CELUI QUI SE NOMME LE GRAND DUC KT LE GRAND LYON

PAR SIRE GEORGE CHASTELLAIN

SON INDICIAIRE.

ÉLOGE DU BON DUC PHILIPPE (r).

Pour avoir la déclaration des haults et puissants faits du très hault et très puissant duc Phiuppe de Bourgongne, il me semble séant de ramener à mémoire et par un court et abrégé, les haultes et claires fortunes principales de son temps, la haultesse de sa vie et de son règne, enserable la composition de sa forme et de sa phisionomie, avecques la qualité de ses mœurs et de ses vertus, dont après mort, comme de tous aultres clairs hommes, on peut licitement parler et sans reprise.

Le duc Philippe doncques entra en règne en l’an de Jésus-Christ mil quatre cent dixneuf, régnant en Rome souverain pasteur pape Martin ; empereur Sigismond roy de Bohesme; roy de France Charles VI du nom; en Angleterre, Henry, fils de Henry de Lencastre, qui travailla France. Cestuy duc en son commencement eut maint dur affaire encontre les François pour la mort de son père; et le para Dieu de victoire en bataille contre

@) Tiré du manuscrit de la Bibliothèque du Roi n° 8937.

eux emprès Abbeville. Mena depuis ses guerres en France par capitaines, et par guerres qui lui survindrent ès païs de mer ça bas, qu'il impugna en personne; et maint dur affaire eut en Hollande encontre madame Jacqueline, sa cousine, et encontre du duc de Glocestre, en Haynnau ; vainquit Anglois en ! ataille à Terouwane ; conquist Hollande , Zellande et Frise, sur ses ennemis; se fit mambourg de Haynau et des païs dessusdits ; non pas comrie tyran conquéreur, mais comme vray hoir de la dame qui l’en vouloit estordre. En ce pendant François et Escos travaillèrent Bourgongne ; mirent siége à Crevant; et les Bourguignons, mis sus pour y obvier, convindrent en bataille contre eux ; et y eust dure tuison et grande effusion de sang ; et y obtindrent Bourguignons victoire , soubs le nom de leur duc. En semblable en advint au païs de Bar, là où le mareschal de Bourgoigne vinquit en bataille Allemans et Lorrains, et le duc Renier d’Anjou, duc de Bar et de Lorraine, qui y fut pris.

A main forte vint le roy Charles toudis hors

ÉLOGE

de là Loire ; et les François qui avoient saisy : sesancres trembler les terres payennes ; sauva

Bourgoigne’, une grand part en chassa dehors. Devint meu de pitié depuis sur la couronne de France; et sur l'afliction de ce royaume, entra en pacification avec le roy Charles, et tira à amende honorable et profitable, ce qu'oncques plus n’advint : se deslia des Anglois par absolution, et se disposa et rendit léal François par conseil de nature ; conquist Paris et Sainct-Denis sur les Anglois, et les rendit au roy Charles ; fit de sa main, ennemie par avant en tiltre de vengeance , main serviteresse et léale amie , par recongnoissance de son debvoir ; vint à la duché de Brabant par succession d'hoirie : Namur obtint par don des Flamens, mais toutes-fois de son tronc.

En vie de l'empereur Sigismond lui manda que luy-mesme l'iroit quérir avant en son empire pour le sarder de peine de venir vers luy. Cest empereur mort, fut adopté à l'empire et le refusa. A la seconde fois après, l'autre empereur mort, qui estoit d’Austriche , le refusa arrière ; et la tierce fois le refusa encores du temps de Frédéric le tiers ; non bien voulu, conquist Luxembourg et tout le païs sur Lancelot, roy de Hongrie; toutte l'Ardenne mit en sa subjection; Liége en compression ae son orgueil, plusieurs fois; et tous les Allemens, ses confins entre la Meuse et le Rhin, à révérance et à crainte : refusa la seigneurie de Milan par transport ; autre-tel fit-il de la seigneurie de Gennes, et en pareil la seigneurie et transport de Metz en Lorraine ; et tout ce fist à cause et à sens de prud’homme, parce qu'à autres ses parens n'en vouloit faire tort.

