CHAPITRE XLVI
Comment la ville de Montreau fut prinse de force par les roys anglois et françois , furs le chasteau
Par aucuns jours se logea la seiynourie dedens la cité de Sens ; et y fut remise nouvelle garnison par l'ordonnance des roys et du duc. Si advint que , pendant ce temps que tous y estoient, que maistre Eustace de Latre, chancelier de France, ayant tout son temps esté principal conseillier du duc Jehan de Bourgoingne, cheut en une maladie, dont il s'allita et assez tost morut après ; par quoy maistre Jehan Le Clerc, président en parlement , fust estably en son lieu et constitué chancellier au meismes lieu de Sens. Et cela faict se deslogèrent de Sens par commun accord et tirèrent vers Montreau, sur l'entrée du mois de juing, à intencion de y mettre le siège , comme ils firent de faict. Car moult avoient la dent sur ladicte place les deux roys, et souverainement le duc de Bourgoingne, pour cause du piteux faict qui y fut commis. Et y avoit aucuns dedens des adhérens des conspirateurs , ce disoit l'en, de la mort du duc Jehan, entre les autres, messire Pierre de Guitry ,. capitaine du lieu, accompaigné de quatre à cinq cens bons combatans, pour garder la place pour et au nom du daulphin leur maistre, que pleut à Dieu ores que jamais ne fut veue , ou que luy meismes, par desplaisir et vengance du cas advenu, l'eust abimée et confondue plus tost que de garnir de ses gens. Or en alla autrement, comme il parut, car ceulx qui estoient dedens très aigrement et vai'lamment se deffendirent contre les survenans ; et en la première approche qu'ils, firent , cuidans mettre leur sièye , en tuèrent et bleschèrent beaucop de leur trait et canons ; et entre les autres, que grand dommaige fut, messire Butor oxsard de Croy, très vaillant chevalier à merveilles y fut bleschié à mort. Ne fault demander de ceulx qui bien se monstroient ne de dehors :
ne de dedens; car tant y avoit de vaillans hommes d'uns et d'autres, François, EYir-
AG
üinguer de leurs faicts , pour la grandeur du nombre qui en avoit trop. Aussi le siège y demoura si bonne espace que chacun endroit soy qui avoit cuer de soy monstrer trouvoit tous les jours occoison et lieu assez pour acquérir los. Si advint que le jour saint Jehan Baptiste , aucuns Bourgoingnons et Anglois, par desplaisir couvert qu'ils avoient que ceste ville si longuement se tenoit, sans avoir revelé leur couraige à nul des chiefs ne princes, ne capitaines, en petit nombre s'emblèrent de l’ost et partirent à trois ou quatre eschielles ; et vindrent et passèrent les fossés , et en dressèrent une seulement; et à tant qu'ilen povoit monter dessus, entrèrent dedens, et se tindrent sur les murs, vaillamment, sans effroy ne paour de mort, combatant main à main à ceulx de dedens à merveille, périlleusement et en mortel dangier. Laquelle chose si tost que ceulx de l'ost l'apperceurent, subitement, comme si la fouldre fust venue férir sur la ville, vindrent heurter et cheoir sur les murs atout leurs engins, eschielles et bastons mortels, montèrent sur les creneaulx, assaillirent la ville à tous lez, et tant vigoureusement y persevérèrent que, voulsissent ou non les enclos, ils entrèrent dedens; et en fureur, sans en avoir nulle pitié , ne regard à finance, en tuèrent grand nombre. Dont . ceulx qui povoient eschapper de ce dangier assez bon nombre, se retirèrent vers le chasteau , place moult forte, cuidans le recouvrer assez à temps pour leur sauveté , premier que estre rattains ; mais leurs ennemis vaincuers les poursuivoient, de sy près etsirudement que,en
la chasse et passant le pont entre la ville et le
chasteau , là où les fuians se cuidoient deffendre pour la rade et mortelle poursuite que l'on faisoit sur eulx, pluiseurs que, à recullon, que en dos tourné , cheurent en la rivière de hault en bas, de haste qu'ils avoient, et se noyérent ; et le remanant qui se povoit sauver se bouta au chasteau, excepté dix-huit ou vingt que l'on print, gentils-hommes la plus part; desquels ceulx qui estoient dedens retraicts le chasteau moult se desconfortèrent, et enfurent plus que esbahys, car c'estoit la fleur de ces gens en vaillance , en conseil et en tout.
GEORGE CHASTELLAIN
goingnons et Anglois que la gloire n'est à dis- !
