FLATTERIE

ENTENDEMENT, trOp tu es aigre et précis ; el ne sont point à desveloppper toutes choses les quelles on voit; et convient supploier aux temps et aux hommes parfois. Dont se Îles yeulx, que tu as clers et subtils, voient des choses beaucop, dont les unes sont clères en nature et les autres troubles, ne fait besoing pour tant tout descouvrir ne respandre, quand beaucop d'iceles pevent estre odieuses; car jà soit-ce que tirent à verité, si sont elles indignes et mal acceptables, par ce qu'elles infèrent plaies aux escoutans. Si ne dois, tant pour ton bien propre que pour aultrui paix, tant te descoudre , quand indignacion des princes fait moult à craindre, et que leur grace est une haulte félicité pour ceulx qui se scevent avoir autour de leurs personnes; car fait icelle monter l'omme en autorité, avoir faveur et portage, entrée en l’estroite fermeture de privauté. Là où aultres maints, crians à luys, bien notables, se pourmainent non appelés : s’acquièrent droit là dons et offices, promocions et haulx estas, dont la vie leur est pourveue contre indigence, et leur indigence rasseurée par provision.

Si te dis bien, sire, que bon fait vivre avec les vivans, et savoir tourner son voile aveo

le vent qui avance. Vivre est délitable, morir horribleté extreme; et n'a mort que une seule amertume pointue, là où vie RARE a mille similitudes de mort. Si inhegr n père et donne cours aux choses que tu ne peus destourner, et n’expose point de paine en quoy lu ne peus mettre remède ; roys sont roys, princes sont princes; se bien font c'est pour eulx; si mal ne les siet à reprendre ; le reprenneur n'y a jamais bien. Qui les loue'et prise et scet complaire et pluier, celui règne el monte.

ENTENDEMENT

FLATTERIE, dame, ne sçay comment jà si longuement tu t'es sceu contenir de parler et de me remonstrer ce que tu ores m'as dit, quand jà en beaucop d'endrois j'ai usé de termes bien aigres, dont, comme bien sai, tu as eu hide des sentences. Mais comme ton propre est de décliner de vérité par malice, le mien propre est de la maintenir roide par verlu. .

Ta condicion,'dame, si est mole et vicieuse ; et ne regardes que utilité propre ; et la mienne est invincible en corage, et considère équité universe. Tu ne peus,comme dist nostre redempteur Jésus, servir bien à gré deux seigneurs de contraires natures, que tu ne hées lung, et l'autre tu aimeras; ou que l'üung tu ne soustiengnes, et l'autre tu contempueras. Vérité, c’est Dieu droit cy, la quelle tu contempnes parce que tu aimes la fausseté du munde ; et ton monde je le contempne parce que vérité n'y est point aimée. Vérité, dame, de soy est amable ; et comme Dieu est à aimer de soy, aussi est vérité; car vérité est Dieu, et Dieu vérité. Si ne penses que pour les bienfais et menaces du monde, je me voulsisse estordre de ce que j'ai du don de Dieu, si noble et si pur, ne que je voulsisse changier ma propriété en perverse opéracion contraire à ma nature, qui est de concevoir les diverses choses du monde telles auc les sens extériores les me présentent, et celles enquérir et méditer songneusement et oarfondement en dedens moy, telles comme le {es ay conceues par veue ou par oye, ou autre sentement. Les quelles choses, à qui

EXPOSITION

que elles touchent ne quelles que puissent estre en réalité, bonnes ou maulvaises, ne pe— vent changier ne varier le concevant. ne elles

| ne se pevent ne changier ne muer que, telles

que ont esté présentées et conceues, que telles ne demeurent. Se doncques les fais du monde se présentent à moy, et je les conçois tels comme ils sont; et que d'iceulx longuement médités et tractés en la lumière de raison saine, je suis constraint d'en parler et faire conclusion, ne les dois-je manifester tels comme en la réalité 4e les ay conceus, sans que je soie repris pour ce ne redargué d'offense? certes oy. Mais non pas que je le feisse à intencion de gréver, mais à intencion de me voloir tenir incorrompu en ma nature.

Dame, aussi peu que les montaignes et les arbres des champs, aussi peu que le ciel et les élémens se pevent mucier de la veue des hommes , aussi peu se pevent mucier ne céler les fais des roys et des haulx princes devant les humaines concepcions, que tout n'y soitlogié et incorporé, tout compris etinis en estuy , par pluset par moins, comme les choses par plus et par moins se présentent auxsentemens, et comme les entendemens faussi plus et plus s'applicquent à les concevoir beaucop ou peu. Entre lesquels ceulx qui beaucop en conçoivent en ont largement cognoissance , et ceulx qui en ont conception estroite n’en pevent faire que eschars jugement. Se hommes osent faire, hommes osent bien regarder. Dontcomme les fais n'espoentent point ne : n'esvergondent les facteurs, le vivement parler aussi n'espoente point les regardans, ou en couvert ou en publique.

Qui est ce qui fit mettre une reyne de France (4). . . . . . . estre traynée à Paris entre quatre chevaux, fors celuy qui le vit aux yeulx. Dont toutesvoies les enfans se fussent tenus à injuriés, qui leur en eust fait record ? Nonobstant toutesvoies celle cremeur , si fut-i mis par escript , et tellement que aujourd'hui encore le trhone françois en a l'empreinte de l'ombre. Qui est-ce qui de ce glorieux conquéreur Hanybal, en réci-

(1) Lacune d'un ou deux mots dans le manusurit

SUR VÉRITÉ MAL PRISE

tacion de ses propriétés et vertus, fist ajoindre aussi ses pluiseurs détestables condicions et grans vices par les quels dén'groit la dignité de sa fame ? Qui est ce qui au conquéreur du monde, César, a mis l'escart ténébreëx en sa clarté, par le quel, tout assis au :siége des meilleurs, est regardé souppeçon- neusement de mains yeulx contraires? Quiau meilleur des Grieulx, Achiles, vaincuer sur le meilleur du siècle, lui a donné note dont ternie est à tousjours sa renommée ?

Qui à mains autres crestiens et payens, avecques dignité mainte de haulx tiltres, leur a donné taces en leurs manteaux, dont moins ils resplendent ? si non ceulx qui, parforciés de vérité dire, ont proféré ce que vérité leur a fait concevoir. Clère fame, que tu l'entendes , procède d'estroite contre-garde. Dont posé que les choses ne se placquent aux visages des délinquans, et se cèlent du temps de leur règne , ne se coeuvrent point toutesvoies ès livres qui après eulx s'espandent en diverses mains , et là où se treuvent, veulent non veulent, ce qui est de leur fait. Mais ne dis pas cecy à nultiltre, forspar advertissement que qui glorieux estet cler, se contregarde de polluant œuvre, et qui mort desire non impugnée de fame , se abstiensne de ignominicusement vivre.

YMAGINACION: FRANÇOISE

ENPENDEMENT, tu relièves des choses beaucop , et te boutes, ce me semble, en une haulte théologie dangereuse, et à toy non moult nécessaire. Te porroit bien suflire se tant seulement tu réparer pooies et sauver les aigres et cuisantes paroles, de cestui homme que tu deffends, sans y riens adjouster du tien ne de nouvel, quand ce qui est au principal mesmes y est trop. Beau sire, ne te descous pas tant, et ne nous quiers nulles . matères nouvelles, qui en as assez devant toy bien difficiles, les quelles, premier que tu les saces bien soudre , te donront à souffrir ; et 1ount premièrement droit cy, où l'acteur dit :

François, François, remitiguez vos ires,

Ramodérez vos passions non saines,

Et gouvernez vos haulx nouveaux empires,

Si bien qu'enfin vos noms n’en soient pires

Ne vos raisons plus foibles ne plus vaines.

Après avoir acquis ses granges plaines,

Du fruit de gloire à nullui héritable,

Il y chiet sens pour le garder estable.

Que veult dire ton injurieulx homme droit Cy: «François, François, remitiguez vos ires, et ramodérez vos passions? » Nous veull il corriger ne reprendre en nos meurs? nous veult-il donner rigle ne discipline en ce qui nous siet à faire quand il dit que nous nous remitiguons, que nous ramoderons nos passions ? Où ne en quoy est l'esmouvement dont il se est perceu en nous , et parquoy il peult avoir cause de nous enseignier ? Et puis « gouvernez vos bhaulx nouveaux empires ! »Nos empires sont-ils nouveaux? nos régnacions et puissances sont-ce choses d'huy et de hier, venues nouvellement en vivant d'homme et à cop esvanouissables? comment l'entent-il? où sont les sauvelés que tu trouveras sur cecy et par Îles quelles tu le penseras à parer, qui semble nous voloir corrigier , qui semble nous voloir assagir et préaviser de nos meschiefs , et ave ce nous réprimer en nostre ancienne clarté’, disant: que nos empires sont nouveaux, et que mestier nous fait de les gouverner bien.

ENTENDEMENT

Dame YMAGINACION, moult certes t'eët bien séant ce nom, et moult es proprement Laptisée en icelui, quand proprement il est tout tel que ta nature. Tu as des fantaisies beaucop en toy et des ymaginacions que tu estimes de grand pois, les quelles, revisetées par aultrui main, se treuvent de très povre effect. Et belle dame , en ce présent article qui est le treunte-sixiesme, que tu maintenant eslièves si hault, quel chose a dit ne escript l'acteur de quoy toy ne aultrui se doive troubler? Il a dit « François, François » notamment par deux fois pour donner à congnoistre la fermeté de l'impression qu'il a en son cuer touchant vous ,

et par considéracion des choses précédentes qui ont esté cause de son escripre ; et parce que meu de bonne ame, il vous a donné exemples et figures, remonstrances et alléguacions salutaires pour fuir propre péril et à autrui donner paix et salut; et vous requiert que, se vous avez aucunes ires Ou passions, comme possible est, que vous les veuilliez amodérer et remettre en douceur, par ardeur et affection qu'il a grandes de vous veoir en vostre paix envers “eulx souverainement où il affecte.

Dont, par povre confidence qu'il a en fragilité humaine , qui de tant legier est desvolable par diverses passions et à cop encourue en péril grand, adjouste et prie : que vous gouvernez tellement vos nouveaux empires que vos noms et iltres enfin ne vaillent moins. Et en tant que François s'arrestent beaucop sur ce mot « nouveaux empires » , et qu'il semble parler repréhensivement en devers eulx outre l'appartenir : Belle dame, je laisse l'adresse de ma raison envers François, et en toy seule je tourne mon parler.

Tu as uns yeulx pour noter le mal, et non pas pour percevoir le bien là où il est.

Se l'acteur dit que l'empire des François est nouvel aujourd'hui , entens-tu que ce il doit avoir dit par ignorance , et qu'il ne sceust que c'est de ce royaulme ne de son très glorieux triumphe ancien? certes, tu le tiens à plus simple qu'il n’est, et plus ingnorant. Ains le congnoit et entend; et par si bien le congnoistre et entendre, le glorifie et prise sur toute rien autre. Mais quant au présent toucé, là où il dit «nouveaux empires» , Ce nouveau ne s'entent mie pour commencement de royaulme entrant en résnacion nouvelle, mais pour commencement d'hommes parvenus à règne en nouvelle amie fortune ; les quels encore , par regard au vieil infortune dont sont vuidiés, sont en l'eschielle régnacion glorieuse tout fresement remontés sus; de la quelle, se d'aventure, par union désordonnée ou par aultre accident, il leur convenoit redescendre et estre tresbuciés en bas, ce leur seroit faulte grand et reproce en leurs haulx noms, quand n'aroient sceu garder en vertu , ce qu'en vertu et hault sens avoient parobtenu et acquis. Si n’en est pas la sen-

EXPOSITION

tence si mauvaise, dame , comme tu la fais; mais est saine et honneste: et n'en est la remonstrance que véritable et utile.

Dont , là où tu viens à la conclusion de cestuy article, là où l'acteur dist : que il siet avoir sens pour garder estable ce dont on a acquis plaines ses granges : l'acteur dit bien; car voirement y a bien mistère et vertu de savoir riens acquérir; mais encore y a-il mistère trop plus d'en savoir bien user après l'acquisicion faite.

N'entens-tu que, tant que l'omme labeure et content à une fin aulcune, que, pour parvenir à icelle, il y subtille et expose tous ses esperis, et y emploie sens et vertu, soing et diligence pour y ataindre ; et là en icelui estat est-il actif et songneux, prompt et mouvant tousjours, se desarme des choses grevables à son intencion, et ge renforce de celles qui lui sont utiles et vaillables; le quel, parvenu à ses fins , prend gloire et exaltacion grande en son acquest. Mais alors, comme longuement traveillié en son contendre, en la tranquilité de son cuer. aussi se repose, donne quoieté à ses membres , donne solas à ses esperis et vertus , les quelles s'endorment et s'apparessent tous ensemble avec le corps , parce que n'ont mais en quoy eulx exercer. Dont, comme huiseuse est mère de péchié, nourrice d'orgueil et de voluptés , extinction de lumière et d'entendement, devient à estre cause aussi de faire reperdre à l'homme son acquest et de le faire recheoir en celui estat povre, là où constrainte de sa dure fortune, lui fist aherdre vertu pour monier avec elle. Si appert droit cy quelle différence il y a entre le contendant et le possessant. Le contendant, par constrainte est tousjours solliciteux, plain de labeur, et le possessant par nature plain de delis et de vanité de corage.

Ne te recordes-tu que les Rommains, tandis que labouroient en amplier leur seignourie, ou que par aultres rebelles à leur empire se trouvoient invadés et vexés, que alors vices ne voluptés nulles n'avoient lieu avecq eulx; mais quand et si tost que se trouvèrent bras au deseure, et que n'avoient en quoy exerciter leurs cohortes batailleresses,tantasz tous vices, toutes lascivetés, toules envies et divisions, toutes murmures et privées affee-

tions se boutèrent entr'eulx, et visans à convoi-

SUR VÉRITÉ MAL PRISE

tise et à particulier bien, laissans commune et générale félicité, se mirent en parties et en tumultes l’ung contre l’aultre ; en guerres et en tribulacions ensemble, et en sourdirent les crudèles et inhumaines batailles civiles, les quelles depuis , pou à pou, venans d'ung ‘meschief en ung aultre, les menèrent jusques à périr et redescendre en toute povreté et afflicton de cuer, en toute confuse décadence et servitude , là où aujourd hui encore sont spectacles d'avoir esté les plus glorieux de la terre, mais par contraire de moindre réputacion à ceste heure et les plus misérables.

Dame, que tu l'entendes ! Regnacion n'est estable à nullui, et n'en fut oncques. nulle si longue que venue ne soit à terminacion. Celle

des Assyriens prist fin en son période. Si fist ceke des Cartagiens; celle des Macédoniens

pareillement ; et la darnière et la plus haute, qui fut celle des Rommains, et la plus proçaine à nous autres, jà a mil ans que elle est tarminée aussi; et en est esvanouie la gloire , si son d'autant que les hommes en prennent par les escrips. Si est venue depuis la regnacion des Frans, qui n'ont leur certaineté ne que les aultes, combien qu'il y a plus apparence de durée que ailleurs, pour cause que la foy y est en son giron de repos. Toutesfois à doubter fait que, après avoir duré jà mal ans, luitans et militans contre fortune, miintesfois cheus et maintesfois relevés, finablement ne puissent venir au terme de leur période aussi, et que, comme les aultres sont venus à terminacion par aulcun si, eulx aussi, par ung si non congneu, parvendront au samblable , et tant plus tost comme plus s’eslongeront de ce qui plus les porra faire durer, c'est union et amour en dedans leur clos . Fun avec l’autre, et justificacion de leurs per- Sonnes par beaux exemples pour aultrui mettre en rigle et en ordre par noblement vivre.

ENTENDEMENT

Or say-je bien, dame, que tu me veuls remouvoir question nouvelle; et contendant tous-

Jours à rechargéer cestui poyre acteur’, lui :

imputer plus et plus cuisance de parôles et d'injurieux mos; ct ce à cause de son trente- Sepüesme article, là où il dit :

Guerre à ce lez ne vous est besoigneuse , Si non que las soyez jà de longue aise.

Trop a esté de vostre part cousteuse ;

Si vous devroit estre chose annuicuse Rentrer arrière en sa grippe mauvaise.

Au fort sens vous n’a bouce qui nous baise, Baisez au moins vostre présent fortune

De peur des tours de sa fraude mainte une.