Pourévader des Anglois et de leur ordre, meit sus le sien propre, la Toison d'or; le fonda en honneur et en netteté de chevalerie et en destruction de vilains cas, à ceux qui en seroient: le tit dédier et confirmer par le sainct père Eugène : le meit et le monta jusques ès royalles maisons et jusques aux grands ducs et comtes du sang de France, et mesmes par les Allemagnes. Vint devers luy Frédéric, empereur, à Besançon : le conjouit haultement et l'honora de grans dons; racheta de prisons le duc d'Orléans; quitta au :. yRenier sa rançon gratis ; p@rvela toute la mer Majore à son navise; tit Jun Mores redoubter ses voiles, et par

Rhodes et la délivra de son obsession : édifia l'église de Nazaret en Hiérusalem ; et en la Terre-Saincte fit de moult beaux bénéfices.

Fit de grans secours et prestances sur les frontières des payens ; adhéroit tousjours au sainctsiége de Rome : et quelque tribulation qu'au pays pouvoit courrir sus, tousjours il maintint sa querelle ; pour nulle ennemisté ne faveur oncques il n'en fleschit l'œil ; ne pour concile, ne pour roy, ne Dour cardinal , ne pour frère , ne pour parent, oncques ne se treuva desmeu ; maintint luy seul en son estat Eugène : tous les autres papes avoit après comme pères; le béatifioient par parolles, et le glorifioient par œuvres ; le reçommandoient champion de l'Eglise, et l’escu du Sainct- Siége : de paix ilusoit en grandes chères, et de guerre en oportunité de causes; ne mouvoit guerres que consulté ;'et ne vexa nulluv, sinon constraint. De toute chrestienté les voiageurs se rendoient en sa maison ; y vindrent faire armes, et los quérir de toutes nations : treuvèrent furnisons à toutes emprises ; y furent tous accomplis : et de multitude qui y sont çomparus en divers temps, oncques un ü'en partit à refus; avoit le parement des chevaliers du monde emprès lui ; les corps exquis de ce royaume, et entre mille autres d'ailleurs les plus voyables : n'avoit mieux accompagné de luy, ne si bien en la terre : tenoit le salut de France en sa clef, et la tranquillité d'Occident en sa main.

Vainquit Gantois en plusieurs batailles ; les mena jusques à leur derrain, et humiliés les receut à mercy; entra en Utrech à main ferrée, et par les portes, à triumphe de bannière :

mit siége à Deventer, puis en revint; receut l'héritier de France , et le nourrit cincq ans. Il entendit de grandes menaces et dangers ; ne s’en esmeut oncques, et survainquit tout ; le meit paisible en son royaume ; lui mit la couronne en chef , et le mena à Paris en triumphe ; promeut lui seul leroy Edouard à la couronne d'Angleterre, et à son moien le fitscoir en royalthrosne. Fit mainte diligence, et plus que nul, pour le secours de foy ; alla vers l'empereur à celle cause ; y envoya les ambassadeurs à grands frais; sollicita les esliseurs et les rois chrestiens ; envoyaà Mantoue

son neveu, le duc de Clèves, et là fut assis en son nom au banc des rois; se meit en toute offre envers Dieu et l'Eglise, et de quoy oncques en bon vouloir ne tira fruit.

Enfin de ses jours entra division en sa maison, par menues causes; et s'adonnèrent aucuns à mauvais arts pour fin mauvaise; mais tout il entretint par sens ; tout il interina par prudence et froideur : tint les pilliers de sa maison en estat, et les combles de son édifice sans ruine. Fut poinct, en ses derniers jours, du roy Loys de France, et à tort fut molesté de l'orgueil des Liégeois, tout en un temps; ne s’esmeut de l’un ni de l’autre, et se chevit du tout non bougeant de Brusselles ; vainquit Liegeois en bataille à Montenacq, et son fils se maiutint en France à gloire très clère. En son dernier an mit à ruine l'orgueilleuse Dipant ; la print en sept jours ; fut arse, et fondamentablement mise à néant : fit Liégeois par ce renoncer au roy de France, dont l'année après se resmeurent à leur confusion, que ce duc ne veit point, pour mort qui le print en fin de l'an, à telle et à tant de gloire, que j'ai ci-dessus escrit.

