MÉMOIRE

Que diroie-je, ENTENDEMENT ? se ung nouveau vaisselet emboit par nature la première liqueur qui y est conceue, et la sent tout viel et à tousjours ? Ma patrenostre m'est au— jourd'ui aussi fresce comme le premier jour que je la conceus enfant. Je fus créé avecques cest homme, etnaquismes nous trois ensemble avecques luy. Dont, en l'éage d'enfant, soupple à doctrine, me furent présentés plusieurs livres dont j'ay aucunement recort du contenu. Et en ay mis en conserve ce que j'ay peu, par plus par moins, comme par plus ou moins avoie affection aux matères et à les bien emprandre ; dont les unes m'ont esté nécessaires autres utiles, autres glorieuses et loables, autres amères et de’maulvais goust , pourfita bles toutesvoies quand bien se trouvnient espelucées. Les -nécessaires ont esté celle:

qui me servent à salut, articles de créance, congnoissance de Dieu par doctrine par foÿ et par espérance, sans les quels poins, n'est sauyement ne salut nul. Lesutiles, cc son. esté sciences et disciplines, visitacion de livre: -»

cé

SUR VÉRITÉ MAL PRISE

de haults escripts, qui parfont l'omme et le | cop, que les sens exteriores, comme la vue

mainent en la congnoissance de Dieu et de soy mesmes , le font sage et clervoyant, éloquent et subtil, et prompt pour discerner entre mal et bien, entre vérité et mensonge. Les ‘ autres qui sont glorieuses et loables à l'omme, ce sont lectures fréquentes et visitacions d'histoires des nobles dicts et tractacions non communes des anciens philosophes, des poètes, des orateurs et des historiographes qui traitent des faits, des meurs, des laudacions, des glorieuses vertus et haults tiltres des nobles de jadis, roys, empereurs, ducs et barons en tous éages et en toutes lois, dès le principe du monde jusqu'au présent; car en icel'e se treuve le miel et le sucre, delectacion d'ame et contemplacion souveraine de noble engin ; là se treuve le miroir par lequel on s'adresse ; [à se treuve l'exemple par lequel on s'amesure, par lequel on se règle et atourne, et par lequel, prenant exaltacion en choses honnestes, on enlaidist et fuist on œuvres ténébreuses et malsaines.

YŸ a encore une autre manière de matères que je compte de mauvais goust et amères ; ce sont celles qui en vraie description racontent les opprobres, les reproces, les confessions, les infélicités et escandres d'aulcuns hommes et haults princes et barons du monde passé , d'aulcune noble généracion, à qui il peust estre mesavenu, d'aulcun glorieux royaulme , d’aulcune cité noble, d’aulcune singulière personne notable, qui se sera mesfaite ou que fortune ennemie aura mené à fin triste. Si en sera la concepcion amèrc parce que noble nature se deult volentiers du mesavenir d’aultrui noble. En peut pourfiter toutesvoies la lecture , en tant que le lisant et qui le met en retencion s'en préavise et préserve, et fait aultrui préaviser et préserver de non encheoir en semblable ne par fortune ne par propre faulte, comme toutes fins se traient de l’une de ces deux ; les quelles tontesvoies, quand on les prévient par sens, n'ont point d'efficace en l'homme par quoy on les doye craindre.

Dame, et avec ce que jeusne et en succession d'éage j'ai peu lire et apprendre moult de choses par livres, si ai-je peu avoir congnoissance aussi et impression d’aultres beau

et l'oye, m'ont rapportées, et qui en ont mi ses les réalités en la conserve de mon clos, là où souvent je les manie et reliève, je les songe et digère selon leurs qualités et circonstances ; entre les quelles les unes peuvent estre délitables et de grand fruit, et les aultres merancolieuses et tristes, moult dures en digestion. De cestes deux manières de choses avenues, dame, ay- je tout plain mes coffres, ay-je tout plain mes armoires et custodes, non pas par doctrine d'escole, non pas par lecture en livres , ne par recitacion unie de bouce ; mais par réale vision et expérience des cas en bien et en mal. Toutes me gisent imprimées si très au vif, que riens n'est qui les puisse traire dehors de moy pour les me faire perdre, et qu'elles ne demeurent fresces et vives en mon regard, autant celles de dix ans que d'aujourd'hui. |

