CHAPITRE yyl

Comment les dauphinois furent at aqués dans Roÿe.

Telles ec si faites parolles mettoit avant ce gentil chevalier, le comte de Ligny, non pas qu'il besoingnast à ses gens, mais de gaycté

de ceur qui tout s’espanoïssoit en trouver

tanstostses ennemis. Son ostrenga etle mist en belle ordonnance et bien asseuré, et sans effroy le mena droit le chemin de Rove, car là entendoit à logier. Si furent les principaulx de ceste routte dessoubs le chief ledict comte : le seigneur de Lille-Adam, mareschal de France, le vidame d'Amiens, le seigneur de Croy, messire le Borgne de Fosseux, Jehan de Fosseux, frères, le seigneur de Longueval, Hector et Philippe de Saveuses, le seigneur de Humbercourt, messire Jehan de Hutekerque, le seigneur de Cohen et grant nombre d'autres vaillans chevaliers et escuiers que pour cause de briefté je trespasse ; et les mettray autre part , en lieux peut estre emprès leurs fais. Coureurs doncques furent envoyés devant et descouvreurs de pays. Dont les aucuns jà abbordés à la ville trouvèrent encoires les eschielles dressées, par où estoit prinse et par où les ennemis estoient montés dedens.

Assez tost furent perceus; et vit-on bien à leur contenement qu'il leur venoit sieute.Si se trairent aux créneaulx des murs les daulphinois ; et eulx préparant aigrement à deffense montèrent arbalestres, estoupèrent veuglaires et canons , saisirent grosses pierres emprés eulx et bastons criminels pour ferir de main ; visaige monstroient durement fier, et à tout homme approchant d'eux ennemityé mortelle; car trait et plommées envoyèrent par les champs , si dru entre ces coureurs que à peine nul s'y osoit arrester, tant s'en trouvérent garnis dedens, sans ce que eulx meismes y avoient apporté.