HA G

que tu me veux traire à amples paroles, dont ;

les sentences porroient estre hayneuses par trop les ouvrir. N'est besoing toutevoies de donner à nulluy occasion de courroux, ne de parfonder nulle matère qui envis se escoufe.

François sont ceux à qui honneur et service sont deus, et à qui toute félicité et gloire sent bien appartenans plus que à nacion aultre.

Dont se guerre et ennemisté a esté entre eulx et ceste nacion de deça, qui toutesvoies sont une mesme chose et doibvent estre , et que

ainsi qu'entre frère et frère, debats se meuvent souvent mortels, Dieu non obstant y a pourveu par grace et y a mis paix, tant qu'à cely endroit toucé. Dont se l'une main a lavé l'aultre, et que qui a mieulx peu il est allé au secours de l'aultre , certes n'a fait que son debvoir. Mais est bien cas aussi de recongnoissance ; Car ne fait nul bien, tant soit petit, qui faire ne le veult, et ne peut on consiraindre les corages de donner amité, s'ils ne s'y consentent. Les gratuités des amours et bénéfices receus obligent les recevans. Dont s'ils fallent et tournoient par ailleurs , ce leur est blasme d'ingratitude.

L'acteur entent grossement la cause et la met grossement en lettres, cuidant et enten dant vraiement bien dire, parce que vérité, où qu'elle soit produite ne mise avant, n'entent nulle honte, et se confie bien à estre veue et congneue. Et ainsi, jugeant vraysemblable que ce royaulme, persecuté durement par l'envaye de trois, est dit avoir esté relevé, parce que l'un des fors y a laichié la main et lui est venu à secours, argué aussi : que le royaulme et les hommes le duivent recongnoistre, quand vérité l'arguë et l'afferme estre tel, ou aultrement le vice d'ingratitude ombroie les non faisans. Et n'est pas merveille que qui veult tendre à haulte et difficile conclusion, qu'en ses prémisses il mette haultes et aguës matères, par les quelles. on veult venir cheoir en l'estroit, qui est affectacion de paix et detranquilité par deça; qui semble à l'acteur bien difficile à obtenir ne à conserver longuement, se telles difficultés et questions misérables ont aulcune durée. Or venons doncques au seiziesme coupplet où l'acteur dit :

EXPOSITION

Je seuffre en paix les vielles origines,

Ne qui a droit ne tort en ceste essource;

Mais par pité de vos propres ruines, Laissant querelle et honnestes racines,

Nos mains vous ont pourvéus de ressource.

Qui veult s’en rie , et à qui plaist s’en cource, La vérité est clère, et si est telle,

Tesmoing tout sang de bonne parentelle.

Sur cestui coupplet, dame YMAGINACION, ne te seuflre faire démande. Mais mesmes t'en veulx mettre à ta paix premiers que tu l'expetes ; et pour cause, que la substance deppend de l’aultre et est une mesme chose avec le précédent, excepté que plus fermement encore il appreuve et avérist ce que dit a premier : c'est que laissant propre querelle par pité et compassion de l'aultre, ung cuer est allé au secours de ce qui lui donnoit pité ; c'estoit ce très noble royaulme, ceste très plorieuse maison de France qui périssoit toute et chéoit à l'envers; en la quelle gettant yeulx de compassion demi divine, vainqui querelle de nature et triumpha sur passion humaine.

Et ne le dit pas l'acteur ne remonstre tant par intencion de repreuve, comme il fait par ostencion de vérité, pour parataindre à ses fins, et pour faire revenir cuers desvoyés à leur deu train, comme il dit bien en son dixseptiesme coupplet subséquent, là où arrière je te coppe la demande, là où il met:

Riens toutesvoies je ne dis par reprenve,

Quand tout vostre eur à nous est propre gloire. Mais se par nous aulcun bien fait se treuve, N'est pas pourtant qu’en vain orgueil nous meute A fol vanter pour Île mettre en mémoire.

Non certes, non, Ce fait le répertoire :

Qui nos bontés et amités passées

Monstre en vos yeux mortes et effacées.

L'acteur reconnoit ici que la gloire et felicité des François est icelle des Bourguigrnons, et que la nation de deçà vit et emprunte de la plénitude de l'autre, et par contraire languist et mendie en son infélicité; et semble mons‘rer taisamment que l'exaltacion et haut

SUR VÉRITÉ MAL PRISE

règne des François est ung eur grand et jocundité aux Bourguignons, et leur décadence ct ruine cause évident de mérancolie.

Mais parle ung pou aigrement l’acteur en la fin de ce coupplet, là où il dit que : jà-soit ce qu'il ne parle ne nerepreuvepar jactance, si parle-il par ce qu'il perçoit les bienfais et bontés de son maistre estre mortes et estaintes, là où elles deussent estre recongneues hautement et relevées. Et l'en ensieus de ma part, sans intencion d’en desplaire à nullui, par ce que vérité m'en a fait comprendre pieça.

YMAGINACION

ENTENDEMENT, tu dis rage; tu esmallement béant et hardi parleur; et te semble, pur vérité que tu fains avoir emprèstoi, que tu ne crains ne moy ne aultrui, et quetu ne ressongnes se tes sentences vuident aigres ou non, parce qu'il te semble que verité n'a point d'impunacion.

Déa! ENTENDEMENT, vérité est vérité. Mais n'est jà besoing de la faire si précise ne si trençant comme tu la veulx maintenir droit cv. Parfois il convient temporiser et supploier au temps et aux personnes , Car vérités souvent trop de près toucee esmeuvent les corages à passions, Coinme vecy tout prestement, là où ton acteur touce en son dix-huitiesme article : que Dieu et amour furent forme et tiltre à ce duc Bourguignun de faire paix et concorde avec son roy par miséricorde , non pas à lui seul, mais à la généralité de France , la quelle, jà-soit ce que oubliée estet aon recongneue , si ne la souflrira Dieu perdre ; disant encore : qu’en ung cuer seul et en ung estomac, de nulluy instigué fors de Dieu, ceste œuvre de compassion a esté forgée à longue traite.

Beau sire, et quel besoing fait tant redoubler et florir une mesme chose, quand à trois mots tout s'y entend ce qu'on y peut comprendre? il semble que ce soit voirement vantise tous'ours et impropéracion à la partie.

