CHAPITRE XXIV
Comment deux mille Anglois arrivèrent devant Roye et d’un débat entre le comte de Hantindon et Hector de Saveuse.
Oyes donc leur peticion , et maintes réplicques faites icy et là, le comte de Ligny qui tout pesoit à la balanche et considéroit que l'on ne doit reffuser raison, s'accorda au traictié ; et non veullant estre cause de mort à autres nobles hommes de son party, qui là après pourroient estre assiégiés comme eulx et povrement secourus, luy , homme de guerre plus discret que cruel , les souffry parür, leurs corps et leurs biens sauves, avec une quantité de ceulx qu'ils y avoient gaingniés. Et pour les asseurer de tous empeschemens qu'ils pourroient trouver en chemin, jusques à leur retraicte leur baïlloit saulf-conduict pour et au nom de son prince , et avec ce ung vaillant escuier , nommé Hector de Saveuse, pour les conduire. Si advint que, eulx partis ainsy, et mis en la voye de Compiègne, où leur affection les trayoit, que deux mil Anglois vindrent audit lieu de Roye pour intencion de eulx joindre avec le siège contre les autres , lesquels ils trouvèrent jà partis et le siège rompu. Si ne firent lesdits Anglois sem-
blant de riens ; mais hastivement tournèrent bride, et faingnans de prendre autre chemin se remirent secrètement sur le train des daulphinois, et à force de chevaulx les poursievirent si radement que à moins de quatre lieues les rattaingnirent. Le chief de ceste route angloise estoit le.comte de Hantindon et Cornuaille. Et s’estoient joincts avec eulx au partir du siège aucuns des Bourgoingnons, comme Butor de Croy, Aubelet de Folleville, le bailly de Fouquesolle, le bastard de Dunoy et aucuns autres; mais ne sçay s'ils estoient d'assentement à l'emprinse des Anglois ou non. Toutesvoies, à la rattainte, les Anglois fellonnement et sans barguignier frap
pèrent en eulx. Jà soit-ce-que en petit nombre estoient les daulphinois au regard des autres, car ils venoient file à file l'ung après l'autre, les ungs pour l'assure de leurs chevaulx , les autres sur la fiance de leur saulfconduict et de cely qui les menoit, et ne se doubtoient pour l'heure des Anglois; tou
tesvoies, comme j'ay dict, les Anglois non regardans à riens, ne à bieñ faict, ne à mal faict, férirent eux, et ruèrent jus toute la compaingnye qui, par deffence ne par armes faire, ne povoit arrester devant eulx que ils ne fussent ou mors ou prins. Et de faict y en mourut une part ; l’autre s’enfuy ès bois; la tierce futprinseet créancée. Dont il advint que Hector leur conduiseur, voyant ceste aventure ect honteuse destrousse pour luy, cuidant subtillement sauver messire Karados et le renvoyer, print meismes la foy de luy et le créança comme son prisonnier. Dequoy Cornuaille non bien content vint à effort , et se penoit de luy oster, disant : « Point ne vous appartient de le prendre, quand il a saulf-conduict de vostre capitaine. » Hector, toutesvoies , qui n'estoit pas mol homme, ne bien aisé à traicter par rigueur, ne le volut laissier pourtant, mais le tint estroit assez, comme pour le vouloir deffendre au trenchant, se le lieu y fust, mais nennil. Laquelle chose Cornuaile, fier homme, voyant, et que si peu tenoit de sa parolle, despitement luy donna ung cop de poing atout le gantelet sur son bras, et parla assez durement à luy. Dont grandement fut troublé celuy Hector ; et s'en fust vengié voulentiers s'il y eust eu lieu; mais force luy
SA
estoit d'en souffrir pour celle heure , comme impacient qu'il en fust.
En ceste manière , messire Karados , Chares de Flavy et tous les autres demourèrent aux Anglois. Et ceulx que les Picars avoient prins et creancés , eulx meismes les tuèrent , car ne les eussent osé mener avec eulx en leurs logis vers leur capitaine, excepté Harbonnières, que Aubelet de Folleville print ; et le detint et mena à Noyon, là où on luy coppa la teste. Ainsi print-il aux daulphinois de leur emprise de Roye et aux Anglois de leur poursieute , qui arrière se vindrent logier , pour le beau service qu'ils avoient faict au comte de Lisny, à deux lieues près de Rove,
non paires loin de son ost.