Dame, et s’il te plaist que de cestes choses ainsi veues et connues par sentement je déclaire ung peu les particularités aulcunes, tant pour ton propre contentemert comme pour preuve de ma parvle, je te veulx ramentevoir premièrement aucunes de celles qui me sont delitables, et qui à la matère présente que j'ay à déduire en faveur de l'acteur me seront serviables et de grand fruict; car partie seront matere subjecte et grand fondement de nostre œuvre. Dont parce que nous devons entrer en contention toy et nous, pour cause de cest homme , et que tu es mue de France pour ey venir en ces marches basses impropérer un: povre escrivain qui ne te hait; doncques, parce que tu es de France et que tu en représentes la nacion, toutes les matères' bonnes et mauvaises que je tirerai de mon recort en France, seront prises et sur icelle fondées, comme.

qui par aultres ne te peus assoufire ne faire approce. Dont et pour ce que cause principale de ta venue droit ci est l'acteur, et à l'acteur la cause de son escripre est ie desvoi de ta nacion, les François, te veul donner à entendresur quoi l'acteur principalement a fondé son œuvre, et pour quoy ils'est meu si aigrement à l'encontre de ta nacion , et premiérement notant la personne de ton maistre en qui il congnoit toutes bontés manoir, et aultrui avoir recey

maints haulx bénéfices de sa main, maintes Sxhibicions d'onneurs et d'umilités monstrées par divers temps et lieux, non retribués condignement. Toutesvoies, pour et en nom de celui acteur, contens à déclarer iceulx, et en après venir à la touce des guerdons qui en sont rendus, comme qui tout vivement l'ai en mon coffre, là ou l'acteur l'a puisié et a esté querre comme pour fondement Je son œuvre.

Dame, comme une seule personne est Cause aux François de leur envie, une scu'e personne aussi sera cause à moi d'impropérer iceulx par sa bonté , la quelle a esté con;;nue en lui dès son enfance, et dont encore j'ai recort vif, car est né le plus vrai François des vivans. Dont, posé que l'infortune de vous aultres et vos propres causes lui ont fait autresfois desguiser sa nature , si l'a-il fait à regret et est demeuré invariable en racine, comme tout jeune délibéra à monstrer, lorsqu'en la journée de vos plours, à Azincourt, pour soy y trouver à heure, contre le commant de son oère sarmbla céléement pour vous droit la vezr detenare ; et dont la perte après lui donna telle douleur que se toute l'infortune eust redondé en lui seul. Y perdit oncles et parens grand nombre ; y perdit propres vassaulx et subgets, nobles infinité. Estimoit le moins sa perte privée toutesvoies, mès ploroit amèrement la désolacion commune, et qu'en la main des vieux ennemis du royaulme, les testeurs des Français, les buveurs de leur sang, le noble parentage royal et le throne d'icellui estoit cheu et succombé si très lamentable. Nasquit bayneux encontre le sang anglois, et ne vesquit oncques beure qu'il y eust amour vive. Dont jà-soit-ce que après, par les choses avenues non renouvelables, il en prist l'alliance, le contendement de vous aultres, qui mesmes Îles quésistes en son contraire, lui en estoit plus cause que constrainte : nulle pour avancement de sa querelle, quand, après injure inférée assez pgriève, vous le tendiez à pardesfaire par ceux dont il fit sens de les vouissuustraire ecde mesnes s'endeñendre. Sine dy pas ceci, dame, pour relièvement de aulle chose passée , mais pour approbacion de sa bonté invariable, si non par constrainte, comme on dit vulgairement «22 : d l'atgas

