CHAPITRE XXXIX

Comment après un dur assaut les hommes d’Alibandières se rendirent, leur vie sauve tant seulement.

Ceste adventure advenue ainsy, le comte de Ligny pour estre mieulx pansé à son appertenir fut ramené à Troyes. Et demoura son frère le comte de Conversan et de Brienne, conduiseur de l'ost avec toute la noble chevalerie qui y estoit venue avec son fils bieschié. Si se loga tout l'ost entièrement autour de ceste place; et y mirent siège ferme, et pour faire euvre de brief exploit, aflustèrent tout autour du chasteau toutes manières d'engins et de bombardes pour les batre et mortellelement traveillier; car beaucop en y avoit à qui durement cuisoit la perte de ceulx qui

GEORGE CHASTE"*LAIN

estoient demourès. Si contendoit chacun à s'en vengier ou en Ce lieu meismes recevoir mort. Pärquoy, comme il est tout cler que couroux est inatère d'aigreur et de felleté, certes ledict comte de Conversan, par revenge de son frère, fitcontinue!lement batre la muraille tout alentour, et ne leur donna respit d'une heure de jour pour reprendre à paine leur alarme ; et tellement les mist à l'extresme paour, par traveil et par estre tout au descouvert en leur fort, qu'en la necessité du péril non eschappable, ils demandèrent parlement ; lequel par oppinion de principaulx leur fut accordé, mais non encoires pour celle première fois rendant prouflit. Dont quant les assiégans virent la chose tourner à néant , et que les parlementeurs jà estoient rentrés en leur fort sans rien faire, soudainement et sans ordonnance de leur chief, tout enfellis, partirent atout eschielles, passèrent les fossés aux murs et aux tours deschirées , et montèrent dedens chascun en son lieu, nonobstant toutes possibles résistences et plus que possible des autres. Et de fait, en une des tours montèrent bien jusques au nombre de soixante hommes, cuidans y avoir fait grand acquest, mais non firent; l'avant passer leur estoit presque impossible, tant y avoit mis fortiffication à l'encontre; et aussi se deflendirent si vaillamment ceulx de dedens et y mirent si aigres resistances corporelles par armes que force y estoit d'en vuydier. Si dura cestui àssault dur et terrible par l'espace de huit heures, au coust de maints hommes de hault pris qui y moururent à deux lez; et cessa pour cellui jour à tant d'exploit. Dont le lendemain les assiégiés doubtoient arrière estre rassaillis, comme de fait ils eussent esté , car ne tendoient les Bourgoingnons que à les prendre oultre , et pendre après ou tuer. Certes demandèrent traictié et offrirent de rendre la place, sur condicion seullement d'avoir leur vie sauve et de vuidier à piet ung baston en leur main. La quelle chose à dur toutesvoies leur fut accordée finablement ,et en ce point vuidèrent la place et s'en allèrent à Mouniez. Et furent leurs biens dissipés et pilliés par les entrans, la place toute arse et démolye , et puis après se retrahy chacun et print son retour vers Troyes où il s’alla lovier et à l'environ.