CHAPITRE CLIX
Comment le duc Charles, sur son partement d'aller à V'Escluse à privée compaignie, ordonna secrétement à l’escoutète de Bruges , l'exécution dudit bastard.
Or advint qu’ensi que le temps couroit tousjours avant, et que , de jour en jour , on attendoit fa descente de la seur du roy d'Angleterre à l'Escluse, le duc, ung jour délibéra d'aller visiter et veoir le port, et les apprestances et les préparemens là ordonnés pour la réception d'icelle ; car la vieille ducesse , la mère au duc, y estoit aveucques la fille du duc , mademoiselle de Bourgogne , noblement accompagniée. Si y voult aller le duc les visiter, et soi esbanoier en privée maisnie : car estoit tané de tant avoir esté à Bruges sans changier air. Si s’avisa le duc touchant le secret qu'il avoit gardé en son corrage envers ce bastard prisonnier, et manda l'escoutète (4)
4) Sorte de juge, du mot auscultator , chargé d’évouter les plaintes et d'en faire justice.
CHRONIQUE DES DUCS DE BOURGOGNE.—III* PAR1
de Bruges venir devers ly, sans que nul sceust pourquoy ; et lui venu lui dist : « Es
coutètc, je vous commande qu’anuit, par nuit, vous veniezquérir en la porte de cyens, de ma maison, le bastard de Condet, et je mettez en la prison de la ville ; et demain matin, à onze heures, sur autant que me doutez , faites le exécuter dehors la ville, au lieu accoustumé , et à tels usages qu'il siet à faire à ceux qui là meurent; car mon plesir est tel. — Monseigneur, ce dict l’escoutète alors , vostre plesir et vostre commandement me sont bien d’obéir, et, Dieu pour moi, je n’en serai point en faulte. Mès ce m'est dur que ung si beau jeusne gentilhomme et de si hault lieu, n’a peu obtenir vostre miséricorde, — Vous 0ez que je vous dis, ce dist le duc ; faites ce que je vous ordonne , et ne vous chaille du remanant. »
Atant le duc leissa l'escoutète , et part, et s’en va tout droit au Dam , et de là à l’Escluse ; etestoit bien sincq heures de vespre, quand il se partit, par ung vendredi, dont le sabmedi adjournant il avoit ordonné de faire morir ce bastard.