Car porroïent dire Français : que despitement leur repreuve ici et ramentoit leurg aventures passées, disant : « trop a esté de vostre part cousteuse , et vous devroit estre chose annuyeuserentrer arrière en sa grippe», comme se l'infortune fust trop plus par devers eulx que par devers le parti de deça; en quoi se peult noter injure et repreuve non véritable. Dame, toutesvoies, pour non te danner paine de y arguer dessus, moy mesme je y viens au devant, et contens d’y donner l'appaisement qui y est séant. L'acteur considère deux choses : l’une si est, le très victorieux bras des François que fortune a eslevé maintenant , et le quel en sa haulte exaltacion se peut présumer de plus avant emprendre; l'aultre si est, que les couvertes haynes longuement portées se devront plus tost montrer en temps de forte triumphante main que de foible. Si craint tant l'acteur ces deux poins, que veullant avertir les François, que choses qui pendent en fortune ne sont point certaines en nulle main , souverainement celles de guerre et de bataille, dit que : « guerre à ce lez (pour ce que ailleurs ne lui touce), ne vous est besoingneuse, si non que vous soiez jà lassés d'avoir esté en paix»; et allègue la raison disant que : « guerre vous à csté trop cousteuse de votre part»; non cousteuse que le coust vous soit venu de ce lez dont il parle, mais que à vous mesmes elle a esté trop cousteuse en ruines’de terre, de seigneuries, d'édifices, de haultes glorieuses possessions, et de peu. ple innombrable comme les estoiles du ciel.

Cestui là est le coust que l'acteur y entent et pourquoi vous devroit estre ung merveilleux dur ennuy rencheoir arrière en la grippe de celle malédiction qui n'a pas esté terminée en vos pères, mais en vous mesmes; et y

sont mors et terminés vos pères misérablement. Et alors l'acteur, affectant que demousissiez felices et paisibles, et lui avec vous, vous remonsire et dit : «Au fort se vostre cuer ne se peut adonner à nous bien voloir, veuilliez du bien à vous mesmes, et flattez et baisez vostre propre fortune présent, affin que, moqueresse de nature et plaine de fallaces, ne vous paye de sa desrision et de ses vielles coustumes. »

Dame, n'y a riens de mal qui mal ne l'entent. Puisque oeuvres autrefois bonne, et honnestes pevent estre interprétées mauvaises et de mauvais effect; plus tost encore paroles doubles, qui pevent avoir deux et plusieurs entendemens, se pevent prendre en l'interprétacion pire par les cuers moins sages.

Exemple. Tu scès qu'en la propre et mesmes fleur là où la noble mouce prent son miel, l'yragne vient après et y quiert son venin.

N'est toutevoies la fleur mauvaise en soy , ne de riens pire du venin quis. Mais est sa bonté nourrissement à deux contraires natures; dont en l’une elle est convertie en bien, et en mal en l'autre.

L'acteur après désirant monstrer la fin de sa contendance, voire en la personne de ceulx dont il parle, dit :

Nous, quant à nous, nous désirons à vivre; Nous quérons paix et ami voisinage,

Et n'avons riens qui nous meuve ou enyvre; Car nous voions par exemple et par livre Quels sont les fruis de si fait baronnage.

S’amour d'un sang, d’un ventre et d’un linage Peut devers vous ouvrer de sa nature,

Jà de nos lez n'en rompra la droiture.

Il demonstre assez que riens ne quiert, fors paix et amour avec ses voisins, avec ses plus grands , avec ses moindres, et que riens naen lui en quoi il se fie ne surcuide, par quoy yvresse ou habondance de félicité le feist mespasser contraire de devoir, comme s'il désirast que François feissent ainsi, et toutes autres nations. Dont, pour plus les y atrairre et vaincre , adjouste :« Se amour d'ung sang, d'un ventre et d'ung linage, peut ouvrer de vers vous de son devoir et naturel apparte-

EXPOSITION

nir, quant est de par devers luy, jamès n'en rompra ce que nature y ordonne à estre. « Si seroit le salut à tous deux quand ainsi le feroient. Après condescent à douceur et retire son cuer de longs argumens ; et spécifiant les parties de sa bonne affection , subjoint :

Nous vous voudrions amer, servir, deffendre, Croistre, exaucier et porter vos querelles, Mais qu’il vous pleust asgréable le prendre,

Et bonne amour récompenser et rendre Semblablement par amours naturelles.

Mais en usant de fiertés corporelles,

Disant :« Vilain, tu le dois faire »; adoncques, Nous sommes sourds et ne vous vismes onques.

Dame, quantes fois s’y est-on offert a vous voloir servir, honnourer et amer vous François ? quantes fois s’y est-on courbé humblement à vous voloir faire toute assistence , tout humble et loial service, que oncques offre n'en a esté receu, ne bon voloir à paines remercié, parce que là où les personnes ne sont guières bien volues , à tart leurs présentacions se reçoivent aggréables. Et pour ceste cause, ditil: « Nous le vouldrions faire, mais qu'il vous pleust l'accepter aggréable et récompenser amour par amour, comme de nature requierL.»

Dont , parce qu'il congnoist et s'est perceu de tant de malignes corrages qui n’enfoncent nulle bonté, qui ne congnoissent nuls vertueux ne leurs oeuvres, mais jugent légièrement sans assavourer leurs paroles : pour et encontre tels gens, l'acteur soy enférissant , dit : qu'en usant de leurs fiertés et haultaines disant : « Vilain , tu le feras »; on y est sourt, et ne les congnoist on, comme le commun vulgare langaige porte : Se tu ne me congnois , non fay-je toy. Non pas que l'acteurile die par abnégacion de fay et de recongnoissance là où il'la congnoist appartenir, mais par improbacion de l'orgueil de telles gens qui si follement se présument.

YMAGINACION FRANÇOISE

Ne sçay, ENTENDEMENT, que c'est de tes gloses; mais tant sonne rudement ton texte aue

SUR VERITE MAL PRISE

plus ne porroit. Et ne me peult sembler voir que l'acteur y soit si courtois comme tu le y pares , parce que tousjours plus et plus il se boute ou en jactance de son fait propre, ou en dépression du nostre , comme il appert droit ci, en son quarantiesme article :

Cuer nous est gros, et avons roide eschine, Force et pooir, et bras pour les conduire,

De quoi jamais ne faudra la racine

Pour quelqu'effort que cuer d'homnie y macine, Ne que vos mains y porroïent produire,

Si n'y fault point s’esbatre ne deduire.

À l’assaicr, pour fain que cuer en aÿe,

Car la folie en rendroit dure playe.

Il se vante d'estre fier et puissant, d’avoir l'eschine roide et robuste , et bras pour conduire grand fait, comme s'il voloit dire‘: « Se tu en as faim, si en pren». Les quelles choses sont hautaines et demi desfiemens. Dont, pour nous plus enaigrir , dit oultre : que pour effort nul que nous saurions mettre avant, nous

ne porrions desraciner la puissance qui y est, .

et que l'assai n'y vauldroit riens, car la folie

en porroit bien rendre ung grand grief à.

l'assaiant. Comment porroit-on plus aigrement parler à hommes ne si cuisamment , si non à intencion de les voloir mouvoir et provoquier au débat? Et que cela soit vray , vecy le quarante-et-uniesme article après , qui de déclare tout et outre , quand il dit :

Cestui point seul notez que je vous tonce, Cestui point seul vous cause vostre envie :

Se nous fussions l’ung borgne et l’autre louce, Mols et chetifs, bridables en la bouce,

Lors nous seroit vosire amour appleuvie,

Et diroit on : « Dieu vous doint bonne vie!

Gomment vous va? vous plest-il venir boire ?{» Mais garde après du cop de la cachoire

Ici veult ton acteur dire : que ce que vous nous sentez roides et puissans , non Craignans vostre effort , c'est ce qui vous cause et donne vostre envie sur nous, et que si nous fussions l’un borgne et l'aultre louce , ainsi qu'on .porroit dire deux tigneux et ung pelé, meschans

et chetifs sur qui on peust avoir commandement, lors serions nous prests à vous voloir du bien comme aux aultres communément; mais il se convendroit garder après de la cachoire par la quelle on fait saillir avant les compaignons. Ne sont ce pas beaux mots, sire, et bien amiables, pour venir à bonne conclusion et pour mettre paix entre deux débattans; qui encore loe Dieu et lui rend grace de ce qu'il lui a presté prince et tel champion que le sara bien garantir et deffendre à l'encontre de nos estraignans grippes; le quel ne feroit par menaces ne craintes riens tant soit peu , jà-soit-ce que nous le cuidons ; mais l'attempter y seroit périlleux. C'est assez courtoisement menacier et assez couvertement mesprisier son compaignon. ENTENDEMENT , doncques que voudras-tu dire droit cy ? nous saras tu faire de ce venin, qui droit cy est, sucre ou miel? ou quelle confection nous en feras qui nous soit bonne? Et est tel cestui couplet.

Mais à Dieu los ! qui de sa bonté large,

Et par l'envoi de ses graces tant maintes,

Nous a donné tel champion et targe,

Que son haultcuer nous affrancist et targe

Contre les mains de vos aigres estraintes ;

Car ne seroit par menaces ne craintes,

Riens tant soit pou, jà soit ce qu'on le cuide; : Mais périlleux y feroit estre guide.

ENTENDEMENT

Dame, envis meurt qui apris ne l'a; et envis se rend mat et vaincu, qui a en s0y vertu souflisant à deffence. Tu m'as droit cy proposé trois articles , dont du premier tu te plains, disant : que l'acteur use de jactance en la personne de*son parti, soit son maistre ou autre; et secondement use de dépression en François par haultes sures paroles dépressives, comme la lettre le tesmoingne. Pourquoy, pour t'en mettre à ta paix et sauver l'acteur en son équité, d'autant que j'en comprens, avis m'est que se tu as entendu Îa distinction que j'ai faite en l’article devant, des hommes françois dont les uns sont plains de savoir et de bonnes moeurs et ne chiet nullement les impropérer, les autres sont gens parciaux, adonnés à diverses affections non bien à raison

BG

concordantes, non bien discutant parfondément une matère , légiers en leurs Mots, présumpcieux en cuer, avanciés par fortune mal juste , qui, avec autorité non mérie, conseillent et proposent souvent choses non méritoires ; les quels l'acteur congnoissant estre non pourfitables ça envers, non fort affectés ne délibérés à y voloir aucnn bien, ains du contraire largement, et que toutes les chetivetés des questions qui règnent aujourd'hui, d'eulx procèdent : l'acteur adresse son langaige à eulx et à nuls autres; et en telle qualité comme il les conguoist estre par deçà envers, en telle qualité proprement il les arraisonne et redarguë , et leur remonstre nardiement : que par deçà on est tout aultre que peut estre ils ne pensent ne entendent; car n'en congnoissent ne le parti ne les marches, parce que oncques ils n'y furent. Si leur dit l'acteur, et dit vray :

« Cuer avons gros et avons roide eschine;

Force et puoir, et bras pour les conduire »; comme s'il voloit dire : « Ce que vous ignorez , je le vous remonstre, non au très noble roy très crestien, le bras souverain du monde à qui nous sommes suppos et bien veullans comme vous, mais à vous autres, beaucop de gens descongneus , enfiéris en vos aveuglées fortunes, gens de petite estoffe, qui vous vantez et présumez de cecy et de cela, et ne quérez que discordes et divisions, pour continuer en vos vanilés en quoy estes nourris et parcreus.»

A vous, telles gens qui ne prisiez nulluy que vous, On vous remonstre, que par deçà est roideur et puissance , savoir et hardement, que tous vous, la seule personne royal soy tenant quoye, ne sariez miner ne mettre à fin, car y est telle la roideur, qu'encontre toute région autre, fors France, porroit mettre pié; et y seroit l'attemptement périlleux pour vous autres d'y voloir faire escart.

En quoy l'acteur entend deux choses: l'une si est, touchant la nature des pays et du peuple qui n'est pas mol, mais a esté assez examiné aultres fois, et congneu passé a mil ans, dont la recordacion ne lui est pas remèse obscüre ; l'autre point que l'acteur y entend si est, que la nation de deça a ung prince belli-

queux, tel en gloire et en prix comme ses

EXPOSITION

maintes baultes et glorieuses oeuvres ont méri maintes fois, et à qui Dieu onques encore n'a souffert qne morsüre lui ait esté faite, ne en sa très noble personne, ne en 8a très haulte non entamée seignourie, pour laquelle deffendre il exposeroit l'ame et le corps; et sur la confidence d’icelui et de ses haultes chevaleureuses vertus non oncques subjuguées, l'acteur, en la personne de son parti, dit ce qu'il y congnoit, non pas à ceulx dont il porroit traire reprehension de mesdit, mès à ceulx qui valent et sont dignes qu'on leur monstre barbe, et qu'on leur paye semblable par semblable. Si dit bien vray l'acteur, quand il dit en son quarante uniesme article : que ceste puissance et roideur qui est tant en la personne du prince comme de ses sub jets est cause à vous et nourreture de vostre envie, quand tout cler est que envie jamès ne se congrée contre ung meschant, ne jamès ne s'envenime en une chose basse ne foible, mès en une chose qui l’approce en égualité ou en surmontance, comme vous, qui infelices à vous mesme avez envie de la félicité de vos prochains; les quels, s'ils estoient si mols et chéuifs comme vos fiertés affectent et volentiers verroient, souffreriez estaindre envie à l'aventure, et monstreriez en, cel lieu une fainte amour, dont la fin seroit servitude et suppeditacion.

Déa! dame, sans que l'acteur ait renouvelées droit cy cestes manières de faire, si sont elles trop et trop longuement congneues. Par quoy se vérité avoit lieu d’estre oye, la narracion aussi en seroit bien utile et convenable; car pité est, et une chose désolable, qu'en ung royaulme et sous ung mesmes chef à qui tout respond , cestes envenimées rumeurs et envies regnent et durent, et que Dieu visiblement ne pugnit les ung et les autres, par les quels tant de périls s'attendent en la crestienté. |

Et comment ! dame, n’entends-tu que haine et envie sont deux tisons de l'ennemi par les quels aultres fois il a fait cheoir ce noble royaume en sa grippe, perdre tout et annichiler jusques à ames innocentes par milions ? Et comment doncques, se tu consnois tels ces deux tisons , et par science et par espreuve les y vense-on tenir par héritage, les y

SUR VÉRITÉ MAL PRISE

quiert-on à faire regner possesseurs par nature? c'est bien doncques une dure malédiction pour les hommes, et finablement petit espoir de sulut. O dame, se tu savoie ce que MémoiRe m'en raconte, et sur quoi je prens pié ferme en mon parler, bien diroie que assez suis expert de ceste hayne et envie de vous aultres, quand seulement maintenant Mé- MOIRE me prie d'en reciter ung cas que longuement a tenu reclos ; c’est que : ung noble homme de ton parti ayant charge de cen lances aultrefois, par fois aussi de plus grand nombre , soy trouvant en my aucunes de la nacion de deça, desgorgea en publique : se Bourguignons et Sarrazins estoient en bataille l'ung contre l’aultre, il se tireroit de la part des Infidèles contre les Bourguignons ; et s'il convenoit füire l'ung, ou aller sur les payens ou sur les Bourguignons, plustost iroit en la désercion des Bourguignens que des payens. Cecy m'a ramenteu MÉMOIRE droit cy, comme celle qui l’a conceu vivement une fois et le bouta en coffre ; dont par l'exemple allègue l'envie et hayne de vous autres qui tels estes, est bien à redoubter, et juste plus et raisonnable d'estre remonstrée, puisque si clérement est congneue, non pas en celni seul hümme, mais en plusieurs aultres, de quoi le conte se taist.

Dont, se l'acteur voiant et considérant vos natnres enfellies desraisonnablement encontre ang homme innocent, ung prince juste et proudomme qui ne quiert que paix et amour, éduité et droiturièurement vivre, amer là où il doibt, et servir, garder et deffendre ce à qui Dieu l’a commis; et que les expectacions finablement de telles racines mauvaises sont guerres et entreprises de l’ung sur l'aultre, confliction de puissances contraires, notamment loe Dicu, quand il lui semble que encore vit celui en cui baston, se vous contendez à mordre, qui se sara bien deffendre , et le quel véritablement, comme dit l'acteur, et comme se treuve par expérience de sa nature bien examinée autrefois , ne feroit rien par menaces ni cremeur, se le faire ne lui procédoit d'autre plus noble racine de tuer.

