PROLOGUE
de l'original, dont {a mesveillance me fut causée.
Dont, et aflin qu'il appère quel en est le tiltre , quelle la matère subgecte , quelle la fin de l'aucteur, et quelle la cause de l'œuvre ; le tiltre en est : Les Ezposicions de George sur vérité mal-prise ; la matère subgecte en est le livret rimé ; la fin préentendue, c'est durée et stabilité de ce noble royaulme , soubs divine protection : et la cause de l'œuvre, remonstrance à chascun de son droitet de son tort , avecques justificacion de celui qui innocent est et plain de haultes glorieuses clartés et des graces de Dieu, humble et léal envers Dieu et homme, là où il doit.
Si prie à tous voians et lisans icelui , qu'en considéracion de ceste très dangereuse matère, droit cy aherse , pour fin de bien, et que , plain de passion amoureuse , ay intencion de déduire estroitemeut entre deux parties discordantes , sans faveur et sans flaterie, comme vérité me donnë entendre, veullent dispenser , là où besoing sera, en l'aguité de mes termes , et là où corrosiveté aucune se trouvera en ma tractacion non agréable à chascun , que‘ icelle veullent plus imputer à la nature du temps, celi de alors, que à la perverse et oblique intencion de T'aucteur, qui son œuvre a proporcionnée à la qualité des causes qui l'ont fait escripre, et dont les déclaracions cy après assoufiront et dourout contentement aux lisans , que Dieu maine à salut !
EXPOSITION
DE GEORGE CHASTELLATN
SUR
VERITÉ MAL PRISE
Comme n'a guières séisse en mon estude, à où , en diversité de matères à moy présentées, me prindrent diverses ymaginacions moult parfondes, et pour les aucuues d'icelles mettre en escript, je préisse la plume entre les dois et disposasse tourner mon entendement à labeur , comme qui très haultes et très dangereuses matères avoie entre mains, et principalement touchant cestui très noble et très glorieux royaulme dont, indigne hystoriographe , voudroie bien garder l'onneur de Dieu et des personnes, et, sans flecir ne tourner à faveur, garder propre honneur et salut; en quoy toulevoies, comme je considérasse la difficulté de l'œuvre, et que, tenant la plume ensuspense, je pensasse en ma matère . subgecte que moult je pesoie, et qu’en icelle je trouvasse difficultés maintes moult dures à desnoer , et dont l'atteinte du vif n’estoit pas legière , et plus encore la déterminacion dan-
use : pensant ainsy solitaire , et pesant à la balance l’onveur , la gloire et la haulte regnacion des roys et des princes crestiens, ensemble les glorieuses opéracions et natures des nobles chevaliers, barons et vassaulx d'au-jour d'ui et de mon temps, entre les quels par guerres et divisions ont peu estre congréées haynes et mautalens, et sourses parciales affections et controverses , dont le
fardeau très pesant s'estoit venu plongier sur
mes espaules jusques à durement ressongnier comment je me chsviroie du portage, là où je
ploioie dessoubs et soubs lequel sentis nature aucunement restiver à l'encontre par une mollette paour prise soudaine, que , par trop espelucier parfont les choses secretes, ou par estre trop véritable ou trop précis en escripre, je n'aquisisse haynes envers moy et mesveillance , et qu'en mes labeurs et saines intencions ne fusse maintenu à suspect , et peusse cheoir finablement à icelle cause en aucun infortune , qui dès mon jeune éage toutevoies avoie quissongaeusement la grace desprinces, et pour iceulx distinguer et congnoistre visité et perquis diverses régions, dont encore l'affection ne m'estoit amendrie : comme lors je séisse en cest estat, et variasse entre faire et laissier, entre accuser et parer , et que le percogiter tout et comprendre me donnast de soussi beaucop pour en faire bien soudainement : lors, ‘comme se le tonnoire chéist du ciel , vindrent à la croisure de mon estude crier quatre impérieuses voix moult aguës; et disanticelles: «Ouvre cy! ouvre!»
fellement frapèrent sur huys et fenestres qui toutes churent du cop ; et y entrèrent quatre dames moult espoentables en regart. Lesquelles, aveques horreur de figure , me donnèrent fremison aussi en leur survenue , jusques à retraire tous mes esperis emprès le cuer , et laissier le corps privé de ses mouvemens , fors seulement de la veue , laquelle arrestéement se contint en icelles. Mais affuiant vers la fantasie s'esmerveilloit toute
did
de l'intencion de ces quatre et de la cause de leur survenue si impétueuse, nonobstant que la semblance de leurs personnes démonstroit assez la faculté de leurs natures, qui toutes se présentoient felles et prestes à injurier qui que fust.
Lors, moy surpris en ce point, comme homme à demi mort et qui n'avoie riens en vigueur , furs seulement la fantasie où tout je recueilloie, et la très estrange habituacion d'icelles, et la très horrible ostencion foraine aussi de leurs contendances, ensemble autres grans mistères qui servoient à leur personaage et à noter bien dignes, commençay à fichier mon regart en icelles ,et à noter leurs semblances et composicions moult estranges ; car , avoit l1 première les oreilles bouciées tant estroitement que à nulle rien, fors qu'à propre affection, ne voloit donner ascout ; pertoit l'estomac hault et enflé, col tors vers la main senestre, regart envenimé, la veue creuse et parfonde dedens la teste, de laquelle, en regardant les hommes, les sembloit tresperchier ; sembloit estre merancolieuse en ses manières, grave en parler et tardive, mais despite mortellement en couvert, jusques à l'escrenement du sacq, à où toute se deslioit ; avoit l'une des mains torse en arrière , et d'icelle faisoit signe de despectien, et en l’autre tenoit ung glaive dont la pointe mordoit à dens , et sembloit qu'en icelui aguisoit son venin. Dont, comme je regardoie le front d'icelle et que durement m'espoentoie de son estre, je y perceus en lettres de cou-
leur de souflre ardant escript : « INDIGNACION
suis-je. »
Si me tins à moult aise d'en savoir le nom,
quand par icelui je povoie jugier plus proprement de son affaire. Dont retirant mes yeulx d'ensus pour aprendre des autres, tantost les gettay en la seconde, qui se presentoit en semblant pour moy donner à assavorer de ses œuvres, et pour spéculer bien etcomprendre la diversité de ses formes.
