CHAP'TRE CXXXV

. Comment il arriva ung 1egat à Brusselles avec le cardinal Balue devers le duc.

Or avant que le comte de Sainct-Pol, connestable , pot oncques partir de Brusselles, ceste première fois, le. cardinal d’Angiers y arriva, cely qui se nommoit Balue ; et le prochain jour après y arriva aussi ung légat du pape , arcevesque de Milan, que le roy avoit pratiqué de faire descendre, ce imaginoit-on, de par le Sainct-Siége, pour faire rompre ceste armée, aveucques aulcunes autres choses. Dont, du légat le duc fit grande estime, mès du cardinal très petite ; et ne le voult oncques souffrir venir devers ly. Ces deux venus donc à Brusselles, le connestable de France partist à toute baste et s’en ralla devers le roy , qui n'y demora que une nuit qu’il ne s’en revint à tue-cheval; et trouva encore le duc qui partoit de Brusselles, ponr aller à Louvain , à où tout convenoit siévir , et légat et connestable. Et estoit tout fait, et l'aubergeon estoit.nis au dos ; si n’y avoit de merci Dieu, ne de faire prière d’assiète. Toutesfoi: et d'entrée, quand le légat fut arrivé, le duc lui fit défendre que venant devers ly pour

GEORGE CHASTELLAIN

[1467] estre 0y, il ne lui parlast de nulle rompture de son armée, ne de nulle pacification ; car en vain s'en travailleroit. Mès de toutes autres choses quelconques il l'ascouteroit volentiers. et besoigneroitaveucques lyen cas possible. Et le fit seubtilement entretenir, avant que venir vers |y, sur quels points il pooit estre venu là. Si sceut aucques près tout sur quoi, comme fin homme toutes-fois que le légat feust. Siques il y vint et ne parla de nulle rompture ne de nulle pacification; car avoit bien esté escolé : mès parla sur d’aultres matères, dont le duc fit courtoise response ; et sur les articles tels qu'ils estoient, il le renvoya à son chancelier pour besoingnier sus; et lui ordonna de demorer à Louvain, jusques au retour de son armée , là où tout se parferoit ce qui seroit de faire.