Car est celui qui oncques ne conceut paour, ne qui oncques ne fléci l'œil soubs main fière ; de quoy ceux dont il trait origine le doih-

vent honnourer et prisier, et plus encore quand l'exécucion y est avec le courage.

Y a aussi ung autre point droit cy, qui excuse l'acteur, et qui luy peut estre oause de parler ung peu hault, non pas en la personne de son maistre, mais de ses subgects, car iceulx subgects , dont il en y a de divers pays et de diverses condicions , sont de diverses natures aussi et de diverses affec tions anciennes, qui ne sont point da royaume , ne oncques subgects à iceluj, et des quels , à l’aventnre, les affections ancienne. ment ont plus tiré ailleurs que envers les François, et encore aujourd'hui feroient, ne fust la bonté du maistre , qui lcstire devers vous joins avec lui. Dont ce qu'ils vous honneurent et faveurent, n’est pas par loy de nécessité , mais par revérence et obéissance faictes au maistre, avec qui sont contens de prendre toutes querelles, comme avec leur roy et souverain, dont aultre ne recongnoissent, jà soit ce que roy ne soit point, si non en leur estime.

Dont, et se ung tel peuple qui est si grant, et qui oncques ne s'est trouvé joinct là où il est aujourd'hui, posé qu'il veulle bien recongnoistre et honnourer la très noble personne dont il scet bicn que son per n’a en laterre, n'est pas affecté pour tant ne constraint de ploier envers les aultres membres, dessouhs celui lesquels il perçoit et congnoit estre rudes et plains d'argus envers leur seigneur et prince, et par chascun jour plains de nouvelletés et de haultaines très despites, comme non fmie les nobles et royales personnes des seigneurs du sang , mais povres gens de fortune, compagnons de sauvage venue, mesmement et par coustume ceulx du parlement qui non faisans pois ne pris de lui, ne diffèrent à l'injurier et de lui faire ou faire faire rudesses ; là où semble avoir fjulte de prudence , et encore plus de noble et saine raison , qui dès le principe du monde conseille de traitier les hommes selon leur qualité :

déà ! dame, entens bien : oncques ton royaume ne receut ung tel suppos,, oncques nulle telle brance partie de son tronc , oncques nul tel subgect ne tel serviteur , oncques nul tel ami ne si propice, oncques nul de tel pais ne de telle roideur. Si ne devroit pas estre

traitable avec les communs membres, qui,

passant toute puissance et ancienne production, se treuve traictié maintenant à la courgée par ceulx dont lui mesmes se est plaint souvent, et qui n'en sont ne de valeur ne de pris, là où hayne se descouvre et envie, et se cachent volontairement honneur et proud'ommie derrière l'uys, comme qui n'y acontent. De quoy plusieurs se donroie bien exemple, se je voloie, qui mesmes au très noble et prudent cuer du roy ne sembleroient ne justes ne honnestes. Et ne fust que celui de Lille, une fois, là où ung sergent du parlement vint rompre à marteaux de fèvre la prison de ce duc, ;lui estant joingnant à ses maisons près, pour toutes voies ung garnement le pire des autres, dont il estoit suffisant assez pour en faire justice et raison. Si procéda cestui exploit, non pas de la très noble personne du roy , mais de ceulx de son parlement qui si pou prisoient sa personne. Et dame, ne penses-tu point que telles et si faites besongnes animent le peuple et le retirent d'affection envers vous, quand vous, si pou prisans ung tel prince leur duc, aguillonnez par si faites pointures et rudesses, qui tant leur est parfont en leur dilection comme;nul roy aultre à son peuple dont amé est et obév.

FRANÇOISE YMAGINACION

ENTENDEMENT , ne sÇay se ta cause est juste, comme tu la couleures de divers paremens, mais ne puis entendre quelle différence tu peus mettre entre le roy et ses subgects, entre la royale majesté et ceulx qui l’adestrent, ses princes et barons, ensemble ceulx de sa justice et de son conseil', quand, ce que ” son conseil est, le roy est, etce queses nobles princes et barons manient ensemble , ce mesmes se conçoit et retourne en la personne royale, par tel si, que qui l'ung honneure, honneure l'aultre, et qui l'ung injurie, l’auitre il blesse.Sim'esmerveillecomment tu penses choses de si grant pois et de telle aisreur parer par argumens de si povre effect et qui ne sont pas suffisans à la substance du cas, entendu encore que cy-après ton acteur, en Continuant son œuvre plus et plus, continuetousjours en dures

om mm oo oo mg 1 qq mm à

EXPOSITION

parolles ; les quelles, jà soit ce que tu les poiles et racles icy et là, cuidant les nettoyer, demeurent toutes voies plaines de neux et de superfluités bien rudes, par lesquelles elles donnent à entendre leur nature silvestre ; et prestement droit cy arrière, en son quarante troisiesme article, là où il affirme et dit : que c'est chose clère et fort congneue de chascun, qu'en ce royaulme n’a rien que ung homme trop, lequel, se Dieu l'avoit mis à l'envers par mort, François aroient les bras au desseure alors; voire ce leur sembleroit; mais sachent bien toutes voies qu'en celle heure quand il definera, qui leur sera bien dure, l'honneur du siècle: morra avec lui : comme le tesmoingne cestui coupplet.

Il est tout cler , et le congnoist toute ame; Mais doleur n’est qu’ainsi je l'assaveure, Rien n'y a trop qu’ung homme en ce royame Lequel, se Dieu l'avoit mis soubs la lame Vous auriez lors tous vos bras au desseure, Ce vous semble-il; maïs sachiez de celle heure Bien dure à vous , quand il définera, L’onneur du siècle entier se périra.

O ENTENDEMENT, icy a moult de haulx langaiges que je ne sçay à quoi ils servent ; les ungs sont adevinemens, et portent charge à aucunnuy, les autres sont supposemens qui n'ont point de fondacion, les tiers sont vantises et exaucemens qui aultrui depriment.

Dont, pour amplier encore plus cestui article et l'accompagner par sentences plus couvertes, ditconséquemment en son quarante quatriesme article :

UUR

Affectez fort sa mort et sa ruine,

Et lui plaindez sa vie bieneurée,

Mais onc sur vous ne chut telle brusyne, Ne si amer ne dolante pluyne,

Comme en sa mort vous sera préparée;

La quelle après avoir assez pleure,

Vous congnoistrez à cop par veue experte, Com doloreuse en tournera la perte.

Comme s'il voulsist dire que ce feust l'how neur et le soustenement de France e* ‘esto:i'ù

SUR VÉRITÉ

tremontane dont tout se gouverne ; et si ne savons qui il est, car nous n'avons que ung roy et autre ne nous loist congnoistre.

ENTENDEMENT

Dame, se à toy cuisent paroles que tu littéralement entens, et n’encerces point les racines dont elles procèdent, à moy ennuient aussi les déclaracions , les quelles, si j'en veuls user bien, flottent tousjours et se plongent en matères odieuses, parce que le fondement de nostre matère présente est odieuse en soy; et nes'y peut faire édifice, tant soit juste en compas, que l'ouvrage en plaise ne d'une part ne d'aultre. Toutesvoies je t'avoie prié aultrefois, que tu mesmes meisses la raison devers toy, et qu’en escrutinant les matères en leur parfouttu en feisses le jugement au plus près du sain:

Or n'as ce fait; mais me vas impugnant*

tousjours en mes solucions, comme se tu me voulsisses prouver menteur ou homme sophiste qui n’a que apparence de couleurs et point d'existence ; de quoy toutesvoies les solucions bailliées sont preuve du cas et de ce qui en est, et de quoi la réalité mesmes de nostre matère radicalement me donne assistence. Mais comme j'ai dit : Sur mauvais fondement ne peut-on faire édifice bon. Encore le redis-je, car nostre matère à tous lez est fondée sur hayne et envie, repreuves ct accusemens ; si n'en peut estre l'ouvrage que contencieux, plain de rumeurs et de desplaisirs, tant aux arguans comme aux voians , nonobstant que faire en convient son pourfit chascun endroit soy, le plus bel que porra.

Dont moy pour la part de l'acteur du quel je congnoi le bon vouloir, ay entrepris de le deffendre à l'encontre de ses indignans; et 10Y, pour la part des François qui se deullent de ses escripts, de le mettre en question sur l'entendement de ses clauses, comme maintenant, après en avoir jà fait grand nombre, tu lui reproces ses aigreurs qui

tondis se contiruent et vont en montant, et

lui imputes charge de us sur l'onneur des François, quand il affirme et juge

Ææstre tout cler que l'on désire en ce royaulme

la mort de ce duc sur tous aultres hommes, avec les autres clauses qui y sont : Dame, combien que ce langage ici est dur pour en tenir question, et que mal se peut vuidier sans rongier au chanteau de quelqu'un, si dois-tu entendre : Que les fins de tous ouvrages doivent estre du mesmes de leurs principes , et que les moyens qui sont entre deux ne peuveut estre autres que de la nature des extremités. Se l'acteur eust encommencié une euvre de douce et aggréable ostencion , il eust quis les moiens tels que scrvir peussent à l'exécucion de sa fin, comme aultresfois a fait, à la haulte exaltacion de vous autres que maintenant il deprime. Mais ore a-il esté point de matère de rigueur; il a eslé vexé en corrage de passion conceue ; et pour icelle vuidier à intencion de fruit, il a composé son oeuvre à la mesure et qualité de sa concepcion. Là où présentement en cestui article, en ensievant son pourpos, il maintient et declare, que l’homme de ce royaulme qui y est trop, c'est le duc son maistre, le queltoutesvoies est le prince du monde en qui le plus à d'onneur et qui mieulx y est séant vivre, l'acteur, dame, parle par manière d'induction qui nait des prémisses; et lui samble que, selon les choses alléguées dessus, que vray dit. Il parle aussi après aultres assez plus d'ung , qui ce mesme racontent et maintiennent. Il parle aussi par expérience des choses faites et dites, qui ce mesme cas vérifient et appreuvent. « Dont ce lui est doleur, ce dit, et passion que ainsi en va, et que une si noble généracion comme est celle de France se soulle et se ternist en une si noble nature d'omme. » Et est voirement cas de pité et de triste effect, quand, par envie ennemie de tout cler tiltre, haulx et nobles cuers d'ommes abusent de leur debvoir , et que ce que deussent amer et honnourer, ils le contempnent et depriment, et quié- d rent voies et moiens de le persécuter. Dont ce n'est mie merveilles se beaucop de meschiefs adviennent et escandres, quand si faites et si plorables en sont les causes et racines.

Or doncques, pour venir à l'intencion de l'acteur que tu accuses, dame , de adevinemens sur les François, l'acteur respond que non.

Mais est son dit fondé en vérité een preuve,

b72 parce que tout cler est que d'amour n'y a-il nulle envers lui, mais envie grant, et par conséquent hayne, de quoy la fin est mort.

Dont se vray est qu'il y a des conspirateurs à l'encontre de sa personne, y a aussi des souhaideurs de son meschief, qui est fin ultime d'appetit mauvais. Si ne ment mie l'acteur, combien que cela griève à cuers ennemis, quand il dit, « que l’onneur du monde faudra javec lui quand il morra; mais dit chose véritable, quand ton roy mesmes, l'aigle du monde et le plus hault prince, autrefois par ci devant a confessé propre, là où en parlant de lui par humilité , plus que par son mérir, le jugeoit le plus vaillant chevalier de. sa maison, et en qui plus avoit d'onneur qu'en tous eulx ; en quoy 80y jamendrissant en dessoubs de son moindre , se fit exalter tant plus comme plus se humilioit en devers ce lui dont il estoit plus grand. En est demeuré toutesvoies le mot en la terre, qui jamais n'en part. Non pas que par tant l'acteur le juge meilleur de celui qui le loe, mais bien il conferme son honneur, et appreuve par dit de si noble boucc ; et par ce aussi que vraisemblable est, que ung si glorieulx mot ne feust parti jamais de bouce de roy, qu'en verité et précédent merite. Si en maudis bien fortune et les mauvais hommes, qui ont mis l'obstacle entre deux, qui jamais, à leur haulte felicité, à leur merveilleuse joye et consolacion, à leur perpetuelle gloire et salut, dame, à l'expectacion de leur mort plus doulce et mieux contentée, et à la parfaite et toute entière béatitude de ce royaume branlant, ne se sont entreveus ensemble, ne se sont entresentus et conjois en leurs deux nobles natures, en leurs nobles glorieuses et vertueuses condicions, qui en leur adjonction eussent espanouy Cuers, commeu vaines et entrailles , converti sang et racines en fleuve de lermes, qui tous par habondance de joye se feussent resolus en pité. Si en soit maudite l'eure, et l'ennemi d'enfer aussi qui à ce noble royaulme ne mesmes à eulx propres n'a volu tant de bien, sans le quel tout n’a esté riens qui fait est, et par le quel tout eust esté intériné en union indissoluble , qui maintenant est dissolvable par une legière entreférue , senestre et de maulvais accident. Dame,

EXPOSITION

doncques ce n'est mie pou de chose que d'ung corps honnonré; ce n'est mie perte petite en ung royaulme , de perdre ung proud'omme de tel estime , ung tel chevalier, le quel, se François l’eussent volu traictier bien en l'absence de leur roy, ou en son commant , il leur eust esté champion et tuteur, présentacle de sens et de vertus, à l'encontre de toutes nacions foraines , dont le bras seul autrefois a valu mille chevaliers.

Doncques et se l'acteur dit après comp'aignamment

Affectez fort sa mort et sa ruine Et lui plaindez sa vie bien eurée,

n’est de merveilles s’il chiet en ces termes, quand il le congnoit si pou grevable à vous aultres, si pou contraire à vos felicités, mais par contraire tant propice et bienséant à vostre durée et regnacion, au décorement,de vostre hault glorieux throne', là où se fust trouvé paix, se vos faultes ne fussent; nos pas pour amendement de sa fortune , non pas pour ampliacion de sa seignourie, mais pour ostencion de sa très-ardante, charitable et toute, humble affection de sa nature, noïéc toute et plongiée en léauté, liée et restraiate en honneur et en toute condicion séant à noble homme. Parquoi, non sans cause dit l'acteur : que quand on le perdra en ce royaulme, il s'estaindra en son throne l'estoille qui plus cler y luist, et de qui plus tost on se percevra de la faulte emprès le soleil, qui est le roy dont les autres prennent lumière. Dame, doncques contente toy de cestuy endroit, et ne te arguë à l'encontre de ce povre acteur, jusques en plus aigre et plus estroite cause que ceste n'est. Tu le trouveras à but ; car ne dit chose que raison ne te face congnoistre mesmes, et qui bien entendue ne tourne à 4a

grant joye propre.

YMAGINACION

Sire ENTENDEMENT, j'entens bien ton cas. Tu fuis tousjours et recules arrière du dangier ; et ne veux bouter ton doigt, ce me samble, au pertuis estroit, de peur que tu ne l’enretires non sain. Tu fais sens, se par ce moien tu

SUR .VÉRITÉ MAL PRISE

ainsi peus évader le péril, et si estroites et cuisantes matères parer par telles eslonges.