Laquelle chose tu entends bien que ce n'est mie voie pour parvenir à ce que ton acteur prétend , comme tu dis; ains est plus racine d'ayr quiaprès se peut enfelonnir tout au parfait. Et est cestui coupplet :

Dieu et amour nous furent forme et titre D'entrer o vous en paix et en concorde,

Là où jamais n’y ot forain arbitre

Qui avisast ne homme ne chapitre

D'en riens descendre, à ce que j'en recorde, Si non d'un cuer seule miséricorde

Que Dieu lassus ne souffrira perdue Lorsque par vous ne sera point rendue,

ENTENDEMENT

Dame, à brief parler, ne convient jà longuement arrester droit cy. Pren droit là où tu l'as, et le maintiens bien;et là où tu as le tort aussi, juge-toi legièrement. Je ne prise vantise ne jactance, etsi ne appreuve point impropère ne reproce. Et se l'acteur contendoit à ce et le sceusse, moy mesmes l’en blasmeroie. Tu me demandes pourquoi, ne s’il est besoing de tant redoubter une chose par diverses circonlocutions qui, en deux mots ou en trois, se peut comprendre en toute sa substance. Dame YMAGINACION , plus sont les œuvres des hommes haultes et solempnelles, plus ont de circonstances et de diverses circu'cions par Îles quelles se décorent.Orest ceste œuvre de quoy est parole maintenant commencement de toute félicité françoise ; et ne pooit estre nulle plus digne au monde ne plus saincte ne de plus grant fruit, par ce qu'elle tiroit plus à condicion divine que humaine. Doncques se l'acteur la redouble par diverses recitacions, il demonstre que elle a diverses splendeurs, les quelles toutes à une fois n'en ung seul regard ne se peuvent clorre ne comprendre ; non pas qu'il le face par repreuve ne par jactance, dont je l'excuse, mais par affection d'en imprimer vivement à vous autres la bonté de l'œuvre.

Dont , et s'il dit, comme il entent : que Îles bienfais sont ignorés, mais que Dieu, qui est juste rétributeur, ne les souffrira perdre ; quel tort dit-il à nullui ne injure, quand il arguë que Dieu, qui est impassible et invariable, et toujours juste et vérnabie, supploiera le deffault des hommes, qui de nature sont inconstans et pleins de diverses passions? Est-il

ce? nenny voir ! s'en lui a raison enluminée d'aucune saine concepcion véritable.

En lieu d'amours tant de fois exhibées,

De tant d’onneurs et d’umbles 1évérences Vous , jà essours en vos haultes montées Vous nous niquez ou nous faites les bées, Monstrans vos yeulx plus agus que serences.

Et semble , à bien jugier vos apparences, Que sobre y est l'amour qui fructifie

Soubs ung tel œil qui rit et mortile.

YMAGINACION FRANÇOISE

Déa ! ENTENDEMENT, vecy maintenant bien plus fort que mesbuy. Tout ne sont que roses

et violettes que tu as maniées; et aprimes !

viennent les espines et chardons très -dangereux.\ Vecy ion homme qui dit en son dixneuviesme article : que François essours en leurs haultes montées, après maintes honneurs et amours receues, maintenant en font la bée ou la moe à leurs bienfaiteurs, et les regarde l'en d’uns yeulx pervers et agus.

Dit en outre en son vingtiesme coupplet :

que ce ne sont pas honnestes rendanges, ne justes fruis tirés d'humble service; et que si François estoient dieux immortels ou angels de paradis, les cuers de deçà se sont tellement exposés en les servir et honnourer, que impossible est à oflice d'amour d'en faire plus ; mais tout redonde en mespris à iceulx et en reboutance. Dont, le cuer ingrat qui ainsi l'accepte n'y acquiert guières de loense. Et semble qu'en ce cuer ingrat il veulle toucier une singulière personne. Et s’ensieut le texte de cestui vingtiesme coupplet.

Or ne sont pas bien honnestes rendanges,

Ne justes fruis tirés d'humbles services;

Car quand seriez dieux immortels ou anges,

Et nous meschans bons hommeaus en nos granses, Si n'en porroit plus prendre nostre office

Que ce qui est monstré par bénéfice,

Et nous redonde en despiteux mespris,

Là où l'ingrat n’acquiert guères de pris.

EXPOSITION

homme françois qui se doive tenir injurié en |

ENTENDEMENT

‘ Dame, ne te arguë qu’en raison, et ne trouble ta paix, là où tu ne vois chose qui te doie mouvoir. La fortune voirement des François est jà haulte, la roe chevillée de clous de longue duracion, se Dieu plaist; dont l'acteur ne parle point comme marry. Mais n'entenstu que libéralité de nouvelle fortune cause nouvelleté aussi d’c.'evement de cuer, et que ampliacion de puissance et de roideur en-

| sendre élacion en contenement et en manière ?

Cuers exaltés en hault siége à dur regardent en leur dessouls ; et là où ils voient riens que les approce, là gettent-ils leur contempcion. Ceci n'est pas nouvel, ains est ancien, mais non pas en Cuers bien pondereux; car ceux là, ne pour fortune amie, ne pour restive ne escharce, ne se meuvent; mais de

| chascune à l'avenant du temps font leur bon

ee “mes — "ee Mn nee + ee ee en een ee en

et leur preu. Ne s'enfiérissent non plus pour

; ses flatieries et hault promettre, qu'ils ne se

desconfortent en son des-nier et restraindre; car cognoissent fortune variabie et plaine de déception, et souverainnement à ceulx qui, non eulx pourvoyans de vertus, se confient en ses faveurs là où ils sont deceus ; car ceulx là coustumièrement fait trébucier confus. Et leur seroit plus félicité lors non avoir esté eslevés si hault, que réputacion de malheur d'avoir esté tenus en despression basse; car nulle infélicité si grant que souvenance d'avoir esté félice. Doncques , en ensieuvant la lettre de l'acteur, où tu le accuses chargier François en leur exaltacion , disant qu ils font les bées ou les moes à leurs bienfaiteurs de jadis , leurs frères et voisins, et leurs serviteurs très volontaires, et que avecq ce ils monstrent ungs yeulx felles sur eulx : Dame, se les premiers articles sont vrais, là où l'acteur les a monstres frois et non fort affectés à l'amour de deça par avant leur haulte exaltacion, plus encore se peut prouver vray Ccstui article présent, quand libéralité de leur haaîte fortune leur engroissist à cent double leurs courages, les quels avec froideur première, s'ainsi est, legièrement causent despection dont ils ont pris racine. Mais ne le dit mie l'acteur

SUR VÉRITÉ MAL PRISE

par volenté de les reprendre, mais par condoléance qu'il à prise en ceste doloreuse manière de faire, tant dommageable et de si doloreuse attente que les yeux en pleurent, et les cuers des bons preud'hommes et des sages en souspirent, et les sédicieux corages et legiers à mal faire s'y aguisent et enfelissent.

