CHAPITRE CLXXIV

Comment le duc s’estoit mis ès champs et clos en ung | parc aveucques son armée.

Le roy doncques se tenoit à Noyon, conseil- Jant et soi avisant sur son présent affaire, et là où par les sages et parles vaillans hommes de divers estas furent maintes choses levées et retournées , et à toutes difficultés de guerre et de paix remonstrés maints articles; car le cas le requéroit bien. Et le duc s'estoit mis

CHRONIQUE DES DUCS DE BOURGOGNE. — 11I° PART

aux champs jà, et s'estoit clos en ung parc, le plus fièrement qu'on le veist oncques, 1à où il délibera d'attendre tout l'envoy de fortune, de quelque part qu'il lui peust venir, feust que le roy le voulsist approchicr et luy courir sus, feust de là attendre et d'yverner, jusques à tant que plus fort l'en feist lever, où que autre, comme monseisneur Charles et le duc Breton, lui requisissent .d'aller et tirer plus avant et plus parfond en leur aide. Car là gisoit sa résolution, que jamès de là ne se partiroit, si ce n'estoit pour l’une des trois causes, etqu'iln'emportast vrai app:intement aveucques le roy, possès de ce qu'il lui avoit transporté, donné et confirmé à Conflans, et à monseigueur Charles de France satisfait aussi de la ducié de Normandie ou d'aultre chose en ce lieu, par quoi l'accord y peust estre ferme. C'estoient les deux points principaux pourquoi il avdit mis sus ceste armée, et qu'il s'estoit venu logier en ce parc pour parlementer à espée traicte; car autrement, ce sçavoit bien, ne venroit jamès à bon bout. Dont, et pour donner à cognoistre à tout le monde le fons de son corrage et le tiltre qui l'avoit meu à estre venu là en armes et en tel arroy, fit crier par tous les quarrefours de son ost, à son de trompe, que nul, foust amy ne ennemy, nentendist que là il feust venu efforcément pour nulle ennemistié ne violence inférer au roy ne à sa couronne , ne pour faire sur Îy ne sur son royaume nulle envaye.

Mais, pour ce que langages minatoires avoient couru, jà grand pièce ayoit, de la part du roy, que ly mesmes le devroit envayr et assaïllir, en le diminuant et retorquant en sa seigneurie , sculement se venoit présenter là pour se defendre , aveucques ce que promesse et serment fait à monseigneur Charles de France et autres, et de l'agrément du roy mesmes , à Conflans, l'obligcoient à ce et le constraignoient de lui estre venu à secours et à remède par toutes bonnes voies. Et par ceste manière de faire , et qui cstoit véritable aussi, le duc, comme sage et Lien avisé et comme il devoit, se deschargea de la charge que François et autres lui pooient imputer de ceste seconde insurrection , ce sambleroit, encontre là coronne ; laquelle toutefois, ne première ne seconde , ne l’estoient point par délibéracion

ne ceste seconde aussi n'estoit pas insurection contre la coronne, quand, par les causes ici démonstrées, il appert que c'estoit une compulsion de soi deffendre et de maintenir sa droiture, laquelle ne se pooit garder , ne sauver, ne maintenir par nule remonstrance ne par nul bel parler , si non par soi monstrer aux champs et bargaignier au fer. Dont, et pour ce que d'ung costé et d'autre pité se prenoit en maint cuer d’omme, de veoir tant de noblesse et tant de noble chrestien sang perdre ici en branle de perdicion, et tout ce royaume en dangier soubs un hasart incogneu, n'y avoit à nul lez preud'omme ne de sain regard qui volentiers ne conseillast et boutast à tout bon moyen de rappaisement au lez là où il pendoit le plus de péril et le plus de question, comme au lez de ce duc Charles, qui estoit plaintif et fier, et fort durement pour le rappaisier.