Or ça, se vraies sont et justes, vraies soient; et se autres, tu demeures en la fange de ton mesdit, et nous en la lésion. Appert bien toutesvoies que tu redoubtes forment tes escrips, quand par si subtiles voies et circuicions foraines tu viens à l'atoucement de la plaie , et nous fais à croire qu'elle est nette et curée, et y sentons toutesvoies le remain de l'ouverture. Et ne nous semble pas que tes ongnemens suffisent pour icelle curer, parce que nostre lésion est trop parfonde, et la plaie trop meurtrièrement faite d'ung poinchon merveilleusement agu et delié. Si me semble que, quelque chose que désormès je te propose, jà n’en tirerai aultre fin; tousjours tu te sauveras en tes subuillités, et ne venras jamès à regéir nulle offense; si me vaudroit mieulx taire que de maintenir cestui estrif, là où toudis tu veulx avoir droit. Au fort , voise comme il peut ; et je te parorerai jusqu’en la fin, puisque si avant sommes , el tu me assouffiras en mes difficultés autres qui encore restent, les plus périlleuses de meshuy. Mais maintenant, sire, à quel conte vient l'acteur droit cy faire une grant héraudie des loenges de son maistre , se Ce n'est à intencion couverte de voloir deprimer aultrui , et donner à congnoistre que riens n’est qui l'approce? Tu scés nonobstant ce, que toutes comparaisons entre personnes inégales sont odieuses, et cuist au plus grand ce qu'est donné à son moindre oultre mesure. Ton homme nous en fait cy, ce semble, ung dieu immortel, et que les noef preulx à pou nc sont que ses pages. Dont lui procède ne ceste haulte glorification, dont meut à ton acteur de lui baillier ces haulx tiltres, après nous avoir dit des injures beaucop, se ce n'est à entendement de nous faire obscurs et noirs emprès sa splendeur? Déa! nous créons bien que ce soit ung gentil chevalier et ung vaillant prince, mais non pas de si baulte exaltacion comme il. le fait. « C'est, dit-il, l'honneur du trésor du monde. C’est, dit-il, le miroir des rois et des princes. C'est, dit-il, la perle des régnans, l'aigle et soleil qui survole tous les bons de son temps. » N'y met exception nulle ; mais dit que nul n'y peut

estriver au contraire. Que diras-tu , ENTEN- DEMENT, de cecy? Est-ce cas qui appartiengne à faire? Est-ce chose qui duise, d'extoller tant ung homme, que autres s'en pevent sentir foulés? Beau sire, que tu m'en appaises ung peu , et que tu me donnes l'entendemeut de ces quatre coupplets, qui font, tous mis ensemble, quarante huit articles.

- C’est le trésor du hault honneur du monde; C’est ciel en qui oncques n’entra reproce; C'est le miroir de noblesse parfonde Là ou proesse et vérité habonde Plus qu'en la terre ailleurs n’en ést comprise; C'est celui seul qui lame a toute esprise De léauté envers Dieu et tout homme,

Et dont la bouce amende qui le nomme.

C'est le miroir des haulx roys et des princes i C'est l’outrepas ouvrage de nature ; | C'est le reclaim des longtaines provinces,

Où les faveurs de fortune non minces

Passent en don toute autre créalure ;

C'est icelui en qui toute ouverture

D'amour divine est tournée et perfuse

Qui meilleur scet monstre que je m’abuse !

C’est des regnans la perle et l’outrepasse L'aigle et soleil qui tous les bons suriole, Voire en son temps. Qui voudra le me passe.

Mais jà pourtant , pour deul qu'on y compasse, Je n’en faindrai ne lettre ne parole,

Car tant s'y est resplendissant son role

Là où sa gloire est painte et engravée,

Que riens emprès n’y peut meltre estrivée.

Meure et s’en voist quand il plaira au Sire\ Rendre une fois lui convendra ses armes.

Mais tant dis bien’: que France et tout l'empire Y perdront tout eten aront du pire,

Êt en plorront plus que ne pensent larmes :

C'est le vrai père aux crestiennes armes,

Et qui de vous prent plus soing et chaloir.

Mais ne poez l’amer ne bien voloir. |

ENBENDEMENT.

Dame, ne m'est guières de resumer les

| EXPOSITION

argumens que tu m’as fait présentement tou- , n'est causée en vous fors de sa béatitude,

chant eslonges et fuites que tu m'as impuées, car je n'en quiers nulles. Je quiers solucions véritables et clères de cestui povre homme icy, qui grossement el sans viser à mal, a produit, à intencion de bien, ce quien est, imaginant en lui mesmes que hommes raisonnables, tant fussent-ils haulx ne grans, peussent et deussent oyr et souffrir dire vérité, veu encore que vérité procède de Dieu; et n’en est nulle , tant soit aigre ne estroite, qui de Dieu ne prende sa deppendance. Dont, par considéracion que tous sommes à Dieu, et tous conjoins et unis en une foy, pensant que vérité reboute erreurs, comme le soleil les bruines, se est bouté cestui hommes en spéculations véritables, lesquelles matérialement conceues, les a mises en escript au plus près du vir, espérant que par la clarté d'icelles beaucop d'erreurs se purifieroient , et en devendroient les yeulx et les entendemens des hommes plus sains ; lesquels, par contraire de son espoir, en sont devenus Lousindignés, plusempeschiés et plus ténébreux que par avant; comme Dieu souffre , et veulent, espoir, les aventures du monde, qu'ainsi en soit. Dame, doncques, puisque vérité ne quiert nuls angles ne absconsemens, ne luiest besoing aussi, pour estre soustenue, de quérir nulles fuites sans venir à réale responce : ou aultrement vérité aroit honte de celui dont elle part et en qui est tout son relour, ce que non a; mais elle est baude et fière de soy comme lyon, et de sa nature victorienne et confonderesse des cuers doubles.

Pour venir doncques à la matère en son continuer , tu me demandes qui meut l'acteur d'avoir fait ces haultes loeuges de son maistre, qui à beaucop de plus grans de lui et de meilleurs regnans? Dont, pour solucion de ceslui point : et je te redemande à toi mesmes, qui est-ce qui a meu vous aultres François prendre et congréer l'envie et la hayne à l'encontre de luy de si long temps? Contente-moy et me donne solucion de cestui cas, et je te donrai promptement après la solucion du tien; ou se tu ne veulx respondre, moi mesmes ferai les deux personnages, et je respondrai pour toy.

Vostre envie ancienne, dame, et nouvelle,

de la grace et superéminence de gloire que Dieu lui a donné en terre. Dont courciés en corage couvert aultrefois avez quis à restraindre icelle par rudesse et comprimer par haultaines bien estranges , comme dame MÉ.

MOIRE, au commencement de nostre convencion droit cy, a suffisamment donné à congnoistre. Doncques, se tu veulx sulucion de‘ta demande , quiers-la en la racine de ton vice ; car l'envie que tu as ne te procède qu'en la perception que tu as de sa gloire. Bien entendu que envie jamais ne se congrée contre ung meschant.

Dont , et se plus avant tu quiers solucion, et que tu ne le contentes de ceste icy seule, vez n'en cy une aultre qui moult est vive, et qui te pourra suflire se tw entens raison. L'acteur droit cy a regardé à deux choses :

l'une si est , que Francois contempnent ceste noble personne de prince, comme feroient une chose vile qui est digne de contempcion, qui en lui toutesvoies n'a riens qui soit contempnable; l'aultre si est, que François lui dounent et imputent charge qui lui touce à l'honneur, et le quel lui est plus chier que sa vie. Pour la première considéracion , l'acteur veullant remonstrer ceste contempcion estre mal causée, met les causes par les quelles fait à exto'ler. Pour la seconde, veullant rebouter leur erreur, afferme et pu- Llie les haultes condicions et clartés qui y reluisent, tout en contraire de leur maintenir. Non pas que ceil face en ravalement d'autres, non pas que ce lui proviengne par hayne en nulles glorieuses personnes , ou pour flatter les oreilles de son maistre en son vivant ; mais par vraie et vive vérité en lui congneue :

que la personne de lui est nette, pure et incorrompue envers honneur, et clère et glorieuse entre tous aultres en toutes nobles et excelses vertus et bonnes volontés, dont maintes a monstrées et donné à congnoistre par œuvre et par effect, ignorées peut estre ou non recongneues. Par quoi, se l'acteur lui baille excellence de tiltres, ce ne m'est point estrange , quand il, y perçoit les singularités qui les mérissent , et qui en autres lieux beaucop ne sont pas communes. Dont, comme ses envieux contendent aigrement à le déprimer,

SUR VÉRITÉ

il, pi eontraire , content aigrement à leur ;

en rongier l'ongle , et le mettre en hault siège, tendant tousjours à telle fin que de réduire, par vertu de vérité, les cuers errans à cohgnoissance de leur salut et de propre honneur.

Si ne fault exposicion nulle sur ces quatre coupplès, autre que la littérale ; car ne sont que exaucemens et loenges de sa personne, qui toutes s'entendent sans y exposer riens, réservé seulement, comme la protestacion porte au premier : que l'acteur ne comprent nulle part la personne du roy, à qui il congnoit son maistre non voloir estre équiparé. Non faitil à"nuls autres ; car se humilie enverstous, jà soit ce que l'acteur de soy mesmes nulles aultres n’en excepte que la seule une de qui il ressongne les comparisons. Parquoi, là où il dit : que c'est l'aigle et le soleil des bons ; que c’est la perle des regnans ; que c'est le miroir des roys et des princes; que c'est l’onneur de France et de l'empire; que tout noble cuer devra pleurer et complaindre à son decès : l'acteur l'entend si précisément en termes d’onneur et de devoir, que riens de ce qui au noble roy françois touce n'y est déprimé ne compris, mais iui redonde en aide et confort de son glorieux throne , qui tant plus sera cler et luisant comme plus il recevra décoracion de précieuses pierteries,

Dit l'acteur toutesvoies, en la fin de son quarante huitiesme article, ung mot cuisant que je sçay bien, dame, que tu l'as noté; et est, qu’en lui donnant l'issue de ces loenges, il dit : que c’est celui du monde qui plus prent cure et soing de l'honneur et félicité des François, mais ne le pevent amer ne luibien vouloir. :

Quant au premier point, l'acteur dit bien et si dit vrai; car ilen prent et a pris soing et cure, voirement de tout temps; et ce a bien volu monstrer, non pas en ung endroit, mais en cent, comme le plus léal vrai François qui vive; et a fait son devoir en ceci, et ouvré de noblesse de cuer et de nature.

Mais là où il dit : Que amer ne se pevent; cela dit il impropéramment, parce que telle rétribucion est injuste, et que aultrement debvroit estre recogneu comme proud'omme st léal, qui, seul après le roy, peut miculx inonstrer sa francise et libéralité quelle elle

est , et quel escart aussi 1l porroit faire, quand voudroit, ès ennemis de ce royaume, des quels il n’aconte guières, se ce n'est que constrainte et compression de vous autres forcéement lui en donnent cause, qui dur lui seroit. Mais mort est plus convaitable à homme glorieux que foulure.

FRANÇOISE YMAGINACION

Voirement monstre bien ton homme que las n’est pas encore de mordre, et non pas tant seulement par ce que tu as dit maintenant, mais par ce qui ensieut et naist de celui après, là où il dit :

Ains par doleur de sa béatitude

Et de ses haulx très glorieux affaires,

Vous vous souffrez armer d’ingratitude

Et parti prendre , et publique habitude

Non trop honneste avecques ses contraires. ) Boutez avant , mais ne soyez ignares

Que tache et maille en perle, quelque soit, L'œil iuge tout et papier le reçoit.

Peut-on plus manifestement reprendre gens, ne les corrigier de mesus? Avis m'est que nenny. Or respons Cy ENTENDEMENT, el y sauve ton homme, s’il y chiet

ENTENDEMENT

Dame, quel sauvement y quiers-tu, fors celui qui mesmes se tire de vos fais? une chose est ou non est. Se vos gens ont fait chose qui face à reprendre, pourquoi se veullent-ils doloir de répréliension ? Pense homme oser faire aulcun mal , que homme autre à qui ce mal touce ne s’en doie oser doloir, et reciter le cas quel il le voit? Les alliances que aulirefois avez quises et prises, et que Dieu sensiblement a rempues et cassées en équité de son jugement, et n'en estes de fien convertis pourtant, ne sont elles évidentement procédées de hayne à l'encontre de ce no: le prince, et par volenté de le grever par celui que vous sen tiez estre son contraire , -en la querelle de Luxembourg dont la concernence ne venoit

jusqu'à vous , si non en tant que vous l'accep-

tiez de volenté, non de raison, et que ce |

vous estoit plus agréable de porter le fait d'ung estrangier , vostre très loingtain non bien aidable, que celui d'ung vostre prochain, à vous autres tous en ung mesme desgré de sang , qui avoit droit pour lui, et vous peut venir, au son d'une trompe, contre le remanant du monde.

Semble-il doncques aux François que l'acteur ayant cecy considéré, n'ait deu avoir hardement de vous blamer en ce en quoi il vous a veu avoir le har dement de faire cas blamable, et trop plus notoire que ne voulsist; car n'est vivant homme qui aultrement l'ait volu interpréter. Dont, ce poise moy, dame, quant à ma part, que constraint suis de maintenir estrif droit cy en cestes ruineuses et corro sives matères, qui mesmes me font fremir quand je les touce. Mais toutesvoies, afin que l'acteur ne demeure enraquié en ses propres escripts et que la justificacion appère que riens n'ait fait sans cause et à bon tiltre, je le pare et excuse, par Ce que je y puis percevoir honneste et véritable. Dont se après il adjoint : « Boutez avant, etc. », ne fait chose contre honneur, quand toutes les choses du mende qui se font publiques, bonnes ou mauvaises , sont toutes conceues ès humaines visions, et escriptes en livres, là où en quérant les précieuses pierres et margarites, l'en ‘rouvera qu'il y ara maille ou macule, lors où celles qui se seront contregardées nettement seront les plus exquises.

FRANÇOISE YMAGINACION

Déà! ENTENDEMENT, combien que je me passe de répliquicer sur toy, ne me acorde pas, pourtant à estre paiée de telle monnoie que tu m'offres, mais la reçoy au fort, à tel pris qu'elle vaut. Mais que diras-tu cy après de ton homme, qui en son cinquantiesme article met

Luy seul vous put, luy seul vous est à hayne Luy seul vous est rebout de vos paroles, Luy seul vous est vostre amour plus loingtaine Et de vos yeulx la douleur plus prochaine,

EXPOSITION

Voyant vers vous ses nobles

Or Dieu gart tout et les sains et malades Mais quoique cy la chose pou vous monte, La fin ailleurs en requerra le compte.

ENTENDEMET.

Ha! dame! paix, droit cy.Je t'entends bien.

Je ne te veul souffrir faire question en vain, là où je puis prevenir à ton demander.

Quiers-tu contentemens de ta demaudg? va et t'en retourne à Vendome, là où tu trouveras vivement escript le contenu de cestui article, et les causes et raisons sur lesquelles est fondé, quand oncques ambaxade de ‘prince ne fust si froidement traictée comme estoit lors celle qui y estoit de par lui; et par la recepcion de qui se pooit percevoir clèrement quelle amour il y avoit envers elle ne envers celui de qui estoit trammise ; et là où le procureur royal, présens tous les princes et pers, touçant pluseurs articles graves et pesans, chargea icestui duc de désobéissance, et luy imputa pluiseurs grans cas, cuidant le confondre, et faire animer contre lui toute la congrégacion des seigneurs, avec très froid et très povre exploit en autres matères, après la demeure de six mois. Parquoy, se l'acteur dit après, par pitié et compassion du cas, qui est de si mauvais espoir :

Or Diéu gart tout, et les sains et malades Mais quoi que cy la chose pou vous monte La fin ailleurs en requerra le compte,

dit bien , car il entend que : jà soit ce que droit cy on se seuffre du plaisir et voloir des hommes, qui tel fois est moult sauvage , ailleurs toutevoies se convendræil trouver, là où compte sera rendu du tout, et du bien fait et du mal fait, qui est la darnière et certaine expectacion des justes et innocens, d'avoir droit et bon jugement ‘de leur tenu tort.

Et belle dame! et ne dit bien l'acteur apres, en son cinquante uniesme article. |

Qu'est en ce monde ung empereur en glocîre?

Et envers vous, le plus humble qui vive, Qui seul essourt l'onneur de vostre histoise Parsus le ciel emprès la sienne noire,

SUR VÉRITÉ MAL PRISE. 377

Ft ne re prise une poire chetive ;

Mais seul content en vertu pure et vive, De vous gaigner le cuer et amollir,

Foar mesmes soy parer et embellir.

L'acteur met sa haulte exaltacion glorieuse, qui est tant en fortunes comme en nobles opéracions ; et puis met sa très parfonde humilité, qui est en sa vertueuse occulte personne. Et veult donner à entendre l'acteur :

que icelle parfonde humilité monstrée en luy, vous doit estre tant plus de haulte reputacion, comme sa personne est plus haulte et plus grande et plus occasionnée d'estre fière , nonobstant que, pour nulle fortune terrienne, ne pour joye de sceptre impérial sur le monde, son cuer ne se peut ne ne veult enfiérir devers vous, ne se voudroit exalter ne roidir à l'encontre du throne où il prist estre, mais ploier et decliner en terre , envers le giron don il prend ultre et gloire.

