CHAPITRE XX XV

Comment le roy françois assentit à donner sa fille Kaherine au roy anglois et le déclara héritier du eyaume, au préjudice de son fils le daulphin.

Grande fut la solempnité de Troyes tellement; et allèrent les seigneurs des deux cours veoir et visiter lung l’autre; et espésiallement ceulx qui estoient autour du roy tous d'ung party de Bourgoingne, la pluspart vindrent veoir et faire l'honneur au nouveau duc survenu, qui moult faisoit beau veoir , car jeusne estoit beau prince entre les autres , le plus de France, et menoit ung grand et riche estat. Le lendemain les ambassadeurs du roy Anglois venus en la compaingnie dudit duc s'en allèrent vers le roy à toutes leurs charges, nourcuoy cetgient ve-

aus, et après aucunes déclaracions faictes de leur cas, le duc bourgoingnon présent, entrèrent en conseil ; auquel maintes choses furent levées et reversées et mises en divers ploy, tant en forme de plainctes, comme de conciu : sions prouflitables, car bien y avoit matère comme chacun peult entendre. Premièrement, du duc privé de son père piteusement ; secondement, du roy Anglois qui quéroit aliance au roy françois, plus forcée que aimable, et avec ce contendoit àavoir sa fille et l’'enhéritement de la couronne de France pour luy et les siens à jamais , nonobstant que ledict roy avoit ung seul fils héritier encore vivant, mais tenant party contraire à son plaisir. Grande estoit la matère et pesante ; et pour ce ne fait à amirer si les journées et parlemens y estoient pluiseurs. Finallement toutes voies fut conclu et accordé en la faveur du duc bourgoingnon : que le roy donneroit sa fille au roy Henry d'Angleterre, et avec ce l’establiroit seul et vray héritier de sa couronne après son trespas, en déboutant son fils propre, et mectant à néant la constitution autrement faicte par ses prédécesseurs , que la couronne ne debvoit nullement re jamais descendre sur fille. Et pour plus avantagier ledict roy anglois, fut ordonné que : s’il advenoit aussi que le roy an- {lois allast de vie à trespas sans hoirs procréés de luy et de madame Katherine, si demouroit-il héritier de la couronne de France, au préjudice de tous les royaulx et appartenans qui en temps avenir y pourroient ou devroient réclamer droit. Laquelle chose estoit certes, à le bien peser, ung estrange et merveilleux cas , et non veu semblable jamais en cestui très glorieux royaulme, où soleil de haulte discrecion et de preud hommie a maintenu son thronne de tout temps. Mais las ! le povre roy, posé que roy fust, si n’avoit-il point le sens de long-temps duisant à sa haultesse, ce que moult faict à plaindre ; et y parut bien, car sa povre félicité estoit matère et occoison de tous les meschiefs advenus, qui jamais n'eussent esté perpétrés , ne d'ung costé ne d'autre, si elle ne fust lors. Et par ainsy, selon qu'il avoit gens autour de luy, à accordoit si bien en son prejudice comme à son prouflit ; tout luy estoit ung et d'ung poix.

-Toutes ces choses traictées et concluiss#,

toutes voies à qui que elles tournassent à grief, aux Anplois tournèrent à grand joye. Si prindrent congié du roy et du duc bourgoingnon et retournèrent le plus aviséement qu'ils porent, pour cause des daulphinois qui les aguettoient à Rouen, portans avec qulx la copie du traicté pour monstrer à leur roy, lequel, après l'avoir visité, se trouva au plus hault de ses desirs; et considéroit bien que fortune le meneroit joyeusement à la joyssance de son long espoir. Si furent ces ambassadeurs revenus et receus à grand chière et à grand joye, et luy disposa toutes ses choses le plus dilligemment qu'il pot, etmanda et fist assembler ses gens d'armes pour temprement soy en aller vers le roy audict lieu de Troyes et pour là parfaire et confermer personnellement cestuy meismes iraicté , et au surplus prendre la possession de la très noble dame, madame Katherine, destinée pour luy et accordée, que messire Loys Robersart avoit en visitation et en garde de par son maistre le roy Anglois, après les autres partis et retournés vers lui à Rouen.