Et là où tu dis, dame, que l'acteur repreuvet en la personne de sa partie les humbles services et honneurs que à faits aux François, disant que ce ne sont pas honnestes rendanges ne justes fruis tirés de bien amer et servir, et que se François estoient dieux immortels ou angels de Paradis, les cuers de deça se sont tellement exposés en les honnourer et servir, que impossible est à office d'amour d'en faire plus ; mais tout redonde en mespris et en reboutement aux faisans dont. le cuer ingrat qui ainsi J'accepte n'y acquiert guères de los ; et te samble qu'en ce cuer ingrat il veulle noter une singulère personne : Dame, soies raisonnab'e droit cy et ne pren pas les choses en leur pire entendement, quand amender toutes choses et les traire à bun terme est œuvre de grand vertu. Tu scés bien, dame, que aultre chose est de celui qui parle et de celui à qui on parle. Celui qui parle, c'est l'acteur en la personne de son parti, lequel présuppose au très noble roy françois et à son hault baronnage estre deu toute honnear et révérence, toute humilité et service, comme du subgect au souverain , et ne met difficulté nulle que ainsi ne doibt cstre. Mais considérant qu'entre faire et debvoir faire il y chiet ung franc arbitre en l'omme, qui peut causer le non faire, comme la plus part des hommes ou beaucop porroient estre repris aujourd'hui en non faire leur debvoir et appartenir, tant envers Dieu comme envers le monde, comme tu scés et que besoing n'est d'en buillier exemple, [à où toutesvuies ceulx qui debvoir font sont à loer et prisier beaucop envers ceulx qui y falent. argué l'acteur et dit ainsi :

« Vous, seisrneursfrançois, nous vousservons et honnourons : nous nous hamilions en terre devant vos faces et dominacions ; nous vous présentons et avons présenté nos affections et bons corages ; et ne vous poons gaignier ne convertir devers nous, voire en la généralité, que tousjours il ne se monstre une froi-

deur, une indignacion estrange sur nos personnes. Et certes, ce dit l'acteur, ce ne sont pas honnestes rendanges, comme sil voloit dire :

« Le bénéfice d'amour et d'onneur receu’, etce bon acquit que nous mettons en nos debrvoirs vous deust causer de nous amer et prendre en grace. » Et beaux seigneurs, metez ung peu de vostre recongnoissance envers nostre bonne volenté. Le recongnoistre vous sera hononrable, et le bien faire ce nous sera vertu. Nous nous y sommes tellement portés et acquités, que se vous estiez angels ou dieux immortels , si n'en porrions mais plus faire. Et beaux seigneurs, ne siet-il point recongnoistre envers gens de si bon valoir, et lesquels, avec bonne volenté , ont puissance de la mettre à effect. Certes, seigneurs, règle fault droit cy, et n'y ont point de voye équité ne raison. Mesmes tout ce que nous faisons à intencion de bien nous redonde en mespris. Et Seigneurs, est-ce chose humaine ne qui se puist répondre. Vraiement il semble que l'ingrat droit cy, veu nos bons et “loyaulx acquits , n'acquiert guières de losà faire ainsi. Et n’en+ tend point l'acteur, par ce nom ingret, une singulière personne , jà soit ce qu'il mette le nom en singulier, mais il entend plusieurs personnes qui peuvent participer en sa sisnifiance, parce que le nom est adjectif. Aussi, s'il disoit ingrats au pluriel, il noteroit tous et sembleroit qu'il n'y aroit riens excepté que tout ne fust ingrat. Maintenant le met-il en singulier adjectivement, donnant à entendrequ'il y en peut avoir de non ingras.

Parquoi, dame, le bien enquérir les matères les donne bien à entendre ; et les interpréter bien à leur vray vuide souvent beaucoup d'erreurs. Et n y a riens mespris l'acteur droit cy encore, se ce n'est que vérité ne peut estre oye.Toutesvoies, pour Continuer sa matère. dit en son vingt et uniesme coupplet :

Au fort par nous mettre en nos devoirs justes Envers honneur et là où il conseille,

Tant plus seront nos fortunes robustes,

Plus clers nos nonis, nos œuvres plus augustes Contre un chascun qui mordant nous esveille.

Et n'y a pas de perle une vermeille

Qui debvoir fait et de vertu se cœuvre.

Le cuer ingrat ne prend en gré bonne œuvre.

FRANÇOISE IMAGINACION.

Ha ça, sire ENTENDEMENT, il y a bien plus fort droit cy. Vecy ung passage que je ne sçay comment tu feras passer tion acteur parmi, sans estre brouillié beaucop, car il est moult estroit ; et est une crolière où cent contre ung il demourra enraquié. Tousjours se confie ton homme en ses œuvres, et dit en son vingt- uniesme article que au fort, par soy mettre en juste debvoir envers ceulx où honneur le conseille, tant plus à ceulx qui ainsi feront seront leurs fortunes robustes, leurs aventures meilleures, leurs noms plus clers, et toutes leurs besongnes de plus grant efficace et de plus grant vertu encontre tout chascun qui les porra traveillier ; et met avant que : ainsi faisant et gardant devoir et vertu devers lui, n'y a point de perte ung bouton ou une petite fluurette, se cuer ingrat ne prend en gré la bonne opéracion. Que veuit dire ce cuer ingrat, là où il condescend arrière à particulière personne, et met en non chaloir le mal prendre en gré des François, comme s'il voulsist dire en la personne de son parti : « Ne me chault de vous ung oignon ; prenez-le en gré se vous voulez, ou le laissez se vous voulez; tout m'est ung. »

ENTENDEMENT

Dame, beau chemin large et ouvert est de legier passable, et est d'une mesmes prestance et aisibleté à ung ydiot comme à ung sage, parce qu'en cheminer dessus n'a point de maistrie ni d'avantage plus pour ung que pour autre. Mais là où l'ignorant et le sage, le . subtil et l'ydiot voudroient tous deux, ou devroient passer parmi ung destroit, parmi ung creux ou fossé fremissable , là certes y aroit

honneur de s'y savoir conduire, et y aroit le

sage et subtil homme grant avantage par dessus l'autre ; et le passeroïtà son honneur là où l'aultre y passeroit enraquié.