Et donne bien à entendre cela l'acteur, par ce qu'ildit: qu'il a mis peine d'essourdre etfaire voler la gloire de ce royaulme par dessus les cieulx, non réputant riens son povre fait emprés le vostre très excellentement recordabie. Doncques, n'y à point de presumpcion en luy qui vous cause indi::macion ; n ya point d'orsueil qui le juge soy descongnoistre; mais y à parfonde humilité, par laquelle il contend de tout temps de vous vaincre et gaiyner, pour mesmes se parer de . vous et faire glorieux. Pour la quelle chose monstrer encore plus distincte:nent, dit en outre en sun cinquante-deuxiesme article.

Non serf à nul, tout subgect se présente - Graut emprès tous, tout humble se répute.

Corps, biens, pays, pooir, vie présente,

N'a riens de bien qu'à vous il ne consente, Et pour servir vos haulteurs, ne députe.

Los, propre gloire il ignore et confute,

Et roide au monde, à vous tout seul se ploie. Quérez ailleurs qui si bien s’y emploie.

Et n'est vray ceci, dame? Recongnoi, te prie, en ung prince crestien ce que demain ou aprés 1u recongnoisiroies en un,; payen en pareil cas N'est-il non serf à tout homine , par loy de francise à lui accordée sa vie durant , at la auelle chose tu ne peus descongnoistre?

Et toutevoies , non serf par possible et honpeste, se présente et parofire serviteur et subgect, de libéralité cordiale. Grand emprès tous autres du monde, se répute humble envers vous; vous offre corps, biens, pays peuples et possessions ; n'a rien qu'il ne dé pute et habandonne à vous servir, et à estre converti tout et exposé en vos haulx glorieux affaires; soy mesme il se ploie et appétisse , il se ravale et confute devant là où il honneure ; et roide à tout aultre du monde fors à vous seul, il se prosterne devant vos veulx pour glorificr soy mesmes.«Quérez, dit l'acteur, ung aultre ailleugs, qui si bien s’y acquitté »; comme sil voloit dire : « Vous n'en Lrouvercz point. »

FRANÇOISE YMAGINACION

Les mots sont beaux, mais les excusacions sont povres. Si est peu de fait de parole, là où l’opéracion se monstre si froide. Quoique dient les hommes , les œuvres appreuvent les corages. Tu m'as cy donné de mos emmiellés, de paroles farcies de sucre, dont lantust après et en l'instant le venin se descoeuvre tout cler; car tout si tost que ton homme, que tu taut prises, vuide des termes que tu as dit droit cy, il rechiet arrière en repreuves et en arrogans parlers tous contraires des autres devant. Et dit en son cinquante-troisiesme article l'acteur : que jàsoit-ce que son maistre se monstre si humble e! si eulier envers nous, toutesvoies ne le fait-il point par crainte qu'il ait de nos personnes, ne que envers lui nous aions desservi de soi monstrer si humble ne si lire comme il a dit; mais le fait seulement en vertu de noble corage dont il est maistre et vaincuer, pour nous monsirer , par vive opéracion el exemple, que saug , nature et raisou sont en lui, non pas orgueil et venin. En quoi samble voloir dire l'acteur : « Ce qu'il en fait, il le fait comme bien ; mais si est-ce de sa vertu et francise , mais non pas par crémeur de nullui, ne par devoir aussi, qu'il ne s'en passast bien s'il voluit » ; qui est povrement ensievir les paroles ici devant remonstrées, qui strvent plus à injure que les aultres à bonne acceptacion, comme tesmoigne ce-tui coupplet :

Non pas pourtant que crainte à ce l'oblige, Ne qu'envers lui en ayez graud desserte

De soi monstrer si entier ne si ljge,

Si non que propre il s’humblie et corrige

Par sa vertu et sa hauteur experte,

Pour vous monstrer, par raison tonte ouverte, Que sang , nature et raison sont en lui,

Non pas orgueil ne venin enfelli.

ENTENDEMENT

Dame, à ce que j'entens, encore n'est pas ta suspicion bien résolue, quand, après tant d'esclaircissemens fais sur ung cas, tousjours tu L'arrestes sur choses legières. Dont il convient . par tes scrupules qui n'ont point de lieu , réitérer deux fois une chose jà dite.

Dame, n’y a point ici d'arrest ; et n'y a riens qui repugne aux beaux mos de devant, se tu veulx parfonder à demi ce que tu ne regardes que superficiellement par dehors. Tu t'esmaies arrière et te sembles troubler encontre cest homme , qui mettant humbles langaiges et savoreux, tantost refiert d'une queue poignant plaine de venin , comme tu dis, et ayant monstré manières de dévocion extériores, descoeuvre le fiel de son ypocrisie secrète. Et luy imputes charge de repreuve et d'arrogance parce qu'il dit :

Non pas pourtant que crainte à ce l'oblige, Ne qu’envers lui en ayez grand desserte De soi monstrer si entier ne si lige.

Dame, droit cy je te vais respondre par ordre contraire à l'assiette deil'acteur ; et lesse la crainte dont il parle premier, ét viens à la desserte qui se touce en la ligne seconde.

La desserte dont l'acteur parle, est tout évident quelle elle est. Se les choses devant mises par l'acteur sont vraies et réalement avenues, les dessertes aussi toucées droit cy sont de tel effect comme l'acteur les y entent. Mais les entent-il petites et non dignes de grant rétribucion, quand les choses de dessus alleguées sont de petite et sobre amour , et encore de moindre mérite. Si ne convient point aller de deux à trois. Muis pour férir au vif, ains tost que tard; dame pren ton-retour à la journée de Vendome, e, ennsidère droit là quelle desserte il y peut avoir, qui doie causer ce duc d'en faire

EXPOSITION | haulte rétribucion. Retourne après à Théon-

ville, là où François lui envoyèrent menaces en barbe, pour lui r'oster ce que glorieusement a conquis à l'espée. Retourne arrière à l'alliance faite avec le roy Lancelot en son contraire, de qui main encore vous, François, tenez ‘enonglée la querelle de Luxembourg.

Retourne après au roy des Danois, le quel, lui faisant offre de cinquante mil hommes , à son siége de Deventer, pour entrer en la conqueste de Frise, vous François, vous lui avez soustrait maintenant; sans autres encore grans cas semblables que je céle pour l'eure, et n'en veul faire pois, pour ce que à trèsenvis je me boute en ce destroit par la pité qui yest. Toutevoies, dame, combien que toutes ces choses icy allepuées soient de povre mérite , de povre pris, et de piteulx effect, ne veult toutesvoies ce bon prince rendre mal pour mal, austérité pour orgueil, ains remettant tout en la main de Dieu, et dispensant en humaine fragilité le plus que souffrir en peut, veult rendre bien pour mal, devoir pour maulvais acquit, honneur pour desdaing , service pour menace, et donnant voie et auctorité à noble nature, se hunilie et supploie à raison vertueuse , là où il voit que honneur l’oblige de le faire , et que nature l'en semont. Dont, s'il ne vous honnouroit et servoit qu'en la qualité que vous le desserviriez envers lui, n'y aroit point de mérite, car ne seroit que eschange d'une chose pour aultre, tant à tant; mais, en ensievant l'exemple de nostre rédempteur Dieu et homme, il vous affecte et honneure en celui point, où gist le vrai mérite; c'est en celui estat où il vous perçoit non estre guières affectés envers lui; et dit: « Là il espreuve sa vertu, il monstre sa vraie bonne inclinacion, et ne desmeut point sa noble ancienne nature , que prise a au tronc là où il affecte, comme veullant sievir tousjours honneur et léal debvoir, et mettre Dieu et toute équité par devers lui. »

Or venons à la crainte. Dame, n'entens-tu que crainte se distingue en deux parties :

l'une si est, une crainte servile par la quelle les moindres redoubtent le: princes tirans; et n'est pas icelle méritoire au portant, ne fructueuse aussi ne contemplative à qui la

QUR VÉRITE MAL PRISE.

teçou, Car elle est sans amour : l'aultre crainte si est, qui se appelle filiale, et est celle qui procède de vrai cuer aimant envers l’autre que l'en répute d'gne d'estre amé. Si est ceste fondée en racine d'amour vraie, en ardeur de dilection, comme qui toutes deux ne pevent estre l'une sans l'aultre, ne icelle des deux se desjoindre de sa compagne , que l’aultre ne perde son eflicace.

Ceste cy est la cremeur, dame, dont Dieu veult estre cremeu des hommes, quand, par icelle congnaistre en eulx, il y perçoit ce qu'il y quiert : c'est vrai amour. D'amour servile ne cremeur ne tient compte, parce que ceulx qui de ce le servent ne l'aiment ne ne doubtent que par paour qu'ils ont de sa puissance, de sa rigueur estroie, de sa vengence droiturière ; car autrement se passeroient de lui, ce leur sembleroit, pour ce que vraie amour n'y est. Or dame, quand l'acteur dit, que ce n'est point par crainte de vous qu'il s'oblige ou présente si avant, il dit vray certes ; car en luy n'a nulle crainte servile, par laquelle il redoubte nullui. Il ne craint ne ürant ne tirande; il ne ressongn2 ne menace ne main mise , ne estroile compression ne estrainte ; il craint par amour non servile et si aime par amour filiale. Oncques ne se trouva en cremeur vers homme, que telle que a envers Dieu. Mais pour ce qu'il a en lui amour radical, que Die >3ngnoit et que les hommes ont peu percevoir assez, il a une cremeur aussi filiale, de laquelle ne se veult exempter, parce que connaturelle est avec l'amour de sa racine, que toi, dame, de par Dieu ! et vous mes seigneurs les François aussi, avez assez peu congnoistre s’il vous a pleu, et la quelle, quand la voudriez isnorer, n'est pas ignorée pourtant ailleurs ne faite en vain. Dont, et se vous les François affectez à savoir la vérité de ceste cremeur, si elle est filiale ou aultre , enquérez-vous et revisitez ses œuvres recommandables, là où il a monstré quel est son amour entre vous, ou filiale, ou servile, car là con’noistrez-vous sa cremeur maintenant dont il parole. Si porrez mordre aussi, et sai bien que le ferez, sur le cinquante-quatriesme article , là où il dit en apres :

Son fons, son cuer, son intencion toute, Sont en l'aspect de Dieu qui les regarde, Et sur iceulx il se confie et boute.

Et ne vous craint ne loute vostre route, Car Dieu, espoir, le tendra en sa garde ; Cuer net et bou n'a Lesoing qu'on le farde ; Mais qui l'a double infect et vicieux,

Là sont les neux durs ct suspicieux.

De cestui article, dame, je te veul prévenir en responce, premier que tu m'en boutes en argument. Or enten bien, te prie, à ma selucion, comment d'une chose qui mal sonne à cuers non parfons, je te feray sentir le gernon d'une favoreuse sentence non repréhensible, Quant au premier point, là où il dit : « Son cuer, son fons, il met tout en Dieu »; l'acteur ne dit chose à reprendre, mais dit chose méritoire à tout prince de faire ainsi. Mais là où il dit :

Et ne vous craint nc toute vostre route,

là est le point où il sembl-roit qu'il y eust assez parler arrogant et despiteux, par le semblant qu'il fait de non craindre nulluy. Mais, dame, il convient droit cy avoir plusieurs regards : Premièrement, que l'acteur icy ne parle en personne de nullui, fors en la sienne propre, qui, de maintes préinisses toucées dessus, fait ces conclusions telles qui enensievent, ès quelles , s'il y chiet avoir aigres ne précis termes à la nature du cas , n'est pas cela à imputer à autre nul que à l'acteur ; dont tontesvoies il se parera comme en propre personne, sans en lessier charge à nul aultre.

Convient regarder aussi que, comme le temps se juge par les vens et disposicion du ciel, que les choses futures aussi de ce monde se prévoient et conjecturent par la disposicion et gouvernement des seignouries aux quel

les le monde est subgect ; et préavisent les bommes l'ung l'aultre en celui endroit de leur prochaine infélicité ou salut. Comme maintenant l'acteur droit cy, considérant les misérables difficu'tés , les doloureuses machinacions et contendances qui appèrent, qui s8

"mettent sus et visiblement se monstrent, juge

en lui-mesme icelles devoir venir à tribulacion, tourner à batailles et à mortelles rumeurs, et non pooir vuidier autrement, si n0m

par contre-nature "parinopinable, par seule

. grace de Dieu, et par mort de personnes , en

quoi toutesvoies ceulx que congnoit iniquement vexés, innocens mesmes et Juslrs en leurs oenvres, mettans Dieu en leur tiltre, équité pour leur appuye , honneur et vertu pour leur deffense : iceulx, quand ce vendra en temps de tribulacion , il prononce fortifiés de la main de Dieu, asseurés à l'encontre de

: fortune, et évadables naturellement les périls

apparens, trop inieulx que ceulx qui, plains

d'apostumes en cuer, se trouveront mouveurs du meschief ; car luy semble que divine équité devra estre pour eulx, là où elle devra tourner en contraire aux traveilleurs des bons.

Dame, doncques, pour venir à la lettre de l'acteur et à l'entendement d'icellui : ne ditil vray quand il remonstre que le cuer, le fons et l'intencion de son maistre, tous gissent en l'aspect de celui qui tout voit et congnoit ce qui y est; et sur iceluy regard, qui par riens nulle ne peut avoir empechement, il se confie et s’y ose bien attendre, car sait en luy-mesmes que tout y est bien, tout y est net et léal, tout de nature et condicion de proud'omme qui ne quiert nuls broullis, nulles couvertes fins cauteleuses, nulles fraudes ne décepcions , riens seulement que paix, amour avec chascun, non quérant l'autrui, gardant le sien propre, non voloir grever et non estre grevé de nullui. Ceci est le fons de son cuer sur quoi il se confic; ceci est le secret de ses repostailles sur quoi il met son attente , et par quoi l'acteur dit, en justifiant sa personne : que ne vous craint, ne toute vostre route, que le doicztrouver autre; maisle gardera Dieu et le conservera à l'équivalent de son mérir et de son bon voloir. O YMAGINA- CION FRANÇOISE ! icy ouvre ton œil; ici regarde etencerce la profondité de ceste parole, s’elle n'est juste en soy et véritable, selle n’est raisonnable et honnestè pour estre maintenue, quand riens n'y a en terre subgect à Dieu, que tout ne sit conduit et prospéré de la main de Dieu de lassus, par plus et par moins, selon que par plus et par moins les hommes tendent à bonne équité et à bonne fin. La quelle chose considérée en l'acteur, dit

pour fin de cestui aruücle :

Cuer net et bon n’a besoing qu’on le farde,

EXPOSITION

non, n'a besoing qu'on lui baille pointure ne décoracion nouvelle ; non; caril est net et cler de soy-mesmes, et tel en son dedens que ce qui s'en monstre dehors lui souffist. Mais tels ne sont pas, ce dit l'acteur, les cuers qui sont doubles et vicieux; car là sont les neux et superfluités, là sont les froncles et les apostumes, dont se tirent les suspicions, dont se traient les périlleuses et doubteuses attentes.

Et met ce, non par regart à nullui qui peut avoir cuer tel, mais par contraire de celui qui est net et tout vrai, pour le monstrer plus luisant emprès son contraire, comme s'il voloit dire : « Qui que ce soit non net et infect, mon maistre est cler et sans reproce. »

YMAGINACION

Déa! ENTENDEMENT, j'entens bien tes excuses et les évasions que tu quiers par fentes terriblement estroites, mais aucune fuis tes paroles répugnent lung à l'aultre et se contredisent, comme droit cy en présent , là où tu dis : que ton acteur, parlant des cuers infects et vicieux, ne le met point par regard à nullui qui puist estre tel ; et tout prestement après, enson cinquante-cinquiesine article nomméement , il accuse les François; et comme il a volu jusuifier son muistre et le jugier de ben fons, tout au contraire il accuse et juge François estre pervers et iniques, et non avoir fons ne occasion que tout ne soit contamineux, mal sain et reboutable , disant :

Vous n’avez fons ne occasion nulle

Fors seule envie, ardant ensouffroiée

Qui par le monde univers vous recule,

Vos fais, vos dis, vos oeuvres, dampne et brule, Et vous acquiert triste fame ombroiée.

Dont, quand la sausse arez tonte broiée ,

Si sarout bien tous ceulx qui l’assaveurent

Quels mixtions ne espices y queurent.