Ceste dame, droit cy se monstroit avoir les condiciuns sures, raisons moult aguës et mordantes ; grignoit les dens , et machoit ses lèvres ; niquoit de la teste souvent ; et monstant signe d'estre arguëresse, sauteloit sur ses piés et tournoit l'un costé puis çà , l’autre
EXPOSITION
costé puis là; portoit manière d'impacience et de contradiction ; le droit œil avoit clos et l'autre ouvert ; avoit ung sacq plein de livres devant luy, dont les ungs mist en son escours comme chiéris, les autres getta au loings par despit ; descira papiers et feulles; quayers getta au feu félonnement ; rioit sur les uns et les baisoit; sur les autres cracha par vilonnie et les foula des piés : avoit une plume en sa main, plaine d'encre, de laquelle roioit maintes escriptures notables qui ne lui tournoient à gré et les mist en despris. Lors quant aux autres, donna tiltres et voies d'exaltacion très hautaines et les juga recommandables, d'une esponge aussi noircissoit aucunes ymages , autres esgratinoit aux ongles et à granhes, et Jes tierces rasoit toutes au net, et les planoit comme pour les mettre hors de mémoire , et se monstroit dure et felle ennemie à beaucop de gens de bien, plus velontairement que par raison.
La quelle, quand bien l’eus avisée, et noté ses manières, dont le nom, comme il me sembloit, devoit bien ensievir semblable à ses meurs, et que moult desiroie à savoir icelui, vis en l'emplastre de son front comme par manière de tiltre qui disoit : « RÉPROBACION suis-je. » Lequel mot leu, dis à par moy mesmes : « Voirement es tu bien baptisée en celui nom, car moult en est la significacion du terme propre à la réalité de ta condicion; etqu autre te vouldroit donner plus honneste , donroit parement et tiltre non dignes à ta nature. » Si me tanai de l'avoir regardé autant; et plain de hide et de l'austérité des deux et de leur injurieux semblant , tournai ma veue en la tierce, laquelle vestue assez honnestement et plus quoye en apparence, porta gros rolles d'escriptures dessoubs son bras; et iceuls desveloppant , là où il y avoit pluiseurs choses mises par répertoire, aucune fois monstroit les articles au doy, autres fois mettoit le doy sus, et puisà cop retirant icelui, reféri dessus de toute la main par semblant d'aucun ayr, comme s’elle voulsist monstrer injure ou blasphème en iceuls , ou à aucunes
personnes là ramenteues donner charge.
Geste dame icy, à ce que je vis de semblant
en elle, porta bien la mine de non estre bien
juste en conscience et de semer volentiers dis-
SUR VÉRITÉ
corde couvertemententreles hommes; sembloit par nature aussi affecter etquérir volentiers les oreilles des princes et des gens en auctorité, là où, usant de sa propriété, condempnoit bommes et sentences, noircissoit querelles, et convertissoit les bonnes en mauvaise interprétacion ; dont, à si peu que perceu m'estoie de son estre et que je considéroie bien là où tiroit sa nature, survisen son front aussi letiltre de son nom; et disoit : « ACCUSACION suis-je. »
Coucié à demi lors et demi assis gisole à l'envers, privé de parolle ; et n’y avoit mouvement en moy fors des yeulx, auxquels darnièranent se vint présenter l'autre quatriesme, qui toute efluriée en semblant, et comme s'elle me voulsist inférer mort, vint félonnement jusques au plus près de mon vis, et portant une espée hideusement sanglante, la quehe avoit tournée pour férir d'estoc, la vint pranlant furieusement sur moy, et faisoit semblant d'en férir. Dont la hide me prist telle, et la paour tant extreme qu'en icelie ne m'estoit attente que de la mort ; car m'estoit sa menace effuriée aussi mortelle en sempiant comme eust esté la percussion de sa main par réal effect.
Ceste dame icy n'avoit desfigurement autre, fors qu’elle roulloit les yeulx, qui luy estoient gros et estincellans ; avoit la bouce de travers; le bas et le hault d'icelle contraire
l’un de l'autre ; avoit le visage enflé et tout rouge ; vaines engroissies et plaines de sang, etes mains criminellementsanglantes et mortelles. Et non mort encore, mais assez près, reservé que les yeulx tousjours me prestuient service pour faire vivement comprendre ma vision, geltai iceulx, comme autres avoie fait, en son front ; et lors me perceus de son tiltre qui disoit : « VINDICATION suis-je. »
. Lors quand cesquatre femmes droit cy hideuses et espoentables s'estoient présentées devant moy, démonstrant chascune l'office de son personnage , toutes quatre en renc se contindrent devant mes yéulx en tel ordre que je les ay nommées. Et non aians encore levé nuls languaiges devers moy, si non largement grimaces et ireux semblans qui vadoient paroles, commença la première, qui se mommoit INDIGNACION , à dire ainsy :
« Traytre homme mauvais injurieux,
fau!x homme plain de venin , digne de mort et d’esquartelure, digne de mort immortelle et de tourment non terminable , faulx traytre pervers, digne de toute despection humaine!
or as veu nos personnes ; Or as SCeu et congnuc nos noms et les condicions de nos affaires.
