CHAPITRE XL
Comment les Bourguignons furent contraincts de se retirer avec perte de devant Coussy.
En assez briefs jours après, aucuns des capitaines principaulx de cestui ost, comme le vidame d'Amiens, le borgne de Fosseux, chevalier, le seigneur de Stenhuyse, Hector de Saveuse , et autres en nombre de trois mil combatans , du gré toutesvoies et consentement de leur seigneur, prindrent congié de luy et, après bonne et longue saison persévérée, se mirent en chemin pour eulx retourner en Picardie et ès marches de leur manoir. Et en furent advertis, disoit l’en, les dauphinois , qui en bonne et convenable puissance les aguettoient en aucuns passaiges, cuidans les devoir repasser par là ; mais saigement conduits et instruits de leur entreprinse prindrent leur retour par ailleurs en lieu saulf, sans nulempeschementne encombre jusques leur païs ; et le remanant des capituines demorés comme le seigneur de Lille- Adam, le seigneur de Croy, de Longeuil, le seigneur Mauroy, le seigneur de Saint-Lépier , Baude de Noyelles , Robert de Saveuse , Robert de Bruney et pluiseurs jusques au nombre de six cents combatans, le duc bourgoingnon les tramist en Auxerois pour subjuguier aucunes places contraires. Dont, après la prinse de pluiseurs, et une ville nommée Coussy réparée maintesfois par le seigneur de la Trymouylle et fort envenymée au party des Bourgoingnons , à poinct de jour, devant soleil levant , aprestés de tous habillemens nécessaires pour faire exploit, vindrent jusques au plus près dudict lieu ranger et ordonner notablement et en manière de gens de bien ; et là, sur la délibéracion prinse entre eulx, firent de nouveaulx chevaliers bonne quantité, et de grands seigneurs comme le seigneur de Croy, Euther son fils, depuis ung très espreuvé chevalier de grand fait, Baude de Noyelle et Lyonaet de Bournonville et autres, et par la main du seigneur de Lille-Adam, mareschal de France. Et cela fait, tous d'ung couraige asseuré tirèrent jusques aux murs et passèrent les fossés. Les aucuns autres estoient encoires
au mylieu atout leurs eschielles prests à dreschier, et firent semblant de vouloir aigrement assaillir ladicte place. Et de faict y estaient jà montés les aucuns jusques en hault des murs, quand ceux de dedens bien esbahys par aucunc espace les perceurent. Après couraige reprins, aigrement se mirent en deffences ma: nuelles ; et tant s'acquitèrent que les reboutèrent en arrière d'eux, et les chassèrent très asprement hors de leurs fossés, pour cause du trait qui y voloit mortel autour d'eulx ; mais les entrepreneurs non esbahys pourtant à celle première faillie , espérant de recouvrer la seconde envahye, se logèrent tout à l’entour dudict lieu de Coussy; et là feirent grand nombre d'eschielles, avec plusieurs autres habillemens nécessaires pour assaults. Le troisième jour ensuyvant recommencèrent l'assault arrière ; et en manière qui est assez sceue comment on y va, se exposèrent tous ardamment au péril, et en quérant le dangier d'autruy et ruyne meismes se boutoient. Beaucop en y avoit en gros meschief ; car aigres cstoient durement et fëls les enclos; et par l’oultrageuse vaillance des assaillans nécessairement constrains meismes à estre mortels. Si le monstrèrent assez celluy jour, car beaucop en tuèrent , et misrent en mauvais point pluiseurs; entre les autres un nommé Ogier de Saint-Wandrille , gentilhomme d'armes, et ung autre nommé Tabary, capitaine des bri
gans surnommé. Quand doncques le dommaige de tant de gens morts, avec la difficulté d'avoir la place par nul assault , estoit bien considérée entre les entrepreneurs, qui arrièreseretrouvoientfellement deboutéscomme devant, la tierce fois ne leur sembloit pas bien conseillable, sinon à trop grand perte et autre trop grant meschief, et encoires non estre certain de victoire. Mais survint soudainement nouvelle en l'ost que les ennemis leur venoient au dosles combatre, et les atrapoient entre l4 place et eulx en leur logis. Parquoy le mareschal de Lille-Adam et tous les autres désirans à prendre l'honneur devers eulx, etmeismes aler au devant de leursennemis les quérir en barbe, montèrent à cheval et chevauchèrent toute nuyt pour les trouver. Dont au matin bien tempré, eulx advertis qu'ils s’estoient retraicts en une forte eglise à deux lieues près d'Auxoirre, ti-
GEORGE CHASTELLAIN
rérent celle part; et de fait eulx venus là, les ! Sainct Denys et emprès au port de Charenton,
assiégèrent bien estroit; et par leurs engins mandés et empruntés en Auxoirre, avec noblesse et vivres, leur firent de l'annuy beaucop et de grant grief, car secours n'avoient de nul lez, ne de vivres, ne d'autres choses; dont il fallut que en dix sept jours après, eulx qui meismes estoient menasseurs se rendirent vaincus à demourer prisonniers pour ranchon, seullement leurs biens sauves. Et fut la foruflication de l'eglise toute démolie par les vaincucrs , qui joyeusement assez s'en retournèrent vers leur seigneur arriver à Troyes.