Au pourpos de ce que tu m'as dit maintenant de l'acteur, que mal se pourra sauver en cestui passage, tant le sacè-je deffendre, qu'iln’'y demeure brouillié : dame, le brouillis n'y est pas jusques tu le y vois. Dont, et se je puis ürer parmi et ramener net, au moins fau-

EXPOSITION

dras-tu à tes ententes. La première partie de son article est honnorable et digne de grand los, et la seconde partie est véritable et digne d'être soustenue, car là où il dit au premier

Au fort pour nous mettre en nos debvoirs justes.

L'acteur, comme sage et reconnoissant ce qui est de devoir et d'honneur, présuppose tousjours son parti infailliblement voloir faire bien, l'avoir fait à son pooir, et avoir intencion tousjours d'y continuer ; car lui-mesmes recongnoitque ce qu'il fait ille sait par debvoir, comme il appert par propre escript: 4u fort pur nous mettre, etc. Présuppase aussi que faire justement son debvoir, pour ce que plusieurs y falent, est une chose honorable, et qui est moult aggréable à honneur. Dont, par connoissance qu’il a du cas, et que debvoir faire et honneur ensiévir est vertu et une Chose qui attend mérite, dit par manière de confidence, ea la personne de son parti, plurelement : « 4 fort, plus nous mettrons en nos debvoirs, jutement et vertueusement, tant plus nous seront nos avantures bonnes et vigoreuses, tant plus seront nos personnes clères et mieulx re commandées, tant plus seront nos œuvres pleines de vertu et de bonne expectacion, contre ung chascun' qui d'aventure nous voudroit traveiller ou mordre en nous. » En quoid'sant et maintenant, l'acteur parle bien et ne fait à reprendre d'ung mot jusqu'à ce point, ains dit chose si vraie que contradiction n'y aroit point de lieu. Mais là où il dit après : qu'il n'y a point de perte une vermeille qui debvoir fai el se cœuvre de vertu, se cuer ingrat ne le prent en gré : or convient il entendre l'intencion de l'acteur, et le parer de ce qui sonne aigrement; car n'est pas son intencion si mauvaise que légier jugement y assiet sa sentence. |

L'acteur, dame, espoir est homme de bon voloir, est homme de bon fonds tout entier et tout franc, aime honneur et preud'ommie, aime vertu et vertueuses gens, affecte tout bien , ressongne tout mal, het toute perversité , toute descongnoissance , toute présumpcion, toute iniquité et malice; et soy congnois. sant quel il est et quel il désire devenir , et voyant quel est le monde aujourd'hui , quels

SUR VÉRITÉ MAL PRISE

les hommes fréres à frères, amis à parens, affins à voisins, plains de faultes, plains de rancuers, plains d'envie, plains de suspections , plains de mautalens et d'ingratitude, et que ceulx qui deussent estre vertueux et raisonnables, justes et honnestes en cuer, ensiévir équilé et droiture , et que ceux qui le mieulx s'y acquittent aujourd'hui et le plus bonnourablement besongnent, sont les moins congneus, impacient de ce et courcié, ardant en honneur et bon voloir, dit, desplaisamment en général à tout le monde: « Puisque ainsi-va, et que bien fait ne peut estre recongneu, au fort qui bien s'y porte et s'y met en son debvoir ne peut chaloir, se cuer: in- 2rat ne le prend en gré. »

Et n’entent pas l'acteur par ce cuer ingrat une singulère personne sans plus, ne ung singuler cuer tel ou tel, mais ung cuer qui est distributif à tous ceux qui pevent estre entuchiés d'ingratitude. Par quoi je dis, que ceste clause que tu prises tant, dame IMAGINA- CION, n'est pas s1 dangereuse pour l'acteur comme tu pensoies; mais est excusable et reparable honnestement et en vraie équité, par ce que le parler aigre lui est meu par ardeur à bien et par impacience du mal perceu, non parlant toutesvoies ne aux François ne aux aultres, fors que à toute la généralité du monde entier.

YMAGINACION

ENTENDEMENT, tes solucions sontmoult belles, mais ne sontpas de nécessité à croire, qui ne veut. Dont se tu es passé paf cestui destroit, qui me sambloit assez fangeux, vez en cy encore ung aultre aussi maulvais ou plus que celui là, où il y a bien mistère, ce me semble, de passer parmi piés nets. Ton homme va toujours de pis en pis, et de felle en plusaigre : il se vante en son vingt-deuxiesme article, que Dieu et hommes congnoissent bien leurs vies et leurs manières de faire, et que par cela riens ne se peult ne celer ne estordre, que tout ne soit sceu une fois et viengne à congnoissance; mais en nos haulteurs et exaltacions , l'en y perçoit nos œuvres si clèrement que tout le monde y peut mordre.

Dont, se le faire ainsi nous vient de faulte d'ordre et de bonne raison, ce poise lui, mais le vice en redonde en nous mesmes.

Que veux tu ici respondre, ENTENDEMENT, ne quel esclaircissement m'y saras tu donner, qui me suflise ?

Hommes et Dieu cognoissent bien nos vies .

Rien ne se peast ne celer ne estordre ,

Mais en possès de vos haulteurs pleinries

L'en y perçoit si clères vos envies

Que tout le monde y peut reprendre et mordre. Dont s'il vous vient de faulte de bon ordre,

Ce poise nous de vos vices extresmes ,

Maisle venin en redonde en vous mesmes.

ENTENDEMENT

Dame, de pou menace de pou espoente ; et n'est digne de soy exposer au péril, qui ne l'ose attendre. De ce que tu m'as resumé droit ci, fust aussi aigre et aussi dangereux comme tu le me fais, j'en deusse moult craindre la solucion et le destroit par où je le vouldroie parer. Mais entends bien que aussi peu crainsje cestui que l'aultre passé. Pourquoi? par ce certes que je n'y voy riens hors de voie nc riens à répugner , selon le pourpos de l'acteur qui aigrement a commeucié sa matère à bonne intencion ; si convient que par là mesmes ii la déduise pour venir à ses fins, non que ce soit nécessité, mais il peut estre utile.