Chetif! mais tu ne scés pas pourtant dont est nostre production, ne de quel lieu noussommes meues pour venir droit cy, ne qui est la cause de nostre présent survènement devers toi. Fol oultrageux ! nous venons et sommes parties de la très glorieuse maison de France, de la très excelse et béatifiée maison crestienne du throne des honneurs et des dignités du monde, du ciel impérial terrien, qui seul resplend sur les hommes, qui seul tient règne et dominacion sur les généracions universes, qui seul encerne et circuit la seignourie du siècle, qui seul est paradis des humaines voluptés, throne de super-éminent gloire, soleil de justice et de neble vie, fontaine d’onneur et de science, sourgon de vertu et de félicité, mère de clergie et de la sapience du monde, région de chevalerie, royne de proesse, minière de précieusetés, firmament de salut et de vraie foy, que Dieu a rempli de grace , natare de toute sa prestance, et fortune de tout son entremettre. Menteur pervers! de tel lieu sommes-nous parties ; de là sommes-nous venues droit ci par devers toy, qui le palais du triumphe du monde, le throne de netteté et de gloire incomparable as volu ordoier et soullier par tes escrips; et toi boutant en présompcion excessive , as degoutté ton venin et lancié jusques à la royale magesté injuriée durement par ton desgorgier présompcieux. Fol arrogant, esclisce de venin, menteur injurieux, rempli d'estuffe pire que souffre ne poye d'enfer, et extraict de la généracion maudicte, ce crois-je, de Dam, de Goth et de Magot, dont la semence puist faillir entoy (et Amen), traître faulx homme, organe de l'ennemi, plus criminel que escorpion ne tarente, et comment as eu ne pris le hbardement de mettre avant les injurieux et cuisans termes, leu aguës et mordantes paroles qui n'a guièressont esparses parmi ce royaume, portées et semées entretoutes condicions et facultés d'ommes, qui tous, avec le noble royal sang, avec la très haulte et vertueuse chevalerie fran-
çoise, s’en sentent bleciés, et à toy imputans charge de malice, crient vengence sur ta faulse hérétique personne, dont l'injure ne le venin ne sont à souffrir, combien que tu te fondes et confies sur les marches où tu t'embuches, et là où ton maistre, ton duc, te donne part et garant et est peut estre cause de ton . parler. Langue d'aspic et denture de tygre, louve engloutisseresse de l’onneur des François, commoveresse de sang-et de felonnie, presentacle de honte et de rougissure, quelle chose te peut avoir meu ou causé d’avoir produit les felles, horribles et suspicables sentences, comme tu as fait retentir jusques aux portes de nos oreilles, et des quelles non pas nous tant seulement, mès toute la généralité de nostre throne est commeue et en rumeur.
Et n’est sang en la plante des piés qui n’en monte au visaige des haulx hommes, à l’un par vergongne, à l’autre par ire et appétit de vengier. Car ne fut oncques le throne françois si injurié que par toy, ne onques sa magesté excelse ne receut lésion si griefve que prestement de ta main ; dont toutesvoies tes causes sont faulses, tes mouvemens iniques et pervers, tes fondacions injustes, et tes preductions despectueuses et mençongières; et en doivent redonder entoy mesmes obprobrieusement les quarreaux que tu nous en as tirés, faulx murtrier inhumain ! Et nous t'avens donné autrefois nourriture emprès nous, t'avons recueilliet receu en service, donné prochaineté à nostre ombrage, hantise et frequentacion clère avec nous, inspection et cognoissance de nostre giron; et tu, en recompense de bénéfices receus, en rendicion de gratuité obtenue plus que à ton appartenir, ingrat envers ta bonne fortune et ceulx qui te ont bien fait, tu payes sucre par veuin, tu payes baisers par morsures, tu payes acolemens par plaies mortelles , tu rens mal pour bien, et mort pour vie.
»Or ça: etse l’eure n'est encore permise que je men puisse vengier, et que fortune ne m'est si propice que de povoir exécuter mon courage, au moins m'est l'espoir de te monstrer une fois ton més-us, et de te faire sentir amèrement tes outrages; Car ne mourras jamais, ne moy aussi, que monire et ma fureur, mou sang et ma cuisance ne te percent et
EXPOSITION
deveurent, et descirent et desrompent, cé desmembrent etcharpissent, et te facent ton dre et poudroier en terre, char etossemcps, &d ton nom estaindre enla memoire des hommes.»
L'ACTAUR.
A cestes tant aisgres et injurieuses paroles me convenoit livrer ascout, et ne m'estoit aisance nulle de respondre à l'encontre par la paour qui me tenoit lors empescié la parole.
Dont se le regard de l'ymaige m'avoit. donné terreur grande en son survenir, maintenant la me renouveloit par cent doubles. En la felleté de son injure parloit toutevoies bassement ceste dame entre ses dens et d’une voix cassée, comme se à dangier vuidoit son estomac, et qu’elle ne voulsist point qu’en public on la jugeast telle comme elle estoit en cuer. M'avoit fait des grimaces hideuses , et manières de despections les plus terribles qu'oncques véisse ; ésquelles tant me trouvai confus , tant au bout de mon sens et entendement, que bras et piés tous estendus, comme d'un corps mort, à paines me remanoit en l'ame vertu aucune ne opéracion, que tout ne s'esvanouit et s'en allast pour la fuir. Mais pris en celui point dernier, me vint aherdre la seconde, qui s'appeloit REPROBACION , et me alla dire ainsi :
REPROBACION.