EXPOSITION

on en fait devenir loup par fe trop surquerre. Ft que cecy vray soit, appert par ce que, après longue confédéracion maintenue avec iceulx contre vous, piteux envers vostre afiction dure , et recordant quel il estoit en fons, retourna par devers vous tout léal et rompi le flaicl de vos ennemis par moitié ; où l'œuvre, de son principe jusqu'à la fin, compris tout ce qui en fut, se povoit plus réputer divine que humaine, quand nulle plus noble ne fut oncques , ne disne de plus grand los. Si n'y est mie alé à fainte depuis ne à resrès, mais s'est trouvé, comme fils très humble obéissant à père, comme serviteur très petiot à son souverain sire, par toutes les dilect ons, honz neurs, révérences, présentacions, fidélitésque cuer noble et véritable peut traire de son fons. Dont ung ne deulx exemples «& doivent alleguier droit cy, mais mil s'en porroient mettre en conte dont nul ne seroit repugnable. Quist en forme de ceste vraye bonté, et pour la consolider entre vous et lui, la noble et la très haulte alliance de la fille du roy pour son fils, la quelle, après longue norriture, vence à sa fin, condolut amèrement la per

| dre. Soubs au vivant toutesvoies se trouva | grevé assez etvexé de vos gens ; que vertueu-

sement tolléra sans y montrer desvoy. Dont comme s'estouit retourné serviteur et ami loyal, devint dur ennemi à ses relenquis; et en avancement de vos ressourses, mist siège à Calais. Dont posé que fortune n'en soufrist avenir lors point de fruit, si lui en dinna gloire toutesvoies très haulte la tisultesse de l'entreprendre, quand seul le pensa mener à chief et tout à par lui. Dont encore, el pour plus monstrer sa léaulté vraie, et recordant comment le noble royal sang françois gisoit.

en captivité en Babylonne , et que là mené tout jeune y languissoit tout gris chenu , s'avisa, de noblesse de cuer, de le traire dehors. et de le racheter des mains de Pharaon, lors quand autresses plus prochains n'y acontoient.

Ne le fist mie toutevoies à vaine gloire; et ne le dis point aussi à fin de repreuve, mais à preuve et exaliscion Ge sa hunté qui droit ci requiert d'estre remonstrée très à précis.

Que fist lors après. cestui prince, dame?

quand la division première s'ourdi entre le roy ge qu Eh, lues clumeursnrinczs Cages:

SUR VÉRITÉ MAL PRISE

se cstoient jaints avecqu?s le fi!s contraire du père, et que tribulacions à tous lez renais

soient en France à ceste cause, ne se monstra lors ce duc ung noble sinsulier homme , ung prince de divin estomac, quand, tout plain de larmes et de douleurs, plain de regrets et de compa:sions vraies , au sceu de ceste division dist : « O hélas! je voy bienque ce royaulme est perdu à jamès , et que temprement et à nos yeulx il se veult perdre et finer, quand vuidié d'ung meschief il reciet en ungr aultre, et se veult pardesfaire et parterminer en division comme du père contre le fils, et de l'ung membre contre l'aultre.O! et que pité en puist prendre à Dieu et que sa grace y veulle pourveoir bientost! » Si fut tellement meu avec ses paroles, et si au vif toucié ès parfondes entrailles, qu'il varia longuement de monter à cheval à privée mainie et de a'ler devers le roy en persunne pour obvier à cest escandre.

Dont beaucop le looient en son hault coraige eten celui hardement, mais direntque ce ne lui eust été sens de le faire. Aussi s'estoit-on assez parceu par avant et depuis de male mesure; par quoy la difliculté n'y estoit point mal séant. Laboura toutesvoies constantéiment et sur tous les autres de France én la pacificacion ; ct tellement que le discort fut remis en nature par son pourchus. En faveur encore d'aucunnuy, dame, e’ pour monstrer son humanité, n'a-il restitué franc et quicte pour néant, qui par infortune de son prisonnier Jui estoit mis en main gagière, qui non ayant quis son détenu pour lui inférer grief, deffendeur de sa terre, le vainquit en bataille , lui courant sus. Dont la détention en avoit esté tant plus juste , et la rédempcion tant plus de gravité digne. En outre, dame, n'a-il quicté libéralement en faveur d'aucunnuy toute la seisneurie de Milan que le duc Phelippe lui voloit transporter en main et le faire son fils d'adopcion ; et lui en fist presse et prières très longues ; que ne voult accepter toutes-voies, pour dilection d'aultrui, et pour donuer à entendre : que plus lui estoit amour envers son sang que multinlicasion de terres, non justement nussessées.