L'acteur dit voirement et parle en la personne de son maistreen plurel, pour couvertement parler de lui : que Dieu et les hommes congnoissent bien nos vies et nos opéracions et toutes les bonnes intencions qui sont en nous, c'est à dire en sa noble personne , 'et que icelles ne se peuvent ne celer ne estordre au par-aller, que une fois toutes ne viengnent et redondent en fruict et en retribucion en l'équité divine et du monde. Et parlant ainsi de sa noble personne, il le glorifñie.en ce qu'il y scet et perçoit de bon; en quoy faire ne fait tort à nulluy, mais fait son debvoir d'exalter celui qui le vault. Mais retirant ses yeulx d'ensus luy et lesrejettant en vous qui le vexez, et. à qui.il lui convient. avoir à faire et respondre, dit affirmativement : que

les envies que vous avez dessus luy sont si clères et si magnifestes que tout le monde les peult percevoir. Dont, s'il y a faulte de raison en vous ou de bon ordre , ce poise lui ; mais il dit que le venin de vostre envie redonde en vous mesmes, comme il dit vray ; car envie ne peult faire mal à nul qu'à celui mesmes qui la porte, comme dit le grand Alain en ses paraboles. Or, belle dame, puisque tu me quiers de si près, je te resume arrière la protestacion que a fait l'acteur ici devant, ct te renouvelle que je n’entends, non fait l'acteur, comprendre, en nul de mes termes ne en nul de mes argumens, la très noble personne du roy, comme qui nulle part ne s'y treuve toucié ; mais lui seul reservé, je me contente que tout s'y puisse comprendre, qui s'y voudra joindre. Venons au point doncques : ce qui estilest, et est impossible que ce qui est non soit. François sont bons, ou ils ne le sont point; bons sont et tu les prononces. Mais s'en contraire de tout, ailleurs ils se desvoient devers nous , et envers nous me usent point de bonté, n'est-il loisible de leur remonstrer ce en quoy nous nous dolons, et de les toucier en celui vice propre où les sentons desvoyés ? Nous ne touçons point à particulières personnes, ne telles, ne telles. Nous réservons par exprès la magesté inviolée ; et notons que ceux qui abusent de vertu et de noble condicion , repugnent et reboutent celui du monde. que plus deussent honourer et chérir après le souverain. Certes, il me semble que gens de bon voloir, voyans aultrui avoir envie ou despit en leur félicité, pevent bien remomstrer ce qui est visible et percevable de lui mesmes et que à eulx touce. Car quoi qu'il soit de toute chose et de toute opinion, veulent gens ou non veulent, la veue descœuvre les fais. Quand doncques les veullans bien faire voient desvoiés ceulx dont ils voudroient traire amour et grace , et se deulent de leur aucune imperfection, ne peuvent-ils, pour les mettre en la perfection oùils désirent, dire : « Vous estes tels ou tels envers nous ; ce nous grieve et nous est dur ; et à vous ce

ne vous est point honneste d'ainsi faire; et.

tant plus y coatinuerez, tant plus en redondra le meschief en vous mesmes. » Certes oy ! et n'ya riens en ceste reparaciôn, dame, que

EXPOSITION

tu sceusses nyer par raison, 81 NOR que tu porroïis maintenir et nyer que le vice d’envie ne fust point là où l'acteur le deseript ès nobles françois. Sur quoy je te repliqueroie tant et tellement, ette donneroie tant d'exemples, que les probacions y seroient évidentes assez. Mais n’est heure encore peut estre ; que aultre part porroie estre constraint de les alléguer.

YMAGINACION FRANCOISE

Or çà, long arrest sur une chose, là où il y en a plusieurs entre mains, donne fatigue aulcune fois et fait perdre temps. Nous sommes en matière odieuse, ce me semble, et en difficile tractacion, dont encore ne voy fin de long temps; et me vient férir à l'œuil présentement une esparque debienaigre sentence que ton homme met en son ving troisissme article, là où il dit :

Si vons regnez en triomphe amirable,

Et qu’en vos bras gist fortune endormie, Régnez si bien que ce vous soit darable

Et qu'en regnant la fn ne soit plorablé;

Car quant à nous ce ne nous griefve mie. :

Mais d'autre lez se fortune est amie

Vers nous, aussi n'y prenez point rancnre ,

Car point de vous né nous vient ceste lune.

Droit là il arraisonne les François iacrépamment et leur dist : « Se vous régnez en grant exaltacion et triomphe, et qu'en ves bras gist fortune endormie, comme felle feust, toute pour vous, régnez si bien et si sage ment que ce régner vous demeure durable, et que la fin n'en retourne triste, car cela ne nous griefve point. Mais à l'aultre lez aussi se fortune nous est amie ung peu et qu'elle nous faveure , n'y prenez point de desplaisir non plus que nous, car cela ne nous vient point de vous ne de vostre cuer. » Laquelle chose sonne au commencement en manière de correction, et en la fin en descongnoissance despite. | |

ENTENDEMENT

Dame, se tu simement entends, tu saiñe-

SUR VÉRITÉ MAL PRISE

ment jugeras. Cestui article que tu as relevé maintenant n'est pas vicieux , et lé te prou-

verai tellement, ce me semble, que la solucion t'en semblera bonneste. L'acteur avoit cv noté trois choses et les déclare. Il note premièrement la gloire, l'exaltacion de fortune, li haulte triomphale regnacion des François, dessoubs lesquels lui, son maistre, ses suppos et subgects il leur convient vivre et temporisier; et est ung des poins qu'il note et confesse estre ainsi. I] note secondement et donne à congnoistre l'amour qui est en lui et en tout son parti envers vous les François, quand voyant vostre regnacion si excelse, il la contemple et s’y délite ; et de paour qu'elle ne puist tourner par aulcan meschief à descadence, dont il aroit doeil, vous advertist en tiltre de charité, et requiert que vous réyrnez si bien et si sagement que vostre bault gterieux règne ne retourne jen triste fin, veu que les choses humaines ne sont estables, fors d'autant qu'elles sont accoutrées de vertueuscs sollicitudes ; et est le second point lequel il déclare.

Tièrcement il donne à congnoïstre taisamme nt, en fâveur de son maistre, qu'il y a gloire aussi et haulte fortune en icellui, et que comme ceulx de deçà ne sont courciés de leur haulte félicité et régnacion, mais très joyeulx, que eulx aussi en celle de deçà ne veullent prendre murmure ; Car ce que nous en avons ne vient point de leur lune ne de leur avancement.

Au premier point, là où il glorifie François de leur haulte régnacion qui se voit à l'œil, ne fait à repreudre, car vous est los et gloire quand tel il vous juge comme il vous voit.