Comme doncques j'ai touché droict cy et escrit les articles de sa fortune , et par lesquels il reluit en glorieux tiltres divers , reste à réciter un peu de ses conditions, de ses mœurs et naturelles vertus maintes. Et pour le perpétuer autant qu'il pourra plaire à Dieu , sa compositon corporelle , et laquelle se relève droict cy, et la viveté de sa face : de stature il estoit moiennement hault homme ; corporellement à la mesure de sa hauteur, et en tous ses membres, bras et jambes, traict à linge sans excès ; estoit gent en corsage plus qu'autre ; droict comme un jonc : fort d’eschine et de bras , et de bonne croisure ; avoit le col à la proportion du corps; maigre main et sec pied; et avoit plus en os qu’en charnure, veines grosses et pleines de sang ; portoit le visage de ses pères de séante longueur ; brun de couleur et estaint; nez non aquilin, mais long; plein front et ample, non calus; cheveulx entre blond et noir : barbe et sourcils de mesme aux crins; mais avoit gros sourcils et houssus et dont les crins se dressoient comme cornes en son ire; portoit bouche en juste compas; lèvres grosses et colorées; les yeux

vaires, de fière inspection telle fois ; mais coustumièrement amiables ; le dedans de son cuer se monstroit par son vis ; et Correspondoient toutes ses mœurs à la tournure de sa face. Avoit une identité de son dedens à son dehors; et jugeoit son visage de ses mœurs, et ses mœurs tesmoignoient de sa phisionomie : n’y avoit qui desmenuist l'ung l’autre, ne visaige coraige, ne coraige semblant; tout y estoit à la nature de l'homme, le visaige à jugement de nobles mœurs, et les conditions à dignité de noble prince. Ne séoit à homme, fors à empereur ou roy, porter telle efligie que luy, telle image ne telle figure. Son semblant seulement le jugeoit empereur ; et valoit de porter couronne , seulement sur les grâces de nature : se monstroit en terre entre les princes comme une estoile au ciel; et parloit son viaire, ce sembloit, disant : «Jesuis prince.» Se faisoit regarder par admiration, non pour sa beauté, mais pour son semblant : nul prince n'avoit lieu envers lui. En une estable, si eust-il esté comme une image en un temple:

en chambre et en sale tout d'un parement.

Ne porta rien en privé qu'il ne reporta en publicque ; n'avoit mutation en luy d'aucunes mœurs, en clos n’en couvert : son entre-gent estoit de prince toudis, et son esseuller de grand homme. Où que son corps fust, n'en quel lieu, tousjours estoit-il en sa clarté à l'exigent de l'heure ; en joyeuseté, de singulière manière ; et en parolles de mesure , à point. Avoitce don de Dieu en son aspect, que oncques nul qui ennemy lui fust ne le regarda, qu'il ne s’en contentast ; souvent, et maintefois à gré; preuve cecy.

Estoit grave.en son marcher, bel en contenement, et de grand port : peu assis et longuement sus bout : se vestoit cointement, mais en riche arroy; et en chascune mutation de temps muoit ses habillemens avec les hommes ; à pied estoit rade et à cheval très adroict : aimoit l'arc et s’en aydoit très bien, et à la paume estoit habile : tout le passetemps de son dehors si estoit de chasse, et tout à force et à grands frais : estoit long en son mauger , et le mieux servi des vivans :

modeste à table et net en attouchemens; parlant, regardoit les gens : et regardant, se fei. gnoit parler à eux : ne parloit où qu'il fust,

si non a cause ; et n’y avoit nul vuide en sa parolle ; parloit en moyen ton, ne oncques pour passion ne le fist plus hault; estoit benigne en ascout, égalà toutes gens et benigne en respondre ; tard à promettre , et plus encore àire; mais esmeu, c’estoit un ennemy. N'avoit nuls sermens en bouche, ne nuls vils mots en usage, nulles injures envers autruy , ne d’autruy honte ramentevance; des bons parloit par faveur, et des mauvais par compassion; traictable estoit et débonnaire à servir : Coy en toutes ses manières, et long en ses affaires : estoit commun en plus noble manière que commune , et amy en plus singulière mode que bonne : mesme qui peu en proflitoient , ses serviteurs se louoient de luy autant que les greigneurs. Se monstroit né en ce monde, ce sembloit, pour estre aymé :

aymoit de bonne amour là où il s'assist; complaisoit volontiers; du faisable faisoit promesse, et du difficile suspense ; envis refusoit rien, et donnoit à temps et à poids:

oncques , je cuide, menterie re lui partit des lèvres : et estoit son scel sa bouche, et son dire lettriage; léal comme or fin, et entier comme un œuf.