Maleureux homme, tu t'abuses bien. Cuides-tu jà avoir fait de nous? cuides-tu jà estre quicte de nos mains, qui tant avons justes causes et actions en toy pour te pourbondir?
nenny! non ! tu yes encore et y seras longuement, Car n'en partiras jamais que de toi premièrement n’ayons fin.Faulx escripvain, folâtre homme de povre et de petite faculté, clergeau contrefait là où il n’y a science, ne clergie, ne lecture, ne auctorité, si non multitude de supersticieuses invencions et fastroulles que tu vas quérant et par les quelles tu enmieules les oreilles des ignorans aussi fols que toy, et toy mesmes en tes folies te. glorifies! Coquart, maistre vergaut qui as l'esclipse en l'entendement, et mesmes ne te connois et veuls jugier aultrui. Que fera l'en de tes escriptures, de tes frivoles et invencions laidengiuses que tu as fait dévoler par ce:
royaulme, contraires toutesvoies de l4 vérité, contraires à honneur et droiture, et tournantes à dure lésion et scandale à la chose publique, mesmes jusques à toucier à la face royale , à la splendeur et netteté dela couronne inviolée que tu sembles voloir ternir et desfigurer par ta plume? Mauvais homme injurieux, pervers en concepcion et légier en ton jugement, se tu as conseues aucune passions non opportunes en l’estat de ton maistre à qui tu es, et en aucunes matères qui Le semblent estre rigoreuses de sa part et prochaines de péril, et èsquelles lui mesmes deust remédier et prévenir par sens afin d'éviter propre meschief, convient-il pour tant par tes lunatiques opinions qu’en embelissant ta cause par bourdes, tu accuses et laidenges les justes et baultes clères personnes par charges, ceulx encore ou celui à qui doy nul ne doit toucier, et devant qui et le monde et les hommes, et les pensemens doivent frémir et trembler premiers que yoser mettre main. Dont je m'amire en moy-mcsme et me sens toute effrontée de hide; comment oncques entra en toi le hardement que j'en ai veu ne la presompcion de l'outrage que je y ai trouvée. Et convient bien certes que la bonté royale soit bien grande, quand de si haut injurieux attemptement seufr fre et dissimule.
Déa! tu n'es pas celui qui digne soies de dessimulacion ; tu n'es pas ton maistre , le duc de Bourgongne, à quil y peut avoir loi aucune de souffrir; tu n'es pas son chancelier qui est homme grave et prudent; tun'es pas son premier chamberlen, qui est preud' omme ; ne tu n'es pas de la secte ne vocacion par quoy tu doies avoir aveu de là, ne de çà support; car tu n'es sage ne de nul prix, ne de nullequelconque provection à dignité, si Bon à faire et à escripre fatras, multitudes de folies et de vanités, qui toutes ne servent ne ne pourfitent, mès endorment les fols legiers esprits et les bons et les notables ayrent. Donques , puis que tu n'es autre homme et que tes escrips ne proviennent point, ce peut sembler, de la gravité et prudence des sages hommes de ta maison qui nous sont bien congnus, etque ton maistre aussi n’est pas legier parleur mais bien pondereux , il convient donques que tu, de propre malice, de propre envenimé courage et
SUR VÉRITÉ MAL PRISE
pourri estomac, de la mahgnité de ta racine, pour envenimer et enfellir, nous autres, pour autrui aussi envenimer envers nous,tu 28 CeCy mis avant, ou que ton maistre faisant l'ignorant et le non-y-touce soit esté content secre-
tement de ton faire. Se tu, de propre et privé malice l'as fait en ton propre privé conseil, en toyseul en doit redonder la pugnicion; etsg par
conseil et aveu d'autrui, en autrui sens aussi et gravité il y siet deliberacion plus meure ;
car là gist le fort et l'estroit du neu que ci-
après esclarciras, se tu scès. Mais dont que procède, ne de quelle main, tu es ung très inju-
rieux fol etung instrument très perilleux, du
quel, comme les opéracions en sont despec- (ueuses, pareillement est la personne de povre et de petite value, quand l'œuvre desoi-mesmes démonstre la qualité de l’ouvrier.
Jorge! Jorge , les faits de ce royaume ne de ton duc ne se vuideront pas par paroles ; il conviendra fais et réaulx effects. Si t'abuses
bien , quand tu penses que pour tes escrips
nous nous doions changier à ton appetit, ne
plier nos baultes querelles à tes drmenstrances, qui savons faire et dire et entendre
mieulx que nuls par devers vous. Mais ne vous prisons point tant, mesmes ne nous daigmerions tant abaisser que d’yexposer soing.
Car est œuvre de femme de caqueter moult, et chose de vertu et de grand pris faire de fait. Si que, ton œuvre et ta personne, tout est mis en despris devers nostre seignourie ; tes blasmes et laidenges sont surpensées jusques à heure deue; tes haulx présompcieux langaiges reputés sans fondement ; tes demonstrances et doctrines contées à frivoles ; et brief, et toy et ton fait, et tonescripre et ton fantasier, tout ne nous est rien ne ne poise, tout ne nous meut ne ne change, excepté que une fois, avec vous autres dont nous nous chevirons bien, m'en rendras compte. -
N'avoit encore le mot hors de la bouce ceste dame que la tierce, so y hastant de parler, ne lui vint rompre la queue de sa raison: et la faisant guencir un pou du bras pour avüir lieu en mes yeulx, commença à dire :
« J'ay veu pieça et visité tesescrips, qui sant pleins de sedicion et de mauvaise glose; si convient que tu soies homme plein de mau-
vais voloir et de perverse inclinacion , ou que tu nous ouvres tes sentences et exposes, en autre entendement que ne savons comprendre ; car tout sonne injurieux , tout sonne en Diasphème et vitupère ce que nous y véons, et tout tourné en reproce et depression de. l'onncur générale de France, avec vantise et présompcion sur icelle, et qui plus est, avec attemptement en la royale magesté particulière , laquelle, de par Dieu! ne gist pas en ta reprehencion, ne chiet pas à cstre corrigée ne reprise par 10oy qui n’es que un povre nient, ung povre ver de terre très misérable, ung poyre homme de petite vocacion, de petit sens et de poyre estime, et en qui, quand tu aroies beaucop brassé de mal, mis le monde en desvoy et meschief, n'y aroit point de recæuvre, et n'y aroit à qui se plaindre, forsd'un meschant fol escervelé, plein d'outrageet d'arrogance, qui se présume de ce que n'entend et se mesle de ce que point ne lui affiert. Si seroit bien le monde payé lors, quand après grans meschiefs avenus par si faites besongnes, on ‘prendroit. vengence d'un tel chétif et le getteroit-on en la rivière en un sacq. Par Dieu ! sire, qui m'en croiroit, l'attente ne seroit point jusqu'au meschief avenu; mès tu mesmes commenceroies à gouster le meschief, et se commenceroit enta personne, Car tu vaulx que tu boives de l’eaue de Seine ou de Loire plus que ton soul, ou que tu lasaces espuisier toute par boire sans noier.
