CHAPITRE CXCVIII

Comment le duc Charles cuidoit tenir assiégé le comte de Warwyc par son armée sur la mer ou par terre esparse au quartier de Normandie.

Mès avant que je plus avant procède en ceste déclaration , loist bien narrer ung peu et faire conte aussi de la disposition du temps d'alors et de son importance. Car estoit le duc Charles alors durement enaigri à l'encontre du roy, pour cause de Warwyc, lequel il soustenoit , et en son despit,ce lui sambloit, machinans ensemble Ïa ruyne du roy Eduard et de ly. Et touttes-fois que le duc Charles par eflèt cecy veist et parceust bien, avoit merveilleusement le cuer fier et gros, et petit en soing et en peur de leur machinance ; ains s'asseuroit et quasi présumoit pooir contrester à tous ses mesveillans, et mesmes pooir leur donner des affaires beaucop; car avoit bien son armée vaucrant en la mer très puissamment, et par laquelle il entendoit tenir assiégié Warwyc en Normandie, sans en oser saillir ; et par terre avoit son armée preste et pratiquiée, la plus puissante qui oncques avoit esté veue en ces terres par deça jusqu'à ce jour, et laquelle, estimée en nombre de quatre ou cinq mille lances, sans les archiers, et desquels il estoit asseuré au jour de semonce, ensemble et des capitaines, aveucques ses di vers pays. Si se confioit fort en sa puissance par mer et par terre, et ne redoubtoit riens ; moins encorre pour ce que le roy Eduard, son serourge, estoit encore enrêgne et en throne, et non en apparence de décliner, comme il fit depuis. Et pourtant ce duc Charles ici, qui se confioit en sa haute fortune et en son pooir d'alors, non craignant nul vent de France , et là où on lui machinoit grief , ce savoit bien, fit tant moins d'estime et de réputation de l'ambassade du roy et de son rapport ; car ne maintenoit nulle teneur de vérité en icely, ains abus et menées de paroles vuides et sans fruit; car lui imputoit pleinement faute et

rompture en son serment solempnellement fait à Péronne entre ly et ly, sur les articles de leur traitié fait entre eux deux; et par quoi, après telle rompture et telle faute commise en ung si grand cas, pooit arguer justement, ce disoit, icely estre moins créable e

recevable en un moindre novel survenant af-

faire. Et pourtant, moitié par defliance qu'i

mettoit en ses paroles, et en partie par ma talent qu'il avoit conceu contre ly, par le port qu’il bailloit au comte de Warwyc.et en son contraire, en tous endrois et en tous affxires qui touchoient le roy se montra aigre et dur, et peu amiable et révérend en ses paroles envers ly; car estoit devenu de toute autre nature que franchoise, et tout à sa cause. Et ainsi doncques eux deux en ung royaume terribles et périlleuses pestes, et ensievans leur propre appétit plus que d'autrui, tindrent en ce temps-cy les hommes de çà et de là en soing et en peur de meschief, et en attente de guerre et de mal avenir. Dont, et se cestui duc Charles ici peu amoit le roy son souve-

| rain, toutes-fois tous Franchois en pareil le

héoient de mort, et le despitèrent, pour cause que si fort s'estoit déclairé Anglois encontre le salut du royaulme.