CHAPITRE LXV

Comment le daulphin, ls du roy Charles, fut ajourné à Paris. et exhérédé de la couronne de France

Vuydant donc de ceste matière de Haynault, qui n’est pas encoires en son propre lieu pour estre traictée, il fault venir au recouvrement d’aulcunes choses oubliées, dignes toutesvoies de recitacion; c’est comment le duc de Tourraine, daulphin de Viennois et fils du roy Charles, avant le partement du roy anglois et du duc de Bourgoingne de Paris, füt appellé et crié à haulte voix de comparoir,

personnellement ou souffisant procureur pour {uy, à la table de marbre. A laquelle vocation faire, estoit la justice royalle bien et deuement garnie des personnes et solepmnités qui y appartenoient, et qui y ont eslé acoustumé de tous temps , comme le cas le requerroit, bien considéré que les parties estoient toutes deux royalles et excellentes personnes de

grant et merveilleux poix, a justice d’en

condemper nulle, si non par le droit, ex

trême bout de riguer et d'appertenir. Si est ‘ vray que ledit infortuné daulphin, souillé d’autruy mauvaistié , ne,comparu point à 1adite vocacion , ne personne pour luy, car estoit ès marches de la rivière de Loire et par deçà. S'il ne se fust trouvé puissant pour resister aux deux puissances ses contraires, il y faisoit mal sain pour luy; car, fait à craindre, on luy eust donné à souffrir ou par justice ou par voye de fait, et souverainement aulcuns ses plus prochains, nommés ou déclarés en ladite appelacion, acteurs et conseillers de la mort du duc Jehan. Et pourtant par juste définitive sentence , et pour ce que la chose estoit toute notoire et bien sceue , luy et lesdits acteurs ses adhérens, par vertus ‘et puissance royal, et de plaine et entière court deuement procédant, furent bannis et expulsés hors du royaulme de France, sur paine capital, et jugés indignes de succéder à toutes seignouries présentes ou venir, et mcismes de la succession et attente qu'il avoit à la couronne de France dont, par droit naturel, il devoit estre héritier, après le trespas du roy Charles son père ; duquel bannissement certes les Parisiens pluiseurs en y avoit qui le craindoient, se resjoyssant beaucop, et désiroient jamais son retour ou son reliefvement, et espéroient bien à vivre en salut soubs la main de leur commun ennemi conquéreur.