» Comment déà|! et il semble que tu faces la figue avec François! il semble que tu les prises ne ne poises . et que ce n’est rien de leur fait, fors chose doubteuse et variable, chose de mobile fortune non fixe, là où beaucop de vices, beaucop de vanités et de passions se tressent parmi, et à cause des quels poins tu {es sers d'impropère, tu les touces et agraves de cuisans tiltres, et ton parti etton maistre tu extolles et eslieves en haultes loenges.
» Déa! pourtant, Se tu prises ton fait beaucop, et que les gloires et felicités de ton duc tu reputes excclses, n'en sieut pas que nous, que tu n'aimes point, doions tollérer tes parolles envenimées, ne concéder tes sentences estre véritables, quand, au point où elles sont corrosives et de mauvaise disestion nous y mettons contredites. Peut-estre qu’en autrw œil
EXPOSITION
tu vois la buchette petite, mais au tien pre
pre tu ne vois pas le sommier bien gros que tu y portes.Toutesvoies tu le cuides avoir net et tout cler ; mais ce te fait ignorance, ce te procède d'aveuglement , de raison et de conscience cruementexaminée;caramieflatteresse fortune longuement possessée naturellement est nourrice d'aveuglement et de vertu endormie.
» Se gloire doncques et félicité par devers toi sont grandes, loes en Dieu ; mès n'ont à comparer pourtant les nostres la depression de ta langue, qui sont telles que Dieu nous a souffert acquérir en labeur, et les tiennes telles que tu les as, et qu'on en porra veoir l'issue. Si est folie en toi grande de eendempner nullui pour toi glorifier en ta propre fortune qui ne l'est estable ne que à autre, car là où tu mesmes t'eslièves , tu te ravales, et là où aultrui tu deprimes, tu mesmes te condempnes. Aussi ton livre venimeux, plain comme il y pert de crime en la magesté, cestui là te condempne et juge ; cestui Ià te prononce et demonstre qui tu es, et par tes mesmes et propres sentences très rigoreuses te reprent et accuse, disant et déclarant que tues plein de mauvais fiel, de mauvaise et injurieuse conception, de mordantes viaines morsures, de présompcion et de fol oultrage, dont la maliynité et le mésus demandent pugnicion, non pas tant seulement à Dieu, mais auroy, et à nous aultres tous en général que tu as blecié. Parquoy moy, ayant parvisité tout au long tes fais, les quels en usant de. mon office je déteste et agrave, je demande sentence et jugement aussi sur ton corps, et que à l'avenant de ton demérir soit exécuté par justice ou par voie de fait autre, tant que mort s'en ensieve.»
À ce mot s'avança la quatrième qui se nommoit VINDICATION, et sembloit enflambée par dedans, comme se ce fust ung esprit mauvais; mais ne disoit mot, fors tant seulement, «tue, tue,tue, à la mort» ,et roullant les yeulx assez espocntablement pour faire morir gens sans férir, vint de tout impétuéux air atout son estocq cuidant le ficher parmi moi; là où de la volenté de Dieu ou de mon bon eur, ne say comment, se trouva retenue par darr'ère ; ne pooit marchier avant jusqu'à moi. Dont effuriée et passant toute impacience , cuida
LT
SUR VÉRITÉ MAL PRISE
désesperer et soy mesmes occire par despit ; et gettant feu par les yeulx, ronfloit des narines et braioit par foursencrie si horrib'ement, que certes, qui n'avoie espoir nul en ma vie dès le commencement de leur venir, maintepant ne avoie autre recours qu'en Dieu pour lui recommander mon ame , au quel taisamment et par seule pensée j'envoyai ma prière, là où tout espoir temporel m'estoit defailli, et me avoit relenqui tout hümain confort, és mains de ces quatre.
Dont comme en ceste dure perplexité eusse esté aucun petit temps, non pensant que si eu reux fuisse que ma prière deust estre exaulcée devant Dieu, ne qu'envers moi tel pécheur sa miséricorde se deust ploier si à cop, preste-
ment s'apparut à moi une ymage dont la
veauté en son survenir me donna esblouissement parce que clére estoit et d'angélicque emblant, mais ne s'en monstra riens que le ns, le quel par le surveoir commença à raseurer ma paour et à mettre en estat mes aturelles puissances eslongiées de leur vertu ar fraeur prise ; et declinant son regard envers moi par semblant d'aulcune affection proféra ces mos, disant :
« Humme, repren seurté en toi et corage !
