PROLOGUE

Pour ce que vray semblable est que d'icy à la fin du monde porra estre fait recort de la regnacion de Charles VII de ce nom, roy de France, et de Philippe le très hault duc de Bourgogne et de Brabant, contemporains, les quels, après longues et mortelles guerres, pacifiés ensemble , par la diversité toutevoies des humaines fortunes, onques ne se porrent entre-veoir, mais s’y entreboutoient tousjours questions et difficultés par les quelles, vuidans de l’une et rentrans en autre nouvelle jusqu'en la fin de leurs jours, ce noble royaulme ici branloit tousjours et vacilloit, ne savoit sur quoy , ou sur paix estable ou sur guerre ressourse ; et ce , à cause et par la contraire aventure à tous deux, que leur eur ne se porta tel que s'entre-veissent pour faire estaindre et cesser toutes vielles envies et rancunes, toutes semences de divisions et de haynes dont non moins leurs personnes que ce royaulme pendoient en péril et la chose publique en langueur de desordre, comme vivement font mencion leurs haultes esmerveillables croniques, là où leurs fais et regnacions, l’un çà l’autre là, sont mis et escrips en perpetuele exaltacion de leur fame bien digne de mémoire :

Mais pour ce que moy, le moindre des hys-

(4) Tiré d’un manuscrit de la Biblothèque des ducs da EF murgogne à Bruxelles. V’oyes ma Notice.

toriographes françois , une fois, sur la fin de leurs éages et au temps de la plus haulte difficulté dure que onques je veisse entre eulx, sur le point ultime de meschief prochain, dont cause estoit etnourrissement, constrainte habitacionet refuge de l'ériuier dela couronne, le dauphin Viennois , ès pays de ce duc sen humble recueilleur, et de laquelle venue, François et ceulx d’autour du roy, le roy mesmes personnellement, se passionnoient, et déclinans d'amour, non onques bien vraie ça envers, se laissèrent couler jusques en froideur toute glaceuse et plaine de haynenses mixtions , imputans à charge et reproce à cestui duc la venue devers lui de leur héritier et sa longue demeure , comme avoir esté faite par subornance et cautèle :

Condoléant lors les instabilités des choses

humaines et la diversité des accidens que les

fortunes tramettoient inopinables, pour ces deux princes tousjours nourrir en rigueur , ct tenir en trouble la crestienté universe, fis lors ung livret, à l'enseignement de raison saine et à poix de consience très gravement examinée, que François toutevoies prindrent aigre; et en fus durement mes-volu', jusques à estre menacié de grief de corps qui feust peu venir jusqu'à la main mise :

Dont , et pour ce que ledit livret fut divulgué en diverses mains , et que possible est que la copie en demeure PR fin du

siècle, par quoy, qui ne”‘sçaroit la cause de l'œuvre et la condicion de l'ouvrier avec son intencion bonne, porroit estre le dit livret imputé à charge au facteur, et avoir esté contamineur du glorieux throne françois, dont envis porteroie le tiltre, et plus encore le délit :

Pour ceste cause, et affin que les cuidans estre injuriés par ma lettre peussent retourner à leur appaisement de cuer , par leur donner le vray entendement de mes escrips, ensemble et la fin en moy préentendue ; et aussi que revoquier ne povoie ne annichiler ce qui tant estoit divulgué et espars; ains me

* délitoie à parmaintenir la vérité estroite de mon œuvre, tant pour justification de mon maistre et prince , le duc innocent et proud'omme , comme pour réduire, par argumens véritables , à la voye de raison saine , les desvoiés, dont intencion ultime estoient paix et félicité, soubs grace et amour de Dieu :

Tendant à laissier en perpétuelle durée cestui livret, ensemble la très haulte et très singulière vertu, proud'ommie, léauté, gloire et splendeur de mon dit maistre et prince , que François en celi temps , par envie de sa clarté excelse et de sa très haulte fortune , héoient ; et moy , povre homme, proféreur de vérité sainte, m'accueillèrent en indignacion à sa cause : Ay composé ce livre en prose , où le premier livret , fait poétiquement en mètres, est compris dedens, de lettre à lettre , sans riens mucier ne recopper