VIVANT

Ict après que l’aucteur a faict mention du père mort, en semblable parle du fils vivant et commenceant en son regne.

Or ay descrit le père mort, et faict revivre en autruy papier, et par emprunt en autruy clarté l'ay ramené au throsne du fils, pour honorer l’un l’autre. Par avant sa mort dilection m'a peu donner abus, et me peut avoir amour esté cause souvent de parler plus qu'en mesure. Si en ce j'ai erré par ci devant en mon histoire, trop à lui donné , et à aultruy tellu, je m'en reprens. Par temps ci après de sa clarté je ferai à point; je retondray le superflu, et au jugement de ma raison et de son condigne lui donray siége. Le corps en a esté clair, l'ame est hors de ma congnoissance.Mais parce que j'ai congneu la personne en vie, la mort de luy m'a fait relever sa gloire, droict ci escripte. Si l'ay assis droict cy au throsne de son fils, et en la marge de sa splendeur, clair avec clair, clair fils avec glorieux père. Pour parement d'ambe-deux si sera grand honneur au fils, quigrandest, d'avoir le parement de si grand homme au commencement de son livre, et debvra bien tendre aux fins de mesme , dont le commencement est si noble. Comme doncques le père m'a esté en cœur , et qu'au fils qui est une mesme chbse je dois le pareil, et non moins ay assis mes yeux en luy qu’en son père jadis, et le porte escript en mon courage, et sa viveté totale en mon entendement, et le désire à servir et à luy valoir, et de mon arbre et de mon temps lui apprester fruict, comme qui m'est

fondement désormais et matière de mes labeurs, miroir de mes conceptions et spéculatives , et qui, en équité de service faict et à faire, encore me doibt vie et entretenement , recongnoissance et provision pour mes vieux jours, m'a semblé honneste, que plus est nécessaire de le paindre droict ci emprès son père , tout vif; et du tout et du peu que j'ay de congnoissance de sa noble personne, de le mettre sur le banc du père par ostention sempiterne.

Grandes causes et justices concourent à ceci, et lesquelles esmeuvent ma plume ; car pourroit venir le temps que légères bouches et venimeuses s'assayeroient de mordre en luy, parce que chascun, à la qualité ce son courage, peut avoir diverses inclinations et mœurs.

Dont se en telles et si faictes ne plaisent à toutes gens, plaisent toutefois à Dieu, qui les congnoit bonnes. Pour cesle cause et que je sens matière droict cy dé labeur digne , et que je désire obvier à ce qui est de danger, et à mettre vérité avant par preuve, louer l'homme en ce qu'il a de bon, et l'excuser en accusation faulse, je mettray droict cy les conditions et mœurs de ce duc Charles, la forme et viveté de son viaire et de ses vertus et naturelles inclinations, et les concordances et différences de son père et luy en vertus et en vices. Dont, se les recommandations sont plus qu’au mérir, c'est contre mon cuidier ; et se l'excusement en est plus qu'au vray, si cuidé-je avoir bien faict. J'ai appris du père par len-— gue nourriture , et du fils par inspection secrette et bien profonde.

DE CHARLES LE HARDY

En tandis doncques que j'ai la plume du père en main et que le fils est mortel, comme le père, je le veux droict cy descrire et peindre pour tout temps futur et présent; et en parleray comme en temps passé, qui servira à téusjours. Ce duc Charles droict cy estoit un prince non si haut que le père ; mais estoit corpulent, bien croisé et bien formé : fort de bras et d'eschine : un peu grossettes espaules , et baissoit en avant : portoit bonnes jambes et grosses cuisses, longue main et gent pied : n'avoit en lui rien trop de chair, ne peu d'ossemens; mais avoit corps alaigre et lévier, et bien disposé à toute force et travail : avoit tournure de visage un peu plus ronde que le père, mais estoit de clair brun : avoit uns yeux vairs et rians, et angeliquement clairs, lesquels quand il musoit pensant, il sembloit que le père y fust dedans tout vif; avoit la bouche du père grossette et vermeille : le nez tractif, et brune barbe : portoit un vif teint, clair brun, beau front et noire chevelure espesse et houssue, blanc col et bien assis, et en marchant regardoit vers terre : n'estoit point tout si droict que son père : mais bel prince estoit, et de belle présentation. Avoit faconde ; telle fois fut en commencement de sa raison empeschié à la bouter dehors : mais mis en train fut très élo-, quent. Avoit beau son et clair, 'sinon en musique, dont il avoit l'art : estoit sage et discret de son parler, orné et compassé en ses raisons beaucoup plus que le père : parloit de grand sens et parfont, et continuoit longuement au besoin : estoit chauld néantmoins en sa cause, et bouillant en son mettre avant : dur en opinion, mais preud'homme et juste :