Nientmoins, pour ce qu’il estoit de coronne, et du nomet des armes, et le principal membre souverain d'icelle et pilier, si fut-il tous les jours ammonesté de différer l’effect de la guerre, jusques au derrain point extreme, pour cause de son propre honneur et de la raisonnable pité qui à ce le devoit movoir, pourveu qu'on le voulsist traitier et lui offrir raison et équité. Aiñsi doncques, comme cestui duc Charles avoit aveucques ly ung moude de nobles et de vaillans gens pour combattre et pour leur sang espandre en sa querimonie , les avoit aussi pour ly conseiller son salut et son honneur , et pour donner support ct déport à ce très noble et très christien royaume , de non rencheoir arrière, du temps des enfans, en longue portée malédiction et aversité du temps des pères. Dont, et combien que l'apprest et l'orgueil estoit fier et grand par de là du costé du roy, et que les cuers devoient et pooient estre animés assez envers ceux de dechà, pour cause de l'assaut et de‘l'orgueil monstré si fier sur les champs et en la barbe de France, nientmoins , quand ce vint à peser l’ung dur contre l'autre, et à difficulter les grans inconvéniens qui en saudroient , et ne savoit-on sur qui le plus, n'y ivoit de la part du roy sage homme aussi qui

GEORGE CHASTELLAIN

quoique, par accident et par inconvénient, la ! première tourna tele et par ung contraire; |

ici ne conseillast plustost moyen et appointement que venir et laissier aller la chose à l'extrémité du péril sur vain promettre de fortune. Mesmes le roy, qui estoit sage et moult subtil de sens, et à qui la chose compétoit devant tout autre, car estoit son propre fait et sa propre totale perdicion ou recouvrance, cely, après mainte disputatirn faite par avis en ly mesmes, aveucques ce qu'il sentoit tous les dangiers et les parfondoit en sa méditation, conclut”finablement de’soi

mettre en devoir volentiers de traiticr aveuc-

ques son beau-frère le duc, et d'envoyer à Han ses commis pouf oyr et entendre ce que de la part du duc y poroit estre remonstré et produit, et sur cela avoir avis après pour respondre et besoingnier à l’expédient convenable. Et y furent de sa part envoyés, allanset venans , tels ettels (1) . . . . ,et de la part du duc, messire Ferry de Clusny , le prothonotaire de Clugny son frère; maistre Brixe bailli de Charolois, maistre Anthoine, juge de Besanchon, messire Guillaume de Bische, maistre d'ostel, et plusieurs autres. Et le comte de Sainct-Pol, connestable de France, amy des deux parties et du commun bien, et en qui maison et place tout l'assamb'ement se faisoit, icely se trouva médiateur toujours entre les deux aigreurs, et ne tendoit qu'à l'appaisement du plus fort renc, là où 1l voyoit le plus de pois de difficile.

Si convient entendre toutefois que, combien que le roy souffroit traictier et aller et venir journellement en ceste ville de Han ses gens, par une manière d’escout et d'essay pour savoir à quelle fin on pourroit venir à l'estraindre, ne cessa point pourtant d'avoir ses gens aussi par-delà du costé de Bretaigne, qui praticquoient et se meltoient en grant peine de contenir et de rapaisier son frère et le duc breton, afin de les rompre par bel promettre en leur surrection aussi que préparée avoient par delà ; car à résister là il y convenoit grand effort; et à porter le faix de la guerre par dechà contre le duc bourguignon, il y convenoit dure puissance.

Si lui sambloit, et vray estoit, que s'il pooit rompre le bras par-delà, par puissance

(4) Lacune dans le manuscrit.

