CHAPITRE XXXWVIIL

Comment le comte de Ligny fut blessé à une seconde attaque devant Alibandières.

Aigrement portoit ce jeusne duc bourgoingnon les plaintes et doléances que les Champenois faisoient tous les jours de la place dessus devisée, Alibandières, et que à sa confusion elle luy estoit voisine et donneroit mo-

CHRONIQUE DU DUC PHILIPPE. Ai

leste, combien que le comte de Ligny, comme il a esté dict cy-devant, par son commandement s’estoit assayé de la traveiller et de l'emporter, mais non à souflisante compaignve.

Parquoy maintenant conclud et arresta entièrement de la maistrier et prendre sur ses ennemis. De rechief y renvoya ledict comte et Pierre de Luxembourg son fils, comte de Conversan et de Brienne , avec pluiseurs nobles et vaillans chevaliers, capitaines, ungs et autres de grand nom, comme le mareschal de Lille-Adam , le vidame d'Amiens, le seigneur de Croy , Hector de Saveuse , messire Mauroy de Saint-Légier , le bastard de Thian et beaucop d'autres, pour mettre siège ferme à tout bon escient. Or, avoient ceulx de dedans réparé arrière et fortifié leur bollevert , autresfois prins sur eulx et brullé , et deboutant l'orgueil de leurs ennemis l’avoient fuit plus fort et moins prenable que ne fut jamais.

Aussi leur faisoit bien besoing, comme cyaprès sera dit. Lesdicts seigneurs doncques venus audict lieu et regardans le bollevert, qui autresfois avoit esté anéanty et maintenant à riens , si fort et si deffensable pour la première euvre , avisèrent estre nécessaire seullement de contendre à ravoir ce bollevert , et de l'assaillir le plus fellement que l'en pour

roit, car force estoit de s’y aventurer et d'y prendre sa fortune. Si n'y ot cely qui ne se monstrast à l’entreprinse couraigeux et à baude chère. Si se disposa chascun à son devoir, et sans barguigner ne doub'er les perils, vindrent tous à ung flot à trompettes et eschelles eulx ruer au piet du bollevert ; et là, comme autresfois avoient monté et rampé contre mont et prins ledict lieu, encoires cuidant l'emporter semblablement comme lors, montèrent arrière et combatirent très asprement, main à main, l'ung contre l’autre, et monstrèrent couraige à deux lez de grand vertu. Aussi, nécessité les constraindoit chascun d'eulx d'estre vaillans, à l'un pour 80y délivrer tost du péril par victoire , à l'autre pour sauver sa vie et son honneur , et à soy deffendre. Sy n'est pas à racconter les armes et haultes vaillances qui y furent donnés, et les playes qui y furent receues ; et entre les autres , ung nommé Henry d'Escauffour, bien vaillant escuier et très adroit homme , COm-

batant en eschielle et y monstrant de haults fais, comme fortune luy vouloitestre ennemye, fut féru d'une lanche au vuide de son harnois de jambe , au jarret bien parfont, delaquelle playe affollé et tout impotent, en briefs jours après morut et trespassa, en belle cognoissance de son créateur ; qte dommaise fut et grand perte à ceulx de son party. Et ledict comte de Ligny qui très aigre .ut à ceste besoingne, et meismes ung des plus avant en péril, advint, ainsy que une fois il vouloit regarder par dehors le contenement des deffendeurs , par une fente entre deux pièces de bois carpentées non bien joinctes, que ainsi qu'il avoit levé sa visière pour mieux les veoir , vintung qui s'en apperceut, et celéement d'une lance le vint enferrer droit au dessoubs de l'œul, et en demeura privé toute sa vye, que dommaige fut. Et encoires pour plus lui attrister le couraige , l'aventure portoit ainsy que son estandart, mis à plus près du bollevert pour espoventement des enclos, fut saisy aux mains et tiré par force, et de si près que les ennemis le coupèrent jusques au plus près du fer. Dont, avec l'amertume de sa playe, il prenoit plus cuisance de couroux et en fondoit en annuy. Si fallut pour celle heure que l'assault cessast , et que les assaillans se retaissent pour le meschief de leur capitaine ledict comte ; mais ce n'’esloit pas sans grand perte et meschief de leurs gens qui beaucop y estoient mors ou durement bleschiés.