rend grace à Dieu etresvertue ton esperit ; car quoique tu soies accueilli de menasce, n’es en péril pourtant ne en l'abandon de fortune, pa”ce que Dieu, où toutes chosesse présentent, cangnoit ton fôhs meilleur que ne font les hommes; si ne te souffrira en dangier, là où tu mesmes te voudras aidier et prendre aux dens le frain de ton oportun besoing. »
Et alors moy, qui songneusement entendoie
æs paroles et ne savoie qui feust cest ymage, aÆnhardis de lui enquérir qui elle estoit, ne aont estoit sa production. Et elle, non lente de respondre, me dict. « Je suis créature de Dieu, clère comme tu vois et noble créacion, mais soufliée laidement par tes mesfais, et infuse en toi et donnée inséparablement, si non par mort. Suis ton ame raisonnable, qui te donne estre et vivre, parler et entendre, et viens par la divine pourvision devers toy, moy remonstrer comme lumière et clarté de ton corps, conduitresse et conseillère de tes affaires, là où, quand tu obéis à l'empire de ma raison, je le maintien cler et loable ; et quand moy me
supploie à tes appetis Sénsuets, moi mesmes je me desfigure. Mais pour ce que n’est de la spéculation présente d'entrer en ces termes, fors en tant qu'il touce ta présente perplexité où il te besongne secours, lesserai couler tes offenses diverses par les quelles tu m'as mise en péril, et vendrai à aucunes bonnes inclinacions naturelles en toy qui en la miséricorde de Dieu, espoir, sont regardées, et èsquelles ne te souffrira perir, mais quete parsevères, et parcontendes plus et plus à fin bonne et à l'obtenement de sa grace, qui onques n’eus en toi une seule pensée bonne, une seule goutelette de frnctueuse intencion, que tout n'ait esté veu et regardé de ses yeux, et tout mis en la conserve de sa bonté, pour t'en rendre rétribucion une fois condigne au cas et à l'avenant du mérir, par équité telle que tout bien fait est rémuneré également, comme le mal fait pugni. »
* L'ACTEUR
O dame, ce dis-je alors, estes-vous donc l'ame de mon corps? Estes vos celle en qui je m'attends sauver présentement à l'encontre de cestes felles et inhumaines dames droit cy qui tant me contempnent et injurient que la mort ne me porroit estre plus aigre que leur
parler P L'AME.
Oy voir, ce suis-je ; je suis le fruit de ton expectation.
L'ACTEUR
Loé donc en soit Dieu et bénoite soit l’eure de ton apparoir. Dont et se par toy doy estre relaxé de la chartre de mes mérancolies, te prie que tu veuilles faire revivre aussi mon esperit tout circui de ténèbres, aflin que par clère congnoissance prise de toy je me puisse réunir avec toy en amour, qui ne te congnois ores que confusément et en ay oublié les propriétés et vertus. Si que , je te prie, faveur moy et m'accorde ma peticion; et qui te” nommée lumière et conduitresse de ma vie, paroffre toy je te prie charitable exposeresse de mon salut. — « Volentiers, ce dit alors l'ame, et je le feray.» Et moy, quiavois subtile l'oye,
respondi prestement : Voire mès me seras tu . avocate féable après et defenderesse en ce qui me besongne ? Qui non lente enrespondre, dit: «Oy, mais ce ne sera point en la samblance que tu ores me perçois , mès en aultre résolucion de personnages que tu congnoistras ci après, et qui avec moi, sont une mesme chose et essence, et à toi d'une mesme administration et service. Sisaces et enten bien, qu'en ensiévant ta peticion faite, je suis, comme je t'ai dit, ton ame raisonnable, créature formée à l'image de Dieu et de son semblant, à qui, après les angels et célestes créatures , nulle rien terrienne n’est semblable, nulle de telle dignité en créacion, nulle de telle adopcion en la divine amour, nulle de telle concepcion sublime, nulle de telle suscepcion de grace comme de vertu, comme de science, comme de congnoissance et discrecion, et comme de toute capacité de chose intelligible et compréhensible, avecques vie éternelle et joyeuse fruicion de la veue de Dieu, lors quand par labeur et vertu me serai exercitée pour y parattaindre. Et ceci dis-je quant au regard de mon estre et du lieu dont je viens. Mais quant auregard de ta personne privée, à qui je suis enjointe pélerine, mise en ce voiage d'embas pour y cueillier fruit, pour y messonner et semer, pour y rassembler trésor de mérite pour y fatre planter et florir œuvres vertueuses, certes, je suis celle qui duite de ton bon ange , regardée de la bonté du bault sire de lassus, après ton enfance, passé de sept ans et mis à puérile escole , te fis comprendre ta première liçon; et toy ayant fait sage de lettrure, te baïllay en retencion ta patrenostre. Dont plus et plus par succession de terme tu convaloies et croissoies , et en renforcement d'éage et de corps tu acquéroies plus et plus impression de science, jusques à largement en avoir conceu, premier que tu me reüirawvs arrière de la perfection et principalmert de mon salut.
» Et alors comme je te véisse, par conseil non sain, distgait des escoles , et que non teaant conte de ta première nourreture enfanüve, tu t'enveloppoies ès affections mondaines, tu t'abimoies dc vanités temporelles, tu t'adonnoies tout à délis et desirs charnels, dont
@ncques puis tu ne fis retraite, et qu'en cui- ,
EXPOSITION
dant prospérer ton cnemin, féliciter ta vie et ta fortune, tu quis les variables et périlleuses habitacions de dame court , les mendiques et fallacieuses hantises des princes, o lesquels tu te pensoies grandir, o les quels tu te pensoies sourdre et monter, comme rien ne te sembloit telle félicité comme fréquentacion de seigneur, lors moi, obéissant à ton erre, envis toutevoies et à regret, pour première recepcion de doctrine conceue en moy, je te ramenteus estre nécessaire pour finablement, jà soit ce que par longues estorses, venir à bonne fin, servir, amer, craindre et honnorer Dieu sur et devant tout, et que sans avoir icelui tousjours devant l'œil, tout ton contendre, tout ton acquerre et ton délicativement vivre, tout seroit povreté et maleur, tout seroit ombre et nuée de mort , cas de confuse expectacion, de petite durée et de doloreuse issue, qui, comme le vesseau qui naturellement retient en lui le flair de la première liqueur qui y est imbue, tu ainsi, par vertu d'aucun pou de science comprise en toy adolescent, m'ensievis en conseil , ette submis volentiers à mes enseignemens; lors où toy ayant tiré à celle vertu qui estoitsouveraine, jem'assayai après àte induire encore en une autre non moins à perfection pourfitable : c'estoit que, avec amer et craindre Dieu, tu amasses vertus et bonnes meurs, contemplasses toudis les bons et leurs exemples, et les mauvais abhominasses et fuisses en leurs œuvres.
