CHAPITRE CXLIIL
Comment le duc Charles , à l’incitation d’aulcuns qui le gouvernoiïent , convoiteux d’amasser , le contournérent en avarice,
Son estat doncques en cestui peint dreschié , moult le faisoit noble à voir; et estoit une chose magnifique non veue pareille. Et tout le résidu eust esté dreschié ainsi; ce que non. Mès ne procéda point de ly, mès de ses gens; car comme l'aventure du temps le rendoit ainsi jà de long-temps, et paravant qu'il vemst à seigneurie , et qu'il estoit souffreteux , beaucoup de gens avaricieux.et con voiteux extremement , et de diverses notes, s'estoient ombroiés entour de 1y, sur l’espoi: du temps futur; et lesquels , ly maintenant veuu à terre, le saisirent à bras, et y obtindrent le gouvernement, l’ung en une manière, l'aultre en une aultre; et lesquels, comme euix n'avoient aultre Dieu que or et argent, pour se faire grans oultre mesure et devoir, furent exemple au maistre aussi de mettre ià son estude , et d’amer amas d'or et d'argent, comme son idole, qui grant dommage fust.
Car se gens de grond et noble courage , vertueux et honorables, de grant lieu et d'éage loable , y feussent aussi bien escheus pour l'avoir en mains, ce eust esté chose admirable que de son faict, aveucques ce que main tenant il estoit si grand encore, que point n’avoit de per. Et plaings sur toute chose du monde l'aventure de ceste avarice, s’elle lui peust estre imputée à vice. Mès de ceulx hardiement qui en furent cause, et qui en furent nourriture et exemple, je plaings l'adestrance; car en la convoitise du maistre peult avoir excuse et sauvacion honneste, comme à ung te! grand prince comme ly il y siet pooir avoir et désirer d'avoir tnrésor et de
grand amas, pour mains grans soudains aflaites , là où le grand avoir sert. Mès en gens dé cotnmunestat et de commune vocation, qui veillent et labeurent en choses démesuürées et en oultrages intollérables , et dont plaie vient en la chose publique, en ceulx là ne peult avoir excuse ne coloration , sinon que vice en court est souvent plus honoré et essaucié, et tient et possède plus tost lieu , que vertu. Si ne peult prince avoir au monde plus grand plaie ne plus pestilencieux venin emprès 1y, que avoir entour de ly gens avaricieux, convoiteux et flatteurs en auctorité. Car tous les maux du monde en ensievent, et les princes s'en déshonorent, et les affaires de la chose publique et des villes et des pays, s'en desfigurent et desrèglent.
. Moult.y avoit de grandes et de belles vertus en ce jeusne prince, le duc Charles; et entre aultres choses loables , parcevoit-on en lui haulte magnificence de cuer pour estre veu et regardé en singulières choses. Tournoit toutes ses manières et ses meurs à sens une part du jour, et aveucques jeux ct ris entremellés, se délitoit en beau parler, et en amonester ses nobles à vertu, comme ung orateur. Et en cestui regart, plusieurs fois, s'est trouvé assis en ung haut-dots paré, et ses nobles devant ly, là où il leur fit diverses remonstrances selong Îles divers temps et causes. Et tousjours, comme prince et chief sur tous, fust richement et magnifiquement habitué sur tous. Donnoit à mesure assez, non en grant porcion, mès donnoit à beaucop d'ommes , et estoit assez d'amiable repaire ; mès fort vouloit estre servi de près. Au commenchement de son histoire, j'en ai assez largement parlé de ly et de son père touchant leurs vertus et leurs meurs. Si ne besonpne point d'en parler arrière la seconde fois; si non que depuis ce temps là il ait prises aulcunes nouvelles meurs, il siet bien d’en faire mémoire, quand encorre elles neseroient point de los ne de perfection. Car aultrement sembleroit-il que je, en mon escripre, seroieung menteur voluntaire et ung flatteur, qui grandiroie ung homme par bourdes, et le feroie meilleur que homme et de plus haulte condicion, tout parfait, sans vice, qui poinct ne se treuve au monde.
GEORGE CHASTELLAIN
Si donc je m'avance à réciter aulcuns de ses vices, à tiltre de bien, tant mieulx faisje à croire, quand je fais narracion de ses vertus , pour en donner vraie cognoissance.
Si dis de y, et le dis par pité, que gens inutiles, en son premier règne, ont eu approce dely , et parquoi sa personne en a esté moins clère. Car volentiers on dit que le seigneur, de tele et tele famille qu'il a, volentiers en pread tel ou tel ploy; et attirent les meurs de ses serviteurs, costumièrement, les meurs du maistre à leur usage. Quand donc les cuers des serviteurs sont vicieux et tout esloingniés de noblesse , et ne visent qu'à rapine et à ordure, et à emplir leur sac sans peur et sans hide, et sans mesure et sans pité, com mal qu'il soit pris, certes, c'est une doloreuse perte et domage, quand le cuer d’ung noble prince se décline là envers, constraint par tele maisnie.
