CHAPITRE CLVIIT

Conment les parens dudit bastayd appaisèrent la partie du mort, par leur ayoir donné grans deniers , ce qui riens ne leur prouffita quant à la délivrance

dudit bastard.,

Or firent tant parens et amis, par argent et par honnestes réparacions , que partie fut contente ; et vint partie soy remonstrer devant le duc, et lui signifier et dire son contentement, et la haulte et belle satisfaction qui lui avoit esté faicte, priant à mains joinctes, que il lui pleust faire sa grace et sa merchy en l’offenseur , comme le corrage des offensés est commué en pité envers ly, pour l'onneur de Dieu; parquoy lui prièrent de samblable. Mès ce duc y respondit peu ; et ce peu qu'il en dist, si estoit-il assez obscur , et pendoit en doute. Et n’en porent les amis ni la partie pacifiée tirer aultre chose, fors seulement vivre en espérance non certaine.

Et le détenu demeuroit tousjours en prison, qui , vivant en l'espérance de ses grans amis, ne cyida jamais morir , et fit bonne chière.