» En quoi aussi, toi trouvant libéral assez et prest , et qu'en longues contraires impugnacions et adversités chéant et relevant, où Dieu t'a esté clément et piteux, je me suis tenue ferme et constant en te ramenteveir toudis les poins dessus dis ; toi, venu par éage robuste à meurisson et gravité plus et plus parfaite, je t'ay conseillié dicter et mettre par escript tes concepcions , selon l'occurence des temps :
une fois, par amoureuse jeunesse, loenges et glorificacions des dames; autrefois par affection à la gloire du siècle, cantiques et exultacions des nobles humaines chevaleries. En quoy, tu legier encores et volage, passant ton temps vertueusement, non en oïisense, tu t'es acquis fame assez moyenne, grace conveniento et fertile, et habitude et cognicion de maint noble et hault homme. |
SUR VÉRITÉ MAL PRISE
» Dont depuis, comme l'on tire de l'un à l'autre , et que les esperis se ouvrent et esclarcissent , les fantasies s'espardent et amolient, les concepcions s'aguisent, les jugemens se meurissent et pondèrent, et que les expériences des choses humaines plus et plus s'assaveurent et se congnoissent, après avoir veuet leu histoires et livres divers, pris dilection grande ct faveur en leur contenu, amé les glorieux ethaulx hommes de jadis, condolu leur infélicité par fortune, glorifiéleur vie par noblement vivre , et toy mesmes, voiant et considérant l'estat de ce’siècle, je t'ai fait ouvrir l'entendement en icelui. Je t'ai fait voliter la pensée et circuir en la rondeur de la terre, ta fantasie en sa circonscription universe, et pris et recueille beaucop çà et là. Comme tout ne se peult en un homme comprendre, je t'en ai fait vuidier tes meditations; je t'en ai fait mettre par escript tes concepcions, et fait composer livres et traitiés, plus à l'utilité et salut du monde que à propre privée gloire.
» Dont, en ensievant mon conseil de vieil temps, et pour toi faire acquérir mérite en labeur, je t'ai fait emprendre l'insecucion de ce noble et ingénieux homme Bocace (4), etdereduireà memoire, depuis le roy Jehan où il fina, les haulz et glorieux hommes de la terre succombés en fortune venus à povre et doloreuse terminacion; dont toutevoies le nombre est grand , la baultesse de leur estat dangereuse, et la tractacion de leur mort et infortune à tout le monde plorable ; considéré encore les très haultes et très excellentes personnes rois et princes de nostre tems qui y sont comprises, et dont les matères bien traittes effaceront toutes recordacions anciennes.
» T'aifaitemprendre en outre centeptstres (2) où l'univers estat dumonde est comprisdedens,
et en quoi chascun homme ou femme, de quel-
conque condicion ils puissent estre, trouveront allocution.
» T'aifaitemprendre aussi la tractacion des deux félicités, le livre de trois divers nobles, le livre des humaines graces, le livre des périls du
(4) George Chastellain , a écrit à l’imitation de l'ouvrage de Bocace, de Casibus virorum et fœminarum éllustrium , un petit traité qui en est la continuation. Voyez ma Notice.
(2) Je ne les ai pu retrouver
d HA monde, le livre du père à son file,\e livre du fau amoureux, lequel rouvé de deux dames, laisse
‘la meilleur et la plus belle pour adhérer à celle qui lui est traitre et contraire ; le livre de la condicion de fortune, le livre de la cause des infortunes, \elivre des'abusemens de court, le livre de la tranquilité des couraiges(1), et plusieurs aultres, les quels, se vie t'est permise et con-
. jonction avec moi par aulcun temps convenable,
à l’aide de Dieu te ferai mener jusques au parfait, sans encore la très ressangnable charge d'escripre tous les haulæ et grans fais de la chrestienté, souverainement de ce noble royaulme, et de ses dépendances, depuis l'an vingt jusques àmaintenant (2), \à où, avec infinité de labeur, convendra aussi avoir multitude degrand sens et de soing pour justement en ouvrer. Et te doit bien fremir le cuer à l'encontre, attendue la difficulté seulement de ceste trèshaulte matère sans fons et sans fin, comment. tu t'en cheviras. Mais en longue vie et diligente labeur n'est rien qui nese maine àchief, quand bon voloir s'y ajouste.
» Je t'ay fait contempler aussi maintefois les choses glorieuses et excelses, réciter delitamment les vertueuses, plorer en corage celles de tribulacion et de ruine , souverainement du présent temps, au quel les rois et princes de la terre sont divisés ensemble, frois en amour , non chaillans en devoir , paresseux au fait de la chose publique, songneux en affection privée, plains de vanité, plains de murmure , plains de couvertes envies, plains d’affections terriennes, phins de desrèglemens, plains de vices et de povres condicions, et chaulx et boulans en leurs prepres et privées querelles, par lesquelles menacent le monde et le font trembler, laissent la querelle de leur créateur, l’expeticion de la vraie foi sainte, en quoy Dieu se poroit cententer d’eulx et crestienté ressourdre , qui maintenant va vaucrant et chancellant desconfortée , criant haultement devant les portes des royaulx palais , devant les fenestres des
(4) Je ne connais aucun manuscrit de ces divers 9uvrages. J'indique dans ma Notice ceux que} at pu retrouver.
