CHAPITRE CXCIX

Comment les deux ambassadeurs du roy furent délivrés.

Or venons à la délivrance de ces deux seiyneurs ambassades du roy, maistre Jacques Spontin, seigneur de parlement, et Guyot Pot, bailli de Vermandois, frère au seigneur de la Roce , estant lez le duc, chevalier de son ordre. Le duc Charles doncques avoit fait préparer son dois de cinq degrés de haut , et sur icellui sa chaire , toute couverte de rice drap d’or soubs ung ciel de mesmes ; et l’embas du marche-piés, tout aussi large que le charpentier l'avoit fait, esto:t couvert de velours noir, descendant de degré en degré, qui estoit le plus haié, ce disoient aucuns, et le plus fait en élacion qui oncques avoit esté veu jusques à ce jour ne à empereur ne à roy. En icellui doncques pompeux et rice throne, s’assist le duc Charles, tout avironné des estas de sa maison, par dire

degrès, et là où les princes et les hauts barons avoient leur siège propre, et les chevaliers et éscuyers chacun en destinée assiète énsemble, et les prélas et la chancelerie leur députacion et ordre. Là vindrent donc et furent faits entrer ens les ambassadeurs du roy, àccompaignés du seigneur de Créqui. Et venus jusques au banc qui estoit Jrdonné pour eux, se mirent en genoux ct saluèrent le duc : lequel, sans mettre main au chapeau , tant seulement les niqua de la teste, Jeur faisant signe de eux lever, qui assez tost le firent aussi. Et ne s’en faisoient gaire prier, car assez savoient de leur estre et de leur devoir faire; et ne prindrent pas bien en gré si peu d'amour et de révérence monstrée au roy leur maistre, dont ils estoient délégués devers ly, pour bien de paix encore. Si s'assirent sur leur banc, front à ffônt de ly; et là assis, le bailli de Charolois, chief du conseil, nommé maistre Guillaume Gonnel, commencha à répéter devant lesdits seigneurs, les poins et l'effect de leur ambassade, pourquoi ils estoient venus. Et comme il les eust déclairés soufisamment , et lors où il séoit à rendre responce point sur point, le duc mesmes anticipa les paroles, et dist au premier point, qui touchoit les offres : Que les offres que le roy fäisoit et faisoit faire, n’estoient ne valables, ne souflisans, ne raisonables, ne recevables; car les domages qui avoient esté fais ne se povoient radoubler ne recompenser au pris de leur im- ,portance. :

Au second poinct, qui touchoit l’entretenement de Péronne , il respondit et dit : Que le roy, tout de gré et voluntairement, avoit enfrainct ledit traitié pour avoir porté soustenu et receu en dedens ses havres et pors le comte Warwyc, son ennemy, et lequel, var forme de guerre, avoit fait faire ledit ammage sur ses subgects et pays. Et ce no- «Obstant toutefois , et qu'il le savoit, toujours le soustenoit et confortoit en son royaulme, en grand grief et confusion de ly et de ses pays; que faire toutefois ne devoit, car estoit directement en contraire et en despection dudit traité de Péronne. Et par ceste cause , il monstroit et arguoit que son offre en cestui

CHRONIQUE DES DUCS DE BOURGOGNE.—III: PART

Sur ceste responce Guyot Pot, bailly de Vermandois, homme haut et bien en parolle, se leva et dist : « Monseigneur, véez cy unes lettres-patentes que le roy m'a envoyées novellement, depuis moy estre venu ici, lesquelles, s'il vous plest les veoir, vous les porez faire lire devant tous; si sarez et orrez leur effect, et ce que le roy mange par icr:lles. » Le duc alors fit prendre lesdictes let. tres et les vit à part, et depuis les fit lire tout hault et publicquement. Et lesdictes let: tres leutes, ledict Guyot Pot, soy ruant en genoux, dist : « Or, monseigneur, vous avez veu et oy ce‘que le roy m'ordonne et mande ; et comment, pour avoir votre amistié , il veut que je vous offre tout ce que vous vouldrez, touchant l'appointement fait entre ly et vous; et que toute telle forme et manière que vous le sarez et voudrez deviser, que je le vous offre et passe tout autel et en tel viguer comme s'il y estoit en personne. » Et le duc respondy de rechief, et dist : « Et je vous ai jà dit unes fuis que ne vous ne ly ne poez; et que ce que vous offrez n'est pas recevable , pour cause que ne le poriez restorer ne satisfaire. » — « Et comment? ce dit Guyot Pot alors, monseigneur, et comment cela? N’est-il point au roy de pooir réparer et faire restorer le dammage que vous alléguez, et qu'il ne fausist qu'à cause de cely meschief guerre et tribulacion sourdisse en vous deux, qui toutefois vous offre à faire raison ? Eh! monseigneur, toutes-fois l'on feroit bien la paix d'ung royaulme perdu et de cinq cens mille hommes mor:s en sang, et ne poroit-on faire réparacion doncques d'uns petit meschief particulier qui ne pend qu'en vostre volenté privée ? Monseigneur, le roy et vous avez juge par desseure vous deux. Le roy fuit la noise et la guerre, et vous offre paix et amisté et réparacion de toutes romptures.

Se vous ne volez entendré à raison, et que aultrement en ensievist cy après qu'en bien , ce ne sera point à sa défaute. » Et alors ce duc tout animé, ce sambloit, et en argu, respondy et dist : « Entre nous Portugalois avons une coustume devers nous, que grand ceulx que nous avons tenu à nos amis se font amis à nos ennemis, nous les commandons

endroit aussi n'estoit acceptable ne vaillable. ! à tous les cent mille diables d'enfer. »