(4468 CHRONIQUE DES DUCS DE BOURGOGNE.—IH PART

ou par menace, ou par traictié, ou comment que feust, le bras de dechà en seroit plus foible et’moins fier , et en poroit-on avoir meilleur conte, comme il estoit notoire. Céla toutes-fois et couvrit cestuy secret, laborant toujours à celle fin, ou qu'il venist au desseure du bras de delà, par luilivrer menace et espoentement, comme bien y avoit pourveu, ou qu'il les vainquist par bel offrir, moitié ung, moitié aultre, comme la chose avint, en contraire toutes-fois de l'espoir du duc qui jàmès ne l'eust cuidié. Et fist paix aveucques son frère et le duc de Bretaigne, et eulx aveucques ly ; et firent courir voix ; et le signifièrent au duc, soy estant mis en ce péril pour eulx : que plus avant ne plus longuement ne pooient soustenir l'effort du roy sur eulx, ne maintenir la guerre, tant par faulte de gens et de pourvision qu'ils attendoient et avoient attendu de 1y, comme de la povreté qui estoit devers eulx d'argent et d’aultres nécessités qui à maintenir guerre sont requises. Et mandèrent par Bretaigne, roy d'armes, à deux placebo, au duc leur allié, qui se crucifioit de leur honte, et ne se pooit ravoir pour le croire ou non croire; toutes fois si fust-il tel. Et le roy apriesmes, cuidant donner terreur et espoentement au duc, parce que jà il pooit faire descendre toutes les deux puissances de ce royaulme en une, et la mettre devant ung seul front, qui par avant avoit à respondre à deux, et dont du second jà il estoit au desseure, fit dire au duc, et l'en avertit, que bien avisast devant soy, car en tel ergueil empris et monstré sur ly, il estoit en ly maintenant de ly repousser sa corne, et de la faire retraire ; et lui remonstreroit que ung roy de France est bien de pois à ung duc de Bourgogne , son subgect encore et son vassal.

Lors, où ce duc de Bourgogne enflé alors de despit de la faute des aultres, pour qui tant avoit fait, et devenu plus fier que ung lion quérant proie, et grandi en cuer plus qu'oncques à cent double, jura Sainct-Jorge que apriesme y tiendroit-il lieu et place; et y venist le roy et tout l'effort de son royaulme, de ‘à re hougeroït jamès ne ne reculeroit d'uny pké, «ins moriroit avant, se besaing le donnoit; et là vivroit et morroit, et

tous les siens, jusques à avoir tiré du roy ce pourquoy il y estoit venu ; et cela il l'auroit et l'obtiendroit, ce vooit-il à Dieu , ains que jamès il en partist; ou seule mort de Iy et des siens y mettroient l'obstance. Et quant au regard de ce que les aultres s’estoient déportés et pacifiés aveucques le roy, et l'avoient abandonné et lessié dehors leur traictié, seul et à par ly, de ce ne fesoit-il estime, ne de eulx ne de leur confort; il estoit fort et puissant assez, tout seul, et contre eulx et contre tous ses grevans et menachans, et contre tous ceux qui, eulx tous ensemble les poroient conforter ct aidier. Disant en ou'tre que , comme'en ung duc de Bourgoigne n'avoit oncques esté trouvée faulte de parolle, oncques n’y avoit esté trouvée faulte de corrage, ne de haulte euvre ; et que de menaces il ne s'espoentoit poinct ; car les ducs ses devanciers, en avoient bien osé porter aultresfois les fais tous durs. Comme doncques le roy oyt et vit le corrage de te duc qui ne se dimiauoit point , ains croissoit et s'enfiérissoit de plus en plus, et que véritablement et par expérience il sçavoit et cognoissoit qu'il avoit effect en ses paroles, et véoit le pourquoi devant ses yeulx, gens à main de fer et de felle encontre, à tout bon eschient, jabora parfaictement à bon moyen trouver aveucques ce duc; car à tout conclure, quelque puissance qu'il eust, si juseoit-il plus salutaire et plus senr de le faire deslogier par appoinctement et par bonne voie, que de le souffrir là entel dangier devant le front de son royaulme, pour en attendre l'aventure. Si disoiton toutes-fois, et lui mettoit-on à charge, que pendant ce temps qu'il tenoit ici les champs, il fist secrettement esmovoir ung nombre de Liégois , et venir rentrer en Liége, crians : Vive le roy! et faire des crueux exploits sur aulcuns du parti du duc, les mettre à mort et saisir la ville toute de nouvel, et la barrer et refortifier. comme cy-après se dira plus à plain. Et ce , estimoit-on, fesoit-il faire, cuidant faire retraire le duc atout son ost envers Liége , en cédant à la place qu'il avoit prise à son grand dur. Mès non fitle duc, ne nes'en esmeut oncques; mès disoit bien que tout à temps il venroit à soi vengier de Liége, et d'une chose et d'autre, et cela dui estoit peu de fait,