Refusa pareïllement et en ce mesmes tiltre la seignourie d'Espinäy et de Metz, et qui plus est la seignourie de Gennes, au temps

üs 508 adversités ; parce que ne vuult riens

emprendre sur vous antres qui autresfois l'aviez tenue en vos mains. |

Dont, après vous avair fait tous les honneurs du monde, toutes les bontes et jayruses récepcions, donné de ses biens largement et offert, vous présenté ass'stance et service à l'encontre de vos ennemis , à l'encontre des Infidèles, à l'encontre de tout le monde, et soy monstrant le scabeau de vos pics, tant en fait comme en parole, et préavisant Ja félicité de ce royaulme et sa longue duracion, et que division en peust estre extirpée et gettée dehors, à refusé mariages du monde univers. Et pour donner règle et ploy à son fils, tel qu'il désire que par lui maintenu soit, et de peur que par conseil senesfre ne quésist alliance à vous non saine, lia son fils à sa propre niepce, fille de sa seur, à vostre sang propre, afin que parti à intencion de soy trouver en bataille contre les Turcs, se fortune lui eust gardé sa fin pour morir là, il eust peu morir plus asseur et mieux reconforté, pour avoir obligié son fils en celui sang dont il estoit venu ; et lequel, contraire de son cucr toutes-voies et d'aultrui avec, il lui avoit donné et lessié par testament, par aigres et très estroites paroles, pensant non jamès le reveoir, si non à grand adventure. Dame, et ne prises tu ceste œuvre? et ne te semble-clle de grande et de haulte laudacion digne, quand lui voyant son fils traire à affecnien oblique l'a ivé pié et mains pour le faire tenir joint emprès vous; qui n'estoit mie diseteux de mariages Loutes-voies, quand les plus hauts de la terre se ployoient envers ly. Si ne s'est mie monstré moins léal, quand vostre héritier prochain, l'expectant de la couronne, dechacié d'envers vous, il a receu entre ses bras pou ung meilleur, et pour honnonrer ce là où il a amour vraie. De quoi toutesvoies la hayne qui est fresce maintenant s'est congréée toute envers lui par vos injustes et vicieuses suspections que vous maintenez en celui là ou oncques n'entra chetiveté. Dont ceulx qui:

les nourrissent et leur donnent cours, sont moins vertueux et lui plus cler et plus glorieux en ses tiltres

Ay-jedit maintemant et remonstré ses bontés et ses léaultés et preudommies envers vous

Pour causer doncques l'ouvrage de cestuy auteur, qui toutes ces choses a revisetées en mon coffre, et en a veu les retribuücions povres, convient bien narrer après, etfaire une briefve discursion sur les choses que j'ay veues en vous, non bien faites et non de mesmes à ses bontés. Et tout premier me recorde de main tes rudesses et ernemistiés qui lui ont ésté monstrées depuis par vos gens d'armes, qui du temps des’guerres à paines ne furent oncques monstrées autant ; que toulesvoies en vertu et pour bien faire il a toléré pacient. Sont venus Anglois et François joins ensemble, pour le fouler, qui, ennemis lung à l'aultre, firent compact pour fouler vostre ami, qui, pourveu de Dieu et de bon droit, avoit honneste occasion de soy deflendre. N'ont de tout temps ceulx du parlement et aucuns du hault conseil royal , contendu à faire ployer rigoreusement sa personne, de l'asservir et humilier par roideur, de le rongier en sa gloire et regnacion, de le restraindre en sa seignourie ? Dont les fais sont avenus si clers parfois, que les doléances à son lez en estvient bien dures. Ne vint mie une fois ung huissier de parlement à Gand atout ung mandement pour l’adjourner en personne, ensemble son nepveu le comte d'Estampes , et une grande part des nobles de Picardie, pour et à cause d'un Dimence de Court, homme de non grand estime? et celui huissier gardant son exploit jusques au jour saint Andrieu, le jour principal de la feste de son ordre, que lui, le duc d'Orléans et tous les chevaliers de la Toison d'or estoient en Jleurs manteaux, en la gloire et solempnité de leur estat, en sale non d'un duc, par semblant, mais d'un empereur, tout prest de asseoir à table et en point de prendre séance, vint icellui tout delibéré et à intencion d'esvergonder la compaiynie, ne sai de qui instigué ou non; et soy ruant à genoux le mandement en sa main, fist son exploit et son adjournement en sa noble personne, en son nepveu le comte d'Estampes, et toute la haulte baronnie là estant, comme pour donner à entendre : « vecy le flayel de vostre extollacion fière que vous avez prise, qui vous vient corrigier droit ci et pincier, et vous monstrer qui vous estes. » Dame Ymaginacion, te semble-il que ceci procedast !

