CHAPITRE CLXXXW
Comment ce murdre fut practiquié entre quatre personnes, et comment ils s’avisèrent de le mettre à exécution.
Or a esté practicquié ce murdre entre quatre personnes , là où il a esté longuement célé et couvert. Et messire Baudewyn, qui devoit estre chief de ceste euvre et le principal facteur, long-temps alla musant et songeant comment et par quelle manière ceci se pourroit faire; et après le cas perpétré, la manière aussi de soi saulver ; quist diverses voies et subtiles, et prépara tous ses projets de longue main. Et par espécial à Hesdin, là où le duc estoit en long séjour, s'en devoit faire l'exécution, ce sembloit, pour cause que le lieu estoit plus propre que nul autre, tant pour la sauveté des acteurs, comme pour trouver. le corps du duc plus à son aise , et en lieu apt à ce pour le tuer, à cause du parc qui est une desvoyable forest, et là où souvent alloit comme tout seul et à très peu de gens, et comme ce duc Charles amast fort ce bastard, messire Baudewyn , et lui compleust beaucop, et messire Baudewyn estoit tousjours aveucques ly, là où il s'asseuloit, et pour tant l'avoit plus belle faire aussi. Or n'y avoit point encore de marchié ferme entre le roy et messire Baudewyn, parquoy il besoingnoit, ce lui sambloit , ains que plus avant procéder , savoir ce que le roy lui feroit, et quelle seureté il aroit de ses promesses. Si s’avisèrent Jehan d'Arson et 1y, que , pour venir au parfaict, nécessairement il convenroit avoir aveucques eulx et de leur accord ung chevalier, messire Jehan de Chassa, du comté de Bourgoigne ; et estoit de l’ostel du grant bastärd de Bourgoigne, gen-
til, gallant, de plus graad cuer que de pooir,'
et de plus grant port qu'à son appertenir ; estoit chambrelen aussi en ordonnance de
avoit procuré tout le samblable, par le bas- | l'ostel du duc, et bien en grace. Et ces:*:
LS
chevalier, tant firent ces deux messires Baudewyn, et d'Arson, qu'ils le tirèrent à leur accord; et de fait lui boutèrent en teste que ce seroit cely qui s’en iroit devers le roy, sans retourner, faignant de devenir Franchois, comme par dechà ne se pooit plus entretenir, pour les grandes debtes qu'il devoit en l'ostel du duc as marchans ; et lui venu devers le roy, qui lui feroit des biens beaucop, et le recevroit joyeusement , feroit le marchié de messire Baudewyn aveucqües ly, tout ferme, et puis après le lui signifieroit par homme fiable; et de là en avant, il entendroit au parfait. Comme doncques ceci fut conclu entre eulx, füt aussi mis à effect. Et messire Jehan de Chassa trousse ses quilles et s’en va tout droict devers le roy, qui lui fit bonne chière , et lui donna estat et pension, comme j'ai dict cy-devant. Et à chief de pièce , le roy estant en Amboise, ung jour qu'il alloit à la chasse , fut parfait et conclu le marchié et l'appointement entre: le roy et messire Jehan de Chassa, de messire Baudewyn, tant seulement le seigneur de Crussol présent ; et icely appointement devoiton signifier audict messire Baudewyn, car n’y aroit point de faulte.
