CHAPITRE LX VI
Comment Lille-Adam fut envoyé prisonnier à la Bastille Sainct-Anthoine ; et comment le roy anglois se montra “ur envers les François et Bourgoingnons,
Ne Sçay maintenant s'il vous souvient comment durant le siège de Melun, je parlay na- Gaires comment le roy Henry monstra sirne
GEORGE CHASTELLAIN
[1420] d'indignacion au seigneur de Lille Adam , et comment après ledit siège passé, luy estant à Paris, il luy osta son office de mareschal, donnant voye lors et descouverture à son maltallent longuement porté. Lequel Lille-Adam toutesvaies estoit ung très vaillant chevalier et preudhomme , et non attaint jamais de reproche. Or maintenant quant ledict roy anglois a repassé la mer et s'est retrait en son royaulme d'Angleterre, et que le duc des Bourgoingnons , qui léallement aymoit ledit Lille-Adam, son serviteur, s'estoit eslongié aussi et retçait en ses pays de Flandres et ailleurs , le duc de Glocestre, capitaine de Paris, ayant conceu les secrets mots de son maistre le roy, avant son partement, audit seigneur de Lille-Adam mist la main de par le roy, et, par une route d'Anglois, tantost le fist mener en la Bastille de Saint- Anthoine.Si advint, ainsi que la voix couroit avant la ville que Lille - Adam estoit prins!, par grand nombre de communes s’eslevant à hacques et à macques, cuidant le recourre , et oster par force aux Anglois, vindrent au devant de eulx, environ six vingts
| archiers ; et atout leurs arcs entésés, et traiant
| en eulx mortellement jusques aux pennons,
vindrent férir au travers, et de fait les rechassèrent confusément en leurs hostels, et en ammenèrent ledit Lille-Adam, voulsissent ou non; que moult leur deplut toutesvoies, car moult l'aymoient de tout temps, et souverainement pour ce qu'il estoit au duc de Bourgoingne. Si fut mis en la Bastille, et y tint sa prison durant la vie du roy son ennemy, lequel, n'eust esté partie cremeur et partie faveur du duc son maistre , pièçà luy eust faict coupper la teste, ou morir d'autre mort, car ne désiroit que d’en estre délivré, s’il eust peu, par nul tour.
Mais ce n'est merveille, se cestuy roy anglois print occasion de courroux au seigneur de Lille-Adam et lui monstra hayne, quant à tous certes du royaulme les vaillans et iles bons il leur estoit ennemy, et eut volu les avoir peu exterminer, ou par bataille ou par légiers occasions à prendre à pié levé soubs umbre de justice. Meismes ceulx dont il se fortiffioit maintenant sa guerre, et par lesquels il avoit régné et duré
en France , les Bourgoingnoss, il les vouloit supplanter et tenir en soubte ; et eust voulu que le nom et la racine en eust esté estaincte, afin que luy, demouré seul ainsi avec ses Anglois, eust pu repeupler et faire posséder ceste région de son meismes peuple. Et fait à imaginier, quelque semblant de fainte amour qu’il monstrast à cestui josne prince Phelippe, lequel il congnoissoit hault et de fier couraige, puissant de terres et de seignouries, et bien homme pour oser restiver au plus hault roy de la terre , et lui dire : « Je ne feray qu'à mon plaisir,» que s'il n’eust eu à faire de son alliance et de son entretènement, pour mieux bouter oultre son emprinse, il eust Youlu, peut estre, que le nom, et le corps, et tous les siens eussent esté au nombre des infortunés nobles françois, princes et aultres, humiliés et estains en son glaive , à Azincourt; par quoy certes, pour ce que plus de mors mains d'ennemis, et plus échappent de puissans et haults -Couragieux hommes, que plus vient- on à dangier et à dur, à chief de haulte œuvre. Si ne fault croire du contraire que ainsi ne soit, car qui oncque n'aima le père, le duc Jehan, pour ce que fier estoit et restif contre luy, et re le povoit faire ployer à son accord, comme il eust bien voulu, ains le redoubtoit seul pour contrarier à ses besoingnes, oncques dont n’eust si grand joye que de sa mort, pensez doncques que cil ne luy estoit de guières plus aymé , quand ille congnoissoit et véoit plus à redoubter que Île premier, ou que avec ses jeusnes ans flourissoit une merveilleuse haulte faveur de fortune, moult à redoubter et luy; de quoy il estimoit vray.
Ets’'en fust bien perceu, si sa meismes fortune luy eust été amye de longuement vivre, mais nennil ; en quoi, Dieu los! ce royaulme a esté delivré d’un dur persécuteur, et le duc bourgoingnon , son adjoint seullement par vengeance de sa dure lésion, non autrement, heureux beaucop par non avoir occasion avec le dit persécuteur de expulser son meismes pro- Chain sang, le droit bourjon de la royale séve, vray héritier de la couronne , pour la mectre en estrange main, ancienne ennemie.
O bien heureux duc icy, combien que encoires tu ignores peut estre en cestui pas ta félicité ne gloire qui noistra, quart
Dieu t'a séparé et desjoinct d'ung cruel homme qui se povoit mener à desnaturement ,et en toy laissant seul pour faire comparoir à tes injures, soubs verge de povreté et d'annuy, leur delict, que fortune se présentoit d'anéantir et de mener à terme d'entier confusion, tu, en espargne de ton propre sang, et en compassion d'un si grand grief, après ton cuer armmolly par divine œuvre , tu esrevenu à ta nature. tu as donné cès et espargne à ta fureur , et non veullant venir à vengeance possible et parmise de fortune, tu as réhérité tes expuls et dégectés ennemis; dont ta gloire se fera pardurable”au siècle "et le mérite emprès Dieu.