EKPOSITION

oncques de bon fonds, ne qu'en ung tel cas se peust entendre aultre chose, fors que haultaine envie et venin de cuer; nenny certes.

Pareillement se peult dire d’un aultre le quel cestui prince, estant en sa ville de Lille, vint à marteaux de fèvre rompre les prisons d'icelle ville, pour tirer dehors ung prisonnier, sans avoir onques daignié demander ouverture à icellui. Dont esmeu durement de l’escandre et de la clameur du peuple, en plain midiconstraint fut de vuidier de sa maison, lui quatriesme, pour venir à cestui gracieux exploitant qui toujours mailloit et frappoit, et avoit jà rompu les serrures et grosses barres. Mais pris en son oultrage, se trouva tout esbahi quand le seigneur vit si près de lui, qui oncques toutes-voies ne se deslia en parler, jà-soit ce que emprès lui en avoit aulcuns qui volentiers l’eussent lancié en la rivière qui estoit là près ; que oncques ne voult souffrir, pour révérence du roy. Mais ne fut ce point uns excès de justice, une très oultrageuse et despite haultaine monstrée et faicte à ung tel prince, à ung tel chief enla terre, si glorieusement régnant, si puissant de villes et de pays, si assisté de conseil et de sage conduite, et de soy mesme prince de justice et d'équité, sans que ses villes d’elles mesmes soient les mieulx policées de toutes aultres, et très rigoreuses corrigeresses des mauvais par loy en vray sain jugement.

Quans en est-il fait d'aultres, dame, que je raconteroie bien, se ne fust pour briefté et pour non tout mouvoir ce que je pourroie bien ? Quans est il de venimeux languaiges, et à esté depuis vingt ans en ça, de ceulx de vostre route envers ceste de deça? Quans mespris et ravalemens! quantes fiertés et haultaine monstrées, là où on 1ordoit les cols vers ceulx qui, vous ecevans en leurs girons, vous ont honouré les pieds, en huinilité vous ont baisié etestraint, vous ont presté yeulx et cuers favorables, conjoys et solempnisés par contemplacion, par révérence et amour , par renvy l'ung sur l’aultre? Dont toutesvoies la memoire s'est trouvée estainte tantost, et esvanouie, avec le tour de vos talons. Déa! et que tu ne penses, dame, que j'adevinne ? des manières de dela, suis-je assez experte, etdes languages