N'y avoit. différence de son dire et faire, fors du temps entre deux ; estoit humble aux humbles , et fort et fel aux orgueilleux ; révérend à tous princes ; et les divers en divers degrés honoroit au condigne. L'honneur du monde se reposoit en lui, et le sçavoir de tout appartenir en sa poictrine : aymoit paix et union entre ses gens ; des séditieux ne tenoit conte , et de ceux à gros ploy print l’approche. Tournayoit et joustoit en sa vertu; continuoit festes et grands assemblemens; fut large et libéral en dons, et donnoit au prix de l'homme. Avoit fort l'œil sur les vaillans, et à ceux de grand nom faisoit feste; lui mesmes estoit la perle des vaillans et l’estoile de chevalerie, ne oncques peur ne lui entra en veine. Estoit courtois à tous hommes ; affable aux tout petits et aux grands, et aux femmes surtout. Tousjours estoit un en manière, tel au vespré comme au matin; non meu pour joye, ne pour effroy troublé ; constant en tout envoy de fortune, et asseur en tout péril ; servoit Dieu et le craignoit; fort dévot à Nostre-Dame, observoit jeusnes ordi-

ELOGE

naires : donnoit grandes aumosnes , et en secret. Recueilloit estrangers et les honoroït, et en toutes nations fist ses largesses. Par diverses villes se communiquoit avec les bourgeois ; réclinoit en leurs maisons recréant ; humain en tous lieux et en tous cas bénigne et doux ; à tout temps avoit sens propre, et à toutes gens propres manières : sage en conseil, froid en conclure , dur à rompre en propos, et ferme en son promettre ; souffroit longuement et dissimuloit; voyoit son maint dammage, et le celloit, par bonté de non vouloir ses gens reprendre; oncques nul ne destitua de son office , ne oncques à nul serviteur en son estat ne fist honte; se fioit en chascun, et chascun en son estat souffroit faire son preu ; ne daignoit en basses choses tourner son haut courage ; son corps et ses biens , tout commettoit en aultruy mains; s’attendoit de ses afflires en main commise et à la conscience de ses prochains ; réputoit chascun porter telle foi comme lui-mesme, etestre tel envers luy, comme luy envers les siens.

Avoit trésor, mais ne le congnoissoit ; de son amas ne voult oncques riens veoir, n'argent manier, n'en sçavoir nombre : se délectoit en pierreries dont il avoit le plus de la terre; et s'en paroit volontiers, et diversement en divers temps ; réputoit basse chose et vile or et argent, mais à pierreries et précieuses estoffles, 1l y tourna son cœur.Aymoit montures et les nourrissoit plus belles qu'oncques roy. Oncques nul si riche en armes que lui; ne plus fier d'encontre à espée traicte. Vaillant plus qu'homme , et plus mortel que nul glave ; victorieux de nature, et par constellation invincible; champs et hommes à tous lez luy tenoient lieu ; aymoit plus honneur que sa vie, bonne grace que couronne en chief. Suivoit louange et vaine gloire, mais à bien faire estoit prompt; requis, pardonnoit volontiers ; prompt estoit et piteux à misericorde, et clément après ire. Aymoit ses parens , et tout ce qui estoit de son sang eslevoit ; et porto à merveilles coustances et sommes.