en conseil estoit agu, subtil, et tost concevant. Entendoit à autray raison , et louoit les bonnes; et telle fois les siennes conclurent tout. Entendoit fort à son affaire ; estoit actif, laborieux par trop, et plus qu'il ne séoit à tel prince : soir et matin toudis en conseil : toudis en soin d'aucun grand cas, ou en finances, ou en faict de guerre, ou en provision du bien public. Perdoit peu d'heures, et travailloit fort gens : mesme soy se travailloit par oultrage. Aimoit fort ses serviteurs : estoit commun assez avec eux : bon à servir et de bonne nature : mais aigre en son vouloir, e

Lu

telle fois agu en ses mots. Estoit de long souvenir et de longue retenance : congnoisseur d'amis et d'ennemis pour rendre en temps-: en couroux estoit périlleux, et ea amour de bon espoir : et différoit vengeance telle fois par soy remordre. En tous cas secs dominoit en luy : mais challeur naturelle l’impugna fort, et perceut-on la luicte en luy souvent de nature et de sens pour obtenir lieu: mais sens maistrioit. Naturellement il estoit bien doué de sens et de nobles mœurs : estoit léal et entier homme : véritable et ferme en son dire : aimoit honneur et craignoit Dieu : estoit dévot à la vierge Marie, observoit jeunes : donnoit largement aumosnes :

cremoit la mort et la courte vie. Comme grand prince qu'il fust, si considéroit-il ce m@nde transitoire , et sa haute domination et glore, rien estre que vanité, et pugnie de vent:

vouloit toutefois maintenir le sien , et le tenir aux ongles : ne craignoit effort d'hommes, ne le fér de nul roy : estoit fier et de haut courage : asseur en péril, sans peur et sans hide; et si oncques Hector fut vaillant devant Troyes, cestuy l’estoit autant. N'estoit rien moindre du père en vaillance ne en hardement , lequel toutefois fut clamé le meilleur chevalier du'monde en son temps : cestui l'ensuivit tout près ; menoient l’un l'autre en main par égal : estoit (ce sembloit) né en fer, tant l’aimoit : se délectoit en armes et en champs floris de harnas : ne surqueroit nulluy toutesfois : mais constraint entendoit à l'euvre. Il aimoit fort l’art et le jeu des échets ; jouoit à sort, et à l'argent : courroit aux barres et hantoit musique ; visoit fort au sien et aimoit profit à ses amis : mais tenoit fort , et en contraire du père se délectoit plus en argent, qu’en pierrerie : estoit coint toutefois en sa vesture , et volontiers riche ; vivoit plus chastement que communément les princes ne font, qui pleins sont de velupté : si estoit-il fort et puissant par nature , mais se rompit par vertu et par cremeur de Dieu, et estoit seigneur de soi-mesme. Beuvoit peu vin, si l'aimoit-il naturellement : nas par sens le laissa, pour ce qu'il lui encendra fiebvre : si but de l'eau colorée de vin p.u: «‘ttemprer sa collèe, car durement estoit chauld. N’estoit enclin à nulles molesses ne lascivetés : estoit tout à

labeur et à dur, et trop à sens et à peine, à l'heure encore de mon escrire : mais comme en aultre cas son sens toudis a dominé sur luy jusques à présent, espoir m'est, qu’en allant avant en son règne, Son Sens aussi mettra modification en telles labeurs qui ne lui sont séantes.