(2) C’est la chronique dont j'ai retrouvé les diverses parties à Arras et à Paris, et qui est publiée dans ce clame pour la première fois en son entier.
prélats cras et replès, en plain consistoire aussi des gens de conseil enivrés en aucto- ‘ rité; mais ne trouve que cuers endormis, natures appressées, affeccions refroidies , amour petite, dévocion sobre, compassion nulle ; et ardans en convoitise et vaine gloire, exposent seulement et appliquent delectacion en chose terrienne, comme non en ung ne en deux, mès en toute la pluspart crestienne appert et est manifeste.
«Cecy avec plusieurs autres matères semblables t'ay fait concevoir souvent; t'ay donné méditacions et pensées , dont les concepcions aucunes fois bien amères L'ay fait convertir en pleurs, et icelles mettant par escriptremplir ta plume de propres térmes. Si ne le dy pas pour toytraire à vanité ne à jactance en ton fait, mais afin que Dieu soit preuve et tesmoins de la cure et sollicitude que tu portes en la félicité et tribulaciondes hommes.»
L'ACTRUR.
Dame, moult ay oy ententivement le recort que tu m'as fait; et m'a esté solas très grant d'avoir eu le rafreiscissement de mon éage passé, duquel toutesvoies plusieurs menus articles droit cyrecitésme estoient esvanouispieçà, et ne m'estoit ores nul souvenir d'iceuix, par la multitude des diverses fortunes à moy survenues depuis, et par la longuesse du temps passé qui peut causer l'oubliance.
Mais quand j'ay oi tout ton recort, tout le renouvellement de ma povre vie passée, de matrès misérable et chetive vocacion exercitée par toy, sterile toutesvoies et non fructueuse, non d'aucune utilité et faveur, non d'aucun pris ne de los, mais grosse toute et rurale, simple et de rude substance, si ne t'ay je point oy faire mencion aucune particulière de la chose du monde seule dont autrefois et encore tous les jours tu m'as plus donné de passions, plus de pointures en mes entrailles, et plus de tristes et de dures merancolies en mes pensées : C'est de la rumeur et froideur qui
règnent entre deux les plus glorieux princes de la terre, les plus plains des dons et haulx benéfices de Dieu , les plus exaltés en la roe de fortune, les plus béatifiés en gloire et en splendeur terrienne , tous deux d'un ventre et d'un
EXPOSITION
troncq, d'unnom et d'uneorigine, d'unemesme region conscripte, parens prochains, frères par alliance, rejoins par nature et par grace; et par rancunes et querelles non nécessaires, par tiltres non honnestes, par passions vicieuses et de grand péril, froids et deffidens l'un de l'autre, s’estordans de la voie de nature et d'amour deue, s'enaigrissent l'un envers l’autre, murmurent ensemble, grongnent et aguisent leurs dentures pour mordre, sont felices tous deux, mais tanés de félicités, par samblant menacent le monde et l’espoentent pour inféliciter eux mesmes. Si scés bien que rien n'est que tant j'aime que leurs personnes, que tant je exalte ne glorifie que leurs regnacions , que tant je parfonde et enserre que leurs nobles et glorieuses vies, leurs haultes et vertueuses condicions, leurstrès excelses et très solempnelles victoires et triumphes, par lesquelles ils resplendent et survolent tous ceulx de leur temps, tous ceux de leur éage passé, souverainement l’un comme chief ou monde ; mais ennemis, hélas aujourd'hui à pa pre félicité , à propre privé salut, à propre gloire obtenue et acquise, et retendans par apparence à ruine et confusion à opprobre et injure en l’un l'autre , en servitude et humiliation soubs fortune, tiennent le monde en perplexité, l'église de Dieu en balance , crestenté en trouble, la foy en décadence et en diminucion, et les ennemis de Dieu infidèles, par obéir et entendre à propres privées querimonies et vanités, en orgueil et convalescence.
Dont tu, ame raisonnable puisque tu m'as bouté en ces termes, m'as donné maintes parfondes pointures de merancolie, maintes doloreuses vuidances de soupirs, èsquels passionné et percié souvent en cuer, m'as fait faire livres et escrips, et dressant mon œuvre à la nature et qualité de mes passions, m'as fait asseoir ma plume en matère odieuse, en matère où se quiert le venin et s'y juge, posé qu’il n'en y ait point, et pour laquelle cestes horribles et espoentables femmes droit ci quatre sont venues devers moi, moi menaçant de mort, de honte etde mauvaise fin, et toutesvoies ce qui y est est par toi : dont. se aultre part et tousjours tu m'as conseillé le plus sain, le plus honorable et le plns utile, comme mesmes tu m'as dict et ra-
SUR VÉRITÉ
menteu (roit cy, et mamtienant tu m'as fait follier et légièrement emprendre, mettre avant œuvre contagieuse et mauvaise , en lieu encore où je veuls honorer et amer , reposer et prendre ombrage, durée et terminacion.
et tu ne m'en fais recort ne ramentevance, non plus que se tu ignorasses le cas et voulsises laver tes mains du meschief, certes, je me devroie bien plaindre de toi, et toy impropérer, se, au fort et au grand besoing et dur destroit où j'en suis, tu ne me viens à secours; et confessant le cas que de toy vient comme aultres, tu ne me bailles conseil et doctrine pour m'en parer au vrai et à l'équité de ma bonne intencion, de Dieu congneue.
