CHAPITRE CXITI

Comment les Gantois, après la remonstrance des gens de bien , envoyèrent vers le duc.

Comme doncques j'ai tiré Je due hors ae Gand, et mené à Brusselles en paisible possession de Braïbant, qui pendoit en dangier à l'exemple des Gantois, me convient retourner en arrière envers eux, pour raconter comment , après son partement, se maintenoient en la ville. Car, à ce que j'en oys conter , et comme il est vraisamblable, doleur et contricion y eut grande en Gand, entre notables, du meschief aveau; et entre ceux qui l'avoient promeu et fortifié par erreur prise, commençoit à germer repentance el confusion de leur honte. Et eussent plusieurs entre eulx volu estre en Ynde la grand, pour non avoir part en la male aventure du cas :

car fondoient et farinoient en leur péchié , et comme plus goustoient et sapoient leur crime commis, comme plus le trouvoient amer et reprochable, et plus de punicion digne. Est vrai toutefois que les nobles et les notables v avoient mis de la peine assez entre deux, pour les introduire et mettre en ceste bonne voie de recognoissance ; et les avoient priés et exhortés de main à main, que, pour Dieu! chacun endroit soi voulsist entendre et penser ceste griesve plaie que Gand avoit recheue , et dont jamès l'offense ne seroit estainte, sinon par la plorer et par monstrer samblant d'en avoir deuil ; car autrement , ne Dieu ne homme ne pardonnent ; etn’est nul digne de miséricorde, sinon par menstrer contricion suffisante , qui vainct l'injurié. Ainsi doncques les notables en Gand , usant de ces termes envers le peu-

ple aussi battu en conscience , et tout de soy- :

meismes revenu à soy, se rendi coulpable,

et ne cessa de prier que, pour Dieu! on ou-

vrist les voies pour parvenir à la grasce et à la miséricorde de son prince. Car n’y avoit amende que l’on sceust produire, que liement ils ne feissent et portassent en son honneur , sauve seulement la vie ; ne aultre chose réserver ne voloient, mès qu'il voulsist mettre

oo —

en ignorance leur offense. Si pleust moult aux notalles et vaillans ceste saincte bonne volonté du ‘peuple aveucques sa contricion parceue, ctemist-on ung grand fondement dessus de grand espoir , et que bonne fin, à l'aide de Dieu , s'en tireroit, royennant peine devers le duc, qui se convertiroit à grasce envers son peuple. Êt en effet notable homme fut dreschié et mis sus pour aller taster à Brusselles, en cas que se Gantois , pour tout le corps de la ville, venoirnt devers le duc pour lui prier merci de leurs mesfaicts , se le duc les vouldroit rechevoir, et leur prester ascout en leurs humbles remonstrances.

Si porta la chose ainsi, et si bien que le duc respondi : que voirement il les voloit bien rechevoir ct oyr et entendre ce qu'ils vouldroient dire, et en après respondre et be-

songnier aveucques eulx, à l'exigent de leur

cause. Car ne voloit refuser justice, ce disoit, ne ascout à nulluy, feust pécheur, feust juste; car en la balance d'équité, entre bons et malvais, l’ascout souverainement doibt avoir grand lieu en ung prince juge. Si fut ceste response rapportée en Gand , et joyeusement recheue du’peuple, et tournée en bon espoir, quand encore il daignoit les souffrir venir vers ly, si mesfais comme ils se congnoissoient. Si en y avoit qui plorèrent de joie, ct de la grasce et merci que rechovoir espéroient; et fut dressée l'ambassade qui représenteroit tout le corps de la ville en son entier, qui est en trois principaux membres : le membre des bourgeois et des nobles, le membre des mesüers , qui sont cinquante-deux , et le membre des tisserands , qui possèdent douze diverses places en la ville , toutes pour eulx et en leur force; ce sont les trois membres qui font Gand en son entier. Dont, et de la part des bourgeois on prist certains députés, et de la part des mestiers ung rombre des plus notables aussi , et de la part des tisserands, ung nombre aussi à l'équivalent des autres, qui, tous ensemble recheurent en charge le fardeau de la bonne ville, par ung commun assens, feust pour faire amende quelle qu'il plairoit à leur prince , ou pour porter aultre pupicion condigne à leur mesfaict ; ils se voloient à tout submectre. Et principalement pour ce au'ils savoient et congnoissoient que leur pe

CHRONIQUE DES DUCS D£ BOURGOGNE —I1I: PART

A17 chié pendoit en avoir obtenu par force et par orgueil ce qu'ils avoient volu avoir , à celle heure qu'ils avoient leur duc en leur dangier, tout honteux et confus, maintenant d'entrée renoncèrent à lout ce que acquis avoient et impétré par celle voie; le révoquèrent, et se jugèrent avoir mespris ; renvoyèrent et restituèrent tout ce qu'ils en avoient obtenu de lettres et de scellés, et les rejectèrent pour à toujours ; et du surplus, ce qu'il y avoit de malvais et de vilain encontre sa personne, ils s'en voloient mettre en sa merci et en son noble plaisir , et ne demandoient que sa miséricorde. Ceci, en elfet, fut la charge que portoient ces députés de Gand, en Brusselles, devers le nouveau duc; et fut produite et proférée, pour et au rom de la ville, devant le duc, par la bouche de maistre (4). . .

leur advocat, et en présence de tout le grand conseil du duc et de toutte la baronnie ; et fut l'oracion belle et noble, et de telle substapce.