CHAPITRE XXX VI
Comment Jehan de Luxembourg dressa une embiche devant Alibandières et fut repoussé .par les gens de monseisneur le daulphin.
Ne demoura gaires après, sur la fin de quaresme , que messire Jehan de Luxembourg , cinq cens combatans avec luy, par eommimdement de son maistre le duc, n'allast faire une fierte devant une place très forte nommée Alibandières, à six lieues de Troyes, qui beaucop donnoit à souffrir au pays dudict duc et à ceulx de son party, souverainement à toute la Champaigne. Si mist ledict messire Jehan partie de ses gensen une embuche assez près dudict lieu, et avec le remanant tira bien fièrement sur espoir; et ceulx de devant, d’aucune aventure, partirent dehors pour les venir ruer jus; et par celle manière , les autres assis en l’embuche , bien propre audict cas, vindrent copper le chemin aux saillans par derrière et leur empeschoient le retour ; mais eulx saiges n’esloingnèrent oncques leur fort, et se doubtoient assez de ce qui estoit; et tant seullement vuidans un peu barrière soufsrireut vaillimment à recevoir l’orgueil de
GEORGE CHASTELLAIN
leurs ennemis et de beaux cops de jances.
Les aucuns à pié , les autres à cheval bien montés soutindrent maintes dures envahyes, tellement que ledict de Luxembourg tout enfely sur eux, ainsi que en tel affaire il fault remouvoir souvent et se monstrer, en la fierte de son cheval , sa selle se fendist toute parmy le mylieu et chéy jus tout plat à terre bien aventureusement ; mais prestement relevé de ses gens et secouru n’en receut aultre dangier pour celle heure ; ains fellement , sa lance en sa main, tout de pié, alla combatant à assaillir les daulphinois et leur monstrer couraire et vertu de haute chevallerie , certes dont il estoit plain et bien congreu pour tel. Si fut la meslée aigre assez et dure, et l'effort à deux lez rude assez à soustenir, espéciallement à ceulx de dedens, qui, du moindre nombre que avoit ledict de Luxembourg, car oncques nese bougoit l’'embuche forcéement, se souffroient rebouter en leur boullevert, qui estoit fort durement et périlleux à s'approcher. Toutesvoies non espovanté de riens, fait vuider son embuche ; et, à grand batures de trompettes et de cris, se vindrent planter auprès du boullevert, et commencèrent roidement à assaillir ceux de dederts et rampèrent contre mont. Les aucuns combatoient main à main , autres tiroient de traicts sur eulx, si fellement que à paine nul s'osoit descouvrir ; et tellement que après longues et valereuses deffences, qui ne polt à riens servir pour celle heure , il feut force aux daulphinois de eulx retraire en dedens leur fort, abandonner leur boullevert ou estre tous mors et peris, car gaignié fut sur eulx et prins, et mis en fer et en flamme devant leur nez. Laquelle chose toutesvoies n'estoit pas sans adommaigement grand des assaillans, car pluiseurg certes y avoit de bleschiés et de bien mal adoubés. Et pour ce que ledict de Luxembourg, pour celle heure , ne pouvoit autre chose faire à ladicte place d’Alibandières que ce qu'il en avoit faict , print arrière son retour à Troyes vers son maistre le duc; et là avec les autres princes et grands seigneurs se prépara à la réception du roy anglois, qui temprement debvoit venir, et y faisoit-on de grands aprestemens pour le recevoir et pour lui faire Îa solempnité de ses nopces.