Avoit toutefois des poincts en lui, par lesquels diverses gens en divers regards le pourroient reprendre , souverainement François qui lui imputoient l'alliance angloise , et icelle Jui vouldront tourner à charge, disans qu'en ce il se desnaturoit du tronc dont il estoit, en adhérant aux ennemis du sainct lieu de sa naissance. Dont, pour l'excusation de cecy, et pour le parer en son honneur de si gand cas, je prononce pour lui, et dis manifestement : que c'est erreur, et quemesme les François ont esté cause de ce de quoy l’accusent. Et que ceci vray soit, le ciel, la terre et tous les élémens, sans les hommes encore, le preuvent et crient ainsi; et se teuvera escrit en la région de l'air mille ans après : que François en ce temps ont quis les Anglois, leurs mortels ennemis et anciens dévoreurs, d’avoir leur amour, leur adjunclion et confort, et à leur propre honte et foule et dommage, pour desfaire la maison de Bourgogne , et principalement pour mener ce jeusne prince à confusion, leur propre sang, leur propre frère et parent, le plus bel estor de la couronne, par envie. Cecy est vray, et temps le m'a rendu tel. Se taisent doncques de leur accusation, et je me tairay de la repreuve, qui en vient d'eux. Leurs obliques voyes, et telles que Dieu congaoist de long-temps, sur le père et sur le fils ont donné au père pauvre amorse d'y mettre grand amour : mais l'ont compellé, et constraint secrettement d'entendre à soi, et de quérir garant. Sin'a-il rien fait toutes-fois cuntre son honneur; rien en préjudice du noble royaume; ne rien en grief de la couronne desfleurs de lis, laquelle il honore et grandit et extolle jusques au ciel; et se répute heureux et très honoré d'enestre issu : mais bien s’est fortifié contre ses ennemis, privées personnes, el en son Corps deffendant , et en particulière question , et en quoi raison et sain jugement labeurent , qui le doibt et qui le peult faire. Quanul le temps

ÉLOGE

fera ses ennemis retourner à recongnoissance

de leur tort , sa conscience le fera revenir à l'ostention de son debvoir. Il est prince

chrestien ; il a Dieu en ses yeux, et équité en courage : il a les fleurs de lis en son front, et en est tout surfondu : il ne monstreroit jemais son dedans contraire à son dehors :

mais d'un aubergeon d'emprunt s'arme-l-on bien souvent, et Jaisse-l-on le sien sur la perche , à feinte, et tousdis vient-on bien’à temps pour le reprendre. L'alliance qu'il a faicte a esté forcée, et pour ur mieux, la faveur qu'il y a eue est naturelle ; il en est du sang : mais des deux choses aymées, et de toutes deux bonnes, la meilleure fiert au cœur , et se pare-l-on d'icelle. On l'accuse aussi d'avarice et d'aymer argent, et d'estre

plus tenant et clos qu'à son appartenir. Dont

du sens de sa propre bouche, je veux faire le parement de ceste accusation, voire en l'équité du droict qu'il y peut avoir : car ne pourroie louer en nul si haut homme , que sa main close , qui est le vray contraire de principale perfection. Son argument estoit, et accusoit soy mesmes, contestant que voire aymoit-il l'argent , et en fesoit danger pour les temps qu'il véoit disposés d’avoir beaucoup d'affaires encontre François et aultres tendans à sa foule. Dont, comme argent est le soverain moyen par lequel on se peut munir et garantir contre telles doubtes, soy mettre sus, et s'essourdre deffendeur de son honneur, avoit gens d'armes à prompt et à tost : un denier en coffre vaut droict, si se dit trois en bouche d’autruy. Et en prévient-on en temps à son meschief , et en sauve-l-on son honneur, et son propre : Ce que faire ne se pourroit, qui en seroit sans, et qui en seroit en autruy danger. Par considération doncques de cecy, et qu'il estoit prince de courage fier et de haut cœur , et non appris de porter foule ne le vouloir, prisoit et louoit avoir argent et de le garder et tenir à cher , non pour le bien de luy mais pour le grand fruict qui s'en pouvoit traire en temps opportun. En cest endroit sa considération faict à louer : son aymer argent est de vertu et de prix. Et n'est point tant réputer avarice ceste manière de faire, comme claire et ouverte prudence pour Île temps futur , et fin honneste et utile. Natu-