Comment donc, ENTENDEMENT, n'est Ce pas répugnance droit Cy à ce que tu as dit, que ton homme n'avoit regart à nu!lui qui eust cuer infect, quand tout prest-ment, en vuidant de celle sentence, lui mesmes te desment par confession propre, lors où il dit :« Que ne avons fons ne occasion juste, fors seule envie ardant , qui nous dampue «t diffame par tout le monde , et en cui brussin et sausses que nou&

SUR YERITÉ

broions, tout chascun se porra percevoir clèrement quelles espices il y ara en la mixtion. » Il semble que c’est assez noter que nous avons cuer infect, et que l'accusacion y est toute volontaire et délibérément faite en cevers nous, comme la justificacion en devers son maistre y est produite à nostre impropère.

ENTENDEMENT

ame, et que puis-je mais, se auCunnui L'aproce de blame, là où je ne puis réparer l'oeuvre qui lui en est cause. Ja ne puis prévenir aux choses faites, qu'elles ne demeurent en leur qualité telles ou telles; mais je puis bien justifier personnes en leur innocence, non contaminées de faulte. |

Ce m'est dur, voir ! que la lettre de l'acteur a besoin de mon reparer; mais encore m'est-il plus amer de la cause qui l’a meu à escripre. Je n'ai, graces à Dieu! cuer gros à l'encontre des nobles François, par quoi je doie adhérer à nullui qui les déprime. Mais je désire bien à parer les aigres paroles: de cestui escripvain, qui aux François ne sont bien agréables. Si me pardonne , dame, se je parfai ce que j'ai commencié, car ne tens, mo, que à fin bonne, à fin de paix et de transquilité en ta conscience, et que les murmures qui maintenant, à cause de ces aisres escrips, te troublent en corage, soient applaniées ung pou et mises à néant, par bien donner entendre. Dame , n’en soit à toi tout le tort , ne à l'acteur aussi; soit my parti cestui fardeau, et en porte chascun sa porcion, tant du bien comme du mal. Peut estre qu'en prestant main à l’un l’autre, le pois en sera moins dangereux etla charge moins grevable chascun.

Pour gouvernement des choses humaines ne convient mais que discrécion : peser les matères , parfonder les causes, déterminer gravement, et vertueusement exécuter, et que chascunes privées personnes, pour parvenir à la congnoissance et distinction de toutes choses; mettent peine premièrement à congnoistre ce que c'est d'eulx mesmes, ne quel jugementils en porront donner véritable entre Dieu et leur ame; car là pist la racine première de sapience , le fondement de bien entendre et le commencement de bicn savoir faire à mesure; par les quelles choses toutes choses estables

et bonnes se pevent parmaintenir en estre,

. et toutes ruineuses ct déclinatoires de salut

relever et ressourdre.

Dame, qui emprendroit à faire d’une terre arbuste, d'une espèce forest, terre pour semer grains , ne convendroit-il avoir divers engins de fer pour tirer dehors et escharter les racines, et puis, icelles tirées à diverses labeurs, replanier la terre arrière, et remettre en disposicion arable ; certes si feroit. Pareillement est-il droit cy, dame. L'acteur perçoit aujourd'hui la terre françoise estre arbuste, durement plaine de superfluités nemoreuses, non bien cultivées et moins encore pourfitables à commune salut. Si a quis ses crocs de fer et havès, pour aller quérir les racines dommageuses qui empeschent la semoison, et les faire morir et sechier au ventre de la terre qui les produist , affin que la noble semence y viengne qui y est deu de nature.

Si ne le peut faire que par fer , parce que le fer rude et de rigoreuse matère est tout propre à la rigueur de l'ouvrage, et que vaincre et rompre convient fort pas fort. Qui est la chose, dame, qui plus s'aguise que le fer? ne qui est la chose qui plus perçant soit , ne plus aguë que parole ? L'acteur doncques, faindant parler familièrement avecques François, non pas par Contencion ne repreuvye , mais par argumentacion pourfitable , tendant à salut, et considérant eulx non avoir occasion juste ne tiltre honneste d'eux animer en contraire de ce prince le duc, ne de lui monstrer ne procurer ce que lui procurent et monstrent, est allé quérir ses crocs de fer trençans, ses bavès pointus et parfons, pour tirer dehors le fons de leur cuer les racines mauvaises qui y croissent , et dont les arbres et ramures qui en naissent sont ombrages de mort et de malédiction qui s’y embucent. Que pité est, quand si noble terre n’est arée et disposée au fruit tel que. nature y demande. Et ce voyant l'acteur, et tendant à y Voloir devenir essarteur, vient hardiement férir au vif des racines, pour essay s’il en porroit nulles eslocier; et remonstre aux François ce qu’il perçoit radicalement en leur fons, disant :

« Vous n'avez fons ne occasion nulle, fors seule envie ardant, laquelle il vous convient getter en voie et souffrir extirper. Pourquoi? pour ce

certesque avec le grief que elle vous fait mesmes, elle vous dampne, diffame et recule par t’univers monde. Et porra congnoistrechascun, quand tout arez fait et brassé, et longuement persévéré en ceste manière de faire, quelle raison ne quelle cause vous y porrez avoir , ne quelles sont les fins et conclusions que vous y quérez. » Ne dit pas ceci toutesvoies par repreuve, mais par advertissement de vostre honneur et salut, et pour vous donner à entendre ce que la généralité du monde vous impute en darrière. Dame, si bien que paroles flatteresses coustumièrement sont aggréables, si bien sont repréhensions aulcune fois de grand fruit ; et est langue de corrigeur médecine au prudent, lorsque venimeuse est et tacère celle du flatteur. Congnoit bien toutesvoies l'acteur qu'il ne luy appartenait soy bouter droit cy,ne de prendre une correction si aigre sur une si haulte et glorieuse nacion comme est celle des Frans, là où vertus et bonnes meurs sont comme en rivière poisson; mais ne peut estre la chose autre. Il convient ou reparer , ou nier. Nier ne peut; car l'ouvrage accuse l'ouvrier. Dont 1l convient reparement aulcun honneste et véritable, là où le nier ne peut donner à l'ouvrier sauveté ne fuite. Et pourtant, dame YMAGINACION, si comme tu poses sur les aigres mos droit cy, pose toy ung pou aussi sur le bon voloir de l'acteur, qui, par aigres voies parties de bonne ame, tend à fin de salut et de félicité, non pas à intencion de injurier, mais par affection de remonstrer en vérité estroite, ce qui à haultes glorieuses personnes blesse et messiet. Adjouste après encore l'acteur chose laquelle je pense bien, dame , que tu lièves bien hault, parce que arrière il accuse les François donner charge à son maistre, là où il dit :

à Vous imputez charge et blame importables, Dont à Dieu seul on remet les vengeances ; Et aggrevez par dis très lamentables Celui du monde où plus a biens notables Plus de vertus et moins de reprouvances, Et qui pour cent non miliions de Frances, Non pas pour Dieu ne pourgsan paradis.

£eire voudroit dont il fust enlai”'s

EXPOSITION

FRANÇOISE YMAGINACION

Holà, 2NTENDEMENT, tu me previens de cestui et m'en romps la parole; mais je te préviens maintenant d'un autre, et la te rendrai telle. Tu as dit vair! Certes, ton homme charge François comme il scet bien faire; et dit que eulx le chargent et aggravent par paroles piteuses et de grand pois durement, qui toutesvoies est le prince du monde là où reposent plus de vertus et de nobles meurs, et qui, pour Dieu ne pour nulle rien créée, ne voudroit faire chose laide ne contre hanneur:

ENTENDEMENT, Cecy il convendra hten que tu exposes , et que tu preuves en quoy François le vont accusant contre vérité. Mais quand ta aras fait cela , et que, à bien venir, ta raison y seroit bonne, si te trouveras-tu au plus haut péril de meshuy , en ung passage dont moi mesmes preng hide d'y geter l'œil; car n'a souffi à ton homme, parer spn maistre et le nettoyer de toute laideur ; mais vient, en son cinquante septième article, férir à gerge béant sur François généralement, et ne sceton sur qui ; et leur dit :

AOurnez, virez, perquirez ses légendes, Le.droit , l'envers de sa vie honnorée;

Mais en fouillant ses faultes et amendes Retournez vous sur vos propres kalendes,

Là dont lecture est assez proférée.

L'on vous dit bien : ciel et terre ont durée; Mais plus possible est demain tous deux rompre Que son hault cuer à mauvaisté corrompre.

N'est pas droit Ccy reprocié vilainement tout lethrone françois? n'est pas droit cy la généralité de France repprocée de faulte et de grand charge ? Où est la vertu en homme ne constance , où est la tempérance et fortitude , qui droit cy conseille estre pacient, comme de sentir telles flaques vilaines ruer au visage de nobles gens, dont oncques nul, et fussent-elles deméries, ne fut si constant que de les porter ?

ENTENDEMENT

Dame, se je povoie faire que ce &ai

SUR VÉRITÉ MAL PRISE

est fait fust non fait, tu n'aroies occasion d'entrer en cest argu, ne moi de me mettre en tes dangiers, là où tu contens de me tenir clos. Me poise bien toutesvoies, et le t'ai dit assez, que à dur et regret je me treuve droit cy, parce que nulle solucion , tant puist estre véritable, ne porra estre délitable à l'oye. Et pourtant en amasse-je mieux le déport, et que l'acteur, entre toy et moy, fust demouré cause de nostre non arguer. Or n'est-il autrement, et ne se pevent paroles revoquier, qui tant sont amples et manifestes partout que chascun les porte conceues. Si convient passer par cestui destroit que tu dis , ou y laissier l'acteur enfondre ; car de fuite ne d'eslonge n'y a-il point. Il y convient ou pendre ourendre. Constraint, dame, et contre cœur je me dispose à y passer parmi, en toi requérant que, à si légier que tu me verras passer oultre, que à si légier tu te veulles contenter de moy, sans moy y faire rentrer Cop après autre; car ne me plaist point le longuement y arrester sus, parce que l’activité courte t'y doit estre aussi agréable comme à moy propre.

Voirement accuse l'acteur François de chars ge que donné ont à son maistre à tort, de quoy marri, comme raison veult, le justifie et le profère celui du-monde où moins ‘a de reproce et plus de nobles condicions, par contrairé de la charge que à lui imputent. Dont, et qui voudroit avoir spécifié quelles charges : on regarde, et, preigne-on recort quelles on lui a données à cause de monseigneur le daulphin, dont ne mors, ne vivans, ne angels, ne hommes , ne le sauroient rattaindre. Car qui a mengié son pain, jusqu'à ung petit chanteau, en honneur et proudommie, et qui a mené son jeune flourissant éage volage et légier jusqu'au terme de haults glorieux vieux jours , tous nets et impollus, est vraisemblable et digne de croire, qu'envis terniroit la clarté de si longue régnacion glorieuse sur le bord de sa fosse; combien que vous, seigneurs françois, souventesfois et assez, dont c'est pité, lui avez donné des occasions assez légitimes pour le despasser ; qui toutesvoies s'est contenu méritoirement en vertu, là où excusablement et à tiltre honneste povoit traire à la voie oblique. Mais

plus s'y est porté bien, plus y est esprouvé bon ; et en tire tant plus gloire, quand, ne en dur ne en foible, oncques légièrement n'a obéi aux passions, jusqu'au dernier, là où coïistrainte d'onneur ou de péril le perforçoieht de soy deffendre.

Si a bien dit l'acteur voir :« que pour tout l'avoir et seignourie du monde, non pas pour Dieu mesme ne pour son paradis , ne vouldroit faire faute »; entendant que Dieu ne l'en requerroit jamais, et que paradis n'est point à obtenir par ce mesmes; mesmes sont faultes et telles opéracions contraires à Dieu et à salut. Dont, après l'avoir ainsi justifié par vos causes propres, il tourne le visage envers vous et dit :

Tournez, virez, perquérez ses légendes, Le droit , l'envers de sa vie honnurée,

Comme s’il vouloit dire : « Vous n’y trouverez riens qui à reprendre face ; mais ea foillant ses faultes et amendes, quand vous aurez tout quis, et riens trouvé,

Retournez-vous sur vos propres kalendes La dont lecture est assez proférée. »

Veci l’estroit point, dame , où tu dis que l'acteur charge évidamment François d’onneur mesfait, par ce qu'il dit : « Retournez-vous sur vos propres kalendes, sur vos propres fais qui sont escripts et enregistrés, car ceux-là vous feront taire d'aultrui. » Or, dame, ce qui escript est et tant publié, il convient bien quil demeure; et plus est possible de le réparer par bonne interprétacion, que de l'anéantir tout et estaindre par désavoer l'oeuvre. Kalendes, tu scés bien, dame, est une diction qui signifie mesure de temps générale sur tous les mois de l'an, et soubs laquelle les mois se distinguent l'un de l’autre. Or dit l'acteur : « Retournezvous à vos propres kalendes, aux heures, aux jours, aux mois des années passées , où choses diverses sont avenues en ce royaulme , et dont la lecture se peut trouver ès livres. Retournez-vous vers icelles, comme en qui vous. devez avoir vostre confidence; car sont faites et escriptes de ceu'x de vostre parti, de ceulx qui vous faveurent et masnifient, et qui vivent de vos gsuges et bienfais. Prenez vostre recours à iceles et les visitez:

mais vousn'ytrouverez rien qui blame lui soit ,

ne qui le repreuve de nul mésus. » Et n'entend |

point l'acteur , dame, blamer ne ung tel, ne ung tel, ne ramentevoir ne relever rien du vieil temps, tant soit pou ; mais seulement que dévez avoir recours à vos propres escrips et escripvains, qui sont devers vous ; dont la lecture, par ceulx qui en ont veu tant de deçà que de là, est assez proférée , est assez publique quelle elle est.Comme se l'acteur voulsist dire: « Je m'ose bien fier ès cscrips de vos propres historiographes, que vous n'y trouverez riens mal, non plus que nous. » Et monstre bien cela par la chose qu'il adjoint après :

L'on nous dit bien : Ciel et mer ont durée,

‘Mais plus possible est demain tous deux rompre}, ‘ Que son hault cuer de mauvaisté corrompre.

Là monstre-il bien qu'il ne vuide point de ses termes, et que tousjours a son regard en ung lieu, combien que la figure qu'il fait du ciel rompre avec son cuer, n'est mot évangélique ne article de la foy; mais il e dit par une manière de conformacion de sa proudommie et léauté, en quoi il est résolu pour morir premier que les rompre.

Dame, doncques puisque une chose peut avoir deux entendemens, et que l'acteur en prent devers lui le meilleur, n'est pas de nécessilé pourtant que celui qui reste, mauvais et poingnant, soit imputé à l'acteur à charge, quand sciamment il désavoe et révoque tout mal dit, et souverainement en la personne royale.

Et que ceci vray soit, l'acteur le monstre en son cinquante-huitiesme article, là où il dit :

Ne tous vos clers , ne toutes leurs contreuves, Ne tous les haulx eugins qui vous soustiennent, Et fussent ils plus habondans que fleuves, ‘Plus infinis que les gouttes des pleuves . Et plus subtils que ceulx qui d'enfer viennent,

Sejcontre honneur et vérité ne tiennent,

Faire apparoir eulx tous ils ne saroient,

De quoy d'ung grain sa gloire terniroient

Cecy met l'acteur notamment et tout de gré l'encontre de pluseuyrs clers et officiers , non tous , mais aucuns haultement promeus , qui non nobles ne de sang ne de meurs, occupent les siéges et dignités souvent en court des vrais nobles en cuer et en fait ; et les ac-

EXPOSITION

compagne naturellement plus volenté que rasson, plus affection oblique que discrécion grave, par flatterie, par complacence, par regart à.privé bien, et parce que la grace du monde leur.est plus quise que la gloire de Dieu par vérité essourdre.En contre telles gens doncques , met l'acteur ce qu'il dit : « Ne tous vos clers, ne toutes vos contreuves, ne sauront riens mettre avant, comme loings ne parfont ils le voisent quérir, de quoi ils puissent ternir sa gloire, de quoi ils puissent noircir sa renommée , ne de quoiils le puissent prouver avoir délenqui encontre honneur, ne encontre debvoir, ne encontre équité nulle. »Si te dis, dame, que sans que desormais tu me meltes guièresplusen question, moy mesmes te veul mettre en termes les articles qui encore y restent scrupuleux , pour tant plus abréger nostre procès, qui jà longuement a duré.