Afin que toutefois je ne semble flatteur:

avoit des vices en luy, comme oncques nul si parfait, fors Dieu, là où il n'y eust faute; népligent estoit et nonchallant de toutes ses affaires, ce qui tournoit à grand playe à ses

pays et subjects, en faict de justice , en faict de finances, en faict de marchandises, et en faict de diverses iniquités, qui à telle cause peuvent sourdre et avoir cours , mesme rompture et ruyne en sa maison. Mais le parement et l’excusation contre ceci est, car il cuidoit que ceulx qui son faict gouvernoient, en fissent et disposassent à l'honneur de Dieu, toudis, et au bien du peuple. Mais la réplique y est: que ceste fiance n’excuse point : car prince doit entendre luy mesme, et congnoistre ses affaires. Érgo, ceste fiance tient de vertu en partie, et Iy movoit de bien; et se tient de vice, en tant qu'elle est trop ample et sans règle. Avoit aussi en luy le vice de la chair : estoit durement lubrique et fraisle en cest endroit : à souhait de ses yeux complaisoit à son cœur, et au convoit de son cœur multiplioit ses délicts : ce qu'il en vouloit luy venoit, et ce qu'il en désiroit s'offroit : répudioit par argu en son derrain la noble et saincte dame sa femme , saincte chrestienne et dévote, chaste, grande aumosnière ; et en quoy je ne mets nulle excuse pour luy, sinon que son grand courage ne se pouvoit rompre envers elle en son pris argu , dont je remets à Dieu la cause. Avoit encore un défaut en luy, qu'il ne regarda point également ses nobles hommes en leur dignité et prix; par espécial en ses vieux jours donnoit aux moins dignes, et aux mieux vaillans telles fois point ; et souffroit l'approche des moins utiles en reboutement de ceux à fruict. Mais le parement contre cecy si est : que tousjours en approchant ses vieux jours plus et plus s'esseuloit, et à dangier y pouvoit-on attaindre; et tous ceux qui avoient l'entrée vers luy et l’avoient en main, et à peu de gens le manioient, et s'en aydoient, le flattoient, luy complaisoient, luy demando’ent ; tenoient les autres dehors l’huis et eulx tousjours se tenoient près. ÆErgo, la malice est devers eux; et l’excuse devers le noble viellart. Avoit de condition encore, qu'en chambre se

tenoit clos souvent avec valets : et s’en:

indignoient nobles hommes. Le parement de cecy est honneste et juste : car luy,

plus honneste du monde, le fit, ce maintiens-je, par honnesteté de courage : il avoit aucunes fois des accidens pour lesquels il s’esseulait,

et desquels aux vallets, non aux nobles (LORS, il appartenoit congnoistre; se fut évergondé devant les nobles : ce qu'il ne faisoit de sa privauté en basse main : car oncques de nobles hommes ne se souffrit oster soulier. Aussy en sa solitude valcts ne l'eussent osé travailler , mais aux nobles il luy eust faiNu complaire; car les honnoroit de de Hoi honneur et amour.

Alloit tard à messe et hors heure : fit célébrer deux heures après midy, voire trois souvent ; et en ceste manière de faire il excéda toute observance chrestienne. En moi ne gist nul parement de ceci, ne que j’osasse mettre avant; j'en laisse le jugement à Dieu : ex avoit toustefois obtenu dispence du pape par causes données à entendre : d'enuser à l'estroict ou au large compète à luy seul, et à lui seul en est d'en respondre. Il a esté glorieux au monde , béat et plein de bénédiction en terre, cler et fulgent en fortune , riche de tout honneur, et le plus haut en renommée qui fust en longs ans. Tous roys de son temps l'ont préféré en tiltre devant eux; les cieux l'ont magnifié de leurs graces, et les hommes l’ont sollemnisé en ses vertus. Orient et Occident, à la croisure du ciel, tout souflloit en ses voiles; tout aspiroit et tournoit en ses acquiescences. Son dehors apparoit tout bon :

son dedans pend en divin œil et Dieu seul en peut juger et cognoistre. Clair est toutes-fois et manifeste que sa claire, singulière fortune luy estoit venue de singulier don de Dieu, et ses claires singulières vertus, maintes luy ont esté données par singulière grace. Dont après les avoir conférées à tel homme, et à si grand nombre quant au corps, pitié seroit si l'ame en avoit carence par abus en ce monde. Non plaise à Dieu, j'en invoque par déprécation sa pectorale miséricorde. Terre ne sufiroit à complaindre, ne nature d'homme à pleurer telle perdition de telle ame et de tel prince , et dont l’enfer n’est digne asséz, ne bon pour le loger.

ÉLOGE

ÉLOGE

DE CHARLES LE HARDY