CHAPITRE CLXI
Cnmment le seigneur de La Hameyde se naætit de Bruges mal content, et comment on fit morir ce jour mesmes le bastard bien confusiblement » à grand toutes-fois compassion de ceulx de la loy.
Le sabmedy matin doncques, le seigneur de la Hameyde voyant son nepveu en ce dan.
gier et qu'il, convenoit qu'il morust de honteuse mort, etque , pour prière ne pour service fait, le duc n'avoit oncques voulu rien faire pour ly, se indigna en cuer encontre soi-meismes, et montant à cheval s'en va grand tire vers son pays; troussa et emporta bagues et malles , et fist esracier ses’armes
*qui mises estoient devant son logis , tout argué
en sa confusion : car pour nul or n'eust velu estre en la ville , là où son sang si prouchain
eust esté mené, voyant ses yeux, à fin si
triste. Et y estoit la raison bonne et juste. Et ne s'en doit esmaier nul , si le cuer lui estoit gros : car estoit très noble et grand homme et de hault estat. Or vindrent deux heures après midy ,et le bastard bien ordonné et confessé , et que l'on véoit jà qu'il n’y avoit plus de remède ne d'attente, fut mis sur ung chariot, lié et attaché de cordes ung peu, aussi honnestement vestu que pour aller à
nopces, bel de visaige plus que aultre , et à
si beaulx crins blonds qu'on ne pooit plus beaux , de toute forme et de taille le mieulx pris qui fut eatre mille hommes ; et plorant amérement plus de sa confusion que de sa mort , fust mené tout le long de la ville , pour venir à la justice , à où grand monde sievoit pour la compassion du cas non jamès veu tel.
Entr'aultres y avoit multitude de povres folles femmes qui le sievoient , et qui crioient et ploroient piteusement sur ly , et le demandoient avoir en mariage , qui toutesfois leur fut escondit : car n’eust-on osé, par peur du prince, jà-soit-ce que l'on eust bien volu avoir faculté de le povoir faire ; car n'y avoit cely de la loy qui meismes ne plorast de la pité du cas. Venu maintenant doncques au lieu là où estoit son cimitère, là fut mis jus, mis en son pourpoint de soie, reconforté et assisté très curieusement de confesseurs , AUxquels il certifioit avoir pleine vraie foy et parfaite espérance en Dieu et en la Vierge Marie , disant meismes que celle honteuse et confuse mort que Dieu lui envoyoit en si ieusnes florissans jours ; lui donnoit vrai espoir que Dieu le prendroit en sa merci ; disant encore, mês que l'ame pust aller bien, ne lui chailloit de la charongne qu'elle devenist. Et prenant une astuce en ly, sur le point de son derrain , prist congié à tout le monde ; et les yeulx bendés se mist à genoulx , dont prestement fut mort: mès ce que je plus plains , c'estoit que le corps en deux pièches on le mist sur une roue entre les meurdriers les plus forfais du monde ; et l’avoit ordonné le duc de le faire ainsi. Mès dedanstrois jours après le duc permist, à l'intercession des amis ;
qu'il fut mis en saincte terre. Et fust ense- Vèly révéramment en la chappelle des Ménestriers à Bruges, et lui fist-on ung bel service:
