CHAPITRE LXIV

Comment la duchesse Jacques s'en aa ae Valenciennes

avec le seigneur d’Escaillon , et s’embla à refuge en

Angleterre.

En la comté de Haynault y avoit ung chevalier nommé le seisneur d'Escaillon , lequel tout le temps qu'il vesqui avoit esté Anglois en couraige , et favorisoit leur party devant tous les autres du monde. GCestuy seigneur d'Escaillon avoit de tout temps eue singulière et secrète habitude avec sa naturelle dame et princesse madame Jacques, comtesse de Haynault, dont nous faisons mencion ; et avoit entre eux beaucop de couverts entendemens er de faintises, que plusieurs autres ne povoient atteindre ne cognoistre. Sy s'estoit ceste dame mainte fois complainte audit d'Escaillon de son estat et de ses féminines secrets, avec ce que lui meismes, quiestoit homme clervoyant et subtil, y povoit congnoistre et appercevoir, et réellement de long temps y avoit vu et congneu , c'estoit que elle, qui estoit jeusne et gaye, et grant héritière, avec grâce d'estre mariée à ung hault prince et jeusne d'ans, elle vivoit et kanguissoit cn mortel desplaisir, et n'avoit ne paix, ne amour, ne soulas

en mariage, ne utile fruit de gouvernement.

en son mary, dont le bien publicque et le prince aussi ès pays d'elle s'en portèrent de

comme honteulx et confus ; de ce cas fit sa | pis, ce sembloit et vray fust. Si advint, comme

SU plusieurs fois, presque tous les jours, elle s'en devisoit avec ledit d'Escaillon , ets'en subimist à son opinion et conseil, que une fois lui mist au devant que , en délaissant mère et mary el tout son parentaige, elle se vouldroit embler et s'en aller hors de voye , souverainement en Angleterre où son affection estoit plus que ailleurs, pour ce que ledit d'Escaillon l'avoit pu enhorter à choisir ce parti, comme il fait bon à croire.

Quand le seigneur d'Escaillon entendi la délibéracion de sa dume , donc il n’estoil pas courrouchié, mais très joyeulx ; et avec le désir qu'elle y avoitencoires, y boutale feu plus et plus; et lui mectoit au devant les honneurs et richesses et les baultes magnificences d'Angleterre , avec les renommées et vertus d'aulcuns princes d'icellui royaulme, frères du roy et encoires estans à marier. Certes il conclut secrètement avec elle, que quant elle se vouldroit eslongner et soustraire de son mary ,ilentreprendroit la remener hardiement - et de la conduire soubs son traveil , et seroit à CGalaix, premiers que nul peut estre sauroit que elle seroit devenue ; mais, pour à ce parvenir, conseilloit bien que elle se faindist encoires, ct qu'elle ne fist de riens semblant, jusques au point et à l'heure qu’elle povoit jouer son tour.

Or est vray, que ceste dame Jacques estoit venue rendre plaintive, comme vous avez OY dessus, chez la douagière de Haynault sa

mère , qui demouroit au Quesnoy.Si se tint

là avec elle par assez bonne espace, comme dame et héritière du pays , et ne se vouloit, pour prière de mère ni d'aultre , partir de là ne faire retour vers son mari le duc de Brabant , ains avoit une autre imaginacion et une autre emprinse en cuer, dont nul ne se donnoit garde. Si advisa ung jour d'enhorter sa mère de venir jusques à Valenciennes, une ville qui luy estoit fort aymée , et de aller là jouer et esbatre , et visiter ses subgects et les notables bourgeois qui moult la desiroient à veoir. La mère, qui ne pensoit à riens, lui complut bénignement et y alla. Et après estre reçue honnourablement et festoiée , elles y firent aucun gracieux séjour, pendant lequel h fille, daype Jacques, ung jour vint dire à sa mère qu'il luy estoit prins envie d'aller veoir

sa ville de Bouchain, une villette située et. assise assez près dudit Valenciennes ; si luy prioit qu'elle se tint à contente pour l'abandon ner, pour une nuyt ou pour deux, et le lendemain, ou le tiers jour au plus tard, elle retourneroit sans nulle faulte devers elle. Sur ceste promesse, et devises faites entre elles deulx ,. elle se party de la ville de Valenciennes ungbien. matin, et menoit seullement une privée compaignie très petitte. Or avoit esté le seigneur d'Escaillon, dont on nese doubtoit, ung jour ou deux devant audit Valenciennes, etavoient eu beaucop d'estrois consaulx ensemble , comme autres fois soloient avoir, sans suspicion; car ne cuidast-on jamais que telle matière se fust forgée entre eulx. Dont il advint que cellui beau mattin que ceste dame s'estoit partye et mise en chemin, faignant de vouloir aler à Bouchain, le seigneur d'Escaiilon se trouva sur les champs avec environ soixante combatans ; et droit où ceste dame, sa princesse , venoit, passant son chemin, il vint férir de costé, et Ja saluant humblement , se mist en sa compaiynie ; et, comme qui sçavoit ce qui estoit de faire, commença tantost à traverser chemin et à changier le train encommencié, tousjours gracieusement devisant ; et tellement exploitèrent, que cellui soir ledit d'Escaillon la mena gésir au Dam ; et le lendemain bien matin se levèrent, et d'une tire s'en allèrent jusques à la forte ville de Calaix, en laquelle, sitost qu'ils furent arrivés , il leur estoit bien advis qu'ils n'avoient garde de poursuite, quelle qu'elle peut estre. Si fut ladite dame , avec sa compaignye, receue honnourablement, et bien

venue du capitaine et des seigneurs anlois

aucuns qui y estoient, et estoient assez adverts , comme il fait bon à croire, à sa venue, par le sire d'Escaillon, qui avoit practiqué ceste œuvre d'ung costé et d'aultre.