Au second point, là où il démonstre l'amour qu'il a envers vous par contempler vostre bonne fortune et par avoir soing et paour de vostre stabilité, n'est à reprendre aussi, car lui vient de dilection cordiale et de noble voloir, quand il vous avertist et requiert que vous mettez soing et pourvision que la roe ne tourne ; et le devez en ceste qualité chiérir et amer, quand il vous advertist de vostre salut et de chose qui est digne d'estre toujours devant F'œil , quand les plus haults aulcunes fois du monde et les plus eslevés ont . esté deceus par non y entendre,

Au tiers point où il parle taisamment en la faveur et vérité de son maistre, disant que : se fortune lui est amie, n'y prenez point de desplaisir aussi, non plus que nous de la vostre, cur de vous ne lui vient point ceste haulte kanoison : dame , se bien l'entendez, ne dit rieus mal et encore muins de desplaisir à nullui, comme vous ferai bien entendre ; et n'y cherra difficulté nulle, qu'en ceste dernière close, qui est ques nostre bonne lunoison, nostre bonne aventure et félicité, ne nous viennent pas de vous. Et sembleroit par ce, que nous gerions ingrats, descongnoissans et 1ous essours et eslevés en presumpcion et orgueil , dont je te monstrerai tout le contraire et appaiserai ton cuer,

Cestui prince voirement, puisque l'acteur taisamment le note, est plain de haulte fortune et de glorieuse regnacion. Et ne convient point longue demonstration pour le fire apparoir, quand ce qui en est de luy inesmes le juge : il est prince parti de la très noble maison de France, de la quelle comme les aultres, en mesmes degré de rang, il prend gloire et tiltre , et avec ce en emporte les biens grans et larges que point ne descongnoist, mais s'en repute atout grant et puissant entre tous ses semblables. Mais avec ceste felicité et gloire que tirée a et produite 2vec lui du noble ventre de sa mère, et en la quelle il a longuement reyné prince puissant et renommé , si lui a Dieu multiplié encore sur vieille grace nouvelle gloire et exaltacion ; et qui l'avoit fait naïistre duc par nature et succession de père , pour estre égal aux autres ducs plusieurs, l'a tellement pourveu de fÜrtune, qu'en terre maintenant n'a duc son pareil. Dont comme Dieu l'a pourveu de multiplication de seigneurie nouvelle sur la vieille qui estoit haulte, a mis paine aussi de multiplier à l'avenant sa fame par multitude de vertus et de hautes operacions, par les quelles il espère merite. Et comme cestes choses ci ne viennent point du troncq de France . ne viennent de donacion ne d'acquest, ne viennent point d'achat ne de tirannie, ne viennent par aide ne secours de main forte, mais viennent nuement du don de Dieu, de haulte amie juste fortune , de vraie naturelle succession legitime du troncq de l'empire,

SDA

du sang tout'aultre de France, d'autre condicion, d'autre tenement, et qu'en icelle il resplend et regne glorieulx et vertueulx prince : ne peut dire l'acteur de lui mesmes en faveur de la verité, qui souvent n'est congneue là où besoing fait que ceste haulte superlative lune, ceste haulte gloire et exaltacion particulière ne procède point ne ne vient directe ment et sans moyen de France, dont il porte nom et gloire connaturelle, quand ceste icy est accidentale, et lui procède de Dieu par nouvel don , lui procède de fortune par singulière faveur et lui procède de ses propres vertus et condicions, les quelles il a applicquiées à son pooir à toutes glorieuses opéracions ? Dont, et quand ainsi seroit que terres et possessions tous venroient du royal tronc françois et que de là les tenist, si ne peut il tenir ces vertus que de Dieu et de son bon cuer, les quelles font l'omme promptement tlorieux, non pas les haultes seigneuries, quand icelles souvent se possèdent sans glorieuse renommée ; mais ne se peuvent acquérir nuls #lorieulx tiltres jamais sans glorieuse- , ment vivre.

Or regarde, dame, se tu as cause de toy contenter droit cy, ne se tu as cause d'imputer à l'acteur ne à aultrui, vice en cestui eodroit, comme d'avoir descopnoissamment parlé ou trop en arrogance, quand je te declare distinctement que veut dire ceste lune qui ne vient point de vous autres. Et bien dis notamment vous autres; car quand tout vendroit du royal troncq, sy n'y a le pied de vous autres, lui seul reservé, qui doie entendre part en ceste contribucion; car n'y avez mis ne doy ne main, ne donné faveur ne confort , ne vestu haubergon de son temps, enson avantage. Etpar ainsi, posé que lui, en sa noble personne qui est toute humble, ne se vante ne ne glorifie, et ne se veult extoller ne en ce. ne en cela, l'acteur toutesvoies, qui procède à l'équité des choses, peut bien remonstrer quels dons il a de Dieu espéciaux , quels dé nature et de succession legitime, quels aussi de fortune‘et de glorieusement vivre , et dont tout vient et de quel lieu, sans estre reputé arrogant, ne descongneu, ne disant injure à aultrui.

EXPOSITION

FRANÇOISE YMAGINATION.

Que tu treuves d'estranges vuidanges, En- TENDEMENT, et de subtiles perçures pour vuider ung destroit. N'y a trou si grand que tu ne treuves cheville pour le bouchier, ne pertuis si estroit que tu ne passes parmi. Or ça, n'est rien fait qui ne fait plus fort. L'acteur arrière, en son vingt-quatriesme article, se présume et pense bien que cela se veult appliquier à son maisire ; et dist qu'en lui a gloire, honneur et resplendissance qui l'air parvolent et font fendre les cieulx. Mais ce n'est pas, veult-il dire, qu'il ne recongnoisse dontce lui vient, car le tient de la haulte puissance et faveur divine, la quelle, comme il subjoinct, sera peur le deffendre au besoing, et le quel Dieu, se François le craignoient à offenser, ils se tendroient à ce qu'ils ont de grace et de bénéfice de lui, et svuffreroient de la felicité de l'autre. Ici semble , à l'entendre, qu'un François doibt avoir descongnoissance premièrement en leur haut regner, et secondement que ne redoubtent à offenser Dieu dont ils ont tous leurs bénéfices ; la quelle chose porte de soi injure et ramponne. Et est icelui coupplet,

Nous avons gloire , honneur, resplendissance, Qui l'air parvole et les hauts cieux fait fendre,

Mais ce n'est pas dehors de cognoissance ;

Ains tenons tout de la haulte puissance

De Dieu là sus, qui nostre est ponr deffendre.

Le quel aussi, se vous craigniez l’affendre,

Vous vous tendriez à sa grace impartie

Et souffreriez de la nostre partie.