Et saillant de l’une clause en l’autre, viens an cinquante-neuviesme article, là où l’acteur an guant encontre François, dit

Mesmes le siècle et tout l’univers monde, Vous excepté , le tiennent à proudomme,

Et n’a hault roy ne prince hault en la roude : Qui tout son temps ne l'ait tenu la bonde Dont d'amour vrai se trait la pure gomme.

Vous donc hellas que le siècle, tant nomme Haulx et fameux, et le juste aggravez,

O et pensez quel los propre y avez.

Ës deux premières lignes de cestui coupplet, l'acteur, en confessant l'envie des François et leurs haynes, remonstre la grace que a de Dieu et du monde son maistre, qui est tenu et jugié à proudomme de tout le siècle et de ce qui est dedens, roys et empereifrs, les quels l'ont tenu et tiennent le coffre d'on: neur et de hault los. Pär quoi, condoléant en François et en la régnacion d' aujourd hui, dit suspiramment :

Vous donc , hélas ! que le siècle tant nomme

Haulx et fameux , et le juste agravez,

O et pensez quel los propre y avez!

« Vous les François qui estes si haulte et si glorieuse nacion que nulle vostre pareille , et aggravez et chargiez le juste , l'avez en hayne et en despcction pour sa glorieuse fortune, ruez et machinez en sa ruine par envie, qui riens toutesvoies ne vous demande pe empesce

SUR VÉRITÉ

mais fuit vos mains belliqueuses, vos extremes chevaleureuses puissances, ct renonçant à fierté et orgueil encontre vous, vous offre service et révérences humbles : o! peusez quel los vous vous acquérez en vous tienir en ces termes devers lui. » Comme s'il voloit dire : «Vous vous en faites blamer par tout le monde, et en mettez vos ames en grand péril. J

ENTENDEMENT

Or sai je bien que cy après, en son soixantiesme article, il y a ung mot quite cuit beaucop, dame, et le quel par aventure tu notes estre assis en tout excès d'outrage et de fel orgueil. Si désire bien‘à t'en esclarcir ung pou la fantaisie, comme qui sai bien que tu y muses beaucop, et est ung des principaux points sur quoi plus tu arrestes ; là aù il dit :

Lui mouvoir gnerre il vous est bien pessible

Dont le pourfit gist celé eu fortun

Mais se la cause en est juste et lo.o%Me,

Ne s’elle est moins à faire ou plus taisible,

Cela scet Dieu qui règne sur la lune.

Mais soit ou clère, ou noire, ou toute brune,

Quand vous vendrez pour sa haulteur confondre, Il est non roy mais duc pour vous respondre,

Et ne ditbien vrai l'acteur, dame, quand il dit : que mouvoir guerre à son maistre vous est bien possible, puis qu'il est en vostre franc arbitre'; mais il dit après : que le pourfit qui enpourra venir à vostre part, cestui là certainement n'est point sceu, car il gist celé en fortune ; |

Mais se la cause en est juste ou loisible ;

Ou s’elle est moins à faire ou plus taisible, Cela scet Dieu qui règne sur la lune.

Droit ci dit-il vrai aussi. Et n'est oeil si troublé qui ne voie bien et entende ceste lettre, qui n'a besoing d'exposicion autre que telle que elle porte, parce que nul autre ne se porroit donner plus clère. Mais dit après : « Soit vostre querelle noire ou cière, soit juste ou telle que peut estre, quand François vendroient pour confondre son honneur,

Il est non roy, mais duc pour eulx respondre. »

« Non roy, mais duc pour vous respondre, notent François et prennent à aigre, je pense, et en grand ravalement, parce qu'il semble

parler per à per en compaignon, et que l'ung ne donroit à l’autre avantage d'ung chivot.

Comme s'il voloit dire : « Se tu me quiers, tu me treuves ; je suis homme pour toy. »

Dame, à ceste difficulté il convient respondre et donner l'interprétacion saine qui y siet. L'acteur droit cy, par les choses ainsi que les voit disposées, et que à tous lez on circuit subtillement pour avoir bras dessus ce prince pour le faire ployer, et qu’en icelle quisicion pour venir à ses fins les moyens sont moult divers, et de très évident péril, se Dieu ne les contretient contre la volenté des hommes, suppose l'acteur et craint pooir advenir ce qu'il voit en disposicion de non povoir faillir, qui aucun temps long y persévère : C'est geurre et tribulacion, dont nourrice ara esté envie, et nulle riens autre. Par quei venu jusqu'à là, et que nécessité constramdra l'aignel de devenir loup, qui tousjours ara fui la meslée, toujours se sera monstré sage et souffrant homme de paix et de léaulte vive , et néanmoins lui voudra-on cou rir sus, le mordre et le mener à confusion cnses vieu\ jours, qui uncques ne fut humilié par force, jamais ploié ne mis à subgection par menace ne par haultement entreprendre :

dit l'acteur de lui-mesme et en faveur de celui, le quel il conghoit invincible en corage et sans paour : « Il est non roy »; comme s'il voloit dire : « Il estceluy qui n’a pas puissance d'ung roy pour égaliser la sienne à l'encontre des Frans, mais il est duc pour deffendre son honneur, pour deffendre ses terres et ses pays à l'encontre de vous, quand vous le surquerrez de desraison.» Et ne dit pas « duc pour vousrespondre» , par entendement qu’il le veulle faire égal avec le roy, ne qu'il le die par orgueil ñe despection à l'encontre de sa très noble personne, mais par confession de vérité, qui est telle en effect : qu'ilest non roy et non si bon que de l'estre, mais il est duc povre emprès lui, plain de corage toutes voies pour oser deffendre son honneur et sa querelle, constraint, contre vous les François tous autres, réservé seul le roy. Dont, et se le fait, est plus grand chose que parole, encore est plus permissible à homme de remonstrer aigrement ce qui peut advenir, que n’est de faire de fait ce qui peut porter dommage et dangier.

Or autrefois, dame, ont princes non roys, comme cestuy, donné des affaires beaucop à ceulx qui rois estoient très-puissans ; et n'ont point ressongnié , par la haulteur de leurs tiltres, à deffendre fièrement leurs querelles en moindres possessions de seig nouries. Exemp'e de plusieurs comtes de Flandres, qui toujours n’ont pas esté concordans avec les rois françois, mesmes leur ont donné des vexacions beaucop et des repugnances très-dures et roides plus d'une. Entre les quels Ferrand de Portingal, non de sang si bon que de France , se monstra moult felle; et soi exposant contraire à la couronne, en confidence de sa haulte fortune, fut humilié toutes voies et vaincu par le peschié de son descongnoistre. Or n'est mie cestuy ung Ferrand de Portingal. Ce n'est mie celui qui Idescongnoist la sève dont il prent estre. Ce n'est mie celui qui, rebelle à la majesté glorieuse, se veulle eslever contre elle à main ennemie. Non! Mais est celui qui assailli de tout le monde, et seullement son roy et son chief mis dehors, s’exposera à la fortune d'ung jour pour soy deffendre. C'est celui figurativement que l'on peut dire Saint-Michiel, qui championne avecq le roy de là hoult, à l'encontre du dragon; et n’est mie celui qui adhère au prince de rebellion, au prince d'orgueil présompcieux.

Mais puissant soubs le bras de son roy plus que nul autre, plus que nul aultre voudroit soy exiber déprimeur de ses contraires , là où comme non roy mais duc très ‘puissant se peut bien nommer justement prince pour respondre à tous ses ennemis françois mis en ung tas, par ce qu'entre eulx lous, reservé la personne royal, n'a nul de si haulte condicion que par honneur et liciment il ne puist dire le mot et l'exécuter par fait.

Appaise toy doncques de ce mot

l'est non roy, mais duc pour vous respondrec.

car le respondre ne s’entent point au roy, mais s’entent à tout le remanant en dessoubs, le quel il veult revérender par amour et non craindre, par le surquerre en main ennemie.

Dit en outre l'acteur eu son soixante uniesme article, continuant sa matère selon les dispositions que voit tendre à péril:

EXPOSITION

Bien le porrez molester et combattre, S'ainsi le veut fortune ou destinée,

Mais ne sarez, pour tout vostre débattre, Son honneur pur infecter ne rabattre De quoi sa vie en terre est couronnée ; Mais mangré vous ara place ordonnée Tout au plus haut du triumphal paroir, Là où honneur l'asserra son miroir.

Droit cy l'acteur, soy arguant en luy-mesmes et impacient des choses que voit couver bien douteuses, et des quelles ne peut traire fin autre, en son avis, que guerres et tribulacions recommencées, là où les victoires sont incertaines tant au plus puissant comme au plus foible , mais prenant le pire devers lui, dit: « Vous le porrez combattre et molester, vous autres qui tant avez la dent à luy, et à l'aventure, le vaincre et humilier, se cela vous est permis de fortune, ou que sa destinée le porte ainsi; mais ne sarez par tout vostre effort, diminuer son honneur, sa glorieuse renommée acquise en haultes cpéracions passées; laquelle, quand le corps viellart seroit succombé en vos mains soubs honneste et corageuse deffense, ne seroit pourtant point amendrie ne prosternée avec lui soubs la clarté de vostre victoire ; ains seroit cheu plus glorieux vaincu, que vous, à bras deseure, ne vous acquerriez # loire vaincuers, parce qu'en juste deffense, posé qu'il y peut cheoir infortune, si n'y peult-il cheoir reproce; mais est tiltre plus cler, cheoir corageux en juste querelle, que estre vaincuer en tyrannie. Et ce considérant l'acteur, avec ce qui est méri par avant, moult hault et moult cler, et en quoy sa fame attend glorieux diadème, dit: que maugré vous tous, ceulx qui avez ainsi envie de ce qui ne vous griève, meure ou vive, soil vaincu ou vaincuer, il ara son siége au plus baut du palais d’onneur, avec tous les meilleurs et les plus nets de la terre, s'en ses vieux jours, et contraire de ses meurs et condicions, il ne se mue et change, et soulle et pollue tout volentiers ce que si curieusement a gardé jusques cy; que l'acteur ne craint point. Et parle droit cy l'acteur notamment contre ses envieux égauix de lui et moindres, et non pas à autres.

Dit en oultre l'acteur, en son soixantedeuxiesme article :

SUR VÉRITÉ MAL PRISE

Montez, régnez, ampliez vos clostures, Estendez mains en terre et en mer fières, Faites sentir vos fers et vos armures , Trambler pays, peuples et fermetures ,

Dont nous com vous savons bienles manières, Mettez à l'air ventcler vos bannières

Et acquérez le monde en ceste queste,

Mais de cestui n’atouchiez la conqueste.

Droit cy l'acteur présunpose le pire encore par devers son parti, comme tout reconforté du meschief, et concède que le bras des François se porra tant estendre et soy eslargir, que le monde et les nacions voisines tramblent devant lui-mesmes, porra faire humilier, se l'aventure le doint ainsi, cestuy duc son maistre de quoy la hayne des François seroit estancée alors : toutesvoies, dit l'acteur après, quand François aroient tout ce par obtenu, et que l'assailli seroit cheu à l'envers ses pays trascés et courus, ses hommes et subgès mis à l'espée , et dissippées toutes ses ricesses et substances, toutesvoies y a-il une chose à la quelle il leur deffend qu'ils ne atouchent, la quelle lui mesme a conquestée , et est inexpugnable et invincible : c'est l'onneur, la gloire et la bonne fame qu'il a acquises en son temps par léauté, par preud'omie, par intégrité et par noblement et chevaleureusement vivre avec tous les meilleurs dela terre, entre les quels ne se trouvera nul plus cler ne plus net. Dont, en conformant sa raison, il expose plus amplement ce qu'il y entend, et dit en son soixante-troisiesme article ce” en quoi gist la custode d: son honneur, la garde et conserve de sa splendeur et clarté, qui n'est ailleurs qu'en sept piés de terre très glorieuse, que honüeur lui garde, et qui sont plus dignes et de plus grand fruit que nulle couronne ; ‘ès quels tant plain de gloire et de bon nom, plain de mérites et de haultes recommandacions, il gerra enseveli comme la précieuse pierre est assise en l'or. De la quelle fosse, posé que serpens et venins pluiseurs y porront circuir autour, si y porront morir plustost que y atoucier, parce qu'en la précieuseté de sa fame ne porra mordre venimeuse langue.

Sept piés sons plus de terre glorieuse

Lui garde honneur, plus dignes que coronne Là où fosse a d'œuvre mistérieuse, Toute entailliée en pierre préc'euse,

Plus reluisant qne le soleil au throne,

Le quel s’envie ou serpent l'avironne,

Trop bien crever et morir y porront,

Mais atoucier jamais n'y oseront.

L'acteur veullant confermer ceci : que ainsi en est, et que son honneur est si par très cler comme il afferme, dit, en son soixanle-quawiesme article, pour contempner les ambicions et vaines gloires de ceulx qui parent leurs cuers autrement en la vanité du siècle.

C’est cy l’acquest de ses longs jours felices ; C'est le droit chier de tout son hault contendre. Or, lui r'ostez puissances et délices,

Quand vous porrez, par forces et malices,

Au moins cecy ne lui porrez reprendre ;

Car quand voudriez venir à l’entreprendre,

Et fussiez vous cent empereurs de Romme,

Il cn fait figue à fortune et à homme.

Comme si l'acteur voulsist due : « Gestur pourchas et contendement qui est de morir en nette fame et clère, non avoir riens fait ne conseillé qui ait esté contre honneur ne contre entière preud'omie, soy estre offert à servir Dieu et la chose publique, avoir ensievi vérité et raison humaine, affecté bonnes meurs et opéracions nobles : c'est ici l'acquest de ses longs jours; c’est ici la chierté qu'il propose devant toutes ricesses et possessions de seignouries, les quelles morront avecques lui, mais cecy ne lui morra jamès. » Or lui r'ostez,

ce dit l'acteur, cestui acquest ; r'ostez-lui ses

villes et cités ; déprivez-le de toutes ses possessions, par tyrannie; vainquez-le et humiliez en bataille; faites lui du pis que vous porrez; au moins cecy ne lui osterez vous jamais, et fussiez vous cent empereurs; car il vous en fait figue , quand, en la perdicion du tout, cecy lui demourra adjoint, ceci lui demourra inséparable à toujours et non ravissable. Mais vous porra bien tourner sa netteté en confusion, et en enlaidissement de vos faces, quand si juste homme et si noble en tous ses fais, par envie, par dol, par pure ma-

mn —. der

pi 25

lignité de vemn, arez persécuté et mené à sa fin, la quelle, vaincu au pis venir, lui sera glorieuse, et à vous dampnable et confuse, vainqueurs.» Et droit cy l'acteur, compressé en cuer d'amertume, et excité à lermes par pité du cas que parfonuément a enfonsé, dit en son soixante cinquiesme article.

L’estrif in’ennuie et m'en cuert pité seure ; L'argu aussi m'en tire à amertume.

Si complains bien que né suis de telle heure, Qu'en propres yeulx et larmes que je pleure Baignier ne fault ma doloreuse plume,

Et que Sathan, qui lout ce feu allume,

Tient de si près les cuers de haulle sorte, Qu'honneur s’y pert et raison y est morte.

« L'estrif m'ennuie et me poise que né suis de telle heure, que traittier me convient telle matère, ne que les pités conceues me sont occasion de baignier ma plume en propres lermes, qui amasse mieulx avoir autre oCcCupacion que ceste, qui est plaine de rumeur, plaine de mérancolie et d'amertume, et finablemenstendant à ruine et dampnacion infallibles, par le conseil et pourchas de l'ennemi, qui allume tout ce feu et tient les cuers de haulte sorte , les cuers des princes, si vicieux et si frois, que honneur n'y a lieu, ne remors habitacion. » Dont plain d'ennui , de doleur et de passion, et voiant que dire n'y sert riens, ne change ne ne meut les desvoiés, ains persevèrent plus et plus en leurs erreurs, en leurs dolentes et damnables entreprises, diten son soixante-sixiesme article.

Dont pour conclure et fin mettre en mon æuvre, Qui aigre est plus que malvaise en essence,

Feur m'est, se Dieu les cuers tous ne vous œuvre Et d'autre avis vous nourrit et abreuve,

Que dure enfin n'en soit la conséquence,

Et que fortune et amère influence

Ne facent rapt final de ce royame.

