CHAPITRE XXXIV

Comment le duc de Bourgoingne fut bien veignié à Troyes par le peuple et par le roy et sa femme.

Ce 21° de mars, le jeusne duc bourgoingnon jà estoit près de Troyes à deux lieues, où ainsi vindrent audevant de luy plusieurs grands seigneurs de Bourgoingne , partans de la ville de Troye avec plusieurs notables de ladicte ville, voire la pluspart ou tous, pour le bienveignier et révérer; car grande affection avoient eue au père et au fils qui estoit prince bien desiré à veoir, et vouloient efforcer à luy faire honorable reception; et de fait le monstroient , car, à l'entrer en la ville, avoit peuple sans nombre sur les creneaux des murs et des maisons, femmes aux fenesires parées richement, et les maisons décorées de riches paremens ; les portes et les passaiges garnis de révérens perscnnaiges et notables pour le recevoir , les rues plaines de peuple et enffans crians tout au long de la ville : Noël ! Noël! Et ainsi l’accompaiynèrent jusques eu logis : au quel venu n'y arresta se peu non, et s'en alla devers le roy et la royne et devers madame Katherine leur fille qui tous et toutes le receurent amiablement et en grand faveur.