CHAPITRE CXXII
Comment le roy envoya lettres aux Liégeois par le bailli de Lyon, promettant les assisicr.
De cestuisecond voyage , qui estoit de dure constance à Liégeois, et dont ils firent leur plainte au roy, il ensievi que le roy envoya vers eux en la cité de Liéye, pour les réconforter, le bailli de Lyon; et lequel, avecques certaines lettres à ly baillées, asscura Liégeois de tout confort et aide contre le duc de Bourgogne, à toutes heures que guerre voudroient esmouvoir contre ly. Dont il ne demora gaires que jà la tierce fois ils ne recommenchèrent à foilier ; et vindrent ass'éger Huy , ne sçar se à aulcun propos pourpensé ne se à aultrui fol appétit, mès au moins sous la couleur que je vous ai devisée dessus, et là où il y avoit certaine juste apparence; et ;ils recommencèrent et poursievirent leur maleur de mal en pis toujours , et plus et plus à leur perdicion et honte; et en ensievi le voyage qui jamès ne doibt estre oublié, et par lequel tout le pays fut conquis, et toutes les bonnes villes rasées et abattues, et la cité meismes menée à ce derrain que d'abattre ses portes et ses murs, et de souffrir emporter leur perron, et d'y prendre gens , et de leur priver et oster tous priviléges , toutes coustumes et usages , toutes franchises et libertés anciennes , et d'en faire et user à volonté, fut de vie ou de chevance, sans nulle contradiction , et dont oncques le pareil n'avoit esté veu, ne oui, ne truvé en livre. Et leur vint tout ceci toutes-fois de ceste male prise de la ville de Huy, en quoi ils cuidèrent redressier leur foule et honte par nouvel orgueil, etils accrurent leur confusion à mille fois double par ung fol outrage. Et non contens encore à tant, et d'estre et de vivre à demi heureux et demorans en leurs propres lieux et habitations, en commune aisance de vivre comme leurs voisins , et quérans encore quartement refuge au roi, qui autre:tel en fit comme devant, n'ont oncques cessé jusques à avoir esmeu et deslié du pel leur tout parfait extreme maleur, et de quoi, par ung quawesme voyage que le duc Charles a meu
AS
contre eux, ils ont esté mis à toute derraine consommation, par feu, par expulsion et par toute ruine et opprobre, comme Dinant, à où désormès n'y a teste pour se lever et essourdre, ne pour monstrer dent ne fière barbe, de nul éage de vivant homme , alors tant feust jeune.
Ce sont donc quatre voyages que les ducs de Bourgogne , père et fils, ont fait à terrible exploit, et du règne du roy Loys, roy de France, et tout en quatre ans, ct dont Îles deux furent du vivant du duc Philippe, et les deux autres après sa mort, de an en an, sans entre deux ; et dont le fils retournant de Conflans, glorieux vaincquer, fit le premier voyage pour et au nom de son père malade à Brusselles ; et lequel nient-moins, assis en sa chaire et son fils estant en France, gaïgna par ses bons et vaillans serviteurs et subgets, demorés par dechà, une dure et fière bataille sur Liégois à Montenac, et là où hautement et en grand valeur se monstrèrent Braibanchons et Hainuyers, avec aulcuns aultres de l'ostel du duc, Bourguignons et Picars, et meismes de l’ostel de l’évesque de Liége, comme le comte de Nassau , le seigneur de Blavquenhem, le seigneur de Gasebecque, nommé messire Philippe de Hornes, et le grand bailli de Haynaut, nommé messire Jehan de Reubenpré, gentil chevalier et vaillant, et qui tous avoient gens de grand nom et de grand fait. Et gardèrent l'honneur de leur viel prince et maïistre , et lui apportèrent victoire de ses ennemis, sans main y mettre.