Par nos péchiés chascun y pert une ame.

« Pour mettre fin, Ô vous François, en mon œuvre, laquelle vous semblera plus aigre en son qu'elle n’est toutesvoies en essence, j'ai peur, se Dieu ne vous œuvre les cuers et vous nourrisse. d'ung autre avis, que la conséquence ne doie estre dure, et que les fortunes

EXPOSITION

et occultes destinées inzvngneues ne facent rapt et exterminacion final de ce royaulme par ves péchiés, par vos envies et divisions, en quoi chascun, comme pour soi. doit le guet pour s'en parer et justifier. Et dit notamment rapt; car, comme l'escouflle vient flécissant des èles au long de la terre, et ravist le poucin et l'emporte ; ainsi ont esté les autres regnacions de jadis emportées et transférées d'une main à autre et venues à leur fin; et pareillement porra avenir, et ne scet-on quand, de cestui très glorieux et très crestien royaume, qui plain de gloire anciennement et de vertns, chiet à nos yeulx et se renverse à plénitude de vices. »

Laquelle chose l'acteur regardant, et veullant mettre au front des François ce qui aultrefois et tout frescement les avoit mis tout bas, pour leur donner hide du danger où passé sont, leur dit :

Felle jadis division murtrière

Le mena près jusqu'à la mort exifeme, Dont, grace Dieu! la reboutant chartrière, N'a pas trois jours, par pité descombrière , Luy restora et gloire et dyadème,

Mais maintenant par ire et par blasphème De Dieu lassus, arrière y est rentrée.

O! et com dure et maudite ventrée!

« Felle jadis division murtrière mena presque ce royaume jusqu'à final terminacion, mais après que grace de Dieu l'en a degettée, dont il a esté remis sus et relevé assez glorieux, taptost arrière s'y' est reboutée dedens ; et l'ont repris par devers eulx les haults membres d'icellui, à leur piteuse et très confuse attente. » Et dit l'acteur notamment division murtrière, nOn pas que’par ce il entende nulles vilaines œuvres du temps passé, mais que division, en elle mesme et de sa nature, est murtrière cause, et fait avenir murtres, homicides, ruines de peuples, blasphemes de Dieu, et toutes choses inhumaines et dyaboliques, que le monde abhominer doit, et Dieu non tolérer |

Dont arrière, plain de regrets l'acteur , et pour faire mieulx apparoir que les choses toucées dessus ne lui procèdent point tant de felle corage envers nul, comme de dévocion à la chose publique et honneste, gettant ses yeulx

SUR VÉRITÉ MAL PRISE

au ciel, invoque Dieu et toutce qui peut avoir puissance ou administracion en humaine salut, et clame envers fortune et nature, envers toutes les puissances célestes de lassus, et toute bonne et dévote créature d'icy en bas, priant que pité leur puist prendre de cestes si doloreuses et dampnables questions et chetivetés, qui aujourd'hui se nourrissent, en dure attente et perplexité de l'univers monde crestien et de chascune privée personne, par l'instruction de l'ennemi, qui les bons content à faire perdre en tribulacion, et les mauvais essourdre en regne et durée pour desrigler tout l'univers. Par quoi en cestui son soixantebuitiesme article, dit enfin : que ne peut percevoir riens autre en cestes rumeurs et tribulacions présentes, que fin'proçaine en vieilles prophécies, et que nous sommes sur la fin du monde, sur la venue d'Antechrist, que nostre rédempteur Jhésus nous a certifié de venir; et assez demonstre l'euvre , et le temps par les circonstances qne mises ÿ a, et qui maintenant et de piéça appèrent et ont eu conti- -nuucion longue ; car foy et charité fallent par l'univers siècle. amour et cordialité entre parens , nature entre enfant et père, vériié en cuer des princes, honneur et vertu entre les noliles, vergoyne et hunnesteté entre les prélas ; se prisent vices et desreglemens ; se quicrent vanités et ambicions, flatteries et voluptés de corps; n’est cure aux princes des chos's de Dieu ; ne leur est cure.de la chose publique ; ne leur est soing de félicité commune; moins encore à leurs nobles, moins encore à leurs ‘conseilliers, moins encore à leurs juges et préfets. Mais tous au privé bien n entendent; Dieu oublient, honneur ne conguoissent; de pité n'acontent; au salut ne avisent ; seulement au corps maleureux vivent et l'ennemi servent. Dont à ceste cause suurdent gens contre gens, peuples contre puissances, régions Contre royaumes ; et les roys - ec les princes de la terre, par convoitise , par - aflecion desriglée, par ire, par envie, par ; gloire vaine, par affection de régner, s'entreruent s'entre-mordent, s'entre-coufroissent en bauulles et en effusion de sang ; dont ne leur est ne que de bestes mues ; car pité n'a lieu en eux, ne cremeur de Dieu. Et par ce dit l'aceur : que cestes choses considérées, n'y en-

name 5 mm, 1 ee ee ee

tent aultre chose, fors fin procaine en toutes vielles promissions.

À Dieu lassus ; à fortune et nature,

À tous les cieulx et célestes puissances,

Et à toute humble et bonne créature,

Puist pité prendre et clameur haute et dure De cestes cy murmures et meschauces,

En quoi ne voi, par toutes consnoissances , Que pleurs, doleurs d'amertumes farcies, Et fiu proçaine en vicilles prophécies.

La vision du temps de Meronnée

Droit cy me vient frapper au front subit, Vous qui avez nature endoctrinée ,

Notez que fat et vieille destinée

Par long decours viennent à fin escripte.

Point si n’en fust la substance petite, Dont, qui voudra savoir quelle est la chose, Demande après ou en quière la glose.

L'acteur met en son soixante-neufvieme article icy la vision de Meronnée, de lique%e ne fait guères ample recitacion, parce qu'il la remet en là main des clers et de ceulx qui hystoricns sont. Et encure presentement moy n'en quiers faire autre déclaracion que celle de l'acteur, parce que le quérir au lieu où il est escript pourra donner contentance aux affectans , savoir le mistère.

Si met droit cy l'acteur son darnier voupplet, qui fait le soixante-dixiesme , là où il dit:

Dieu maine à mieulx ce qui est mal en voic, Et mette en paix ce qui pend en discorde ;

Et à tous ceulx qu’amour duit et convoie, Dieu, en l'estroit de leur cas, leur envoie Honneur , salut, grace et miséricorde.

Dont au regard de ce que je recorde,

Fruit y a povre , et encor moins délit,

Mais tel l'ai fait, angoisseux, en mon lit.

Cestui article ne besongne de nulle expos:

cion autre que la lettre lui baille, excepté que l'acteur donne plainement à entendre par icelui quel hommeil est et de quel fons lui est meu son ouvrage, quand il requiert à Dieu pour amendrment en tout cela où il fait besoing, et pour conservacion en paix et en bien, ce qui est en hon train. Dont après il recongnoit la povreté de sa passion, qui a esté cause de son aigre escripre, et confesss

que se le fruit peut estre poyre qui en sera tiré, encore sera le délit moindre qui s'y asavourera par cause de son aigreur.

Dit toutevoies en sa dernière ligne là où il tout clot, pour tant mieulx pardon obtenir envers les mal prenans : que tel qu'il est il l'a ‘fait angoisseux et plain de larmes, en son lit. . Dont comme larmes procèdent de racine de charité vraie, présuppose et entent que son œuvre doibt estre prise et entendue comme faite à bonne fiu, par ce qu'elle procède et est fondée en bon commencement.

Dame doncques , FRANÇOISR YMAGINACION, vecy le réparement que j'ai sceu faire présentement sur le mordant langage de l'acteur dont tu t'es plainte, cuidant y avoir cause plus juste à l'aventure que je n'y entens, se mes spéculacions et parfondances de vérité pevent avoir lieu et prévaloir sur mauvaises interprétacions grosses et non bien attaintes en racine, comme il siet considérer plus parfont maintes fois que le sens litiéral; le quel en-sa première concepcion souvent es!

tout autre à l'intencion de l'acteur. Si ques, dame, se mes présentes exposicions te pevent souflire et donner contentement, j'en loe Dieu et en répute mon eur bon , si non par ce toutesvoies que je ne puis excogiter réparacion plus ample ne plus vraie. Si convient-il que je m'en tiengne atant, et que j'en attende ton bon plaisir, comme qui ne puis désavoer l'ouvrage qui fait est, et que tu as par devers toy en nom de celui qui en est l'ouvrier.

Dont, jà-soit ce que je reduubite assez que,

nonobstant mes solucions il ne te doie demeu-

rer toudis des souppeçons non bien appaissées, si m’est-il espoir à l'aultre lez, que tu, qui es concierge de tant de nob'es et de haulx cuers plains de science, plains de vertus, plains de bonnes meurs, plains de proud hominie, plains de grand sens: et de prudence, seras trouvée aussi contentable avec eulx, comme avec autres de perverse condicion murmurans tous'ours et doubtive.

Dame, Île lieu de ton lubiter, se le ciel a plénitude d’estoilles, si a-il plénitude aussi de cuers nobles en son clos; et n'y fallent prudences, et profondités graves, ne que an frmament le soleil, sur les quels, en tout l'estroit paraller , je me fonde et confie. Et

EXPOSITION

ne m'est la difficultacion des cuers volages point tant cremue, que la saine concepcion des prudens hommes ne me soit plus potence de repos. Dont, et se aulcuns non convertissables, comme l’on entreuve beaucop, disoient:

« Que nous est-il des solucions et des vestemens que tu treuves droit cy pour parer ung injurieux livre, dont tousjours le venin perce la couverture! Et nous cuide ENTENDEMENT faire à croire que blanc soit noir, et que ce que nous voyons noir aux yeulx et au sentement, que par fallaces et par tournoier autour il puist devenir blanc? nenny voir ! Doncques ce que ENTENDEMENT en fait il le fait constraint, et parce que luy mesmes perçoit que le cas est maulvais en soy et plain de venin; et pourtant content-il a le parer et vestir d'une robbe de décepcion, pour abuser gens; mais toutesvoies ne peut, que tousjours la chose ne demeure en sa nature, telle comme elle est , et que l'acteur aussi ne demeure enfangié de l'ordure de son escript.»

À cest argument il y chiet, dame, responce moult belle. Et prens, au nom de l'acteur, le pire que telles gens porroient supposer, et que l'acteur soit vaincu de non avoir aultre sens en son escript que le littéral , ainsi qu'il gist. Dont, pour lui v:nir à secours , et que raison veult que la plus foible partie treuve main forte aulcune pour la deffendre, je dis pour l'acteur : que encore en son sens littéral ne peut avoir tant de mespris, qu'en équité et jugement de raison saine ne se puist honnourablement parer et sauver sans encourir grief. Et ce je te preuve par exemple et par induction vérituble de ce qui avient tous les jours par fait, qui est trop plus que parole. Tu vois tous les jours vassaulx avec leur princes mener guerre encontre ung aultre plus grand, et iceulx metire main violente en ung roy, ruer en lui et se joindre au corps en bataille, le vaincre et occire sous la main de son seigneur. Comme doncques main mise est le dernier exploit d'apétit vindicatif, et que nulle injure n'est si griève que percussion, n'est doncques parole aigre plus supportab'e que main mise , quand main exécute son ire par fait , et cuer passionné tant seulement par parole, qui ne offense que l'oye ? Dont, comme vray est que Dieu a créé les hommes

SUR VERITE MAL PRISE

de divers semblans, les a créés aussi de diverses condicions, de diverses natures et influences, et leur a donné diverses propriétés différentes :les uns a fait naître à labeurs et œuvres serviles, autres à gouvernement de villes et de cités, autres à préfectures et dignités sur le peuple, autres à marchandises et mutuacions de biens, autres à servir l'église en diversités de degrés, autres à maintenir l'estat de noblesse en diversités d'ordres , en bacheliers.'en chevaliers, en barons et en haulx princes, roys et ducs, qui teus respondent à une vocacion final, qui est de defendre l'eglise de Dieu , augmenter et targier la foy crestienne , garder le peuple d'oppression, maintenir la chose publ'cque et conserver en estat, rebouter force par roideur, tirannie par puissance , rebellion par bataille, fortifier paix, esvigorer justice, et soustenir et essourdre vertus et vie tranquille.

Cestes droit cy sont les propriétés appartenans à l'estat des nobles, et en quoy se doivent exposer selon leur vocacion. Dont et comme il a ordonné une telle iérarcie de précieulx hommes bateillères. et qui ont cuers pour hautement emprendre , perfections pour glorieusement conduire, natures non espaourés, corps pour rompre batailles, bras pour vaincre et faire cheoir hommes par milliers : ne peut-il avoir crée aussi et fait naistre aulcuns qui ont natures pour logier diverses concepcions, yeulx pour spéculer et entendre les choses variables de ce monde, dont les unes sont contemplatives, autres de triste inspection ? Et emprès tels regars, comme choses conceues donnent ou passion ou joie, et qu'en l'homme n'a membre qui ne serve el n'ait son office, n'y peut-il avoir langue qui profère ce qui est conceu , et main qui mette en escript la vuidange de son entendre. Certes si fait. Et sont tels gens aussi nécessaires et de semblab'e utilité avec les aultres , à prendre les circonstances et condicions des choses temporeiles, qui besognent d'autant de personnes diverses, comme les événemens sont sauvages et de diverses natures.

Escripvans, dame, en loenge, ou ils rafferment et encorarent les bors en bon persévérer tous vivans, ou ils exaltent les esvanuis du siècle et les coronnent en renommée,

lors quand ceulx qui reprennent et détestent aigrement les faultes conceues pourfitent souvent et réduisent les delinquans de leurs vices, parce que nature raisonnable, souverainement en prince , doit affecter tousjours, avecques haulte régnacion clère renommée , ou la fin contredit à son contendre.

Dame, doncques, contente toy, te prie, de mon respondre , et ne te griève se les hommes usent de la vocacion telle que ont de Dieu, et souverainement quand leur user n'est qu'en office honneste, en œuvre pourfitable et utille, et conjoint à la vérité souveraine qui est Dieu, qui envoie ses instrumens en terre tels qu'il lui plest, et comme il voit estre utille et expédient. Et te recorde, pour fin de mon conte : que comme le marteau est instrument au fèvre diversement ; à l’ung pour rompre fer et le planier par force et vigueur, à l’autre est instrument pour ouvrer en or et argent qui sont métaux précigux, là où le férir dessus est doux et amiable : pareillement est-il ainsi de l'humain engin. En matères roides et rigoreuses, il convient fèrir dessus à l'avenant de leur nature pour les amollier; et en celles qui sont doulces et aggréables aux senemens, là volentiers se délite et y preste main décorative, pour encore les faire plus belles et plus clères par son art, et que les autres, quiles regarderont après lui, puissent prendre délectation en son œuvre.

Et à tant je mets fin à ceste contencion avec toy, et te dis adieu.

L'ACTEUR

Lors comme les paroles estoient finées entre ces arguans à ma cause, et que je perceus aussi soudainement esvanouir tout, comme soudainement s’estoient venu apparoir à moy leurs personnages, alors, tout revenu à moi et resvertué en mes espæpis, commençai à rendre grace à Dieu du fruit que tiré avoie de ma vision, et de la très saine et honneste reparacion que avoit fait ENTENDEMENT sur mes escrips ; dont haultement me tenoie joyeulx.

Mais comme une chose encommenvée si,substancieusement comme ceste, et déduite par tels personnages comme droit cy ont es oys, ne devoit avoir que terminacion de mesme par aucune glorieuse issue, au point

proprement où tous les autres s'estoient esvanouis et perdus, ne savoie où, advis m'estoit que de loing véysse ouvrir unes courtines asurées, semées plaines de fleurs de lis d'or, là où estoit dedens la très noble et très humaine personne du roy, qui arrestéement contint ses yeulx en ma très povre personne, sans les en retraire. Dont moy doubtant que ce ne féist per aucun mistère, feust de malveillance ou d'autre couvert appetit, et que raison aussi me enseignoit que révérender devoie la noble représentacion de sa vive image , me laissai cheoir à genoulx.

Et lors, par espoir de lui pooir attendrir le cuer , se meu l'avoit à l'encontre de moy à l'aventure, ou de le pooir traire à benigne ascout, se envers aultrui pooit avoir intencion non pourfitable , fondant lermes des yeulx, avéc gémissement de voix commençai à crier en hault et à dire.