L'AME

Déa' mon ami, se tu n'as esté si constant que jusques à paroyr ma récitation, n'ai pas esté oublieuse pour tant de faire fin telle qu'il me sembloit expédient. Commencier et coclurre sont en moy en une mesmes liberté. Etcomme fanche suis en pooir parler ou non, je suis

franche aussi en pooir taire ou non taire. Je !

l’avoie jà ramenteu moult de choses passées, non pas tant nécessaires comme fructueuses parce que tu y as repris vigueur ; dont se l’ay fait ung commencement de remonstrance à toy utile, est vraisemblable aussi que mon prétendre si estoit de faire fin pourfitable. Mais t'avoie or-ains dict que, soubs forme et espèce de unité où tu me vois présentement, guières longuement ne te tendroie parole; mais soubs une trinité nouvelle, une mesmes vraie chose avec moy, et moy avec elle, et à toy d’une mesme administracion, je te feroye service :

or as tu toucié celui point auquel ta nécessilé expèle mon assister , et te besogne de me congnoistre en autre vertu. Si que, non desavoant riens de tes œuvres, non plus les nouvelles que les vielles premières, mais promettant vertueuse deffension en toutes pour ta personne, me besongne changier personnage maintenant; par quoy, moy reveue, seras encore plus joieux et mieux à ta paix.

Lors en l'instant avec le mot s'esvanui; et en l'instant arrière soudainement, sans temps entre deux qui portast mresure, se remonstra en la trinité que m'avoit promise. Et se

Gemma eq € +

mirent devant moy trois personnes, dont l’une si estvit en forme de jouvencel angé

lique, riens tenant de terre ne de matère corruptible, lequel, de tout le corps, estoit cler comme de cristal de la teste en dessoubs; et s’y povoient par semblant imprimer toutes choses entendibles et sensibles, sans fin et sans nombre; el se nommoit en celui endroit ENTENDEMENT POSSIBLE. De la teste en dessus estoit en regard, comme uns escharboucle, rayant, gettant ses rays contwemont du ciel dont recevoit sa clarté, et en dessoubs au cristalin corsage donnoit lumière ; dont se nommoit en celui endroit ENTENDE- MENT BESONGNANT.

Les deux autres personnes estoient feminines dames, moult belles et de noble nature, ce sembloit. Si estoit l'une en son estre blance comme noif (1) pure, plaine de diverses paintures et d'impressions infinies, sans que lieu y remainsist encore souflisant pour y en mettre des autres cent mil fois tant. Et estoit vestue ceste dame d’un manteau tant délié que, sans descouvrir riens du corsaige, tout de ce dessoubs se pooit congnoistre légièrement par dehors ; et se nommoit ceste dame MÉMOIRE. |

La tierce si estoit une dame moult spécieuse, toute vestue de pourpre. Portoit ceptre et royal vestement ; et décorée de couronne luisant , usoit d'empire comme emperéis (2) sur les autres; et se nommoit ceste dame Vo- LENTÉ.

Moult certes m'estoit chose délectable veoir ces trois nobles personnes, et chose de grand recohfort sentir emprès moi leur assistence Si dis lors : que bien m'avoit accompli sa promesse la dame qui s'estoit esvanouie de moy, et qu'en lui certes avoit fidélité grande et bien approuvée. |

Et lors, comme ne povoie saouler les yeulx en les contempler, et que mes fraeurs premièrement eues m’estoient toutes esvanouies, comme se rien n'en fust avenu, me perceus que les quatre mes ennemies de commencement commencèrent à reculer ung petit en arrière , et prenant une manière rassise en elles, plus que au premier, changèrent

(4) Neige. (2) Impératrice

couleur toutes quatre. Et sembloit que paour

aucunement les surpréist de ces trois, et que, redoubtassent leur vertu. Pourquoi elles,

traijant ensemble en manière de conseil, et

percevans bien que lieu n'aroient d'estre oyes

ne d'arguër à l'encontre, trouvèrent ung personnagé d'une dame nouvelle ; ne sai où elles l'avoient embucée ; et icelle ordonnèrent pour tenir leur lieu , et pour mettre avant en termes

ce à quoi dès le commencement estoit leur prétendre. Et tant apris lors de son estre que je l'oys nommer aux autres YMAGINACION- FRANÇAISE.

L'ACTEUR

Comme doncques ces quatre premières dames droit cy, à demi reboutées, se tenoient ung pou plus loignet de moy que ne soloient, et que leur semblant portoit de non me oser approcier mès, par la vertu des autres que je perceus bien que moult ressongnoient, vis partir de leur tropeau ceste dame YMmA- GINACION , portant en sa main ung livret; et icelui présentant à mes yeulx tout ouvert, commença à dire :

YMAGINACION

Homme! de ce livret qu'en dis-tu? l'as-tu vu autrefois , et es-tu de riens recors de son contenu ? |

Et moy respondant que oyet que j'en avois congnoissance assez, m'en renforça sa demande disant : j

YMAGINACION

Et dont vient que ton congnoistre en est si expert, et que encore ne l'as veu ne manié entre mes mains ?