DE CHARLES LE HARDY

rellement l’ai-je veu autrefois et en moindre estat large et libéral : donnoit à double main et sc délectoit en pouvoir donner ; avec ce scavoit qui avoit pour luy et dont jamais à la fin venir ne pourroit. En mutation doncques de seigneurie n’a point de mutation pourtant en la personne : si nature lui baïlla libéralité à son naistre, la haultesse de sa fortune ne lui doibt tollir pourtant les graces de la nature : mais le soin de ses grandes affaires en nouvel estat peut bien avoir restraint la voye du temps passé, où nature le voulloit traire.

Estoit aussi accusé de chaleur, vray est :

mais sens donnoit dessus ; et en hastiveté le disoit-on périlleux , mais si n'estoit-Ce qu'en espèce de bien. Aucuns aussi le disoient dur à ses gens de guerre et de peu d'espargne ; mais ce fit-il en ensuivant le lieu, qui à dur et sans espargne de corps se veut maintenir par les hommes. Et autres le disoient mortel pour peu de cas : mais c'estoit pour faire observer ses dicts. Ne donna peine toutes-fois à autruy que luy mesmes ne prist pareille : n'attemptement de péril là où il ne fut au mesme. Menoit ses gens en vrai duc , et en prince redoutable , et en'capitaine par effet : les arrangeoit en bataille, les visitoit de bout à autre, et Îles reconfortoit : les apparloit bel, et les induisoit à bien faire : leur promit gloire et prouflit et soy mesme mourir entre eux. De victoire il usoit courtoisement , et usoit plus de mercy que de cruauté après vaincre. Estoit tout propre et tout digne pour mener grand ost, et né, ce semblait. pour tirer victoire de ses emprises : n& falloit fors que tiers se. pré-

sentast et tiltre pour emprendre, que tout

di

ne ployast soubs luy. Par père et par mère, il estoit de belliqueux sang, et de triumphal lieu, et de leurs deux hautes natures, la sienne tierce se tira non moindre. Convint avec son père en vaillance, en fierté, et en bautesse de cœur : convint avec luy en nature victorieuse en armes : convindrent ensemble en noble et eslevé courage, et en non souffrir nul tort : convindrent en léauté, et en vérité de bouche, en preud'hommie et en netteté d'honneur’, et en bon et naturel sens, tous deux tournés à bien; convindrent en servir et honorer Dieu curieusement, et à l'advenant des éages et des temps de l'un et de l’autre : convindrent ensemble en toute honnesteté et mœurs qui à prince séoient.

Différoient aussi en aucuns cas, et dont la différence toutefois ne porte point de deslos : l'un estoit froid, et l’autre bouillant; l'un long à merveilles, l'autre actif et prompt:

l'un négligent du sien, l’autre diligent et aspre : différoient en leurs repas par long et par brief, et en diversité de convives en privé lieu : différoient en volupté de la chair par plus et par moins, et en manience d'argent par trop et par peu : différoient en amours par cure et non cure, et en divers soulas, qui humains sont : mais de tout ce qui estoit de perfection au père, de mesme se para le fils; et tant que de la clarté du fils , le père ne doibt avoir honte. Eux deux s'entrelui soient ensemble , s'entre-grandissoient, et clarifioient l’un l’autre : s’entre-font mutuelle révérence et honneur ; vont par égaux, main à main : et Dieu, s'il. luy plaict, par égale bénédiction sera leur conduiseur en sempiternelle gloire.

me =

= = ————— <= = D + ne

EXPOSITION

DE GEORGE CHASTELLAIN

SUR

VÉRITÉ MAL PRISE (4)