CHAPITRE CXVI

Comment le duc ordonna aux nobles du Brabant eulx appresser pour aller à Malines.

Or entrèrent fort en cuer ces nouvelles commotions faites à Malines et en Anvers à ce duc Charles. En pensa durement comment au mieulx faire il s'en poroit vengier, sauf honneur et raison ; car ce que souffert et porte avoit des Gantois, n'estoit point à tolérer ne à porter des autres villes, ce lui sambloit; et n'estoit point ville pareille, et par quoi ne s'en venscast bien et venist à son desseure pour donner peur meismes à Gantois. Si s’en (eut au plus quoy qu'il peult; et manda en Hainaut secrètement mettre sus gens d'armes, trois cens lances et les archiers, pour aller atout couvertement en Malines, jà-soit-il qu'à nul n'en fust déclairée son intencion, et pour cause.Toutes-fois ne passa paires après que ce mandement fut rompu et rappellé ; car les nobles de Brabant, qui se perchurent que le duc mandoit gens en Ha naut pour venir en Braibant et à intencion de l'accompaigner en Malines, vindrent au duc, et dirent que eux estoient fors et souflisans assez pour le mener en toute .seurté de corps dedans Malines, et de soy vengier et de la ville et des vilains, et de les chastier tout à son bel; et que pour ce faire, il ne besoingnoit point que nul estranger venist en leurs marches et que aultre s'en mellast que eulx.

Si les creut le duc; et différa son mand ailleurs ; et se reposa sur les nobles de Braibant, qui le servirent et se mirent sus au jour nommé , là où je les laisse jusques au partement du duc de Brusselles pour aller à Malines, pour venir à autres matères ici enlaciées. Car convient maintenant parler du mariage de ce duc Charles, qui avoit longuement traisné, et par avant que le duc Philippe son père fut venu à trespas : c'estoit de la seur au roy Edouard d'Angleterre, fille au duc d'York (1), et auquel mariage la ducesse sa mère avoit

(4) Marguerite d'York.

longuement prétendu , avecques ce que le fils avoit le cuer assez enclin envers Angleterre, tant par nature de la mère et de 1v, qui l'attiroit, comme parce que le roy Loys, roy de France, le compelloit à ce faire, par mal se voloir porter envers 1y, comme assez dessus a été dict et narré de leurs affaires. Et combien toutes-fois que renommée couroit que ce duc Charles avoit le cuer assez Anpglois ct beaucoup, et principalement à cause de ce que de la part et de l’amisté de France, son père et Îy avoient trouvé povre fondement, et ains plus defliable que de bon espoir , toutes-fois, s'il y eust eu en Angleterre autre mariage de sorte à ly, jamès ne se fust alié au roy Edouard; car avoit esté tout parfai- . tement son contraire en faveur du sang de Lencastre, dont il estoit. Mès ly, voyant comment le roy Loys tendoit à soi alier meismes et joindre avec Edouard, en délessant la piteuse querelle de son cousin et de sa cousine germains le roy Henry et sa femme, et tout pour rompre et desfuire cestui Charles, sainement certes et sagement pensa de ly reismes ; et puisque entre deux mauix il se convenoit assentir à l’'ung, ce lui sambloit, et devenir Anplois à bon profit encontre autrui, premier que autrui en eust l'avantage et l'avancement contre ly, délibéra de prendre la seur au roy Edouard, lequel, sur tou’es les alliances du monde et de France et d'ailleurs, plus estoit aise et joyeux de ceste, et ne quéroit aultre riens, quelconque ascout il peust oncques avoir donné envers France.

Aussi la chose avoit jà si longuement trainée, que se d'aventure ce duc Charles eust varié ne branlé en aller avant de bon train, infailliblement la jonction et le compact se faisoit, et se fust faict du roy franchois et de ly pour courir Sus au tiers leur moqueur , et qui eust este seul. -

Ainsy doncques, comme les grans affaires des princes et des royaumes se comportent en diverses pesantes difficultés et subtiles voies, et toutes tendantes à une fin, c'est de vaincre et d'avoir bras sur son compagnon, il appert clèrement de la part de Edouard, qu'il a quis et pris son plus bel et son plus séant devers le costé de Bourgogne. Et le duc Charles, voyant l’estroit dangier où on le voloit

CHRONIQUE DES DUCS DE BOURGOGNE.—III: PART

mettre, a fait son plus bel d'une nécessité qui lui pooit donner desfense. Et maintenant en Brusselles , là où estoit venue l'ambassade du roy Edouard pour avoir une conclute fin, le duc Charles, nouveau duc encorre de deux mois, accepta le mariage , et promist d'aller avant, contre cuer toutesfois, comme Îvymesmes le confessa à tel qui le me révéla depuis; mès ce fit-il, par corrage d'amer mieux fouler et grever autrui, qu'estre grevé ne foulé.

Et est tout vrai qu'à celle heure et de longtemps par avant il y avoit petit amour entre le roy et ly; et savoit bien chascun de son compaignon comment il luiestoit. Et partant , comme le roy tendoit à traverser ce duc Charles, et pour en avoir le bon devers ly, le duc Charles aussi tendoit au meismes par soi, pour se fortifier contre |y. Et craignoit le roy l'orgueil et la fierté de son subject, et le subject craignoit la puissance et profonde subtilité de son seigneur , lequel le voloit, ou eust bien volu, ce lui sambloit, mener au fouet. Et tout ceci venoit et movoit, élas! de ce mauldit Bien Publique ,pratiquié et mis sus du costé meismes des Franchois contre leur roy, et contracteurs depuis de ce jeusne princeCharles à leur bende ; et lequel, quand il s'y est trouvé et fourré, l'ont laissié et abandonné à l'estroit, et lui ont mis sur son dos tout le pesant du fardeau; par quoi seul mal volu du roy, seul s'est trouvé constraint de soi reconforter et de quérir refuge. Dont c'est pitié que les choses se portent ainsi en ung royaulme et une meismes parenté, que de prendre ainsi quereles et questions pour s entre-desfaire et pour courrouchier Dieu et perdre le monde. Et fait fort à craindre Île jugement qui s'en fera une fois; car tout ne meut que d'orgueil et d'eslongance de toute charité , et que nul ne veult Dieu craindre ne soi régler de raison salutaire.