CHAPITRE LX VII
La batailte de Baugy où le duc de Clarence mourut,
Et comoien que fortune longuement se .
monstrast felle aux François, en ceste advenue du roy Henry et de ses commis, et que à tous les jours on leur apportast nouvelles de douleurs en cestui endroit, toutesvoies pour non les vouloir mener à désespoir tout oulwe et à abandonnement de courage, clle laissa ung petit couler, ce semble, de sa faveur vers eulx, et bouchant l'ung des yeulx vers les vaincuers, longuement l’aultre ouvrit en doul ceur vers les coustumièrement vaincus; jà soit ce que ceste doulceur leur fust bien chièrement vendue, et, en terrible et mortel destroit, vigoreusement achetée en dure eflusion de leur sang, comme vous orrez. Il est vrai que le comte de Bocquem, connestable de monseigneur Charles daulphin de Viennois , s'estoit mis ès champs en belle et grosse puissance et intencion de Faire quelque bon exploit sur leurs ennemis, et avoit fait son assemblée en la duché d'Anjou, terre voisine de Normandie et de Mans. Sy advint que le duc de Clarencel, adverti de ceste assemblée, et pensant de rompre leur entreprinse par meismes entreprendre sur eulx, se mist aux champs aussi fort et puissant, et tant fit, que de nuyt, que de jour, il se trouva en avant des François en Anjou, premier que eulx-meismes en partissent. Lors avoit ses courreurs sur les champs, d'un costc ct
d'autre. pour apprendre de leur convine.
Si luy fut rapporté que les deux osts estoient près dé l'ung l'aultre, et que les François, en fier et bon arroy de vaillans gens, venoient tousjours avant pour encontrer Îa puissance des Anglois, tous en semblant délibérés à la bataille. Le duc de Clarence , qui estoit chault et fier chevalier, et désirant mieulx à morir, que ses ennemis eussent eu l'honneur de l’envahyr , quant il oyt que les François meismes le quéroient, s'en enfla de despit, et chaudement print une partie de ses gens, avec la plus part des chiefs de son ost, et partet s'en va bouter en l'espesse bataille des Frauçois atout sa lance qui la racontroit ; et tous les aultres qui le suyvoient joinct ensemble comme ung mur, se férirent semblablement en la presse, et donnèrent uns dur et espoventable à leurs ennemis qui estoient plus beaucop, et plus drus que n'estoient encoires les Anglois, pour ce qu'ils n'estoient encoires tous approchiés. Or estoientles François emprès une ville nommée Baugy, place avantagieuse pour eulx , car entre leur bataille et celle des Anglois, qui encoires n'estoit ap prochié, avoit une petitte rivière , laquelle il failloit passer premier que abborder à eulx, et estoit le passaige dangereux et mauvaix, et mal exploitant. La bataille estoit encom.
mencée , et la meslée commença à estre dure et mortelle, par quoy bien commencée ou mal empris n'y ot cellui à qui le repentir peust donner garrant ;mais falloit vaincre en la vertu de son corps, ou estre mort et vaincu en la dureté de sa fortune. Si ne fait point à demander se le duc anglois, qui ung peu trop chaudement entreprint, cunduisy sa chaleur et continua en aspre et valereuse espreuve de chevalier ; certes oyl, et non pas seullement en couraige de chevalerie, mais en haultesse et couraige de fils de roy comme il estoit. Car quand sa lance luy estoit faillie , et que les espées des françois chevaliers y donnèrent à souffrir beaucop sur ses gens, luy certes, comme uns tigre mortel et felle, à l'autre lez esvertua tellement son trenchant , que à maint homme noble franchois cellui jour se tira sang. Moult se porta bien aussi et très aigrement le comte de Quin, vaillant chevalier et bien à doubter. Si fit le seigneur de Ros, ma-
GEORGE CITASTELLAIN.
reschal d'Angleterre, qui encestuy affaire rua maint dur et pesant cop de ses bras, et donna maintes mortelles playes celui jour à ses ennemis. Et pendant que ainsi vaillamment combatoient et soustenoient le faix des François, à bien dure paine toutesfois, comme il pérut, les aultres Anglois demourés derrière, vindrent, file à file, en desaroy qui mieulx mieulx, et se joignirent emprès leurs gens le plustost qu'ils peurent ; dont leurs secours toutesfois gaires ne leur valut, pour ce que ils ne povoient venir tous d'une route effondrés sur les François, qui jà estoient beaucop en l'avantaige de la journée, et avoient occis largement de leurs gens les plus vaillans, meismes le duc de Clarence, parce qu'il espéroit vaincre toujours en la fierté de son cuer, et en la puissance de la battaille qui le suyvoil, en continuant ses armes et cheyaleureux fais sur ungs sur aultres aussi fiers et couraigieux que lui. Uag noble et chevalereux françois, messire Charles le Bouteillier, tenant chappeleis contre luy, à l'heure encoires que de créancer nulluy il n'estoit temps, et enfellis l'uug sur l'aultre, chacun pour mectre à fin son compaignon , le dit Charles, par dessoubs une lame, dont la charnière se rompy par force de horions, lui bouta l'espée au ventre plus d'ung piet. Et chéit le dit duc de Clarence à terre, mort de ce cop, ou de la marchure des chevaulx par dessus, car oncques à temps ne polt estre rescours. Laquelle chose le seigneur de Ros voiant, plain de douleur et de desplaisir, qui plus ne povoit sans enragier, non desirant plus à vivre que jusques à tant qu'il eust vengié ce prince, s'en vint de randon fèrant sur le dit Bouteiller, et en dure et mortelle aigreur , tant le suyt de près et se radde, que sans jamais partir de luy jusques à la mort de l’un d’eulx, il lui fit sentir le mordant de sonespée, si fellement que oncques ne se poeult deffendre que le dit Ros ne le print par la banière et le saisy au corps, et en luytant l'ung contre l'aultre lui bouta l'espée en la gorge , dont prestement il chéyt mort à terre ; mais gaires ne demoura après que le payement ne lui fut rendu, tel comme il l'avoit bailliéicy, ct furent tués le seigneur de Ros , le comte de Quin et ‘oute la greigneur noblesse des Ar
glois, parce que les François estoient trop valereux et trop puissans cellui jour, et ung peu regardés d'aucune amie fortune , en ce que leurs ennemis les avoient quis trop en challeur follement et en leur propre desavantaige, et que communément Jes Anglois ne peuvent tenir route à cheval contre les François, s'ils ne mectent pié à terre, et commen- ‘cèrent l'estrif à cheval. Quant les demourés devoient joindre à pié, à tous leurs
ares , ils n'y povoient oncques venir en.
ordonnance , si non file à file, par troppeaux, ainsy qu'ils porent passer la rivière ; et ainsi, plus en venoit, plus s’en desconfisoit par les dits François, qui obtindrent la place et la victoire du jour, à perte de leurs gens mil ou douze cens, et des Anglois , trois mil mors , avec cinq cens prisonniers, dont les comtes de Somberset, de Hontinton et du Perche estoient du nombre, moult de vaillans et de nobles hommes. Aussi morut des François, comme le dit messire Charles de Bouteillier, messire Jehan Yverie, Garm de Fontaines, messire Jehan de Passavant, messirè Jehan de Bresle, messire Jehan Tetavant, et plusieurs aultres chevaliers et escuyers de grant los qui tous ne vindrent à ma congnoissance (1).
