CHAPITRE CXXIII

Comment George expose dont de rechief procédoit ceste guerre de Liège.

Au propos doncques et pour salisfaire à la question qui se poroit faire, à savoir se Liégeois , après estre tousjours battus et foulés, maintenant arrière, à aller assiégier la ville de Huy, l'ont empris ou de fol orgueil et présumpcion, ou à l’incitation d'aultrui, qui s'est cuidié vengier peut estre par eulx de son annui : certes, il me semble que l'en peut assez souffisamment entendre , parce que j'en expose ici devant , comment il en est allé ne

venu ; car avecques ce que orgueil et présumpcion y ont esté fondement original, avecques mortèle hayne, si les a aultrui conseil bouté en l'avance dont ils se sont poins

- et repoins de playe sur playe. Dont, et pour

ce que ceste incitation sambleroit movoir de ja part du roy, parce que tousjours sont allés à refuge à ly et pour garant, comme à cely quiles avoit en sa garde et tutèle , et qui leur devoit protection et deffense à son pooir ; pour ceste cause certes , loist icy ung peu exposer le secret de ceste matère, sans en tourner envers nulluy ne charge ne bon droit , fors à pois et à point, et en équité de

‘cause. Et ne doit donner ammiracion à nulluv,

veu le temps quel il estoit, et quel il avoit esté depuis le couronnement de ce roy Loys, se depuis la confliction souverainement qui se fit à Mont-le-héry, il avoit cuer et corrage de soi vengier de son fouleur, ly le plus grand roy du monde et le plus noble, de son vassal et subject venu et entré dedens le ventre de son royaume et de son throne à main forte et minatoire , poar le défaire ou le mettre en dangier, ce maintenoit-il. Dont , et comme il considéroit que nul grand foule ne plaie ne se peut vengier si à haste comme on voudroit bien, et que sens et engin y servent plus et prouffitent que felle esmeute : certes, quand par le moyen des Liépois il a prétendu à soi

. bien veoir vensié de son injure, n’a point fait

à blasmer, ce samble , de la voie quise, quand meismes il les avoit en sa garde , ceux qu'on fouloit tous les jours sans espargne. Le duc

. de Bourgoigne les quéroit à fouler et les fou-

loit fréquemment, qui encore estoit son fouleur ; pourquoi ne pooit-il quérir la foule aussi de son fouleur justement et à honneur sauf, qui fouloit tous les jours ses amis et ses servileurs en tout ce qu'il pooit avoir d'affaire ? Certes, raison bien entendue en cestui endroit, il n'en tourne nulle charge au roy. Mès en ce qu'il ne les a secorrus en leur grand affaire, et selong son promettre, là fault-il ung aultre declairement et de plus grand sentence. En fait bon à croire que ung roy de France, le plus noble de la terre, doibt et peut bien tenir une longue saspense entre dire ct faire, avant que condescendre à l'extreme effect d'une si grande matère et de si grand pois,

GEORGE CHASTELLAIN

comme de soi former ennemi en faveur d'aulcun peuple encontre ung bras constitué champion de l’église, et de l’expresse ordonnance du pape, son parent, encore quelque question qu'il y eust , l'ung des plus nobles princes du monde et des plus puissans, et lequel quand il l'aroit aidié à destruire par tels vilains, si eust-il accru sa honte et son propre damage , en perdicion de tant de noblesse que le duc y avoit, et lequel faisoit encore à craindre à ung roy de France pour mettre sa noblesse sous danger de fortune contre ly, par adjonction à fière vilenaille, que tous roys et princes doivent hayr pour la conséquence. Dont , et si on lui impute qu'il les abusoit par paroles et vaines promesses , je cuide que non certes, et que sa noblesse ne le portoit point ainsi. Mès il avoit espoir peutestre que le duc, à cause de la voix qui en pooit courir chà et là comment il se melleroit de

‘leur débat encontre 1y, en portant révérence

à la couronne et à sa puissance , se refrain droit ung peu en son ire , et en dissimuleroit par sens. Et amsi sa promesse aroit donné.

fruit à l'ung et à l'aultre non damage.

Tout conclu doncques, je concède la hayme que le roy pooit avoir juste encontre ce duc Charles pour le temps passé, et le désir non desprisable de volentiers s'en vengier par diverses voies , s’il les eust sceu trouver; et si concède aussi qu'il les pooit conforter et assister de parolles , sans honneur enfraindre , et non venir à l'extreme parfait , pour la con séquence périlleuse tant de ly que d’aultrui.