CHAPITRE CLVIL

Comment le duc Charles fist une moult belle response aux supplians , non obtempérant à lenr requeste ve dit prisonnier bastard.

« Sire de la Hamevyde, et vous les aultres, je cognois bien les services que m'avez fais, et les ay bien en mémoire; mès ne me loist pourtant de vous retribuer de vos mérites en cely cas, par chose qui n'est pas ne à mov ne en moy; mês vous doy rémunérer du mien et de mon propre. Vous expétez la rédempcion de vostre nepveu , et que je lui face grace; et véez cy partie qui me requiert de justice , de leur frère piteusement mis à mort et sans tiltre; dont la grace faire pend en eulx. Moi doncques, d'aultrui franchise ne doy faire ma libéralité, qui n’y ay riens. Se à point et à heure eussiez contenté partie , et tant fait que la plainte n'en feust venue jusqu'à moi, vous eussiez lors obtenu , peult estre, sans moi, Ce que maintenant je ne vous puis donner sans culx ; car ne me loist donner ie sang de leur frère qui crie sur moi. C'est à eulx d'en demander la vengeance, et à moi de le vengier par observacion de justice, que je ne puis ne ne veuil refuser. Encore , quand

partie seroit contente, et que l'offense en est

en mon sceu , si y ai-je intérest très-grand, et de quoy je feroie conscience de le couler. Mès contentez partie, et puis après en s'avisera du surplus au plus expédient. »

Ce fust tout que parens et amis porent traire . pour celle heure du duc Charles, qui ne donnoit ne tolloit. Mès disoient aulcuns assistans secrètement, que en couvert lui avoient oy jurer Sainct-Jorge, qu'il en mourroit long ou court. Aultres aussi les aulcuns se fondoient en espérance , disans que il peseroit fort, ce leur sambloit, la requeste de toute la chevalerie de Haynau , à qui cestui cas compétoit, et resoigneroit à leur faire ce refus ; mès se décevoient.