CHAPITRE CXII

Co:nxent ceulx de Gand firent une excellente et pi. toyable proposition pour provoquer le duc à leur donner pardon.

« Très-hault et très-excellent prince, et mon très-redoubté et naturel seigneur, vos trèshumbles et très-obéissans serviteurs et subgects, et tous en général les babitans de vostre très-humble et obéissante serve et ancelle, la ville de Gand, se recommandent très humblement à vostre très-noble grasce; et par nous cestui grand nombre de gens, ses explorateurs , qui gissons en terre devant vous, vous envoie signifier la viscérale et intime douleur et tribulacion en quoi ils sont pour vous avoir offensié, et provoquié justement encontre eulx vostre indignacion , dont ils meurent d'annuy, et en vivent en ténébreuses et en désespérables pointures de conscience ; dont de nul lez ne se peuvent trouver à sauf, sinon que vostre miséricorde les reconsole et embrasse par ungraiseau de vostre clémence, envers laquelle ils respirent, et en envoient

(4) Lacune dans lé manuscrit.

vers vous leurs parfons souspirs. Vous transmettent aussi l'abondance de larmes volans en l'air, et dont douleur et angoisseuse contricion sont les causes; recognoissent, élas! leur malheuré crime et delict envers vous, la grieve pesanteur et qualité de leur offense, et comment, ce qui est par eulx commis dè rudesse en vostre très-haulte seigneurie, est irréparable par eulx, et quasi impossible de le restorer condignement et à l'équal ; recognoissent aussi que , à bon droit et à juste et saine cause, vous devez tirer et destourner vostre noble face d'envers eulx, les réputer indignes de toutte amour , les contempner et anientir comme malvais, et, par indignacion jettée sur femmes et enfans, abhominer toute la familie et toute la houtée ensemble. Mès comme cognoissance de son délit est le premier bon signe en homme pécheur , etque la contricion qui en ensieut aussi doit esmouvoir Dieu ou homme à la mesure de ce qu'elle porte beaucoup ou peu: élas! mon très chier seigneur, quand vous qui obtenez doupie lieu, lieu de Dieu et lieu d'omme, et avez en vous la double nature , par office et commission en divin estat, et que vostre noble discrécion scet et cognoist que Dieu le père.

créateur , de toutes offenses à lui faictes à] est repaisible par pleurs et par larmes, il se convertit envers l'homme par contricion et prières, il remet offenses, il diffère ses jugemens el ses verges, et se retourne en son essencial clémence et naturelle bénignité par oubli des choses passées, et refait de ses offendeurs ses amis bien venus quaad ils retournent vers ly, et ne refuse nully ne neregette en son humilité, et recognoist la fragilité des hommes en comparaison à son essencial naturelle propriété, qui est de pardonner par nécessaire, par convenable, par l'égalité de justice, par excellence de divinité et de nature et de noblesse, et par la vertu et importance de son sainct tiltre etnom, qui est d’estre Dieu et d'estre créateur, à qui il appartient d'avoir pitié et compassion de ceux qu'il a créés et produis, et fais frailes et caducques et faillables, et tous les jours mesprenans envers ly par povreté de nature ; et parquoi, s'il ne les reprendoit et rechevoit en leur misérable tresbuschement, comme ung piteux père,

GEORGE CHASTELIAIN.

quand ils le requièrent et prient, frustre et en vain, ce sumbleroit, il es aroit créés et mis en cestui doloreux monde pour les perdre, ce que point n'est : car tourneroit contre la nature et haultesse de sa divinité, qui, tout ce que fait a, a faict en bien, et en point de charité et de vérité et d'éternel salut, non jamès reprochable ne improbable. Et a monstré, dès le commenchement du monde, et tous les jours depuis jusques aujourd'hui, que d'autant que le ciel est plus hault que la terre, et sa divine glorieuse nature plus saincte et plus digne que la nostre misérable, d'autant est sa bonté et sa miséricorde plus grande et plus extense que nos péchiés; et recognoist mesme quelle est nostre substance, et le misérable figment dont nous sommes produits et faits, prone et prompt à tout mal ; et par quoi, comme il lui a pleu nous créer tels, il convient aussi, et est une chose nécessaire, qu'il soit prompt ct enclin à nous faire misericorde, quand en nul, fors à l'omme seul, sa miséricorde n'a lieu. O mon très redoubté seigneur. et puisqu'en divine miséricorde sommes , et laquelle miséricorde humaine doibt ensievir, à l'exemple du créateur, vous sçavez et nous sçavons les merveilleux infinis exemples de ceste saincte miséricorde dont il a usé dès le principe du monde en nos vieux pères, et par lesquels nous sommes cotidiennement incités et instigués par preschement et par livres, de fonder aussi nostre espérance en icelle, comme permanent et non faillible, et telle aujourd'hui comme oncques.

