CHAPITRE CLVI

Comment le duc Charles fit faire une grande exécution d’ung fils bastard du scigneur de La Hameyde, et comment ses parens se vinrent ruer devant le duc pour miséricorde.

Ne me loist couler maintenant sans faire record d'une exécution de jushice ‘que fit faire ce duc Charles en ce pendant qu'il séjournoit à Bruges, surattendant la seur du roy Edouard d'Angleterre, sa femme à venir.

Si est vrai que ung jeusne fils, de l’éage environ de vingt-quatre ou vingt-six ans, nommé Hernoul , fils naturel de messire Hernoul de la Hameyde, seigneur de Condet, estoit détenu en prisou à Bruges; et l’avoit fait prendre le duc et mettre en la porterie en la main de son portier, par claim et à la requeste de partie qui là l'estoit venu poursievir, nour

uag leur frère que cestui jeusne fils avoit mis à mort assez piteusement, en Condet meismes, ville et seigneurie de son père; et de quoi, comme la pacificacion n'en avoit csté faicte, mès la cuidant porter oultre par haulteur et par puissance de ses amis, n'avoit daignié à peine d'en réparer l'offense. Parquoi, les amis venus à Bruges devers ce nouveau duc, lequel, par renommée, savoient estre prince de justice et de radresse, se vindrent ruer devant ses pieds, lui priant pour justice et pour réparacion du piteux grief commis en leur frère. Si leur jura le duc, par Sainct- George! que si feroit-il, et qu'il en feroit bonne punicion. Et prestement, comme ce jeusne fils ignoroit la plainte faite , et ses ennemis si près de ly, soy promenant et devisant emmy la court aveucques les aultres gentilshommes , fut appréhendé et mis en la porterie , sous bonne et forte garde, estroitement recommandé de la bouce du prince. Si en vint prestement la voix au seigneur de la Hameyde , son oncle, et à plusieurs aultres seigneurs, ses parens, qui là estoient en grand nombre, et lesquels pesans le fait, quel il avoit esté et non pacifié, pesèrent aussi le criminel dangier en quel estoit leur parent, par la cognoissance qu'ils avoient de da rigueur du prince. Si se boutèrent tous ensemble hastivement ; et par conseil pris, une partie de eux s’atourna envers la partie poursievant , et l’aultre, ia plus principale et la pesante, se vint ruer devant les pieds du GuiC, lui priant et suppliant qu'en recognoissance et retribucion du service que fait lui avoient en maint mortel dangier aultres-fois’,

et en grandes missions et peines longuement

continuées , il lui pleust à estre piteux et mi-

séricordieux envers leur nepveu, et de mitiger

sa roide justice envers ly , par recognoissance aussi du service que le jeusne homme lui avoit faict à Mont-le-héry, Jà où il s'estoit vaillamment porté et monstré par jugement de beaucop de gens; parquov, se sa grace se pooit estendre jusqu'à en avoir mémoire, la faute de son péchié et de sa bouillante jeunesse en poroit estre tant plus aucunement supportée. Si fut la requeste belle et piteuse à oyr en face de toutes nobles gens, en pleine salle, là où le duc se rendit ententif à les

GEORGE CHASTELLAIN

bien entendre, et pour tant mieulx savoir respondre à poinct, car avoit la chose fort à cuer. Si respondit et dit :