CHAPITRE CXXXVL

Comment it y vint ung légat devers le duc Charles pou cuidier rompre la guerre de Liège.

Or siet-il bien à demander et à sçavoir après, quel chose vint procurer ne demander cestui arcevesque de Milan, légat devers le duc Charles, sur son mouvement de Brusselles pour aller en sa guerre ; car sans grand cause, fait bien à penser , ne y vint-il point. Si loist il bien savoir que nostre sainct père Paulus l'avoit envoyé, jà bonne pièce avoit, en France, là où , après petit arrest pris, devoit tirer , ainsi portoit sa charge, devers le duc de Bourgogne Charles ; ce que le légat ne fit à tant, et laissa couler temps. Et le tint Le roy emprès ly, qui ne s'en volt desfaire, et tant et si longuement , que le duc Charles, qui savoit bien sa commission, print souspechon, et lui imputa, comme assez vrai estoit, qu'il estoit tout royal etFranchois, et pourquoi aussi il l’en avoit moins en grace, et ne faisoit gaires conte de sa venue. Mès quand le roy vit maintenant que la chose alloit à l'estraindre, et que ce duc boutoit avant sa guerre tout à bon profit, aigrement le fit haster et diligenter, pensant venir encore à son recuevre tout à heure, par vertu de sa légation ; ce que non fit. Et en fut courroucié depuis ; et le légat en fut raboué en court de Rome, et

de par de chà devers ce duc Charles ; et s’en estoit excusé , ledict légat, jà, de la faute qu'il en avoit , à nostre sainct père, par ses lettres, sur le roy qui ne l'avoit souffert venir devers le duc de Bourgogne jusques à bien tard et sur le point de la guerre emprise.

Or portoit sa commission et sa charge pour laquelle venu estoit par dechà : Comme nostre sainct père savoit les différens qui estoient par dechà entre le roy et les princes de France, nonobstant encore tous traitiés et appointemens faits entre ly et eux, que icestui les mettroit de par |y en union et en accord à son pooir; confermast et valuast ce qui avoit esté bien et deuement fait; et dece qui pendoit en outrage et en excès, qu'on le matiguast doucement et amodiast selong le possible.

Car cognoissoit bien nostre sainct père les parties et les difficultés d’iceulx, qui estoient grandes et quasi non appoiactables; et avoit leroy jà gaigaié le pape tout pour ly, par personnes qu'il avoit en court tout propres, el par quoi il prétendoit et espéroit toujours faire sa cause bonne, tant contre son frère et le duc de Bretuigne, comme contre le duc de Bourgogne et autres. Et la seconde charge qu'il avoit, c'estoitqu'iltrouvast voie eLmoyen, s'il pooit, qu'i mist paix et cès de guerre entre les Liégeois et le duc Charles sans les plus traveiller ; car la clameur de Liége estoit et avoit jà esté montée jusques aux oreilles du sainct père, du voyage de Dinant subvertie, et de quoi tous les pays en sa dépendance portoient et avoient porté dure confusion. Si désiroit nostre sainct père y remédier par ceslui légat, par pité de l'église à qui Liége et le pays estoient appertenant. Et faut bien

savoir que, au partement de Rome de ce légat

pour venir en France, n'estoient encore nulles novelles que Liégeois eussent assiégié Huy, ne recommencié la tierce guerre encontre le duc Charles. Et pourtant ledict sainct père oyant novelles apiès de cestui tiers recommenchemert , et cuidant avoir assez pourveu en tout par son arcevesque de Milan, quand il parentendit la fin de ceste guerre tierce, et comment le duc arrière y avoit oeuvré, trouva en avis de dressier arrière ung second iégat, l'évesque Tricaricensis, duquel me tais maintenant jusques en son lieu, pour faire

CHRONIQUE DES DUCS DE BOURGOGNE.--III: PART

AA

mon conte du légat arcevesque de Milan, qui vint battant ferrant à Brusselles, tout escolé et du pape et du roy, à poste de l'ung et de l’autre; mès trouva bien ung fort passage toutes-fois , et plus estroit qu’il n'eust cuidié avant venir là.

Or ai je dit que le duc n'en estoit pas fortement assotté ; et tout premier , pour ce qu'il avoit s longuement séjourné devers le roy, qui lui donnoit souppechon ; secondement , pour ce qu'il estoit au duc de Milan, qui estoit son adversaire. Toutes fois, le duc soy rompant et vaincant en son Courroux, en dissimula et print en propos de l'oyr et de lui faire bonne chière , parmi ce, comme je vous ai tourné dessus, qu'il lui avoit fait dire d’entrée que de nulle paix qui touchast Liégeois ne lui feist mention ; car il s'en peneroit en vain. Aussi ne fit-il, car oncques ne lui en parla; et véoit bien et percevoit que au lieu où il estoit il s'y convenoit sagement contenir et complaire , et que peu lui pooit servir à l'eure la longue demorée qu'il avoit faite aveucques le roi, en trespas de sa commission.

Or parla-il au duc qui à Louvain estoit, et au long l'oït ; et lui dist tant seulement : que voirement estoit-il venu par de chà pour appointier en l'honneur de Dieu les rumeurs et les différens qui estoient entre le roy et les princes de France, à cause d'aucuns traitiés et appointemens faits entre ledict roy et euix, et dont il estoit uug des principaux. Dont, et pour ce que le roy se douloit, d'ung costé, ce disoit, et monseigneur Charles son frère et ly de l'aultre, et que chascun prétendoit avoir le bon droit pour ly, nostre saint père l'avoit envoyé par dechà par devers le roy et ly, pour trouver bon moyen et bonne union partout, pour faire chascun entendre et condescendre à raison en son tort et en son droit, comme princes de justice et d'équité , si bien contr'eux que pour eux. Et s'excusoit alors de ce que si longuement avoit séjourné devers le roi en contraire de sa charge ; mès il en mist le fardeau sur le roy qui ne le souffrit oncques partir de ly jusqu à celle heure.

Si lui respondy le duc doucement : que bien fenst-il venu, nonobstant sa longue demeure souppechoneuse et dont il n'accontoit pas gramment. Mès à l’eure que telles paroles se

misrent avant pour estre traitées et maniées et levées , qui estoient de tel et de si grand pois, il estoit temps malpropre à cefaire, veu l'appareil que le duc lui monstroit , lequel il véoit à l'œil, comme d'aller en l'emprise de sa guerre. Si lui pria le duc qu'il se retraist deversson chancelier, messire Pierre de Goux, chevalier, pour lui ouvrir et déclarer ces matières pour y avoir avis dessus, et que à Louvain le voulsist attendre jusques au retour de son adventure. Laquelle chose le légat fit ; et se porta très bien en toutes conduites tant qu'il y estoit.