L'ACTEUR

Beau l'ai congnoistre, ce dis-je lors, car ce fut une fois ouvrage de mon engin.

YMAGINACION

Et comment a-il bien le hardement en toy de regehir que c'est de ton œuvre ?

EXPOSITION

L ACTEUR

Quelle utilité me seroit de nier ce dont ia preuve du contraire me tourneroit en confusion ? La mère ne peut nier son fruit, ne moy ne puis nier ce livre. La mère a porté suu enfant en son ventre, et moi ai porté cestui en mon ame. Dont, 8 il y a riens qui sonne aigre et qui cuise à honneur par l'interpreter au pire, vez-me-cy submis à l'interprétacion d'ENTENDEMENT, et de ces deux dames MÉMOIRE et VOLENTÉ, en qui mains et distinction clère je me ose bien fier de ma sentence ;

ar y a en elles droiture et équité, saine conception et vrai jugement ; et ne se desvoieroient ne pour toy ne moy de la voie véritable.

YMAGINACION

Et comment ! fault-il tant de personnes pour te défendre, qui as esté seul à la composition de ton livre? ne fault mie trois avocas pour ung seul corps garantir? Respons, et sauve de propre estomac ce que de propre estomac tu as mis avant.

L'ACTEUR

N'ai advocat nul droit cy qui ne me soit propre et qui tenu ne soit de moy servir, comme qui ne puis vivre ne avoir estre sans leur assister. Ce sont celles et celui qui ont esté inséparablement avec moy au secret de mon ouvrer, là où j'ai composé ce dont j'ai eu cremeur longue d'en avoir assault , et laquelle chose, jà-soit-ce que je l’aie moult redoubtée, et que l'estroit de l'examinacion m'a esté une dure attente par la diversité des corages, toutevoies loè-je Dieu de l’eure qui est venue maintenant , quand assegié de tous lez de vous et d'autre, je me trouve en point de respondre,'soubs la prestance toutesvoies de ces trois , afin d'en estre quicte une fois, juste et proud'omme , ou d’en estre à la condemnnacion demérie.

YMAGINACION

Homme , tu parles baudement ; et semble

SUR VÉRITÉ MAL PRISE

que bien peu tu prises cestui affaire. Maïs | YMAGINACION FRANÇOISE comme vous avez

scès-tu bien quel nom j'ay et de quel lieu je suis venue pour venir droit cy.

L'ACTEUR

J'entens que l'on t'appelle YMAGINACION FRANÇOISE, et qui es celle qui as tourné et viré ce livret de feuille en feuille; et le lisant et espeluçant par jour, de lettre à lettre, par nuit l’as ruminé entre courtines closes, et y quis le goust du vrai entendre, là où sou— vent, à le machier, la saveur tê sembloit amère.

YMAGINACION

Et te semble-il que, par ces trois qui te assistent droit cy,tu me does donner goust

autre que celui que j'ay pris , et que par leur.

parler je doiestourner mon jugement contraire de mon assavourer! Nenny voir! si que ne sai à quoi te servira la fiance que tu y as, ne à quoite vendra à pourfit leur entremettre; quime semble aussi peu fructueux comme nécessaire, quand ce qui est fait est fait en ta personne et en ta personne, comme Jorge , tu le deusses respondre, non pas en ces personnages que tu nous vas quérant droit cy.

Au fait, pour venir à nos fins, entrons en commencement; et se tes assistans y ont lieu, me facent entendre quel et comment, ou tu en leur nom ; et me déclarent leur estre et condicion, par lesquels droit cy doivent estre appellés ne creus de porter la raison pour toy, qui ne congnois que ta personne et tes œuvres, et non pas les leurs.

L'ACTEUR

Dame , je ne prye fors que oys soient , et que prestance leur soit faite de parler, qui prestement enfonceront ung tonneau, dont , ce qui en vuidera ne court pas à broce commune , mais te donra assagissement beaucop de tes questions, premier que tu y entres. Site prie, sire ENTENDEMENT, et VOus, mes dames, qu'en ensiévant l'exigence du cas, droit cy veulliez esvertuer vos personnages, wlîles comme sont vos natures, et monstrer à

grand tiltre et intérest d'estre venus droit cy en ma deffence ; car ce fait, me sera deschargé beaucop mon cuer, et ma cause plus embellie.

ENTENDEMENT

Dame, ne te semble-il que nous soions convenables avec cest homme, qui ensa seule personne a concité toy et toute la greigneur part de France contre luy, soubs espèce toutevoies de bien et de bonne intencion, qui autrement à esté tournée? Doncques, qui seul est encontre une telle généralité enne.

mie, folnest pas, s'il a frère ne sœur qui soient une mesmes chose avec lui, s'il les maine à jour de son champier pour conseil, là où il pense à trouver dure bataille? Ainsi est-il droit cy, dame. Nous trois nous lui sommes frères et sœurs; une mesmes chose, une mesmes nature avec la sienne ; qui nous entr'amons tellement que nous sommes inséparables de lui, sinon par sépäracion de vie.