ENTENDEMENT

Que pleust à Dieu, dame, que le throne des François jamais ne deust estre toucié de plus grand injure , que de telle que droit cy; et je croy voir que jamais ne recevroit tace dont on le peust jugier soullié ; car droit cy n'en y a nulle. Bien est vray que l'acteur, en vuidant de son aultre article et là où il parloit de cest lune dessus toucée, maintenant spécifie uag pou au cler ce que avoit mis par devant en termes obscurs , et rendant graces et loenges

SUR VÉRITÉ MAL PRISE

là ou elles sont dues , dist : qu'en son maistre agloires et exaltacions qui parvolent les airs et les cieulx. Dont pour donner exemple à tous

glorifiés hommes comment ils doivent user,

de leur fortune, dist : que ce n’est pas en descongnoissance ne en aveuglissement : que icelles possède, mais en cremeur et retribucions de loenges à son createur, dont il les congnoit avoir receues plus que à son mérir, confiant de sa miséricorde, qu'en icelui bon voloir etregart qu'il a envers lui, il le deffendera et secourra en temps opportun. Belle dame, ici y ail vilain? y a-il riens droit cy pour mordre , ne en quoi corage françois se deust mouvoir ne troubler, quand ce que l'acteur dit de son maistre, il le buille à tous autres pour faire pareillement, etne reprime ne ne corrige nulluy de cas contraire, mais remonstre par son maisire : que de haulte prospère fortune glorieuse est deue baulte singulière retribution curieuse à Dieu, quand par decongnoistre, par non entendre à son debvoir, par non vaquer et veillier e n œuvres vertueuses , en diliyences et sollicitudes, en choses de stabilité et de fruit , et souverainement en cremeur et loenge de Dieu, maints royaulmes, mainis rois et monarques, du plus hault de la roe, non bien gouvernés, sont gettés confusément misérables en basse poussière , là où ils voutroullent tristes chétifs par leur demérir? Si croy que aujourd'hui Dieu ne fera pas une nouvelle fortune pour la nouvelle regnacion du présent, et que ayant eu mis tout le monde passé subget à la vieille, doie exempter de sa loy et puissance la généracion d'aujourd'hui nouvelle ; ains souffrira que qui en vertu et sens règne , que celui pardemeure ; et que qui desfectueux et mal sage possède le hault siège, que celui méritoirement trébuce , ou son équité seroit autre maintenant, que n'a esté trouvée en nos vieulx pères. Doncques, et se l'acteur volant que son maistre a esté surquis en pluseurs voies, et ramponné aultrement que ‘ami à ami, et pour ce en doubte que cremeur de Dieu n'’estoit point plainement là où elle devoit bien estre, et que, par faulte d'icelle, les deux haultes félicites, tant de l'ung comme de l'autre, porroient tendre à diminu-

cion et cheoir toutes deux ; fait-il mal s'il |

subjoint que, se François craingnotent offenser Dieu , ils se tendroient aux graces et bénéfices qu'ils ont de lui, et souflreroient de l'aultrui, à qui Dieu a telle liberté de donner et cherir comme à eulx ? Certes, il m'est advis que nenny, et n'ya chose qui en mal se doive entendre.

FRANÇOISE YMAGINACION

Plus parles , ENTRNDEMENT , que plus tu me crois mes admiracions; et plus te baille matères estroites, plus tu m’eschappes, et ne say comment ; et te treuve hors de mes mains telle heure que je te cuide tenir à tenailles. Mès vecy où ton homme injurie terriblement nous aultres François ; là où, après confesser que nous avons ung hault glorieux throne par dessus le leur, et que icelui portant ceptre et couronne est tout plain de gloire ancienne, et que la clarté du siècle s'y resplent à l'entour, se vertu estoit en cour, comme soloit, mès nenny ; de quoy nous donnant reproce et mespris il dit : que vanité et presumpcion nous ont tellement abuvré les cuers que la hantise en est fière et sauvage : dit en oultre en son vingt-cinquiesme article : que nostre orgueil et haultaines manières, nos élacions en nos nouvelles fortunes, avec le mespris que nous faisons d'eux, tous ces points cy lui ont esté cause d'entrer en ceste aigre tractance ; et voudroit bien que la cause y fust moindre : parquoy il me semble qu'en ces deux articles il ya publique injure; des quels s'ensieut la lettre.

Bien cognoissons que vous avez ung thronnr Par dessus nous plain de gloire ancienne, . Et qu’en vos mains tenez ceptre et couronne Où tout l'onneur du siècle s’avironne Se cours avoit vertu cotidienne.

Mais vanité de gloire terrienne.

Vous a les cuers si pus de son buvrags Que la hantise en estfière el sauvage,

Vostre orgueil grant et haullaines mamiéres ,. Vos ssuers essours en nouvelle fortune

Avec mespris de nos povres tannières

Que vons pensez fouler de vôs bannières,

Se Dieu gardoit pour nous telle infortnne :

Tous ces points cy nous sont cause oportune D'’entrer droit cy en ceste parole aigre.

Que pleust à Dieu, et cause y cut nlus maïgre!

ENTENDEMENT

Je te responds, dame, et concède qu en aulcun des poins recités droit cy il y peut avoir assiette de rigoreux termes sonnans aigrement , mais noninjures proprement injurians et blessans, parce que injures sont choses faites et dites torcionnérement et sans nulles occasions précédentes, qui procèdent de felle vellonneux estomac delibéré et proposant blecier en fame ou en corps; de quoy oncques l'acteur ne fut en talent, ne jamès ne sera trouvé tel; mais bien confesse que, selon la porcion et qualité que voit les hommes et lescondicionsde ce royaume enprésent, et en quoi ils se desvoient et desmesurent, souverainement en devers ceulx dont il est de la multitude, il les ose bien descripre et nommer tels comme à son jugement il les ueuve par expérience. Parquoi, s il les treuve et connoit estre fondés en vaine gloire, et que de cela se puissent et abuvrent, il n’y chiet point de grant meschief à dire : qu'en celui endroit la hantise aujourd hui en est fière et sauvage, quand eulx mesmes se sont assauvagis de sauvages condicions non à eulx appartenans, parce que lui mesmes les juge avoir leur throue plain d'anciennes gloires par leurs anciennes glorieuses vertus; les quelles, comme tu peus bien entendre, n'estuient pas fondées en vanités n'èn presumpcions outrageuses, mais estoient fondées sur sciences, sur nobles meurs et condicions, sur équité et bonnes consciences, sur proud'homies et felicités , soubs reconynoissance et cremeur de Dieu , sur regart à la chose publicque, sur honnesteté de propre personne, sur amour et ‘charité à son prome, sur courtoisie et bénignité envers chascun, sur l'espargne du peuple et de humain salut. Sur ces poins icy . estoient fondées les vertus anciennes des François; de cestui grain remplissoient-ils anciennement leursgranges, de tels splendeurs

EXPOSITION

décoroient-ïls et enlummoierñt leur throne, non pas d'orgucil et de jactance , non pas de confidence et de presumpcion en propres vertus, non pas de muzacvs et cuntempcions de leurs voisins, non de rigareuses et roides tractacions sur ses amis, par fierté, par envie, par despection, par dol ne par fraude, comme font les mauvais, qui ne sont dignes de nuls tiltres, qui jamais ne par-ataimgnent à glorieuse fin, ne jamais ne persévérent à glorieuse durée , car seroit contre nature, et contre loy et ordre de toute équité ct raison.