Quant madame Jacques se veit ainsi à Calaix, eschappée des mains de son mary, dont ne lui chailloit gaires du retour, puisqu'elle avoit

mis le pié en l'estrié, pensez que moult se te-

noit à aise ; et faisant là aulcunement son séjour , jusques elle recevroit rapport du roy anglois, là où elle avoit envoyé pour savoir si elle pourroit venir devers luy , souvent monta sur les murs du havre, et regardant au travers de celle mer tout au plus loing , ses yeulx

s'esclairissoient souvent sur ces dunes angloises que elle véoit blanchir de loinys, puis sur le chastean de Douvres, là où elle se soubaidoit estre dedens, car lui tardoitbien à estre si longuement absente de la seignourie que tant desiroit à veoir, et dont cestuy d'Escaillon l'avoit tant informée. Si ne véoit batteau singler par mer, ne voille tendu au vent, que elle certainement n'esperast estre le rapporteur de sa joye, c'estoit cellui qu'elle avoit tramis devers le roy anglois, un chevalier comme apris de Hollande, nommé messire Gérard de Polgheest, lequel, avec deux aultres dudit pays de Hollande, gentils-hommes bien nés, mais de tout temps du parti des Oncs, et l’estroit secret et conseil de leur dame et princesse, s’estoient joings avec elle, et avoient esté practicqueurs conseilliers avec ledit d'Escaillon de cestuy voyaige, qui n'estoit guaires prouflitable ne bonneste , ne pour ung ne pour aultre aussi ; et elle et ses conseilliers le compareront cyaprès assez, comme vous Orrez, quant ce viendra à déduire la matière en ces propos et certains lieux tantost , quant une dure et mortelle guerre en naistra , par laquelle elle en sera expulsée et deboutée de son héritaige, et ses adhérens , et mise soubs la dureté de

contraire fortune , longuement et presque tout

le cours ‘de sa vie ; dont cestuy d'Escaillon, messire Gherard de Po:legheest, Gerard d’Assedelft et messire Jehan de Wassenare, furent cause et conduiseurs principaulx, cuidant bien venir à aultre fin que ce qu'ils trouvèrent, là où Dieu pourveist salutairement, et bien à point pour plusieurs pays, loing de leur cuidier.

Ce chevalier hollandois, arrivé à Londres, et annonçant au roy des Anglois la venue de sa dame à Calaix, tres:bénignement fut receu du roy; et pour l'amour de sa maistresse dont la venue luy estoit moult joyeuse , luy fit faire honneur et bonne chière , et le fit très bien aiser et penser ; et à chief de deux ou trois jours , après avoir délibéré sur une telle advenue, là où il véoit ung grand acquest, courtoisement le délivra , et le fit retourner à Calaix vers sa maistresse, à laquelle il mandoit : que très bien elle fut venue en son royaulme , et que à grant joye la recevroit,

et ne vouldroit espargner ne son povoir ne son amour en riens qui luy fust besoing. Si se party ledit chevalier atout sa responce, et prestement vint à Calaix, où il trouva celle la quelle il aymoit beaucop, etluy fit larelacion du roy anglois , telle comme vous avez oye, qui moult certes luy aggréa. Et prestement commanda aux maronniers de mectre à poinct leurs nefs, se mist en mer avec sa famille , et s’en alla rifflant ayant le vent vers Douvre, où beaucop de seignourie ang'oise l’attendoit, et entre les aultres, chef principal, le duc de Glocestre , frère maisné du roy , qui encoires n’avoit eu jamais femme espousée. Lors arrivèrent les nefs au havre , et la dame descendi audict lieu ; auquel, tantost après les honneurs et srracieux bienviegnans fais entre le duc et elle, monta sus son pallefroy , et errant print son chemin vers Londres, où le roy l'attendoit. Sy ne vindrent pas celluy soir, mais le lendemain y arrivèrent de bonne heure ; et s'en allèrent ledit duc qui la conduisoit et elle devers le roy, qui moult bénignement la reccut, et luy fit des honneurs et des réverences bcaucop, pour ce que grant princesse estoit, et daulphine jadis deViennois, en attente d'avoir esté royne des François.

Après toutes gracieuses manières dont lung et l'aultre estoit bien instruit, se offrit à elle à tout et en tout, et lui présentoit son povor et son avoir envers tous et tous ses contraires où qu'ils y fussent. Se la laisserons en cest estat, jusques à ung aultre lieu cy-après, à où le temps me donra occasion parler plus amplement de ceste matière.