» Elas ! et de quelle bonté usa-il en Adam, son premier offendeur, à qui, par son fils Seth , promist l’uile de miséricorde en cinq mille ans futurs; et dont , dès le commenchement de son chéir , il délibéra à envoyer son fils en terre, par miséricorde prendre sur condicion humaine, pour le rachatter à chier prix de dure mort. Et puis à Caïn , le premier né de mère, il différa la vengeance de son crime par l'espasce de dix généracions avant que le punir , et tout en sa miséricorde et par longanimité et tardivité à ire.

» Que fist il depuis au temps d'Abranam, quaud il envoya à Lath signifier que, se en Sodome et Gomorrhe pooit trouver dix hommes justes . ) differrervit en sa miséricorde le j#-

gement qu'il avoit assis sur lesdictes cités, et rappelleroit son ire d'en sus elles, et de leur punaisie. En quoi il monstra et déclara à nostre doctrine, que tant il est bon, benigne et clément, qu'en la prière de dix hommes justes, voire et d'un seul, il est prest d'en sauver cent mille; tant est large en sa miséricorde !

» O glorieux Dieu! et que fist-il après à son peuple d'Israël , pour qui il avoit fait tant de merveilles en Égypte, et de tant sinsuliers miracles pour le traire envers ly. et les menant on la main de Moyse qui les conduisist par les déserts, et leur fist saillir les fontaines pour boire dos dures roches, et les mena par la mer Rouxe, tout à secq, ct leur envoya la manne du ciel pour réfection, et l'abondance de sa grasce pour les resaisier, et les sauvu et garantit de toutes hostiles mains en sa vertu, et mist son compact avecques eulx, et sa promesse en perpétuelle observation. Et toutefois. à tout ceci, ct à tant de bénéfices et de hauix mistères faits pour eulx, encore ils crièrent et tentèrent Dieu , s'esloingnèrent de ly et se retirèrent de sa congnoissance, fisrent et mirent sus ydoles et veaux fondis, les eslevèrent en my le désert pour sacrifier, el provoquérent Dicu à ire et indignacion pour les tous annichiller, ne feust Moyso, son serf, lequel Jui ramentevoit sa miséricorde ancienne , et Jui remonstra la povreté de nature humaine, en laquelle, par hauliesse de sa bonté, et pour ce que c'est sa créature, il convenoit, ce lui dist, qu'il dispensast et différast sa vengeance , et ne perdist pas ce qu'il avoit créé et fait par donner voie à sa fureur : car espoir le penple s'amenderoit, ce disoit, et ly s'en mettroit en la peine, par durement les incréper et reprendre de leur malice. Si se contint le bénin créateur toutes-fois en sa miséricorde , à la prière de Moyse son serf, et les espargos; et non rappellant sa promesse faite à Abraham, chéans et relevans les continua tous'ours en sa sempiterne vérité de père en fils, jusques à son naistre , qui feroit et donroit la novelle loi toute parfaite.

» Que fist-il après, à Ninive, la grand cité, manacée de subversion en son ire, quand par humilité du roy d'icelle et de sa contrieion , et par l’édici qu'il donna à hommes et

CHRONIQUE DES DUCS DE BOURGOGNE.—III PART

à bestes de juner par trois jours, et ly-meismes se assist en my les cendres, criant cnvers le ciel, il, recordant de sa mistricorde et de sa bonté , remitigua sonire, rapprlla sa sentence et son jugement, et considérant la repentance de son povre peuple, lui remanda rémission et miséricorde, à salut et joie.

» Que fist-il à David, lequel, d'ung troppeau de brebis qu'il gardoit, il avoit appellé en roi, et fait envindre par son prophète, pour régner en Israël? Ke commist-il griève et dure offense contre ly, par hommicide et par toutte extreme machinacion inique en Urie son scrviteur, Jui donnant meismes à porter les lettres de sa mort pour joyr de sa femme? N'est pas la malice de 1y à nous ung fructueux exemple de miséricorde, quand par plorer et prier et par avoir cucr contrit, Dieu lui remist son offense en sa merci, ct fist depuis sa benté estre l'organe de son Sainct-Esperit; et par ly tous les secrets de la parfonde divine sapience se repandirent, et plus parfondr:ment qu'oncques en nul des prophètes.

