CHAPITRE CXXX VII

Comment le connestable retourna à Louvain vers le duc, ct des conférences qu'ils eurent ensemble.

Or estoit revenu arrière la seconde fois , le comte de Sainct-Pol ; et l’avoit le duc mené à Louvain, pour de là en avant soi mettre sur les champs. Et estoit orrible chose à veoir le monde qui estoit sur les champs tout en armes, aveucques le charroy qui estoit si grand qu'il ne se pooit comprendre à veue; car , tant pour artillerie comme pour tentes et pavillons, et vivres et autres nécessités, et que c'estoit en temps d'yver, il y en avoit tant que mal seroit créable de les nombrer. Et devoient bien Liégois avoir peur, ce sambleroit, de tels approcemens sur eulx, s'ils eussent esté sages. Et croy bien que si avoient-ils ; mès ils ne savoient leur peur tourner à sens, et se fioient tousjours sur le roy, à leur grand mal aventure.

Or procuroit tousjours le comte de Sainct- Pol, connestable , devers le duc, pour avoir le seur estat dont j'ay parlé, pour ung an entier , et parmi lequel, s'il le pooit obtenir, le roy promettoit non soi meller de la guerre des Liégois. Mès oncques le duc toutes-fois n'y voult entendre, ne ne se voulLoncques changer de son propos par avant dit ; et se mellast le roy ou non mellast , ce dist-il, ne le bailleroit jamais, si non pour demy-an , aveucques les condicions encores qu'il y avoit mises. Et se monstra tout réconforté de ce qu'il en pvoit avenir. Si sçavoit-il bien toutes-fois que

GEORGE CHASTELLAIN

les gens du roy estoient puissans en Retnelois, sur les frontières de Liége, près assez pour les secourir; mès n'en faisoit estime. Quand doncques ce comte de Sainct-Pol vit que point ne pooit finer de ce qu'il quéroit , durement se trouva esbahi et en grand perplexité de savoir bien faire et lessier. Le duc aussy vit et entendit la presse qu'il lui faisoit aigrement de la part du roy, pour le mener au consentement de demy-an, et sans lequel, s'il ne le consentoit , le roy , ce sambloit , se melleroit de la guerre ; et par ainsi il aroit à faire à ung roy de France et à ceux de Liège , qui estoit dure chose et forte ; et lui sambloit aveucques ce, que le connestable, comme souverain officier du royaulme, se devroit maintenir aussi en ceste guerre de la part du roy.

Dont, pour en estre à la paix de son cueret pour sçavoir aussi, au pis venir, se le roy se vouloit meller de ceste guerre , comment ce comte de Sainct-Pol, connestable, se vouldroit porter aussi , ou par devers ly ou contre ly , lui dist plainement : « Beau cousin , avisez bien devant vous : car quant au secours que le roy peut faire aux Liégois, je ne m'en donne soing , et suis aussi réconforté ainsi que autrement. Mès je vous dis bien , et vueil bien que vous Sçaichiez, que ce que vous estes connestable de France , vous l'estes de moi et par moi; et quand vous en feistes le serment, vous le feistes par tèle condicion , que vous servirez le roy contre tous et envers tous, réservé la maison de Bourgogne. Or estesvous mon subject du plus bel de vostre vaillant , et estes né de mes pays. Si vous puis et dois semondre, nonobstant quelque serment fait , de moi servir en ceste guerre , devant tous ceulx du monde. Et ne me convient que dire le mot, auquel, si vous désobéissiez , je sçay bien que j'auroie à faire. Si que, pensez bien à vostre cas : car se le roy se veut meller au fort de ma guerre, si ne sera ce point à vostre preu. »

A ces paroles, le comte de Sainct-Pol fut encore plus esbahi que devant , et se tint bien à entrepris pour savoir que respondre: car, comme connestable de France , devoit peser le fait du roy, comme gardant son honneur; et comme subject et bienveillant de son seigneur naturel et souverain, devoit craindre

aussi‘à mesprendre en sa foy eten sa léaulté, par folle gouverne. Véoit que l'estat d'ung an, ne pooit obtenir par parole ne par prière; considéroit aussi le grand mal qui pooit advenir, se le roy se melloit de ceste guerre ; et print une vertu de corrage enly meismes, disant : « Or, monseigneur, Dieu vous doint joie et bonme aventure de vostre guerre, et aussi bonne que je la désire! Et se le roy s'en melle, croyez que j'en seroie bien dolant, tant pour ly comme pour vous; car il en

poroit ensievir ung grand mal , qui jamès ne

seroit réparé; et s'il me veut croire, il ne s'en mellera jamès , et vous en lessera convenir. Il me besoingne retourner devers 1y :

car devers vous je ne puis riens faire. Mès comme connestable de France et de mon auctorité , soit bien faict , soit mal faict , ne sçai comment il en ira. Mès je m'avance de vous promettre et d'obligier le roy en tant, que de demain dix-neuf d'octobre jusques à douze jours ensievans inclusivement, le roy ne se mellera de ceste guerre, ne pour vous ne pour aultre, comment que la chose puist aller encore ; et vous fiez et fondez sur ceci. Et moi je m'en irai battant ferrant, et y ferai le mieux que je porrai, et le plus expédient. Et dedens le douziesme jour infailliblement, vous arez les nouvelles de moi tèles que je lés arai trouvées, et de là en avant vous vous porez fonder dessus, et sçarez que vous arez à faire. »