CHAPITRE CCVI

Comment le roy Loys, aveucques ledit de Warwvyc, pratiquoit que le jeusne Eduard, fils de Henry prisonnier, prendroit en mariage la seconde fille de Warwyc.

Le comte de Warwyc donc prist et esleva cè tiltre aveucques le roy Henry en prison en Londres , régnant encore Éduard, qui bien

14469 CHRONIQUE DES DUCS DE BOURGOGNE.—IIF PART

savoit tout et s’en réconfortoit au possible. Dont , et pour donner effect à ceste nouvelle querelle du roy Henry, et en asseurance de son fils Eduard, estant aveucques la reine Margriete sa mère par dechà, le roy Loys pratiqua aveucques ledict de Warwyc: que le jeusne Éduard , fils de Henry, prendroit en mariage la seconde fille jouvenor dudict de Warwyc, à ceste fin que, par samblant, à ceste cause ledict de Warwyc : devroit tant plus laborer cy après en la resourse du roy prisonnier , et par qui, après estre remis en son règne , la coronne retourneroit sur son fils; et seroient père et fils remis en estat par' ce moyen, et le roy Éduard débouté et privé de couronne. Ce mariage doncques fut pratiqué entre le roy Loys et le comte anglois, et promis d'ung costé et d’aultre de le maintenir à bon; quoique toutefois ledict comte anglois, jà de piéça par avant avoit donné sa fille aisnée au duc de Clarence, frère au roy Éduard, à intencion de la faire revne d'Angleterre. Et par ainsi maintenant, en ce second mariage dont le roy Loys traite pour faire la querelle de Henry et de son fils bonne,

c'est pour faire la fille maisnée reyne d'An-

gleterre aussi, et sur ung titre tout au contraire ; par quoi il samble que ce comte anglois ici usoit et savoit user de merveilleuses trafiques et doublesses, et que son honneur lui estoit de petit pois, qui de tant de fraudes et cautèles, les unes contraires aux aultres, usoit, et en France et en Angleterre, et toutes confuses pour ly. Or ai-je dit que ce mariage estoit mis en termes entre le roy Loys et le comte anglois; mès grand fort y avoit pour le conduire , à cause de la mère, Margriete, que ce comte avoit déchassée honteusement dehors Angleterre et fait prescher ribaude, malvaise lisse, et son fils à voutre, non fils de roy; et mesmes le roy son mari fait mettre en prison; et dont la plaie lui cuisoit tant, et non merveilles, que non jamès jusques au jour du jugement n'en poroit estre sanée, ne tant le mettre en oubly qu'elle ne demandist justement et à bon droit la divine vengeance. El par ainsi doncques fait bon à arguer de son costé, quand on lui parlesoit du mariage de son fils à la fille d'ung tel qui tant lüi estoit malfaiteur et

offenseur , le cas lui devroit bien sonner estrange, et lui faire profonde plaie en cuer, par seulement en tenir parole. Toutes-fois , après toutes choses considérées, et pésées les grandes fructueuses fins qui en poroient naistre à la maison de France et à celle d'Anjou, qui icy estoit fort intéressée, tant fut parlé et traitié que ce mariage ci se feroit et se consentiroit du costé de la mère , pourveu que le comte anglois, contre-mineue de la noble dame royne , se vouldroit publiquement desdire devant roys et princes, soi confessant menteur et faux injurieux de sa personne , à tort et sans cause, et en après faire le pareil en Angleterre, devant tout le peuple. Laquelle chose fut accordée dudict Warwyc, et promise d'ainsi faire. Et de fait le fit ainsi ; et vint là où estoit la reine Margrite; et Jà se rua à genoux devant y, disant tous Îles mots ci-dessus touchiés, et lui priant humblement merci et parden; laquelle, durement parlant à 1y, le souffrit à genoux un quart de heure, et enfin lui pardonna sur les conditions devisées.

Par ceste manière doncques fut fait un mariage ici ; Dieu scet quel, et par l'invention de deux personnages, chacun béant à son prétendre , le roy pour renvoyer Warwyc en Angleterre, soubs nouveau tiltre , encontre Eduard , et Warwyc pour retourner en Angleterre , soubs le confort de France, pour là soi vengier de sa honte. Et finablement les deux appétis du roy Loys et de Warwyc tendirent à une commune fin principale, qui estoit de desfaire la maison de Bourgogne, ce qui faire ne se pooit, si non par desfaire premier le roy Eduard.

Or estoit Warwyc assegié toujours en Normandie, et ne se osoit mettre en mer, pour cause de la grande armée et navire que le duc Charles faisoit tenir sur ly par l’espace de cinq mois ; Car savoit bien, s’il estoit rencontré, il estoit mort , et n'y avoit remède en ly. Si iui tarda fort et annuya : aussi fit-il au roy Loys, qui volentiers en eust esté quite; car en avoit grans frès sur ses bras et grandes coustances. Si must ledit roy toutte diligence de faire assemblement de navires par tous les ports de France ; et en effet en assembla jusqu'au nombre de soixante beaux navires et

puigsans ; et d’iceulx constitua gouverneur l’amir: de France, le bastard de Bourbon, sage er gentil chevalier, et de bon corrage : et en la conduite d'icely se mist Warwyc en mer aveucques toute sa route, au plus couvert qu'il put, et hors de veue du navire du duc Charles. Et leur avoit recommandé le roy qu'à uulles fins ils ne quérissent la navie du duc pour l’assaillir; mès tant seulement, si les aultres le quéroient, leur ordonna ‘de eulx

GEORGE CHASTELLAIN

deffendre. Dont toutes-fois ne l’ung ne l’aultre n'avint, Car ne s'entre-trouvérent point. Ne sçai se feust à sens ou d'aventure ; mès ainsi toutefois en avintl. Et Warvyc prist port et descendi en Angleterre atout ce que avoit de gens de son parti; Anglois. Et l'amiral de France, atout ses Franchois, retourna en Normandie, après avoir mis en sa sauveté le comte de Warwyc, sur lequel maints cuers anglois s’attendoient et béoient.

(Toi se termine le mamuscrit 8349. )