» Et après que dirons nous de Salomon , à qui il douna l'abyme de sapience aveucques toutite extrémité de richesse; lui donna le ciel percevoir ctcognoistre par enteadement, et l'enfer parfondir par science; lui donna fruit et subsiance de paroles, plus en samblant angél'cque que humain , et dont l'eflect tout si esteit que d'amer et ensicvir saincte sapience ct de Dicu honorer et cognoistre.

Dehors desquels deux poins, tout ce que l'omme peut avoir ne quérir, tout est vanité ct nient, et tout est folie et ombre de mort. Et néanmoins, ly touttesfois qui ceci sçavoit et l'enseignoit à faire, ly meismes, en ses pleins jours, dévioit en sa doctrine ; et de sa haulte parfonde sapience il encheut en folie, retira son entendement du cler ciel pour le ruer en infernal punaisie. par fol appétit. Il cognoissoit non estre que ung seul vrai Dieu tout puissant , qui tout avoit fait et créé, et tout gsouvernoit, ciel et terre; et Ly sciamment se rendit idolatre, et aora et sacrifia aux dieux d'Egypte, faulx idoles, à l'appétit d'une femme; relainquit Dieu tout de gré pour adorer un diable , et fit eschange de perpétue salut en commutacion de sempiterne mort. Et touttesfois la divine miséricorde encore lui

donna espargne, et cours d’éage et de longue vie sans'le punir , pour l'amour de son père David ; ne lui rosta nulles des lignies qui toutes douze estoient à ly; lui laissa possesser son throne en transquillité et en paix jusques en fin; ne oncques ne lui envoya verge, par quoi on se perceust en ly de son ire. Mès ores comment il lui a pleu faire de ly, cela je l'ignore, et fault laissier à sa miséricorde et à sa justice ordonner du cas, et là ne fault ul escrutinement.

» Quelle miséricorde fist-il après au roy * Manassès , faulx homme et pervers qui abandonna le Dieu de ses pères, et vilenna son temple et aora les idoles, et en tous endroits long-temps fut tant pervers et malvais, que de samblable à ly n'estoit mémoire? Dieu touttesfois par miséricorde lui envoya des adversités pour le retirer vers ly et le souffrir confusément estre pris et cheoir en la main de ses ennemis, là où, par grace et miséricorde que Dieu lui envoya en prison, se recommencha à recongnoistre , commencha à plaindre et à plorer sa perverse vie, et à rappeler Dieu de sa part, lequel il avoit laissé et dérélainqui pour les Dieux estranges. Si en chut en dure repentance et en amère contricion de cuer; et lui promist et voa sempiterne service et adoracion de corrage. Et Dieu l'oyt , et lui essaulcha ses larmes et prières, et le délivra de prison; et depuis il vesquit et régna preud'omme , et fit justice et jugement au peuple , loé en sa mort.

» Les miséricordes de Dieu doncques sont infinies , et sont sur toutes ses œuvres et créatures ;, et n'est ne ciel ne terre qui n'en rechoive la distilacion , ne pécheur si grand qui n'en emporte et traie porcion et mesure. O ‘très excellent prince doncques, mon très redoubté seigneur , et puisque ainsi est que les chrestiens princes , en leur haulte et digne vocation, doivent ensievir au possible les divines meurs, et à l'exemple de sa bonté eulx réguler et atourner en perfection, souverainement en la vertu de clémence, qui est de nécessité au monde et la seule rien de quoi prince se fait plus loer , et dont plus a mestier d'en savoir user à point, non pas comme ignorant à ceulx qui ne le valent , ne comme inprat aussi et pervers à ceulx qui la

GEORGE CHASTELLAIN

méritent; certes, Ô mon très redoubté seigneur , se Dieu doncques usa ainsi à point sa miséricorde , comme s'il fust homme, et que son exemple est de pardonncr et de remettre offense aux plorans et constrits, il s’ensieut doncques que ung prince en sa vocation comme homme, et par exemple qu'il a de Dieu, doit pardonner à homme son prochain ce qu'il a envers ly de ire , ou meismes il se juge et se condampne envers cely dont il quiert implorer merci, peut estre en estroit effective.

