde et sauve! Je suis vostre prince et naturel seigneur, qui veus viens visiter et conjouir de ma présence pour vous mettre en vostre paix.

Si vous prie qu'en faveur de moi vous veuillez doucement porter et vous contretenir ; et tout ce que je poray faire pour vous, sauf men honneur, je le ferai; et vous accorderai ce qui me sera possible. » Et alors tout d'une voix crièrent contre mont : « Hée! Wille-comme!

Wille-come ! bienviegnez, bien viegnez , monseigneur! Nous sommes tous vos enfans et vous remercions de vostre bonté envers nous. » Et alors le seigneur de Gruthuse, par charge du duc, reparla arrière, disant : « Messeigneurs, véez ci vostre prince , vostre naturel seigneur d'ancienne hoirie , et qui ne l’est pas

par acquest, ne par achat, ne par tyrannie,

mais l’est d'ancienne production de six cens ans, qui oncques ne faillit; siques il a vraie espérance en vous que veus le recognoissiez vostre droiturier et naturel prince, comme vous avez fait ses devanciers. Se doncques aulcune chose ne vous plest envers iy, comme vostre prince et seigneur il vous prie que vous ly veuillez doulcement tenir tels termes comme il affiert à bons enfans à leur prince, et il vous sera et veult estre bon et amiable en tout ce que l'en vouldrez requerre. » Et alors respondirent tous à haulte voix : «Monseigneur, grand mercy, grand mercy ! vous estes nostre prince et n'en sçavons point d'autre , et sommes vos enfans. Mais nous vous prions qu'il vous plaise nous faire raison de ces mangeurs de foie qui gastent vostre ville , et nous mettent à pain quérir, et sont meismes de méchant lieu et de povre venue. Et les avons veus povres galoppins tous quetifs ; et maintenant sont seigneurs du vositre qu'ils nous desrobent; et ont les terres et les seigneuries et les grands estats de vos propres deniers, que vous ignorez ; mais font à croire au povre

CHRONIQEE DES DUCS DE BOURGOGNE.—III PART

peuple que vous les avez et retenez, ce que non. Si requérons d'avoir audience pour le vous remonstrer vivement, à fin tele que vous après en puissiez faire à l'expédient de ls chose qui vous compète et à nous. »