CHAPITRE CX

Comment le seigneur de Villers fut pris à Chimay, cuidant venir à Liège pour les esmouvoir, et puis fut amené vers le duc.

À tel confort et exploit que avez oy, Gantois retournèrent en leur ville , et furent recheus demi à joie demi à deuil, sans trop et sans peu. Je laisse doncques Gantois d'ici à une aultre fois que j'en ferai encore ung plus grand conte et de plus grand effect, et veuls venir maintenant à plusieurs aultres choses qui restent à narrer, et qui sont avenues entre deux, et tout premier d'ung chévalier de Rochelois, nommé le seigneur de Villers ; et estoit au comte de Nevers, cely qui jà avoit envoyé et escript unes lettres au duc Charles, en Brusselles , assez arrogantes,

valier doncques*de Rochellois, qui estoit envoyé de son maistre Ie comte de Nevers, en commission de venir au pays de Liège suborner Liégois à toute force et à tous lez, et les inciter à eulx remourvoir et à recommenchier guerre envers le duc Charles, en les asseurant que ledit comte les venroit servir et assister pour et au nom du roy encontre ly, et de ce buailla lettres cet scellés audit de Villers, adressans à la cité de Liège et à tous autres ; et vint icellui chevalier, et passa d'aventure par une villetie que l’on nomme Chimay, cuidant qu'elle tenist pour la cité comme vraie Liégeoise. Mèsli, ipnorant qu'elle fust en la main du duc et que ses gens y estoient, fut soupçonné prestement et cogneu non yestre venu pour bien; fut pris et examiné atout ces lettres, et prestement mené devers le duc à Brusselles; et fut par icellui tout sceu et descouvert ce que le comte de Nevers avoit en ventre. Mès combien que le péril n'estoit point grand, ce sembloit-il au duc, toutesfois estoit-il bien aise d'eu savoir le secret, pour y tant mieux pourvoir, comme il feist ; et fit tenir en prison ledict chevalier longue espasce, d'ici à tant que aultre grand effet s'en ensievi, et maugré ledict comte, qui mal y eust sceu remédier.

Or estoit sourse une grand murmure, et une orrible commocion de peuple en Malines, ‘ pendant que le duc se tenoit à Brusselles, et estoit ceste commotidn toute à l'exemple de ceux de Gand; et se misrent en armes Îles Malinois, crians et braians sur aucuns pouvérneurs de la ville dont ils se doloient; ct manachoient de tout tuer. Et de fait, en défaut des personnes qui s’'estoient muchiées, vindrent à leurs maisons, et les abattirent et fustèrent, et y firent tous les desrois du monde , et jusqu'à donner peur à tout ce qui portoit teste d’omme et femme. N'y avoit si hardi qui s'osast trouver en rue, qui fust homme d'aucun gouvernement. Et tout ainsi que Gantois avoient usé de voloir avoir tout à leur poste et à leur demande, cestes males gens aussi disoient que tout autre tel aroicnt-ils en pareil, et seroient mises jus muletostes et imposilions, et sçauroient que tels et tels deniers estoient devenus, qui 81

comme j'ai dit, selong la personne, Ce che- : longuement avoient esté recheus en grief du

peuple; et feroient, par le sainct Dieu! un monde noyel, ce disoient, aussi bien à leur tour comme avoient fait autres.

Or estoit le duc à Brusselles, là où n'y avoit . que quatre lieues. Si le sceut tantost, qui bien s'en garda de rire; mès dict : « En ce dangier m'ont mis Gantois ; Dieu le leur rende! et à leur exemple tous les vilains se vouldront rebeller et faire le maistre, ce samble. Or, par sainct Georges ! il en y aura des punis et chastiés, se je vis dix ans; et ne se vanteront pas d’avoir trouvé ce qu'ils cuident. »

Et tout en ce meisme temps, ceulx d'Anvers firent autre tel que Malines, et firent des commotions entre eux aussi; et qui plus est, à la tierche main, une meschante ville en comparaison aux autres, nommée Lire, fist une grande heuréc aussi, comme se c'eust esté quelque chose de grand; et tout sur une manière de faire comme Gand, contre les gouverneurs et pour avoir les choses à leur poste.

Dont et se le duc en avoit annuy et dueil n'estoit de merveilles, car bien y avoit cause pourquoy. Et certes, la conséquence aussi en estoit dangereuse et de maulvaise attente. Si me souvint alors, quand je vis toutes ces villes ainsi rebeller et esmouvoir à l'entrée de ce nouveau duc, comment à l'entrée aussi du roy Loys,, tantost après son couronnement, ceux de Raims se commeurent aussi en pareille manière, pour mettre jus à leur volenté les imposts et les gabelles du roy, et à leur exemple aulcunes aultres villes, ce disoit-on, par le royaume, et de quoi les interprétations, ce me souviens bien, alors estoient assez cstranges en la bouce des saiges et de non grand espoir en bien.

Or, comme ces commotions se faisoient maintenant par dechà à l'entrée de ce duc nouveau, je entray en ymagination aussy.

Dont, et comme je me teus du premier, je me tays aussi du second, et m'attends à ce qui peut ensuivre de tous les deux, et dont

les fins feront le jugement. Mès le roy Loys ”

et le duc Charles trouvèrent leur pays en haulte fértune de paix et de félicité; doint Dieu que la fin en soit encore plus glorieuse et. plus de salut! car tous deux estoient prin-

ces, dont les sens et les vertus estoient pour

GEORGE CHASTELLAIN

faire ung grand fait et ung grand cop, là où ils se voloient tourner.