» O mon très redoubté Seigneur, et se le povre peuple gantois vous a offensé, élas! et suscité à ire, et que par doloreux accident il s'est bouté en erreur, et en a le feu esté espars par les diverses rues, en vostre érubescence, élas' monseigneur, toutes-fois vostre peuple ne vous a pas insulté ne assailli, ne riens entrepris , ne riens cogilé en vosire noble personne; ne veus a point dérélainqui aussi , ne quis prince estrange , comme ceulx d'Israël, ne eslevé simulacres ne images d'autre roy ne duc , ne dénié les tribus et rentes, ne touchié à vos seigneuries , ne introduit erreur novelle, par quoi ils ne vous recognoissent et veulent recognoistre leur propriétaire , naturel prince et seigneur, en tele équalité comme Dieu , vous homme. Et, mon très redoubté seigneur, doncques et comme il est ainsi que ung seul Dieu et ung seul homme ils aorèrent, et ont observé en eulx celle légalité : qu'envers nul aultre ne veulent transfuir pour garant qu'envers vous à qui ils ont mes-fait, et qu'en verd et qu’en sec ils vous adhèrent et souspirent envers vous, et se fient et confient finablement de grace et de remission, par eulx prosterner en terre devant vous, coupables, ne peult doncques que vous ne contribuez grace requise , là où la coulpe est parfondément repentie et plorée.

» Mon très redoubté seigneur , Gand n’est pas comme Sodome et Gomorre , que pour dix justes, qui les y eust peu trouver, Dieu eust espargnées de son jugement horrible. En Gand a par nombre de milliers dévotes et sainctes créatures , espoir et qui ont divines revélacions maintes par bonté de vie, et divines communications en solitude ; et entre les villes occidentales n'en a point là où tant de glorieux saincts corps reposent canonisés,

et dont la ville a les suffrages ; et y est Dieu crému et doubté , honoré saincte Eglise et le clergié ; et avec fervent amour au prince, léauté et preudomie y ont régné d’ancienne nature, quoiqu'entre deux il lui meschiet, tel fois par accident oblique, dont nulle humanité n'est france. Gand est aujourd'hui la grande Ninive en figure; la voix de vostre menace a crié en elle que vous la subvertirez en fureur, et que la matère de son péchié en est la cause. Le peuple d'icelle a oy vostre mand; il s'est donné horreur et terreur de vostre menace, et a recogité son mesprendre , et pensé à son impuissance de résister à vous. Il s’est tourné en son humilité et en repentance de son délict ; il a persévéré non trois jours, mès quarante en clameur, juné de délectacion et de joie, assis en cendre; et ceux de la justice que vous y avez assis en vostre nom, descendus de leur throne , vagabonds, vestus de sac, non acoutans à riens jusques à nous avoir pacifié envers eux. Siques comme humain délict est tousjours remissible, procuré et réputé en temps , et que, pour exemplier les hommes à estre misénicors, Dieu baille les exemples toujours de sa miséricorde , pour les introduire ; et ne veult nalluy périr ne perdre, quand il est requis, comme il appert par la grande Ninive susdicte : Gand doncques , mon très redoubté seigneur, qui a à faire non à ung Dieu ne à ung prince esange, mais à son naturel original père, prince et seigneur, le plus noble et le plus vertueux de la terre , et lequel eux doivent honorer, amer, cräindre et doubter, et avoir vraie ferme espérance et recours en ly, et [y une pité envers eux de non les perdre , ne sonffrir périr ; considéré encore que recognoissans leurs fautes et offrans amendes, ils viegnent

à temps et à heure à miséricorde et à merci;

certes, mon très redoubté seigneur, quand ils regardent et considèrent les beaux divins

‘exemples que vous avez en vostre noble mé-

moire, avecques les singulières graces et vertus que vous avez en vous propriétaires et à vostre us, ne se peuvent desfier que des veines de vostre excellente bonté ils ne doivent traire miséricorde à l'avenant de vosire noble nature, et laquelle ils font teneur de leur espérance. Siques ils vous supplient el

CHRONIQUE DES DUCS DE BOURGOGNE. III° PART

resupplient très humblement, à joinctes mains et à genoulx, et nous, les présens députés pour eux, en leur nom et en leurs personnes, qu'il vous plaise les prendre en merci et en miséricorde, et retirer vostre ire et mal talent d'envers eux; et disons et clamons envers vous : Domine , non secundum peccata nostra quœæ fecimus nos, neque secundum iniquitates nostras retribuas : cit anticipent nos misericordiæ tuæ , et propter gloriam nominis lui libera nos. »