Dont, se tu quiers à congnoistre mon estre, ne à enquérir la cause pour quoy icy je me ingère, regarde vivement en moy, et avise se je ne sers moult à l'acteur et se je ne suis Ex- TENDEMENT HUMAIN, en similitude d'un cofire ouvert, là où toutes choses , selon ce que elles se présentent aux sens extériores et aux puissances de l'ame, par dedens se recueillent, se conçoivent et se logent; et là, visitées par la lumière d'ENTENDEMENT BESONGNANT, se poisent et sont agoustées en la discursion de Raison VIvE, qui en tire ce qu'elle y conçoit : des bonnes, bonté ; des mauvaises, saveur contraire; comme qui autre riens ne peut traire des choses, fors ce que leur nature preste.

Dame , en vérité de ce nom ENTENDEMENT, qui mesmes le suis, j'espécule les choses célestes ; et conçoy par grace ce que par sentimens je ne puis attaindre ; et parviens jusqu'à la congnoiïssance de Dieu et de ses œuvres, et à la conception de choses invisibles Jà hault, là où œil ne monte ne sentement. En vertu de ma nature aussi je fais d’enfans petiots hault glorieux clers, plains de sciences, plains de soins et de haultes doctrines . par

LS = af,

ce qu'ils m'ont ouvert et disposé à concevoir diversité de matières, les unes spéculatives , les autres morales, autres de pratiques et de diverses fins ; lesquelles toutes se treuvent en moy, quand d'aventure on touche à la serrure du coffre; car à légier se treuve , ce qui est quis là où il est.

Or suis-je de telle nature que tel quel’omme me quiert avoir , ou riche ou povre, tout tel " je me présente à lui. Et tel qu'ilme aura entretenu et fait à son plaisir, il me trouvera tel et non autre quand lui sera besoing. Se d'aventure ilest convoiteux et qu'il donne soing de mettre beaucop en mon estuy , beaucop y recouvrera ; et tant plus y recouvrera à son recours. Dont se pou y met, el que pou acconte de tel amas, par vice d'oisense et de négligence. pou trouvera de ricesse et de noble aquest; et sera ung homme abject et povre, inulille à soy mesmes et à autrui.

Dame, tu entens bien qu'en ung cuer nonchallant, en ung homme qui de riens ne fait pois, nulle rien ne lui est grande; et que les corages qui se disposent à vivre comme non hommes, ne resongnent événemens mondains nuls, ne que bestes mues , qui buvans et mengans le morseau entre les machoires, ont le mail sur la teste souvent ; dont n'ont paour, par ce que n'ont sentement de leur mort.

O dame, entens droit cy : se l'acteur que tu assaulx m'eust mis en non chaloir, comme gent telle, n'eust mie incorporé ce que après , par consentement de raison, et par l'excès du remplage qui y estoit trop,il m'a fait vuidier, et de quoi maintenant tu t'eslèves en son contraire; car eust dormi peut-estre et se feust teu, comme qui de riens n’eust sceu ne volu faire pois, et se fust aussi légèrement passé de parler aigrement, comme légièrement il se fust passé de concevoir les aigreurs qui queurent. Car, qui n'acoute ne entend, et qui ne scet n'assavoure. |

Or queurent choses hideuses, et dures choses qui espoentent hommes et pensemens, toutes distraites d'onneur, lointaines de salut, et proçaines de misère et de tribulacion; les quelles conceues en l'acteur, les a boutées en mon coffre, là où j'en ai tiré la saveur qui m'en est amère. Dont, du mauvais goust que

EXPOSITION

je y treuve, avec fresce concepcion, j'en ay fait prest jugement, et ai recracié dehors ce qui m'assavouroit mal.

Dont, se j'eusse esté non chauant de la chose publique, et que des choses humaines ne m'eust esté riens , alassent bien alassent ” mal, et que l'acteur, mon maistre, m'eust donné ce repos, ne fust ores riens de ce passage estroit où lu as enclos l'acteur et moy, pour traire de nous l'interprétacion que tu quiers et les causes de nos rigoreux escripts, qui ne sont toutevoies autres que les fais que nus sens nous ont fait concevoir. Si me souf— fist l'en avoir dit autant pour l’eure , pour donner lieu à MÉMOIRE, ma seur, qui plus vivement parlera beaucop et plus à l'attainte du cas, pour pluste donner conception de ton trt et de l'équité et bon droit de nous autres. Si que, Mémoire, dame, parle maintenant et descouvre ce qui estde toy; et se tu as riens qui peut embellir nostre matière , fai monstre de ce que tu as en trésor. Peut-estre que tu descouvriras choses qui porront bien estre reconsrneues et jugiées de grand pois.