Donques l'acteur voiant François en mespas, et souverainement en tant qu'il lw touce , les peut bien nommer tels comme il les conçoit en son entendre. Et est vraisem.blable que leur nouvelle fortune, laquelle je appelle nouvelle par renovacion, non pas par origine, leur peut avoir exto!llé les cuers, parce que leurs mains ont esclarci leur throne de ce qu'en trois cens ans paravant oncques ne se pot purgier par main nulle. Si en peuvent estre leurs cuers plus grandis, leurs natures plus ensoufflées de vanité, et leurs condicions plus hautxines et moins humbles.

Mais pour par-attaindre encore à plus haukes fins, comme je leur garde une fois, deussent loer et glorifier Dieu, à lui attribuer l'onneur de leur victoire, mettre paine à y perséverer longuement, et de non riens emprendre qui

. peust estre contraire à Dieu ne à conscience ; et

gardans propre felicité, propre honneur et l'aultrui, soy exposer et par-offrir en toette chose honneste et utile.

Vecy l'appartenir des François, vecy l'appartenir des vrais glorieux hommes, des haulx victorieusement regnans, qui désirent mérite emprès Dieu et gloire du siècle. Dont se l'acteur se deult par y sentir contrariétés, les : quelles il plamtetles frémist, comme il monstre bien en la fin de cestui vingt-sixiesme article, quand il dit que toutes cestes aigres manières et condicions lui sont cause de procéder en aigreur contre eulx : mais n'en fait mie pourtant à reprendre si fort, comme font ceulx qui sont cause de l'aigreur ; les quels ne sont que une petite purt de gens à l'aventure, et non pas toute la généralité, car seroit dommage ; et envis l'acueur la y vouldroit comprendre ; mais seulement il note et entent aucuns par

SUR VÉRITÉ MAL PRISE

ticuFsrs , sur les quels ,sans nommer nullui, sa doléance est causée.

YMAGINACION

Et qne dites vous maintenant doncques du vingt-septiesme article de vostre homme, là où il dit et repreuve aux François : que leur orgueil maintes fois les a pugnis, et a fait passer et traverser toute iufortune parmi leur royaume, en quoi, aultrui quelqu'estrangier s'est glorifié en leur propreinfélicité; mais ce poise lui que constraint il le leur convient remonsirer pour y résister et metre pourvision. Repreuves, tu scés bien, sont injures ; el par conséquentest tel cestui article.

pl

Orgueil jadis par maintes fois diverses

Vous a pugnis et procuré misère,

Et a fait faire à maleur ses traverses

Parmi vos osis piteuses et adverses.

Dont l'aujtrui gloire en cest vostre impropère ; Ce poise moy que je ne vous appère

À plus grand eur; mais ce fait advertance Pour y pourvoir par ferme résistence.

ENTENDEMENT

Dame , tu dis merveilles, et ne puis tant dire ne tant faire que par devers toi tu meisses une fois le bon bout, et que de toy mesmes tu te contentasses, quand de toy mesmes il te convient estre juge. L'acteur droit cy, pourquoy ne peult il mettre ce que dedans Paris, le nombril de France, les petis enfans qui vont à la moustarde savent bien raconter l'ung à l’aultre, par le recort qu’ils ont oy de leur père : que les peschiés, les orguelx , les desrèglemens, et les envies des François l'ung à l'aultre par maintes et diverses fois les ont pugnis; et en ce mesme en quoy prenoient plaisir et delectacion, en ce mesme ont esté battus et prosternés confusément, comme leurs intencions et fins quises estoient confuses et malvaises. Se délitoient en envie et division lung avec l'aultre , et en envies et divisions sontesté mors. Se délictuient en orgueil et vanités excessives , aujourd'hui tirans demain plains de maulvaises intencions; et

par nacion orgueilleuse et excessive, rapace et convoiteuse de sang, pire que eulx cerx fois et plus inique, ont esté humiliés; et y sont entrés roys et ducs, tirans et gens cru dèles, et les ont calamités et persécutés, fait devenir misérables et recrans, vaiicus en batailles et en sièges, et tout avieuti et pollué leur throne ; dont eulx mesmes volun- {airement avoient esté cause, el en avoient produit la verge dont aultrui les chastioient, Et, belle dame, se l'acteur remenstre cecy et le leur met à l'œil afin que cecy plus n’aviengne, et que par gravité et prudence, par longue pondération des matères, ils mettent pourvision , fait-il mal ? fait il chose contre honneur et loyaulté? Certes nenny.

Mesmes est une chose que les histoirgs frarçoises récitent et recordent, que ainsi eu est, et que toutes condicions d'ommes, jeunes et vieulx, recongnoissent aujourd'hui et jugent estre vrai. N'entens-tu que se division ct envie ont peu autrefois esbranler les François, les faire cheoir et perdre honneur et salut , que aujourd'hui ne leur puisse procurer ce mesmes, et les faire perdre et exterminer comme lors? Certes oy! Et en seront les périls aussi prochains, comme.ceulx qui les aiment et quièrent sont prests de les nourrir.

Or va avant, dame, et nous délivre de ton résumer ; car la matère m'est contre cuer durement, et voulsisse bien en estre hors, se honneur me pooit permettre de non tant y respondre. Mais tant m est prest l'acteur, et son œuvre que je connois partir de meilleur fons que n'a esté prise, que à très. envis et à très dur l'abandonneroie. Si ques ou déporte de tes diflicultés et interrogacio:s maintes suspicieuses, ou me abreiges mes paines et lacoueurs, là où envis je tire au colier.

YMAGINACION

Sire ENTENDEMENT, Ce ne m'est joie nulle de te vexer, et ne me délite point forment en l'occasion qui droit cy nous assemble. Je t'ay meu des questions et difficultés aulcunes droit cy. Dont maintenant ung pou je te donrai deport en tant queinterroguigr touce ; et te

558 EXPOSITION

requiers seulement que huit articles ensiè-