SUR VÉRITÉ MAL PRISE

non moins ? et combien que l'honneur et savoir du monde, la gracieuseté et courtoisie reposent au giron françois, au sain de l'envoisée royale court, ne s'y treuve dilection nulle toutesvoies envers ceulx de deça; ne s'y peut trouver amour radical. Mesmes semble estre chose naturelle et honneste, une chose ap:

partenant et droiturière, que tout ce qui croist sus, homme et femme, tout ce qui entre en auctorité clère et noble, doie contempner et tordre le col à nous aultres. N'ay je veu hommes et oy dire : que plustost iroient en la deffence des Sarrasins que des Bourguignons, et s'armée se faisoit contre ung et contre aultre, roient plustost contre les Bourgui:nons que contreles Sarrasins. Dame, j'a y moult de choses en mon recort qui à ce poyre acteur droit cy ont esté cause et matère d'ouvrer. Dont des vieilles je me passe pour ung mieulx et viens à celles qui encores sont fresces, et qui principa'ement ont commeu l'acteur et mené jusques en ceste aigreur, depuis la journée de Vendomine, là où l'ambaxade de ce duc estoit tramise pour obéissance au roy, là attendant son plaisir, et par intention aussi de donner secours et intercession de prière à ce povre infortuné duc, à ce misérable desconforté royal sang d'Alencon, que cestui prince Bourguionon, par affection et devoir de nature, par obliyacion aussi et constrainte d'onneur enune religion d'ordre, avoit tant longuement pourchassié, avoit tant humbleinent requis et poursievi que traitié feust en pité, et que recongneus en feussent les services et léautés de ses pères , et le sien vice dispensé miséricordieusement, en leurs mérites; qui oncques toutesvoies , à l’eure de la très maleurée et misérable sentence d'ung si noble sang , ne fut oncques ramenteu une fois qu'en faveur de lui on feist riens, fors seulement en faveur du duc de Bretaigne, pour qui amour on lui remettoit la vie conditionnellement. Et battu droit là devant, ung lion gros convint estre deshonoré , et porter pugnicion scandaleuse le noble royal sang, le parent de tous les royaulx , le compère du ceptre triumphant, le parrain de l'héritier de la courone ; et soy coppant mesmes le nez du visaige, destituer, desgrader, desvestir et estre despouillié d'armes, de seignourie , de dignités, de prérogatives à

tousjours mès, et séparé avec ce misérablement du monde, mis en prison plus mérancolieuse que mort, et plus dure que cop de douloire par non povoir digérer son ennui. O comme doloreux exemple à ceulx qui frères avec lui d'ordre se trouvèrent, constrains d'y entre-estre et de veoir respandre sur eulx une telle nuée , une telle inondacion d'eaue confuse, dont se notoient bien les causes. Et ne suflisoit mie alors, dame, non faire riens pour lui, non l'avoir agréable en ses humbles poursieutes, en ses honnestes et méritoires déprécacions, ne de le. prisier en nulle de ses bontés; mais pour plus l'attcdier, pour plus lui donner cuisance sur playe, présens les princes, présens ses propres chevaliers, présent l’oye et veue de tout homme, le procureur royal le alla chargier d'onneur, lui alla imputer faultes et offenses, iniquités et cas reprenables, sans le samblant aultre qui là se monstroit aux tramis, non de grand espoxr de bien. Me remembre aussi, dame, des ai lances qui ont esté quises nouvellement, contraires de ce prince, et des querelles acceptées non nécessaires ; dont ceulx qui les ont quises et conspirées sentent comment il leur en est ; et les entendent bien aussi et assavourent ceulx à qui elies toucent. Ne t'en nomme nulles pour tant, quand tu Îles entends toutes; mais il en ya de prises et de tollues, et de faictes et de soustraictes, en désespoir de l'acteur et d'aultrui. Dont passionné en cuer ne s'en est peu taire, et a osé mettre la campane au chat, pour escrier lésion et foulure en l'innocent. Autres matères me restent assez, auxquelles je n'atôuce pour donner lieu à Vo- LENTÉ de parler, comme celle qui est emperéis en la région de l'ame, et qui moult a grand intérest de monstrer en ceste présente convencion quel chose c'est de sa nature , el comment justement elle se doit exposer à la defence de cestui nostre homme, qui par elle comme par nous est entré en besongne, et par les vertus impériales d'icelle a tissu son œuvre. Si que VOLENTÉ , dame, exerce ton office et parfai la part qui à toi sert, pour tant plus abregément informer YMAGINACION FRANÇOIS des causes de nostre comparoir droit cy , en l'assistance du povre

perplex