CHAPITRE XXIII

Comment après rudes combats les dauphinois de Roye proposérent traicté , lequel traicté fut accepté.

L'ost ainsy assegrise, et place prinse en plusieurs autres fourbours et maisons qui y estoient , le comte de Ligny prinst son lopis en ung villaisge à demye lieue près, et ordonna son siège bien clos et bien seur ; mais pour faire plus valeureux et plus brief ex-

GEORGE CHASTELLAIN

ploict de leur entreprinse , envoya le seigneur de Humbercourt , bailly d'Amiens , très aigre et trés fier homme , à Amiens et à Corbye requerre leurscitoyens d'envoyer aucuns canons et gros veuglaires qui y estoient, et autres plusieurs instrumens de guerre, pour livrer assault avec un nombre d'arbalestriers. Dont rien ne fust refusé, mais accordé lyement. Envoya aussi à Douay, à Arras , à Péronne , à Saint- Quentin, Noyon, Montdidyer et autres villes de l'obéissance royal, semondre aussi et requerre les arbalestriers d'icelles, qui tous dilligemment furent tramis audit lieu et volentiers par les ofliciers et gouverneurs de chascune sans desdit. Fiers durement se maintenoient ceulx de dedens, et ne menstroicnt pas semblant d'estre espaourés de menasses. Aussi ne furent pas moins aigres les assiégans de leur préparer toute mortelle envahye, et de leur certifier honteuse mort à ung arbre s'ils se laissoient prendre non readus. Qui n'en firent ne plus ne moings pourtant, car estoient tous duits de guerre, et estoient passés autresfois par autres semblables destrois. Si se reconfortèrent en leur aventure et en la vertu de leurs couraiges ; et disoient que tel nyd n'estoit à rober sans l'acheter bien chier.Puis entre deux voloientet revoloient quareaulx et gros cailloux, dehors et dessus ces creneaulx; dont qui en fut attaint n'avoit , si mort non, ou afolure. En cest estat se comportèrent deux ou trois jours jusques les engins et gens des bonnes villes d'icy sus furent arrivés. Lesquels sur piés furent très aigrement dreschiés et mis en œuvre par tout où il besoingnoit, et les bombardes afustées en plusieurs lieux et les gros veuglaires. Le comte valeureusement fist batre les tours et la muraille en son plus foible; et sur le cop faict, tanstost en fist redou. bler en autre de veuglaire pour leur deffendre qu'ils ne bouchassent le trou. Dont tel fois fu qu'il en y eut des attains, tel fois que non. Et en telle maniere, pour nulle part leur souffrir avoir repos, furent salués par tout à l’entour ; dont grandement furent tra-

veillés de corps , comme bon que povoit estre

leur couraige. Si en y ot d’aucuns à qui il sembloit que l’assault se povoit assez bailler seurement , et que la difficulté n'y estoit point

qu'on ne les preist bien oultres. Si en parlérent audict comte, leur capitaine, à qui plaisoit bien leur bon vouloir ; mais non veullant mettre tant de noblesse à perte sans besoing , et encoires contre autres nobles hommes, qui se vendroient en ce cas bien chièrement certes, ildifféra l’assault ; et congnoissant que assez les povoit espoanter par leur donner continuel traveil par ses engins, les espéroit bien à vaincre et les avoir par autre manière plus seure et à moins de péril , combien que de menasses leur faisoit paour assez à dire et faire semblant de les assaillir. Finablement le traveil leur estoit importable et le secours hors d'espoir. Si s’avisèrent de demander parlement et d'offrir traictié ; et de faict par aucunes instances tant firent que le traictié s'y trouva.