CHAPITRE XXII

Comment furent gagnés les faubourgs de Roye sur les dauphinois.

Dure fut ceste première envahye et grande la cryée à deux lez. Ny ot cely qui ne monstast cuer non desbaretté et fier visaige à son compagnon. L'escarmuce croissoit tousjours et enaigrissoit, comme la bataille approchoit plus et plus; et ne tendoient ceulx de dehors que à logier au plus près des murs de ceulx de dedens pour les espoventer. Laquelle chose appercevans que à ce véoient, non pavoreux de les recevoir, vaillamment saillirent dehors les aucuns , et laissans leurs murs garnis d'aigres et aspres gens, vindrent à la porte à cheval et à pié, et là par ung très orgurilleux mortel encontre vindrent à la deffence d’ung fourbourg joignant de eulx, que ceulx de dehors barguisnèrent en fel et dur péril. Fiers estoient à deux lez, et en cestuy premier encontre ensemble, aigres tuus deux. Si y avoit de rudes cops donnés et de périlleux hurs de lances et d’espées l’ung sur l'autre, dont les haubers ne les harnois ne porent oncques garantir les corps qu'ils ne respandissent largement sang. Chascun s'acquittoit endroitsoy, et craignant la honte d’estre vaincu s'eflorçoit d'acquerir los de vaincuer. Si en furent les vaisselaiges entre eux plus durs et plus mortels. Finablement toutesvoies ceulx de dedens ne porent porter le fès des assaillans, mais à perte aucune de leurs gens furent reboutés aigrement en leur fort, que mesuer leur faisoit bien de fremer bientost , car on les eust sievy de près. Si demoura gaingnié leur fourbourg à leur grant mes-aise, et y logèrent les dis de l'avant garde, et 1antost après tout autour d'eulx toute la battaille.