CHAPITRE CC Y

Comment plusieurs Franchois plaignoiïent fort la charge et les grans frès du roy qu'il eust de par Warwyc.

Le roy doncques soustenant Warwyc à grans frès, soustint aussi le duc de Clarence, frère au roy Éduard, et la ducesse sa fentme, ensemble la comtesse de Warwyc et une sienne fille à marier. Et comme j'ay dit que le roy en avoit grand charge et frès de les entretenir sur ses bras, aveucques une grande multitude de famille et de gens de guerre, certes, plusieurs Franchois d'extour ly le plaignoient fort et le portoient à dur ; premièrement, pource que ennemi estoient anciens de France , malvaises gens, et secondement pour ce qu’ils estoient gens forfais , laiches et recrans, paillars, sans honneur et sans vergoigne, et prouvés publicquement traitres encontre le souverain seigneur et prince, l'ung cousin-germain, et l'autre frère d'ung père et d'un ventre, béant iniquement à destituer son frère par bataille, là dont il estoit enfui confus. Ainsi doncques; Franchois voyans que le roy en faisoit feste, et en portoit grans frès, le portèrent à dur et à envis, et leur eussent volu avoir crevé les yeux. Mesmes le comte de Sainct-Pol, connestable de France, oncle de la reyne d'Angleterre , pour quelque mand que le roy luy feist, oncques ne rqlt aller devers ly ne l’approcier , tant que Warwyc y estoit. Mès

1v manda que, pour perdre l’espée de France et tous ses bienfais, jàmès devers ly ne viendroit, tant que tels:traitres y seroient,, et qui avoient fait morir ses amis et parens. Normans aussi, tout au long des costes de la mer, les maudissoient de cent mille malédictions, à cause du traval que porter leur convenoit jour, et nuit à l'encontre de l'armée du duc, qui vaucroit par mer, et encontre laquelle il leur convenoit jour et nuit faire guerre à hacques et à macques, de peur de descente amont des ports. Si en estoient à mal aise que merveilles; car , ne feust Warwyc, de telle armée qui les traveilloit n'eust esté besoing , ce disoient.

Or, entendez et oez quelles conclusions print le roy Loys, roy de France, aveucques le comte de Warwyc, deschassié d'Angleterre, car moult y à ici grand matère et estrange. Assez avez Oÿ, seigneurs, comment Henry fils de Henry le second, par le moyen’ de ce comte de Warwyc, avoit esté écrié à Londres et destitué de sa coronne confusément et comme inutile et inhabile de régner. Jà long-temps avoit esté tenu en prison, en la tour de Londres, et Éduard, comte de la Marche, eslevé en roy; la reyne Margriete, femme à Henry, chassée aussi dehors d’Angleterre atout son enfant, atout extrême confusion de lung et de l’aultre. Warwyc l'avoit fait preschier publiquement par Londres , et en la présence de la mère : comment elle estoit femme ahontie de son corps , et que l'enfant qu'elle faisoit accroire estre fils du roy Henry, estoit ung enfant de fornic:tion, emprunté en péchié aveucques ung bas homme, ung baveur, parquoi n'estoit digne de succéder à coronne ne à royal estat, comme tout à long à esté récité en ung aultre volume ici devant, sur l'expédition du temps d'alors (4). Or est vrai que le roy Loys, visant toujours venir à ses fins, comme de desfaire le roy Éduard, qui estoit une mesmes chose aveucques le duc Charles, communiqua aveucques cely de Warwyc de relever la querelle de Henry, tenu enprison à Londres, et lequel, posé que innocent feust et mal ydoine pour régner, si estoit

() Ce volume manque.

GEORGE CHASTELLAIN

(1469) touttes-fois le droit de la coronne sien, par succession de père et de grand-père, sans ce encore que régné eust en Angleterre, et porté coronne par l'espace de quarante ans; et estoit cousin-germain audit roy Loys , enfans de ffère et de seur; parquoi la cause lui estoit plus juste de lui pourchascer son bien et son revenir à son héritage, comme vrai estoit, se le movement à ce lui feust venu de pité et d'amour de nature. Que nennil!

car lui meut de cautèle, ce faisoit à conjecturer, pour le roy Éduard bouter dehors d'Angleterre par ce moyen , et faire cammo voir tout le peuple contre 1y, par une nouvelle criée. Dont, et comme cely de Warwyc cogneust et entendist bien que pour trouver son retour en Angleterre, dont il s'en esteit fui, il ne pooit trouver ultre ne cause pour soi faire recevoir que ceste : pour souverain espoir de tout son resourdre, et pour faire confusion à Éduard, prist ceste querelle, sachant que une grant part des nobles d'Angleterre, couvertement et de tout temps icy portoient faveur et là sus se reposoient. Et en effect, au partir d'Angleterre, ce comte de Warwyc n'avoit aultre tiltre ne espeir d’aller vers le roy Loys, sinon cestui par le quel il pensoit jà tellement entroubler le roy Éduard ‘que le bon n’en demorroit poiat sien, come il fit en effect. Et jà, de longtemps par avant, de cy et d’aultres grandes choses le roy Loys et ly avoient tenu leurs devises et fait compact ensemble; car ledict roy Loys, l’avoit de tout temps quis pour l'avoir devers ly, par dons et par promesses, pour ce qu'il véoit ledict comte estre homme propre à ly, en cautèle et en divers meyens, pour estre instrument et tout propre homme pour venir par ly à ses fins, comme il a esté trouvé depuis.